逸月軒

营业中

休息中

放假出去荃灣同屋企人行街，行街之前飲個下午茶，之前嚟過呢度食嘢都覺得唔錯，就諗住覆桌。誰不知今次係另一種體驗。首先成個場完全冇冷氣，吹出嚟嗰啲風好似風扇咁，一路食一路飆汗。基本上腸粉、菜苗餃同埋芝麻馬蹄糕，全部都偏淡。同埋啲腸粉跟佢咁樣分段計，係隔段先有隻蝦，所以係有機會食到齋腸粉。都幾肯定唔係因為溫度影響食嘢嘅心情，呢三樣真係唔好嗌。好彩灌湯餃，小籠包同埋炒麵尚可。小籠包雖然厚皮但係裏便啲肉餡好多係幾滿足。炒麵就夠乾身唔會食到成口油。灌湯餃個餡就得，不過個湯就都係淡如水。整體用餐體驗，已經熱到唔係好想食嘢。

呢度啲茶有個蠟燭會暖住，感覺很特別。餐具全部都好乾淨，亦都好新。燒汁排骨煮得好靚，味道方面都唔錯。藥膳雞腳有濃烈嘅藥膳味，雞腳也炆得很完整。蘿蔔絲酥卷很酥脆，蘿蔔絲很甜美。燒賣的蝦很大粒，肉與蝦混合了很足料。粉果很大個，也很足料。奶黃包外型非常之特別，食落很鬆軟。叉燒腸豉油比較多，與叉燒混合在一起，味道不錯。馬拉糕鬆軟香甜，炸春卷香脆可口。

荃灣Citywalk二期逸月軒午市至抵食點心行入茶樓，就係熱鬧嘅茶客場景，仲有點心發出誘人的香氣，蝦餃，燒味係一定點的經典點心有午市嘅優惠我哋叫了🌟原隻鮑魚燒賣 肉質鮮嫩，配上面頭的鮑魚，風味獨特燒賣嫩滑彈牙，鮮味可口原隻鮑魚燒賣$20 x 2粒🌟雪山叉燒包 出邊係酥脆嘅皮包住入邊甜而不膩的叉燒，口感層次非常豐富🌟雞湯原隻鮮餃 皮簿 肉質鮮嫩 雞湯鮮甜美味😋值得推薦👍👍👍🌟脆乳鴿 外脆內嫩，肉汁豐盈，搭配香料，風味獨特，是茶樓中的美味佳品下次會再試吓下午茶，會唔會抵啲原隻雞湯餃：味道鮮甜可口，肉質嫩滑，雞湯鮮甜美味原隻乳鴿$28乳鴿酥脆

既然個個都冇心做星期日晚飯 一行5個大人 一個小朋友 服務1. 啱啱坐低睇緊Menu 之際，長髮油頭部長突然行埋黎話 ‘我地冇其他枱轉俾你架喇 得呢張’ 我地全部人黑人問號？都冇人要求過轉枱 🙂2. 油頭部長為廚房減低工作量：我地想叫個炒飯，問部長有咩炒飯可以叫，部長話 ‘廚房冧檔呀叫左都唔會幫你炒，你叫白飯啦！’ 。望一望左右隔離，得9成滿座都冧檔 。3. 上菜員工不斷將唔係我地枱嘅野食送上黎，擺低又拎走，之後幾位員工會再開一陣會先知要拎碟菜去邊，唔知每一碟餸要巡遊幾耐先上啱枱呢4. 臨走隔離枱可能激親油頭部長，油頭部長自己係一邊發脾氣掉凳，在座所有人為之一振野食片皮鴨係正常嘅，海鮮全部蒸過龍，可能廚房冇人得閒睇火 。環境員工們是但啦執左枱就算，地下同枱底有上一手嘅紙巾、牙簽、食物 。

第一味乳豬，算係正正常常第二味龍蝦伊麵，啲龍蝦酶到第三味係珊瑚蚌炒帶子，啲帶子味道又係好奇怪第四味蟹鉗，啲肉又係好難食第五味花膠燉雞湯，啲花膠細細粒個湯好似水咁飲第六味鹽燒鮑魚，啲鮑魚落咗七味粉辣得好緊要，冚曬啲味第七味清蒸老虎斑，比較滿意一道菜，蒸得啱啱好第八味燒雞，正正常常第九味糯米飯，正正常常第十味紅棗糕點，又回復水準好難食第十一味紅豆沙湯圓，一咬落口粒湯圓難食到第十二味蜜柑數隻，冇咩特別總括來講唔知幾多錢一圍，唔係有人請我唔會嚟食，未試過食宴餐咁難食

於一個月前係 OpenRice 訂年廿九晚飯，係早一日突然取消訂枱，令到我地成個年夜飯食唔到取消唔係問題，但都唔係前一日先取消，真係未幫襯先要留負評………………….

幫襯個幾次 食物質數本身唔差，點心新鮮整 但不過個老女侍應服務態度好差 個後生男侍應埋左單，我地再座多左一陣個老女侍應就話唔比用張coupon 而且態度好不友善，唔洗咁惡呀，唔收咪比番我，但唔願比咁款，個樣又惡死一时又話唔比補現金一时又話得 又係度鬧另一個男待應你地溝通問題唔洗將之態度發洩係客人身上的客人又不算多，但唔係咁無禮貌對客人可一不可再 今既今日咁既服務態度真係趕客唔怪之得個個都要北上消費了，比幾舊水咁既服務態度真係唔要得母親大人話食完勁口渴，好多味精，唔會再來了

要幫呢間酒樓平反吓先之前見佢啲食評個個都講到好差嚇到我都唔敢訂枱但係比較了同區幾間酒樓嘅菜單之後佢嘅餐單算係最豐富同埋價錢係最相宜非常豐富嘅晚餐全包宴假日只係$2598仲包了兩壺橙汁一支紅酒同埋茶界兼免收加一首先有乳豬全體非常好味仲有隻燒鴨非常貼心個碟底有蠟燭熱住炸蟹鉗亦都好彈牙全圍枱都覺得個壽桃非常好係大隻嗰款因為一攞上手非常熱打開去仲有咸蛋黃個個都話近期少有不過可能侍應真係比較忙，因為見佢哋一個侍應係要照顧好多張枱但係又未至於服務差

又貴又難食又受氣嘅一餐。中秋前，同屋企人試下去哩間茶樓食做節飯，點知貼錢買難受，真係請我都唔會再去！先唔講上菜慢，份量少，價錢貴，六個人5樣菜埋單接近三千蚊。重點系啲餸好難食！有件阿姐（估計經理，負責收錢，問佢貴姓吾肯講）態度差到爆，無禮貌，黑口黑面咁收錢，好似我地欠左佢咁。另外，全場好似得一個員工做野咁，其他待應好似聾左，叫極都無人理你。三千蚊真系大把選擇，荃灣亦吾系得佢一間酒樓，哩間咁嘅野真系衰過食茶餐廳，垃圾！

落咗單半個鐘都冇點心、原來冇落單；個經理嘅態度超級極度差；個個員工都好似唔知自己做緊乜咁；講嘢大大聲，勁冇禮貌！我哋2:25坐低、2:50都冇任何嘢食，之後先幫我哋入返單，入單嗰個又推卸責任唔係佢落、男經理走過來黑口黑面真係食到好受氣！好少要寫個食評去一間餐廳、真係影衰晒香港嘅飲食業嘢食方面不過不失、不過碟生菜係剪都唔剪成棵果上枱俾你、鯪魚球燒賣都難食、雞扎最正常。不過價錢方便就平，但係即使平都唔需要咁嘅態度

見到OpenRice  評價，以為好差，原來唔係，經理及服務員服務都好呀，有禮貌。朋友未到齊，經理都有話唔好上 菜住，有問有答好正常，仲幫忙雪蛋糕，服務員態度都好幫忙我們影相。我們食一圍的餸菜，全包宴$3298/ 圍。樣樣餸都非常滿意，龍蝦都成兩格斤，乳豬全隻小小肥，但都脆皮，炸蟹鉗好食，炸子雞好味，餸的碟頭好大，12 人食唔晒。 而蟠桃壽包麻麻哋。下次人齊都會再去多次，有泊車優惠，不過泊車唔多時鐘位。

話說下午茶時間飲茶，催人地都算了，飲完茶走人發現呀女個水樽漏低左。返到屋企打電話去問，個男經理一句公眾場所唔見就唔見㗎了，你唔放心你自己落黎搵。痴線，咩態度，係你工作酒樓咩叫公眾場所？？你可以話我知你地唔見有或者幫唔到我。講真，呀女返學隔離商場學嘢，成日黎食，你執到我聽日黎攞有咩問題。幫襯咁耐，第一次收到這樣的服務態度Blacklist.

朋午約午饍，隨便選了最近的這一間，自己慣性上網查一查評論，發覺不太好，但大家(共四人)說無所謂，照去。入座時約十二時十五分，無需等位，只三分二滿。兩位女知客都正正常常，照呼我們的阿姐也有禮貌。點了九樣點心，竹炭七味豆腐，豆腐很滑，質感似八福豆腐，椒鹽蒜味不濃，不太咸，中規中矩。其它如鳳爪、蝦餃、牛肚、咸水角、煎釀青椒、叉燒包等，以這價錢，味道保持應有水準，但芋角就不好食，皮韌不鬆脆及無味。到四時結賬，酒樓一直不滿座，觀察下，大部份侍應都服務OK，但總有一個對你的招手擰歪臉避而不視。有位男captain，招呼食客時聲線和態度都似成奎安加李兆基，不知是天生的還是工作有壓力，幸好不是招呼我這邊的幾枱。

父親節竟然唔使等位 試過就知中哂伏開枱唔主動比茶追3次 每次都話黎緊坐底20分鐘到終於有茶飲但阿姐發你脾氣掉水落枱 成枱濕哂45分鐘點心都未到 追佢 佢check 都唔check 就話黎緊追多次佢竟然直接話你麻鬼煩 響港人阿姐大哂啦 你serve 返佢轉頭差唔多港豬多多要求最後1小時15分點心到好開心竟然終於有得食呀但黎少左既？原來有幾籠根本冇落單又有幾籠落左單 廚房今日冇咩心情整出黎正常既 返工係冇咩心情食物質素上上等成個半鐘食屎都好食啦埋單想取消冇黎果d?朋友唔是咁易的最精密既調查員 會黎慢慢審查邊籠黎過 邊籠冇黎 然後同一問題 問你3次 多謝依間酒樓比我一個絕無僅有既奇妙體驗你去食物銀行拎食物都比入去依間野飲茶有尊嚴

食物已經要等得耐，又唔係特別好食，仲要樓面，經理（著西裝），帶位，埋單（著便服），全部都好一條心，幫老細倒米嘅。好似我得罪晒佢哋全部人咁，全部都係粗聲粗氣。我坐底開始叫要bb櫈，居然比經理用命令嘅語氣叫我抱住bb,呢度係無bb櫈🥹，再問我三次先記得我要開咩茶，到飲到一半左右，居然有侍應自己走埋嚟幫我哋拎個茶壺同埋水壺去加水，我都覺得有啲奇怪㗎啦，佢拎咗去之後，直至我哋埋單個茶壺同個水壺都係冇再出現過！我終於明白點解咁多人鍾意上大陸食嘢，起碼都有啲服務。