逸月軒

营业中

休息中

係荃新天地二期睇完戲經過見到，入去試下。因為係平日，等嘅人唔算多，等左三個字左右就有位。入到去見到茶有好多款，連玫瑰花同菊花茶都有😋👍我就叫左茉莉花茶同玫瑰花茶，茶好香好好飲👍蝦餃好食，入面有汁！最中意係菜苗瑤柱餃，每粒入面都有瑤柱！😋😋豬手都好入味👍👍👍環境坐得好！一定會再去😋🥰👍

中秋套餐，7:30 到齊人，上菜速度突然斷咗，問咗好多次，話出咗，好奇怪，明明留單，又唔認，炸蟹鉗問極都冇，最後食埋壽桃包，再追問先有得食，猛火炸，外燶內唔熟，無下次！

睇戲未夠鐘，走去飲個早茶先。睇下早茶張點心紙都有好多款式，超級孖寶每份31.8。叫左兩份就有四款點心，加兩粒蝦蛟，兩個人食飽飽。呢度用透明茶壺裝茶，仲有蠟燭台保溫。.煎釀虎皮椒，四大條，釀滿魚膠，結結實實，口感佳，尖椒不太辣。南乳炆豬手，豬手有三大件，皮厚肉較少，醬汁味濃郁，伴有花生底。鴛鴦燒賣皇，豬肉燒賣及牛肉燒賣各兩粒，兩種都爽口，大大粒幾好味。蜜汁叉燒腸，腸皮唔夠薄，有點稠身，叉燒冇咩味，呢碟係唯一食剩嘅點心。水晶蝦餃，蝦肉都算爽口，但餃皮有點黏，唔夠薄身。

見到啲食評差都諗住去試吓，點知打電話去訂位個位知客對答完全唔掂，語氣又差，又講唔到到時比唔比到枱我，所以都係取消唔去🤬，會同就邊嘅朋友親友講千奇唔好幫襯呢間野，都未遇過咁差嘅態度

一家20人慶祝👵🏻生日，選擇這酒樓為她舉行壽宴，酒樓可以安排12人共坐一圍，環境光猛舒服，每張檯相隔空間寬闊，全包宴套餐包羅萬有，食物豐富有水準，職員有禮，招呼細心，很是滿意，下次定會再來光顧

見到呢間酒樓咁多人，決定同屋企人喺呢度慶祝生日食午餐，六個人一台有兩壺茶，侍應換水都換得好，喺酒樓來講算幾難得，之前去稻香飲茶成日要等半個鐘先加到水😂 佢仲有個架同火可以燒住個茶，啱晒鍾意飲熱茶嘅老人家🧓叫咗幾樣野，叉燒腸普通唔夠滑，斑腩煲有少少鹹不過都OK，蝦球伊麵好食👍 比較特別嘅係叫咗竹炭豆腐，外皮炸得好薄，入面估唔到係蒸煮嘅滑豆腐，口感非常好😋 最後上咗個壽包普普通通就係平時食開嘅壽包。食物我覺得款式多過稻香海港嗰啲酒樓，食物價錢偏貴，都係值得再嚟嘅。不過佢嘅茶位費真係好貴，買單嘅時候嚇親，茶位費每人$12，六個人加埋成80😨

因為有12人，好難book枱。多數夠鐘就會要你走，難得開學同小朋友嘅朋友仔一齊食飯，所以就揀中菜，可以坐耐啲。上網睇過啲人話態度一般，不過酒樓多數都態度都係麻麻，唔太過分，經理都有少少黑面嘅。呢個咕嚕肉好味，一來不是炸好了，而且也有拉絲，令人有點驚喜。桶蠔唔腥，有口感，不過熟。湯真係好鹹，少少就夠啦。整體滿意，價錢唔貴，而且份量足夠，都會再幫襯。

話說剛剛新開，同老爺奶奶同老豆一齊慶祝食母親節飯。當日我地係第一枱客。初時老爺攞住左張外賣餐單，睇落都幾抵食，就問個侍應4人外賣餐可否轉堂食，個女侍應支吾其詞，話無就走左，一D介紹都無。唔介紹唔緊要，自己睇，之後係個菜牌見到個差唔多既4 人餐，我地話要。個女侍應話係唔係要，我地話係，仲有個類似經理係後面。好啦 我地乖乖地等食，10分鐘 20分鐘， 我地第一枱到人地有得食，我地連頭盤燒味都未有。一問之下， 原來未落單。 真係 火都黎，女侍應死都唔認係佢落單，經理亦都呆左，無提供過任何解決辦法。連話立即整都無講過。我地嬲到拍枱走人！到後面個女侍應同經理 仲好似唔關佢事咁死到應該係老闆既身後，唔敢出聲。我大方，仲畀埋40蚊茶錢…諗諗下真心後悔…依間咁既好唔食就唔知，面對第一枱客連落單，都唔識不如執左去算啦！

見新開就嚟試下，見到清一色服務負評都難以置信。原來！佢地真係值得擁有服務負評！2個人去飲餐早茶，就係門口禁飛攞籌。2個人就係A飛，3-4人就係B飛。知客一路都係叫B飛入去，從來無叫過A飛。期間聽到知客話：「2個人搭枱即刻可以入」但係，成間酒樓一塊防疫板都無，點叫人放心搭枱呀唯有一路等，一路等，一路等。等左好耐啦，咁就去問下知客，點解A飛一路都無叫過號既？知客既回應就係：「你搭枱即有位，唔搭就等啦。」喱個時候，有個女士拎B飛3個人，知客就即刻放佢入去坐。喱一刻真係忍唔住啦！再問多次知客，「點解人地一黎就可以入座？2個人既就一直唔叫飛？」知客用勁差態度回應：「公司政策，我都無辦法，一係你搭枱，一係你比3人茶位我咪即比你入囉。」果下真係恍然大悟！ 原來～ 唔係無位，只係歧視2人。 再問知客，點解要人搭枱又唔擺防疫板，佢都係回應：「公司政策。」終於可以入座啦，又無人帶位，要食客自己去搵枱號成間酒樓咁大，點知張枱係邊呀？除左茶錢，仲好意思收加一服務費。 呸！搵枱既過程，望左一望成間酒樓，原來2人枱同3-4人枱都係同一張枱，2人枱就方形，3-4人枱就係4邊開返摺位變圓形。開2人枱既數少之又少，數落

等位勁奇怪，15分鐘內去左3x位，但到我地時就等左2x分鐘先有，仲要係搭枱。個知客話唔搭枱要等好耐，但轉頭就嗌下一張飛等佢哋自己一張枱😡入到去連枱都未執，等咗15分鐘先有人執嘢。啲嘢食上得都ok快。最奇怪嘅係食完找數唔俾counter埋數，一定要返去嗰張枱等，等個經理慢慢逐張逐張枱咁去埋數。全部人企曬喺counter都仲要我哋返去等，我早啲離開張枱等佢快啲做生意，佢都不滿！就算見到張單，佢都要我返去等，同佢周旋個經理發脾氣，先肯同我埋數。總括嚟講，呢度啲服務真係好差！從來都未去過一間咁差嘅服務嘅酒樓，連屋邨酒樓都唔會咁差啦！Blacklist forever 😡

今日去荃灣逸月軒食午飯, 中午12點15分到達攞籌, 107號籌, 當時叫緊92號籌, 落商場行咗10分鐘返轉頭仍是92號籌; 我再行去如心廣場, 大約12點50分返轉頭, 已叫到104號籌, 心諗好快到我啦, 怎料半小時都冇叫過, 但期間知客有放人入去攞枱. 咁我開始留意知客的舉動, 期間沒有叫籌號, 但知客會在自己枱頭電腦打印張紙仔俾冇籌的客人入去攞位, 我就向佢質詢, 佢話張紙仔係枱號. 到1點50分左右就輪到我, 知客在我張籌上寫枱號叫我入去攞位, 此刻我恍然大悟, 原本熟客的話, 到場時知客會即時打印張枱號紙入去攞位, 生客就自己掀籌號慢慢等.我入去坐低開咗茶, 叫埋食品就剛好2點下午茶時間(我係正價收費), 真係無下次幫襯衫!!

有老有嫩，分兩枱不方便。在附近公園玩完，趁新開，又可一枱，就試吓。去呢間酒樓係星期日晚餐時段，食物選擇非常多，價錢亦都相宜。有新開張優惠。廚房出品質素都好好，性價比高。唯獨係服務。完全冇客戶服務可言，由帶位到開茶到落單到跟單到埋單都唔掂。後加了一個餸，遲遲都未到，跟咗三次都冇下文，最後要去收銀嗰度叫佢印張入單記錄確認入咗單。總括而言，食物質素係可以，CP高，我會再去（環境、地點）。係要有心理準備冇服務可言。

食物質素可接受 服務勁勁勁勁差 客人編排座位， 上手客人未離坐以編排起後面等候 四圍仲有大量空枱都唔畀客人 ， 店舖雖然新開張但服務返回70年代酒樓服務 如要幫襯坐喺度慢慢受氣今時今日畀錢幫襯仲要受氣自己考慮

難得入到荃灣，openrice搵酒樓時就搵到呢間似乎係新開的酒樓，於是就試試。一問先知道假日無下午茶的。這次共點了9個點心，一壺鐵觀音及普洱。茶就不過不失，鐵觀音若可再濃一點就更好。至於點心方面，整體都覺得頗為滿意，熱騰騰係好關鍵的一回。特別欣賞的是馬拉糕及叉燒，前者密度高，用手撕開時很有層次，味道偏甜不過很好食；後者並不是半肥瘦叉燒，但是很林很入味，喜歡吃偏瘦叉燒的本人就非常驚喜，起碼不會很鞋又攝牙，而且係厚切！如果可以大碟d就更好～另外炸物類點心都是新鮮炸起，吃不出是翻炸的味道，蘿蔔絲酥卷尤其好食，鬆化得黎蘿蔔絲係燙口的不過流心奶黃包就似乎比一般酒樓的細小，而流沙奶皇餡不算多，整體味道還好。總結：正午時間等位不算耐，食物質素偏高。明白節日人多，樓面同事忙得不可開交，服務態度仍有改善空間。有機會可再encore。

知道這家新中菜館開業，見佢菜單價位屬親民價，同老婆試試。這裏環境舒適，人手嚴重不足，但服務態度可以。二人套餐特價中，有澳洲龍蝦伊麵，南非鮑魚，蒸魚，燒味双拼，炒菜，味道尚可，抵食。埋單453