農米莊 (豉油街)

营业中

休息中

好夜都未食飯，見呢間農米莊好夜都未關，就入去醫肚。叫左個椰汁雞湯米線。聞落係有椰香，但食落就冇，就算飲啲湯都冇椰汁味。不過除左冇椰香之外，雞同麵都算好食嘅，咁所以其實唔係唔好食，只係椰味唔夠濃。

經朋友介紹一間位於旺角好特別嘅米線餐廳，聽聞啲湯底可以當湯飲晒，鋪頭裝修有別其他米線好特別，我見到個（藥膳滋補雞湯米線）配料有蟲草花杞子川弓好似好足甘...😳所以叫咗嚟試下，果然不負所望....超好食！好香藥材味....真係可以連啲湯都飲哂😋下次要埋其他特式養生湯先得

上網留意到呢間米線店 因湯低特別一於約朋友試下，3人行到店被安排坐卡位 大家都有選擇困難症 揀完一大轉 決定好落單等上當時是我跟1位朋友坐一邊 另一位朋友坐對面因為卡位一邊坐兩人先免强可以，進食時筷子差小小就頂上牆，所以我一定要移走本身放在我手邊的企牌 我先有足夠空間揸筷子但之後女待應走來冇出聲 拎起企牌 塞返原先位置當下全枱要停低唔食 而且唔知發先咩事好啦，朋友幫我默默再移開企牌不久女待應竟再走來做同一個動作！死都要塞返係我手旁邊 阻我食野我心諗係咪我做錯啲咩之後我留意女待應原來都有對其他枱做同一動作……好吧，其實已經發生1個多月前但女待應拎我印象太深…食物完全冇心情留意好不好食…

今日Lunch去食黑蒜雞湯米線，平時我夜晚去食要$58，原來lunch $48，仲要+$4就有凍飲！其實哩間嘢剛剛開張到宜家都食過好多次，全部特色嘅米線我都食過晒，哩間嘢我覺得最好食係啲雞，有雞味，雞肉又唔鞋，同埋啲雞皮好薄，無乜脂肪，因為我本身唔鍾意食雞皮，太肥膩，所以哩間農米莊就岩晒我。佢果3款雞湯米線比較濃味同惹味係黑蒜雞湯米線，米線軟硬適中，不過唯一唔好係哩款黑蒜味個湯會比較多油。

今日經朋友介紹一間起旺角好特別嘅米線餐廳，佢話包您未食過...🙄因為本身我係一個超級鍾意食米線嘅粉線，原來我朋友介紹係一間鮮雞湯米線餐廳，平時食雲南米線同魚湯米線就食得多，雞湯米線就真係未試過，我叫咗個棷子雞湯米線，我完全無想像過原來鮮棷子同雞湯係咁夾，超級香嘅棷子香味，啲雞仲好有雞味...😋完全唔似雪藏雞果然真材實料👍🏼下次一定要再試埋其他湯底先得

聽朋友講旺角開咗間好好食嘅雞湯米線，今日過開旺角就走咗去試，鋪頭裝修以工業風為主題，環境舒適...我叫咗個懷舊藥膳雞湯米線嚟食，碗米線一放上枱，以經有陣陣好香嘅藥材香味，仲有蟲草花同杞子做配料😍真係夠晒滋補果然冇介紹錯,啲雞仲好有雞味添👍🏼下次要試埋個棷子雞湯米線先得

黑蒜雞湯米線米線 - 分量剛好 軟硬適中湯底 - 其實味道不錯 黑蒜味夠 惜主打雞湯卻沒有雞味 令人失望配料 - 雞件不算嫩滑 但可接受 分量夠 有5件 冬菇夠香夠滑夠入味柚子豬軟骨米線湯底 - 未嚐已有淡淡柚子香氣 味道不錯 以柚子蜜調配配料 - 豬軟骨夠入味 夠軟滑 分量足

今日同好友去試下起雜誌介紹位於旺角一間嘅米線餐廳，標榜一碗可以連湯都飲晒嘅米線，其實除咗好奇之外，最主要原因係因為主打食雞湯米線，雲南米線食得多，雞湯米線都係第一次聽見，我哋分別叫咗椰子雞湯米線同黑蒜雞湯米線，先講棷子雞湯米線...我完全冇諗過新鮮椰子配雞湯係咁好味，啲雞仲好有雞味，絕對唔係雪藏雞！而黑蒜雞湯米線嘅味道同日本餐廳食嘅黑蒜湯拉麵，感覺好唔同...佢老闆講係用鮮黑蒜製作而成，味道好清甜！但本人覺得都係椰子雞湯啱我多啲😁因為標榜食完會養顏！下次食米線又有一個好去處

我今日試咗一間新米線,湯底有黑蒜同椰子,我試咗黑蒜先,本身我未曾食過黑蒜,黑黑的湯底，令我好奇，一試後湯底香濃令我覺得原來黑蒜味道同米線可以好夾得來，下次試試椰子先，價格合理，環境舒適。

朋友起網介紹，旺角有一間雞湯米線好好食，身為雞湯迷嘅我緊係要試下啦！鋪頭裝修帶有輕工業風，米線餐廳好小見...講反個米線先，我叫咗個懷舊藥膳雞湯米線食，碗米線一到已經聞到震震好香嘅藥材香味，果然冇介紹錯👍啲雞好滑好有雞味，藥材雞湯飲完，完全唔口喝...果然真材實料😋不過啲米線太多食唔晒，啲湯就飲到一滴都冇！下次要再試其他湯底先得

今日原本約咗朋友起旺角行完街去食米線，經過一間以鮮雞湯做主打嘅米線餐廳，見有新口味同未食過就入去試試...我哋分別叫咗椰子雞湯米線同懷舊藥膳雞湯米線黑蒜雞湯米線，仲有柚子豬軟骨同黑金雞翼小食，味道同平時食果啲米線完全唔同，因為我哋有三個人，所以可以大家試吓大家唔同嘅湯，我最喜歡椰子雞湯米線因為好香椰子香味，到最後真係比佢嗰句野影響到，啲湯飲晒😂估唔到一間以健康為主嘅米線餐廳可以做出啲咁好嘅味道，以後食米線又有一個好去處👍🏼

是咁的,係網上見到有人推介呢度米線, 又以健康為招牌, 幾得意咪試下。作為黑蒜嘅終極fans,我就叫左個"香濃"黑蒜湯底嘅雞面。首先,濃?個湯底完全冇黑蒜味,極水。香?個湯底咸咸地苦苦地,似啲中藥味。我飲左啖巳經失去食慾。但為左唔好曬,我決定試埋個雞,啲雞未熟我都算,仲要比啲湯污染埋,簡直係絕配。另外,面份量太少,一定食唔飽。我欣賞佢咁革命性整個咁嘅湯底,勇氣可嘉。一個咁差嘅米線要成$56,我想講加多少少錢就可以食曬膈離兩間各一碗。總括而言,唔會再黎。完。

第一次寫食評，因為好嬲！啱啱17:19去到間餐廳，見到下午茶到17:30，入去坐低就拎起檯上餐牌睇，點知個女侍應一嚟到就搶咗我手上餐牌，掟咗另外兩份餐牌落嚟！睇完唔啱食，諗住叫返下午茶，女侍應態度惡劣回應：「冇喇喎！」我反問點解冇，明明未夠鐘，佢話：「總之收咗！」我明有時可能早收咗，但一粒聲唔出就搶咗手上餐牌掟第二份落嚟係咩服務態度？入嚟食嘢要受你氣當人係狗？最後走咗，免費都唔會再去byebye

今晚一個人食飯，又諗唔到食咩，行下行下經過見依間新開，又唔洗等位就入去試下。餐廳主要係食米線，得四款飯，重有十幾款小食選擇。入到去坐就見到佢地貼住''一碗可以連湯都飲晒既米線''，就睇下係真係假！ 叫左個豬軟骨米線，米線的份量都多，煮到d 米線軟硬度適中，好彈牙。至於豬軟骨就炆得好軟身，連骨都炆到變軟骨，咬落去肉質好腍好入味，好好味但湯底方面，可以用清甜黎形容，飲完d湯都唔會好口渴，證明係真材實料，唔係一味落味精 。

看雜誌介紹新開的米線店! 椰子雞大熱!!! 但來到後卻被罕有黑蒜雞湯底吸引了, 說有安睡作用。濃啡色湯底, 想不到, 湯底竟是甜的! 帶著蒜頭的甜味, 卻意外的沒有平日濃烈繞樑三日的蒜頭香氣。鮮雞肉質頗有口感, 結實具彈性的雞肉, 再配有豆卜, 木耳, 整個配搭很合宜夾味! 朋友的柚子豬骨米線, 湯底融合著淡淡柚子蜜味道, 清新也不太油膩。黑金雞翼其實即是豉油皇雞翼, 再加有蜜糖甜味, 很惹味! 尖椒皮旦。。有進步空間, 浸著的辣汁味道較普遍,汁帶點咸味而已。皮旦質素算不錯!