農米莊

营业中

休息中

早餐入到去冇侍應叫咗幾聲都無人應一男一女員工係入面傾計早餐時段已經無咩客，入到黎既客人都唔好好招呼我仲要叫左幾地落單都無人應一出到黎仲要唔係幫我落單先早餐黎到叫左魚柳餐勁難食，魚柳好似番炸咁有d怪味，又唔脆杯奶茶好澀，勁難飲

嚟到太子想搵野食，見到呢間餐廳標榜”會飲埋啲湯”，作為米線控&湯控，就入咗去試下。佢嘅米線湯底有好多款式，連芫茜湯都有！！！芫茜控即刻叫咗。朋友就叫咗椰子雞，感覺都好養生。佢嘅米線好淋，唔鐘意淋米線嘅要留意。而佢嘅雞件係非常嫩滑，好好食😋，好有雞味，而且令到個湯好香雞油味，正。湯底就真係不得了，芫荽湯係真係有滿滿嘅芫荽，加埋足粒煲嘅雞湯，令我不禁喺咁飲，爭啲就飲哂。佢仲另外有一大乍芫茜加落去，絕對滿足到芫茜欲望！椰子雞都唔錯，唔會好重椰子味，但又有椰子香，配搭落雞件同雞湯都好夾，唔會漏。整體嚟講非常好，而且我哋下午茶時段去，每人$48咋！抵！

手撕雞冷麵😋平時去開農米莊，一定係食米線啦…今日上完堂約埋啲同學仔食下午茶，平時我就食開，椰子雞湯米線或者黑蒜雞湯米線，我另外一個同學就叫咗個手撕雞冷麵，話食過一次味道好好，不過我都係選擇咗椰子雞湯米線，因為食開都好好食….穩陣啲！😂大約等咗10分鐘左右啲嘢食就到台，非常之快…我朋友嗰個手撕雞冷麵望落去好似冇我碗米線咁豐富，我攞咗少少嚟食…果然係超級好食，我超級後悔冇叫到😭味道有啲甜甜地酸酸地嘅味道非常之開胃，好似啲日式冷麵咁！但係呢個冷麵淨係午市先有，我決定聽日嚟，一定要食😋超正

聯合廣場見完客，在附近揾食，湯飯控的我，通常唔會錯過特色湯飯附近多寫字樓，接近兩點鐘，店內食客已不多一場入到嚟，試下佢個農米雞湯飯啦除咗雞件外，配料仲有冬菇、雲耳，湯色頗清，入口算甜，味道不過不失，芫荽沒有加湯中同滾，所以沒有芫荽香氣，有點浪費了雞件也是一般冰鮮貨，胸肉也缺乏咬口，雞味不濃，未能留在我的記憶中！有冇飲哂啲湯？唔記得咗添！＃行到邊食到邊＃經常獨食但又肥嘅阿伯

聽人講依間店既米線湯底可以當湯飲，加上好多養生湯底，想食好野之餘仲想補下身既我就岩哂我啦今日點左個🍜花雕醉雞湯米線，🧄黑蒜雞湯米線同埋黑金雞翼，份量同湯底超級無敵足料，D雞又好嫩滑，果然係吸引我最欣賞嘅係，店舖堅持不添加任何味精和長時間熬湯，係心思上係值100分仲有仲有佢裏面既黑蒜係採用自家製黑蒜發酵14日製成，並非用黑蒜油，而且每日新鮮攪拌黑蒜，不留過夜，係非常有質素的一間食店真心推介，食過一定會回頭再食💯

放工去咗太子魚街，天氣凍凍地，見到有藥膳雞湯米線，就試下！第一啖飲咗湯先，冇味精，唔嗆口，正！再食啲雞，很滑，啲骨有少少未熟晒就知呢個師父有料到，仲要幾多件，抵食個湯有天麻，配料有木耳，豆卜，蟲草花，紅棗，杞子，冇咩雞油浮面，成碗食完連湯飲埋，暖晒！只係$58一碗！超值還叫咗個芥蘭，唔見有蠔油，只有湯浸住，但好好食坐滿客，但上菜算快，環境算乾淨，以小店來講唔錯，食開麻辣，酸辣米線，藥膳雞湯又是另一好選擇，我埋單前還買了一碗外賣俾屋企人食，都話正！會再幫襯！

是用開水做湯底嘛？我除了喝到有點苦外什麼都吃不出有什麼味道 一次比一次差什麼懷舊藥膳雞湯連雞的味都沒有服務員問了三次還是沒能落到單叫走青走芫荽 還要一大堆放上面還好像一副事不關己的樣子

今次係第一次食農米莊，去到嘅時候都多人，所以要等位。入到去諗咗陣，就嗌咗黑蒜雞湯米線加豬軟骨同凍檸茶。我朋友就嗌咗藥膳雞湯米線加鴨血。等咗陣兩碗麵都到齊碗麵一嚟到，我就比佢個湯吸引咗，飲咗幾啖先開始食。個湯酸酸鹹鹹咁，但又幾好飲，重點係間鋪標榜冇味精！佢個米線喺米線鋪嚟講都幾唔錯，條條分明又吸到湯，雞件就一啲滑一啲諧。但整體都係個湯底提升咗碗米線級數。但要提一提個鴨血，食落唔太入味，食唔出係鴨血，而且個豬軟骨係醋豬軟骨，唔鍾意食甜嘅豬軟骨就記得留意

琴日下午去左同朋友食左哩間農米莊我地嗌左一個椰子雞湯米線同兩個小食 個麵食到一半先記得影🤣🙈 個面好大碗， 兩個人分都夠食， 椰子雞湯好飲，不過好似以前個湯底濃味啲，而家個湯底帶點清甜嘅椰子味，椰子雞正正常常冇乜特別。 朋友話個面冇乜嘢子雞湯味，不過如果有 可能個面會煮到淋曬🤣個炸蝦冇乜味，又吾脆，可以吾洗嗌本身以為個雞翼係好似譚仔啲炸雞翼咁， 點知原來唔係，一開始有點失望。但食落個汁好夠味，係 黑蒜汁嚟嘅， 雞翼都醃得好入味，38蚊有5隻係抵既😎職員態度麻麻地，不太情願serve咁😂環境我地坐卡位，只係近門口，都幾熱下，overall Ok啦！

今日行完街行到晏咗，所以9:30係冇乜選擇之下第一次去咗呢間野。門口大大隻字寫住可以飲晒佢個湯嘅米線！！其實聽到呢句已經知道服味濃。不過都係果句係冇選擇幾下就俾個機會佢。最衰唔記得影低相！首先佢個細餐牌嘅米線原來冇寫價錢，最後自己點左一個所謂最正宗嘅花膠鮮雞米線，原來索價$98😳（埋單先知）食後感簡單來講就係一級嘅價錢，完全評價唔到嘅食物質素。其實講咁多都係想過200字俾個評價跟食後嘅感覺。奉勸大家以後過咗10:00又或者呢個世界冇嘢食，都唔好去呢間嘅幫襯。

之前食過另一間分店嘅味道比較好濃啲 鮮啲 多料啲今次食呢間分店差好多成碗真係得雞同麵 冇乜配料個湯隻味好淡 食咗一半已經唔想食另外友人叫咗個牛腩飯都麻麻應該唔會再食呢間

椰子雞湯飯椰子湯底較甜，起初開餐覺得可以，但最後愈食愈甜，有點像甜品呢😂 如果不愛甜的話，要注意一下。農米雞件就挺滑，但不熱，我是把它們浸到湯裏熱了點才吃。雞味也不算濃。湯飯裏亦有些菜，黑木耳和小冬菇。吃完整個飯，我這個女生乂概有8分飽吧。（最後覺得太甜，沒喝湯）因為環境較迫，所以沒有嘗試其他較貴的藥膳湯麵。但個人認為這個環境如果再吃貴點就不太值。今天的湯飯不難吃，但應該不會encore了。（真的比較甜...）

圖說$35實際$99嗌完兩盒米線 話收費$175說好的$35呢？ 唔單止個價錢貴，個湯底（應該係最重要果part）簡直係碗味精湯。伏到一個點。我地決定以後都唔會再返去呢間嘢了。大家小心啲。It was $35 in the picture as shown and it ended up $99 without any warning or information (the cashier simply said $175 in total and expected us to pay up)Not having good service is one thing, another thing is about the food they delivered. I changed the soup to Tom yum soup ($46?) instead of the $99 soup base and it’s full of MSG (salty as hell and has got no Tom yum flavour) another soup we ordered th

同女朋友夜晚諗住起旺角覓食，之前試過旺角另一間分店印象唔錯，見到太子都有就決定試吓呢間啦Order完之後唔洗5分鐘就到咗啦，起初睇兩碗係多雞嘅 我嗰碗係黑蒜雞湯米線都好少少 雖然啲雞有啲鞋但係至少係多肉少少 我女朋友嗰碗椰子雞湯米線佢比嘅全部都係多骨少肉唔好部位 真正入口嘅肉得勁少 比佢嘅賣相呃咗...實質食到一半啲雞都已經冇晒得返米線 其實佢都係係咁依切幾舊雞鋪面 佢個湯係偏甜 但後尾飲飲下都覺得有啲口渴 有啲懷疑佢究竟有冇落味精，我女朋友都唔鍾意嘥野食，但係食到後尾佢都放棄了...同埋佢坐得都唔舒服 心理感覺有啲污糟咁 待應服務態度還好 如果當佢係一碗普通米線都OK嘅 我會當佢係斬雞米線 但係唔會係椰子雞湯咁高級 仲要60蚊 我會食燒味舖斬雞米!冇乜特別應該都未必會試下一次...

最近常係旺角Moko ，但食早餐，都想試下旺角其他地方，今日一早就入咗呢間，見佢入面唔多人，座位都比較闊，餐牌看上去價錢都正常。 我又係例牌沙嗲牛肉麵， 等咗一陣就好快送黎。 湯、肉同麵既味道完全分開晒，牛肉份量都算多，但因為好「杰」， 成舊牛肉係凍既；麵底就一般，質地好粉， 但就夠熱，湯味好啖，所以三樣咁樣夾埋，就一般啦。 餐包質地好軟熟，加埋牛油好味。另外兩個人都叫餐肉，但一厚 一薄， 其中一塊燶咗少少。奶茶咖啡就略為淡。 為求食飽、平、坐得舒服，呢間完全合格，但對食物有要求既，就唔建議。