這裡那裡

沙田中心有不少食肆，這間原址是質素平平的東南亞餐廳，最近開了看上去有點文青氣息的台灣菜，而且當日假日中午都算座無虛席，還有些人在等14:30的下午茶時段。我有點肚餓不欲再等，所以趕快入去食午市套餐。午市套餐主要分為麵類和飯類，合共有約20項選擇，而且都是$70左右連飲品，價位算親民。我叫了台灣菜經典的牛肉麵連不用加錢的烏龍茶。店員上菜時倒轉了餐盤方向。這裏台灣牛肉湯麵 ($69) ★★✰✰✰菜式名裏有餐廳名，一般都是餐廳的主打菜式，這碗牛肉麵則有點令我——三四塊牛腩中起碼一半非常韌，牛肉絲卡在我的牙縫之中花了很多時間才處理到；牛肉湯肉味平平，感覺像是使用湯包/味粉沖水而成，白蘿蔔也有渣而且不太入味(不過夏季不期望有很好的蘿蔔)。桂花烏龍茶(無糖)：沒有桂花清香，是非常普通的烏龍茶。調味料統一放在餐廳公共空間的一邊，食客如有需要要步行至這個自助調味料區。整體而言，雖然價錢合理，但這碗牛肉麵確實低於一般香港的台灣菜水準。而且店員有點漫不經心的感覺，座位也擺放的有點擠迫，因此只能給予「OK」的整體評分。…查看更多

假期路經沙田，被這店的裝飾及餐牌設計吸引了， 進來一試。店員好像完全沒有意欲接待客人一樣， 被指喚坐了一個位置。了解完餐牌內容，正睇睇手機訊息， 還未落單，餐牌就被店員迅速收走，果然超高效率👍🏻等待餐點期間，見到店員倒瀉了飲品，她們用戴著手套的手+紙巾去清潔地板，隨後沒有做任何消毒/更換手套的動作便戴著手套出餐，此時才心知不妙食物方面，牛腩麵的牛肉如像擦紙膠一樣，韌到好難咬開，手工麵也是硬的; 湯底標榜無味精，但無奈同時也是無味，紅蘿蔔、白蘿蔔也是淡淡的，與白烚無異。滷豆腐只得表面有味道，中間也是如未經烹調般清淡，份餐最正常係只有冬瓜茶，夠凍有甜味。下午茶埋單50元正，價錢不貴，但也絕對不值。奉勸各位不論去哪裏也好，千萬不要嘗試這裏，會後悔的。…查看更多

服務態度非常之惡劣成班後生仔女只會掛住傾偈，越做越差。要自己去斟水的地方越嚟越污糟邋遢，員工不會清潔處理。而且水壺又漏水，還有水杯邊有破爛都照樣給客戶飲用。 ##日後再不會去這間台灣飯店…查看更多

星期日中午見到新開張嘅一間台式餐廳，就上嚟試一試，感覺到佢有好多唔同嘅食物選擇，而新裝修座位坐得舒服，佈置亦幾靚。我點了一個午市套餐，這裏哪裏台灣麵$69，加$10有杯珍珠奶茶，碗麵比我想像中有啲細碗，如果男仔食可能唔夠飽，珍珠奶茶就不過不失。另外，我點了一份炸雞扒台式滷肉飯$60，加一杯凍朱古力，杯嘢飲都OK。佢嘅午市餐牌都算好多選擇，而且價錢相宜，雖然味道唔係特別出色，但性價比算尚可，都可以一試。…查看更多

之前見佢新開張，同太太食過一次晚飯都覺得唔錯，尤其係個自由選都好抵食，有前菜、小食、主食同飲品先85元，味道都唔差，剛才晚上8點再同太太打算再去食多次，我去先攞位，落左order先，叫左個套餐同牛魔王面，點知個店員一上杯凍茉莉綠茶時，倒寫左落嚟搞到我下半身濕晒，店員雖然有講sorry sorry，但成條褲同鞋濕晒真係冇哂心情，咁樣趕客唔洗講嘢即刻走人，大家要小心呢間舖員工上菜時軟手軟腳，我就冇下次幫襯！…查看更多

因為住樓上好方便，新開張已經嚟食過好幾次。覺得裝修望落舒服，服務幾好，食物質素不過不失，鹽酥雞扒好食嘅。但今日一個人嚟坐張咁細嘅二人枱，問都冇問就搭多個人落嚟坐，台式悠閑風格忽然走個茶餐廳風格？如果要咁樣搭枱下次寧願幫襯對面初遇反正我覺得佢個蛋餅都無初遇好食。…查看更多

今日響沙田，午餐試咗間唔錯嘅台灣菜，裝修風格清新，一坐低就有餐牌放低，亦有電子點餐，照顧到不同人需要。另外自助區有清水，最驚喜係有菜 脯和酸菜隨便自取，有誠意。我就叫咗個牛三寶便當，上枱有食盤幾精緻，牛三寶味道適中，亦炆得好淋，份量亦足夠，飯係珍珠米 有咬口，仲有一小碟配菜，配菜入面有粟米和粉絲但出奇地幾好味，而飲品有好多選擇，我就選了一杯熱的薑母茶，薑味重又不太甜。食完好滿足埋單都係69蚊。總結環境舒適、食物味道好、亦有配菜可自助，價錢合理。我下次都會再去試吓其他菜。…查看更多