迷你毛

营业中

休息中

深水埗好多cafe，但係收得夜嘅唔多，難得呢間收9點，啲嘢又好似幾好味，所以就試吓。主餐叫咗手撕豬肉窩夫，不過太肚餓冇影相🙈但係係好味嘅。另外一個牛油果雞胸芒果醬taco，taco一般，最好食係啲薯條🤣甜品有賣相又好味，入面有好多材料配搭，令成件事味道好豐富，係好用心製作嘅甜品👍🏻👍🏻

夜晚約咗friend去深水埗食飯，搵咗間個名幾搞笑叫「迷你毛」嘅餐廳，見都幾多人排隊，同上網評價不錯，一於去試試！ ✅牛肝菌貓耳朵意粉類最中意食貓耳朵，煙靭得嚟有口感，加埋濃濃嘅牛肝菌味，簡直係Perfect match！✅洋蔥壽喜燒牛肉夾餅平時出面好少會有壽喜燒牛肉夾餅，見幾得意試下，異常地幾夾，係啲牛肉有少少鹹，但瘦埋夾餅中和咗少少！

呢間深水埗嘅良心𝗰𝗮𝗳𝗲應該好多人都食過 裝修簡約清新🌿空間感強，座位闊落舒適 .📍法式多士 ($80) 𝗙𝗿𝗲𝗻𝗰𝗵 𝗧𝗼𝗮𝘀𝘁 呢到嘅甜品好似比主食仲出色😍！多士超厚身，吸滿蛋漿同鮮奶口感軟綿綿勁軟熟💛，外面淋上糖漿，加埋脆片、西柚片同橙片，唔會死甜幾清新，加埋朱古力脆粒口感豐富🤘🏻，旁邊仲有又多又香滑嘅扭紋雪糕🍨！推薦❤️‍🔥！ .📍香煎虎蝦海鮮牛油果米型粉 ($138) 海鮮份量唔少，虎蝦新鮮彈牙🦐，另外仲落咗爽彈嘅魷魚仔🦑同埋鹹香嘅三文魚籽做配料。米型粉加咗牛油果醬去煮🥑，口感香滑，加埋香甜嘅紅莓味道清新。 .📍安格斯牛腰扒配阿根廷醬($158) 𝗣𝗿𝗶𝗺𝗲 𝗔𝗻𝗴𝘂𝘀 𝗙𝗹𝗮𝗽 𝗺𝗲𝗮𝘁, 𝗣𝗮𝗿𝘀𝗻𝗶𝗽 𝗽𝘂𝗿𝗲𝗲, 𝗖𝗵𝗶𝗺𝗶𝗰𝗵𝘂𝗿𝗿𝗶 牛扒冇得揀生熟度，嚟到睇落熟咗啲😣，好彩食落都𝗼𝗸，冇筋有牛味，如果可以生啲應該會更好。 .📍焙茶燕麥朱古力 ($45)/ 焙茶鮮奶($42) 𝗛𝗼𝗷𝗶𝗰𝗵𝗮 𝗖𝗵𝗼𝗰𝗼𝗹𝗮𝘁𝗲 𝗢𝗮𝘁𝗺𝗶𝗹𝗸 𝗟𝗮𝘁𝘁𝗲/ 𝗛𝗼𝗷𝗶𝗰𝗵𝗮 𝗟𝗮𝘁𝘁𝗲 2杯都有靚靚嘅拉花☕️，可惜焙茶味同朱古力味都唔夠香，口感較薄身唔夠滑，有進步嘅空間

深水埗依家已經變左cafe林立嘅天堂，有好多特色嘅cafe,今次介紹嘅《迷你毛》其實就係英文Minimal嘅諧音。門口已經有好多打卡位，我就坐左近窗邊嘅圓形大卡位，有一個落地大玻璃去觀賞街景。全日窩夫早餐 $130全日早餐有窩夫、炒蛋、煙三文魚、兩款唔同嘅香腸、炒野菌、煙肉、炸海膽可樂餅。窩夫新鮮焗製，食落外層好鬆脆，又充滿蛋香味。至於炒蛋就非常嫩滑。兩款香腸都充滿鹹香咬落又好多汁。另外佢哋有一個好特別嘅炸海膽可樂餅，上面仲放咗矜貴嘅黑魚籽,味道好濃郁。香煎虎蝦海鮮牛油果米型粉 $138大大隻虎蝦，食落彈牙又鮮甜。裡面仲有小魷魚同埋三文魚籽，海鮮份量都好豐富。米型粉用左牛油果醬又煮，所以呈綠色，食落好香滑又帶香甜。意大利芝士蛋糕 $77佢地最出名嘅甜品就係意大利芝士蛋糕，外型同出邊傳統嘅正方形好唔同。佢哋係一個半圓形，上面灑滿朱古力粉，遠睇真係好似朱古力菠蘿包。用左Mascarpone芝士，又加入左杏仁同埋咖啡利口酒，充滿酒香又有咖啡味。Rose latte $40淨係拉花都好靚，咖啡有果仁香味又唔會太苦，又有玫瑰花味。芒果乳酪 $48好清新嘅芒果味又有乳酸嘅口感同埋味道，都好特別。✨

📍 Minimal (Sham Shui Po)G/F, 121-123 Apliu Street, Sham Shui Po🍮星期日，男朋友揀咗深水埗一間靚靚 cafe 食甜品下午茶☺️☺️ 好欣賞等位嘅係一張卡片，質感好好，俾我嘅感覺好有 heart ❤️ 同高質 🤩 裝修簡約清新；座位都算幾好坐，有少少空間感；甜品制作需時，適合朋友、情侶傾偈、聚會慢慢等 🥰法式多士 $80熱熱地嘅多士，厚身，裡面好 creamy , 軟熟；多士上面配有西柚片同橙片，夠晒 fresh, 中和一下多士太飽嘅感覺 😍 配堆埋雙味 （雲呢拿及朱古力）軟雪糕，上面仲有朱古力脆片。薄脆拿破崙 $77賣相好靚🤩🤩 三塊薄片好脆身，配埋上面有好多nuts ，口感好好！估唔到都有配到軟雪糕，軟雪糕上面係爆炸糖，不停霹靂啪喇咁😆😆 薄荷朱古力 （熱）$42雪糕波子汽水 $48

✍︎︎深水埗開咗好多cafe，呢一間嘅特色係座位夠哂多唔洗擔心少爺仔陪我等好耐(o´∀`o)🍳炸雞煎蛋窩夫🧇 $95一上枱橙黃顏色嘅蛋黃夠哂搶眼熱辣辣嘅炸雞大大舊，粉漿適中，雞肉嫩滑，唔會好油膩🧇窩夫雖然唔算好鬆軟，但搭配糖漿同蛋汁，鹹鹹甜甜整體都值得一試喔🍝牛肝菌貓耳朵粉 $95小女孩我好鐘意食貓耳朵，所以一見到立即要點呢款，好少地方有得食口感煙韌，中間嘅凹位保留醬汁一啖咬落去好爽( ˘ ³˘)♥配料有好多磨菇，牛肝菌味好濃••••••••••••••••••••••••••••••🔎迷你毛 Minimal深水埗鴨寮街121-123號地舖••••••••••••••••••••••••••••••

打卡able🤍簡約白x木系🪵空間大環境舒適🥰食物賣相精緻🌸💎 安格斯牛腰扒配阿根廷醬 $158必食‼️ （😋：8.5/10）👍🏻：好好食！一上枱就可以聞到超香牛味🤩🤩🤩肉質煎得啱啱好，唔淋又唔硬，牛腰扒位置都高質，唔會有根，係會encore嘅質素🥳😍👎🏿：。💎 牛肝菌貓耳朵粉 $100一般⭕️（😋：5/10）👍🏻：個牛肝菌汁味道唔錯嘅👎🏿：可惜貓耳朵粉一嚿嚿黐埋一齊，冇分開每一粒，黐住嘅粉完全冇汁，所以冇味的🥲同埋煮都好硬，唔好食😵💎 Tiramisu $78正正常常⭕️ （😋：6.7/10）👍🏻：賣相精美🎂打卡首選📸如果係叫朱古力/咖啡蛋糕🍫☕️就ok的👎🏿：但呢個冇乜芝士味🧀又冇乜酒味🥃唔似tiramisu 🍰💎 Dirty $44值得一試✅ （😋：7.5/10）👍🏻：咖啡味香濃🫶🏻做到一凍一熱嘅常溫效果☕️👎🏿：。💎 Matcha Latte $45可以一試 ✅ （😋：7.3/10）👍🏻：算係高質嘅抹茶牛奶，好香濃嘅抹茶味🍵，牛奶比例啱啱好，唔會太重🥛有牛奶味又有抹茶味👎🏿：冬天凍得快❄️☃️可以再熱少少🔥環境：7.5/10服務：7/10 (冇加一服務價)價錢：人均約$150-200性價比：7

意粉吾夠熱………….. 甜品又吾好味………… 最攪笑係想落order, 其中一個店員連行過黎都懶，直接係收銀個度嗌過黎問要咩，茶餐廳甘，跟住唯有等另一個比較肯做既店員過黎落單，好奇怪…….

好耐冇試過去Cafe， 因為疫情之後都唔太想去啲好迫好迫嘅小店， 大部份深水埗cafe 都係好窄好迫，見到呢一間幾寬躺所以試試。價錢其實唔平，食個lunch 幾乎每樣嘢都差唔多$100，不過難得平安夜試吓新嘢都好。頭先叫咗個All Day Breakfast , 最好食應該係個朱古力窩夫，窩夫我都可以講係專家，對小店窩夫從來冇乜期望，但呢一間窩夫都幾脆尚算合格，但三文魚完全冇光澤好乾，炒蛋都係勁乾好似放咗好耐咁，應該炒定晒放咗好耐然後有人叫就拎出嚟，成$130呢個價錢真係唔太值薄荷朱古力幾正常，唔太甜之後叫咗個壽喜燒牛肉夾餅配薯角，呢個夾餅反而幾出色，好大份，有個架支撐着拎出嚟奉客唔會整到啲餡跌晒出嚟，個醬汁都幾野味薯角幾脆不過唔夠鹹冇乜味整體來講其實去食個環境，嘢食普普通通可以一試

朋友相約晚餐相聚，介紹了此餐廳，相當有驚喜！雖然門面唔算大，但內籠闊落，而且設計簡約。餐牌菜式選擇不算多，最後選擇了，辣茄汁煙豬面肉貓耳朵粉：貓耳朵粉個名不但得意，而且還好入味，豬面肉肉質嫩，加上少許辣味，味道好好！鮮松露西班牙豬柳配燉菜粒：松露好香，慢煮嘅豬柳好嫩滑，juicy與松露好夾，配爽口嘅菜粒口感好豐富！鮮松露炸魚柳夾餅配薯角: 新鮮松露配上脆脆的魚柳咬感豐富，好好味！🍰意大利芝士蛋糕：必試，好creamy，有層次！🍻🍷🧋飲品：火龍果乳酪🥤，蝶豆花柚子梳打🍹一開始這小品咖啡店毫不起眼，但完餐後卻對此餐廳眼前一亮，完全被它的美食吸引回來，好值得去品嘗它的美食，回頭率100%，好有驚喜的一頓美味晚餐。

行過路過唔好錯過，優質小店當然要朝聖，偽文青風打卡必到📸 餐廳環境舒適，裝修用色和諧，令人可以好好放鬆心情享受餐點☺️👑香煎帶子黑魚籽龍蝦汁闊條麵 $138帶子腍滑入口即融，再配黑魚子一齊食帶點鹹香更惹味😋 龍蝦汁味道濃郁，闊條麵爽口有咬口，食落帶微微辣味，香口又滋味😍✨溫泉蛋什菌牛肝菌汁貓耳朵粉 $100溫泉蛋煮得剛剛好，蛋味香又夠滑，什菌配牛肝菌汁令整體菌味更香濃，貓耳朵粉有嚼勁，粒粒煙韌美味🤤✨抹茶鮮奶 $45使用西村番茶屋"媛"，抹茶味道濃厚唔苦澀，鮮奶香滑，甜度亦剛剛好🍵✨拿鐵咖啡 $44咖啡濃郁滑溜，奶味同樣香濃，比例剛好，味道唔錯👍🏻🔍整體感覺：室內環境唔錯。職員服務主動亦好有禮貌。餐點質素及味道都好高質👏🏻 絕對值得一試再試🤣

深水埗愈開愈多文青cafe今次黎到迷你毛餐廳裝修以白色為主🤍好光猛💡座位寬敞 坐得好舒服❣️.🌟溫泉蛋牛肝菌貓耳朵粉 $95一上枱就聞到好香牛肝菌味😆醬汁好濃稠仲有隻溫泉蛋🍳用蛋汁撈勻增添蛋香加上芝士碎更creamy🧀蘑菇好爽口！貓耳朵粉好有咬口 好煙韌❤️‍🔥好掛汁🤩.🌟意大利芝士蛋糕 $72同平時Tiramisu唔同造型用cream整成圓形Cream好綿滑💝入面有濕潤嘅手指餅同朱古力脆脆口感好豐富😋咖啡味同cream嘅奶香味都好平均面頭嘅可可粉幾濃🍫唔會涸喉.🌟蘋果酥盒 $76外型好吸引💕保留整個蘋果外形🍎切開入面有蘋果粒吉士醬同曲奇碎🍪中和左蘋果嘅酸味🥰底下有酥皮仲保留到脆口👍🏻幾香牛油味但整體過甜🙈.📍 迷你毛 (深水埗)深水埗鴨寮街121-123號地舖

佢地既Tiramisù真係好出色😍 可愛既波波造型鋪滿咗好多朱古力粉同脆脆，mascarpone cheese質地軟滑，中間蛋糕夠濕潤同咖啡酒濃度啱啱好，唔會偏苦👍🏻下層係浸滿咖啡香味嘅手指餅，係一個好有層次感既Tiramisù😋下次會嚟試埋呢度既主食！😍推介食物：Tiramisù食物質素：🧸🧸🧸🧸🧸環境：🧸🧸🧸🧸🧸性價比：🧸🧸🧸🧸🧸溫馨提示：星期一至五接受訂位📞星期六日及公眾假期 17:00後可以接受訂位進入餐廳要入狗袋泊車：門口有錶位

“可能係全世界最好味既Tiramisu”因為呢句說話，所以要黎驗證下 💁🏻‍♀️Tiramisu HKD72成分有mascarpone & kahlua & almond 黎整用咗甘露咖啡利口酒酒液濃稠，香甜，具有獨特的咖啡味道，配落Tiramisu 到，夾得黎又好新鮮👍🏻蘋果酥盒 HKD76蘋果裡面釀左蘋果肉，Toffee，Custard ，Puff pastry，Calvados口感豐富，唔會過甜😋加埋飲品，成件事就好完滿😎Rose Latte HKD44 Matcha Latte HKD45

Bookmark左呢間minima一段時間 比佢地既tiramisù吸引左！平日晚上不太多人 一去就有位ʕ •ᴥ•ʔ✨意大利芝士蛋糕 ($72)為左Tiramisu而來！比相像中大舊 外層cream咖啡味濃郁 而中間位置就有更多既酒味及脆脆添加咬感✨溫泉蛋什菌牛肝菌汁貓耳朵粉 ($95)牛肝菌味道好香濃 貓耳朵粉軟硬適中 什菌份量足 撈埋溫泉蛋令粉更creamy✨鮮松露炸魚柳夾餅配薯角 ($110)Tacos有少少失望 夾餅內有沙律菜及魚柳 沙律菜以柚子醋作調味 幾清新 但魚柳既雪藏味太濃🙈✨特濃朱古力 ($48)賣相好吸引 朱古力上有層Cream 鋪滿白朱古力及黑朱古力碎 飲落又吾會太甜✨火龍果乳酪 ($46)好少見有呢個配搭 火龍果味好清甜 係健康既味道🤣🤣