農米莊 (豉油街)

营业中

休息中

睇完網上食評, 諗住來試下佢個午餐, 十二點人客不多有大把位, 但伙記迫人搭枱!之後叫兩碗米線, 一碗椰子雞米線, 一碗懷舊米線, 三隻黑金雞翼!椰子雞米線: 雞湯底只是暖暖的, 雞味淡淡, 椰子味就太濃, 而雞肉凍而完全無味!懷舊雞米線: 雞湯底又係暖暖的, 一d雞味都無, 藥材味十足!雞只是一隻翼斬開幾件, 同樣凍而無味!劣食出現-黑金雞翼: 黑金雞翼, 外表同碳一樣, 雞翼應該係煲完湯後, 再加上黑蒜焗, 肉質淋過豆腐又完全無味!今次真係信錯食評, 中伏了!

這間餐廳的湯底有好多款，好想試哂佢！食過兩次，覺得沙爹同椰子味湯底都冇咩味，下次唔會食呢兩個湯底。蕃茄湯底太酸，所以都唔會再食。不過有d餸都幾好食，例如年糕芝士魚蛋同墨魚餅。而墨魚花枝丸就除左粒丸係黑色外都冇咩特別。墨汁魚蛋外形似芝心丸，但內面野好怪。。。

今日一個人去完現時點大出血，本來就諗住響油麻地求其食啲嘢，諗諗吓不如上openrice睇吓旺角有咩好食。咁一個人當然求其食碗粉或者面啦，Search到呢間「農米莊」似乎唔錯，所以就行咗去旺角啦。呢度標榜嘅係「一碗湯都可以飲晒嘅米線」。我叫左酸雞辣湯米線，米線軟硬適中，而雞件唔肥都唔會鞋濕濕，雞肉同雞皮之間有少少嘅雞油香。直覺話比我知唔係雪藏雞。而且都有成5-6件雞。下午茶來講算十分抵食。唔好睇我個湯底好似清湯咁，我叫左小辣但辣嘅程度都唔野少。如果下次我再嚟，我一定會叫清湯或者椰子雞湯，咁我一定可以飲晒成碗湯！呢碗米線可以話改變左我食米線嘅習慣，因為之前識開米線或者薯粉，我們都好鍾意個湯底勁重口味。但食完呢碗米線之後，其實清清地都唔錯，而且更加可以食出餸菜嘅原汁原味，而唔係一味得麻辣鹹。因為我都幾肚餓嘅關係，另外我叫左三隻金雞翼小食。黑金原來係指黑蒜，應該係呢度嘅王牌菜。果然雞翼一上枱香氣漂泊，咬落口回味無窮。雖然已經好飽，但都一個人食晒三隻，如果我叫左五隻我諗我都食得落。估唔到呢度嘅雞翼俾到我咁大嘅驚喜。環境方面，以一間米線舖頭來講10分棋你乾淨，而且一啲都唔擠迫。餐具放響枱嘅櫃桶裏面

聖誕假期既最後一日，我們都懶懶的，訓到好晏先起身～已經過了早餐時段了。於是同埋男朋友，屋企人一齊落樓近近地食個「早餐」。睇Ｍｅｍｕ都幾多選擇既。小女要了個清湯米線，男朋友就試左個黑蒜湯底，其他人就嗌左麻辣、喇沙湯底，仲有午餐南瓜豬扒飯試下。清湯米線－魚片頭及墨魚餅湯底：清清地幾好，有少少味精但不會太過濃。本身喜歡飲湯底既我當然都有飲晒啦。米線：都算彈牙既，不過太林會易發脹，幾吸到湯底既味。魚片頭：普普通通，應該都係現成購入的，勝在沒有雪藏味道。墨魚餅：相反墨魚餅唔錯～有炸過，幾香既墨魚味，唔會似食粉團咁而每碗都有腐竹，豆卜同小冬菇。整碗面都幾豐富。味道都不錯。黑蒜雞肉湯米線雞肉：不算很滑，不過叫做冇骨幾方便食，唔怕一邊食面一邊食到碎骨。黑蒜湯底：飲落有少少醋酸味咁，同想像中有少少唔同。不過Ｄ米線索左個湯底Ｄ味，就意外地剛好，幾好味！出面好似未試過呢種味道啊。至於男朋友就覺得不太特別（佢一向對食要求比較高），話加$10試個湯底試一次就夠，哈哈。麻辣米線－豆卜及雲耳麻辣湯底：小女不能吃辣，不過都試了一口。係真係夠辣既，食到有麻辣既感覺。岩晒食開麻辣既朋友。雲耳豆卜：雲耳細細塊，幾爽口！可以

早前的一個晚上, 我看見了農米莊的一些食評, 看到很多人也稱讚它們那個湯底很惹味，是一碗能把整個湯底都喝完的米線。看到這裏，我便心思思想去試吃它們的米線。所以放工後便約了弟弟去農米莊吃米線。我很喜歡喝藥材湯, 所以我點了一碗藥膳雞湯米線, 入面的配料有農米雞件、冬菇、雲耳、杞子、紅棗、川芎、蟲草花、時菜。它的香菇松露螺片的黑松露味不算太濃， 這碟小食的分量很少 ，所以我們亦點了一個鹽燒豬頸肉，豬頸肉很淋，燒得剛好，底下亦有一塊翠玉瓜。

睇戲前ee肚，係旁邊見到呢間幾有特色的米線舖，又藥膳雞湯又黑蒜，冬天進補最好不過啦…一於試試~我食藥膳雞湯米線有雞又有4、5個配菜都係55蚊，係街買個補身湯都要呢個價啦～好期待~ 等左10分鐘終於有得食，個湯真好足料和香濃藥膳味~雞件雖是雞胸肉但幼嫩鮮甜，比起我朋友個碗的雞脾件更冇骨啖啖肉。配料有蟲耳花、雲耳、冬菇、腐竹、豆卜，樣樣齊幾豐富。我試左friend個黑蒜湯也不錯!同個黑金雞翼係兄弟! ~再叫左2個小食做餸~ 1/黑金雞翼- d雞翼有成5cm長加上惹味既黑蒜醬食到停唔到口~聽講黑蒜抗癌，出面都好少食到呢種的醬，所以差d想叫多一碟黎食(肚皮空間有限，下次再留食過啦～ 😆)我覺得自己食緊又好味又補身既健康餐咁! 好! 另一個小食係柚子豬軟骨，鍾意濃郁柚子醬既都會鍾意呢個餸，d豬軟骨火候好足夠，骨都成為骨膠原啫喱和入味的肉加柚子酸甜配合得合到好處!只是因為碗米線和雞翼真好有特色，呢個餸係我心中比下去，只能排第3~哈哈…後黎驚自己食濟，叫左杯開胃消濟的天然飲---5年咸檸蜜~ 我睇飲品類時，就被佢零捨隔開一欄“天然蜂蜜類”吸引住，佢強調“5年”即夠陳年佳釀feel的飲品，所以就試試。

悶悶哋嚟旺角行街順便天添下冬裝， 行到攰攰哋就 找達地方 歇嚇腳間嘢裝修都算幾骨子， 地方整潔餐牌種類選擇好多下我哋叫咗個藥膳雞湯麵同 黑蒜雞湯麵冬天進補一下暖笠笠點解好大件好白好嫩滑雞肉鮮嫩， 湯底完全冇味精成個湯飲曬小食嗌咗個 柚子汁炆豬肉， 柚子汁 甜甜 正好大出豬肉未黑蒜黃金雞翼 外表雖然黑蚊蚊但係黑蒜好 入味 ， 雞肉鮮嫩

上星期六下午,在旺角做gym後,有點餓餓地, 米決定到附近食下午茶。 因我太愛食米線,所以決定到農米莊食。 店裝潢簡潔舒服。* * * 【香菇松露螺片】$38 以特製松露醬汁烹調,螺片及菇好夠味, 口感嫩滑軟腍,是一道滋味小食。* * * 【懷舊雞湯米線】 (下午茶) $43 懷舊雞湯米線,裡配料有雞件､木耳､蔥花､腐竹､藥材等。首先飲啖一口湯,是藥材味湯底 ,清清甜不油膩。雞件肉質鮮嫩,口感不粗糙。 米線不會煮得過腍,非常煙韌彈牙,掛湯力也不錯。 最後, 全碗米線連湯都食晒啦! 食後完全沒有口渴感。* * * 【意大利芝士餅紅豆冰】 跟餐 加 $8 有意大利芝士味的紅豆冰,好有創意, 味道不錯,不會過甜呢!

之前睇東網都介紹過下呢間野，知道佢標榜米線係用冇味精湯底。平時食米線嚟嚟去去都係譚仔三哥同譚仔，貪佢大大碗又平。食耐左就緊係想轉下口味架啦，聽到呢間湯底好似好正又健康咁，地理位置方便，一於去試一試。今次我叫左碗招牌黑蒜雞湯米線 黑松露野菌豬扒飯 小食－ 招牌黑金雞翼 爆芝黑松露燒大菇雖然碗米線叫做黑蒜雞湯，但係蒜味唔太重，相反雞湯味道適中唔會太濃，唔似出面街啲味精湯咁又濃又咸。成碗野食哂都唔會覺得好油好頸渴，份量亦都算大碗。比想象之中好食，啲湯仲要係好好飲。米線配菜：冬菇、雲耳、支竹、豆卜、時菜 唔覺唔覺就成碗湯飲哂！黑松露野菌豬扒飯黑松露味算強烈，豬扒咬落鬆軟多肉汁，唔會硬過頭，飯量仲好大碗添！下次如果可以多番少少汁就perfect啦。黑金雞翼（黑蒜雞翼）需時15－20mins開頭見餐牌寫住係招牌小食所以就叫左，雞翼外層鋪上了一層濃厚的黑蒜蓉，唔好睇佢黑麻麻咁，食落囗其實好juicy，啲肉滑得嚟又入味，非常惹味。 爆芝黑松露燒大菇 需時15－20mins熱辣辣令啲芝士溶哂落舊菇到，又重黑松露味，呢個真係必試！

已去過農米莊多次, 每次都是去食午餐. 雞湯米線是必叫的, 佢地有幾款湯底, 我最常叫是黑蒜, 懷舊和椰子這三款湯底.本人覺得懷舊雞湯較特別,有D 藥材味. 其次是黑蒜,個湯底應該落咗唔少黑蒜才有這種效果.   至於椰子湯底都好正, 碗湯白濛濛有濃濃的椰子味, 每次都幾乎飲晒D湯.最初去都食過幾款小食,但無乜特別, 之後再去都無叫了.  set lunch 嘅選擇又是肥膩膩的居多, 所以大多是選蒸雞飯, 但蒸雞似是炆雞多D. 但呢到嘅質素不穩定, 有時個湯底唔夠熱, 有時杯奶茶是苦的, 有時俾你D雞得堆骨. 不過我會因為個湯底再去的.

凌晨一兩點想搵飯食，就走到來農米莊，好彩啱啱未關門，都仲有啖飯食。我點了一個農米雞配菇飯，朋友就點了一個黑松露豬扒飯，仲有柚子豬軟骨小食。農米雞配菇飯，雞好滑好有雞味而菇飯就好特別同埋味道好好不會太鹹。朋友選的黑松露豬扒飯就沒有這麼特別，豬扒炸得剛剛好，但略為小黑松露味。看得出店主很用心經營，希望再做多一點特別菜式。值得支持！

在旺角逛街累了，便到了這間農米莊吃米線。。。這間農米莊的綽頭是湯底而且更可以連湯都飲埋的米線所以我跟朋友便進來試一試，看看是否真的那麼好味。。。。地點位置十分便利。。。在旺角繁忙的街道內。。。很容易便會找到這間餐廳。。。食物種類很多。。。。有多款不同湯底配米線等等。。。而且更會配上農米雞件我們最後點選了兩個米線再加兩個小吃餐飲方面點選了一杯凍檸茶和一杯凍柚子蜜。。。這裏的凍柚子蜜跟普通凍飲一樣都是加四元。。。沒有額外收費。。。所以很便宜這客是酸辣雞湯米線。。。其實當看到這碗米線到來時。。。感到的是真材實料因為米線上放滿了滿滿的配料。。。主要有多件特式農米雞件。。。更有豆卜，雲耳，菜，菇類等等。。。十分多不同種類的配料這客酸辣湯米線湯底十分出色。。。如果喜愛食酸辣湯的大家都必定會十分喜愛湯底帶有酸酸辣辣。。。配上了米線來食。。。米線更可完全吸收當中酸酸辣辣的口味米線彈牙。。而且份量又足。。。其實大家不會太刻意去飲完個湯。。。因為當你一路在吃米麵時，其實都已經不知不覺會把湯慢慢飲完。。當食完一碗米線。。再清埋個湯底。。。雞件。。配料。。真是好飽飽了另外這個椰子雞湯米線我也十分喜愛因為這個湯

約了閨蜜扮靚，先去食個早餐，我已經返工食厭晒茶餐廳早餐！呢間有啲餐有特色！入內坐卡位唔迫，裝修乾淨！唯一女店員好cool咁講只有早餐，飲品問佢可唔可以加錢轉特飲，又好cool咁話只可單叫唔可以升級，餐具在桌子抽屜內！好企理乾淨！黑松露炒蛋多士（$35）兩塊薄多上面放炒滑蛋！啲蛋淡味要加鹽！加幾團幾香嘅松露醬！多士香脆！風味豬扒米線（$30）已切件嘅豬扒幾香，唔嚡口！米線軟滑唔太淋！湯底加咗麻油好香！好味！熱奶茶：朋友飲熱檸茶： 夠熱夠濃！檸檬唔澀！好味！由嗰位好cool好有性格嘅女店員服務係我榮幸！早餐有啲特色！

香港人生活節奏急促,不論午餐或晚餐,每當自己一個人嘅時候,都好自然咁㨂一間快靚正嘅餐廳快快趣搞點佢,今次我就去左一間叫~農米莊~嘅快食餐廳!先點個小吃~烤雞。嗰皮烤到啱啱好,無骨,𥚃面仲放左菠蘿,開胃椰子雞米線除左雞之外,配料都幾豐富,有冬菇,腐竹,豆卜, 木耳, 紅棗...用新鮮雞,湯底好夠椰子味,好清甜,唔錯!總結:對本人嚟講,快靚正餐廳選擇又多左一間喇

米線黎黎去去都係酸辣/清湯朋友介紹我黎呢間話連湯都正到飛起佢自稱飲哂成碗我呢個湯霸,最鐘意就係飲湯,我平時可以飲湯唔食飯都可以仲有呢度既湯底係標榜無味精,真係VERY GOOD呀!椰子雞米線, 碗麵一到即刻飲啖湯先湯好有椰香 又夠甜, 真係幾正D 米線同雞又夠滑內有豆卜 木耳 紅棗 腐竹 冬菇, 朋友的確係介紹得唔錯識食呀下不得不提係呢度有杯飲品五年鹹檸檬蜜, 下火化痰止咳, 正WOR呀姐我最鐘意飲健康飲品仲有熱飲同凍飲比你簡, 為左健康,我梗係飲熱飲啦唔錯唔錯,今日覺得自己食得好健康