農米莊

营业中

休息中

突登整左個account留個食評。人生第一次寫食評，因為真係好難食。有日夜晚好肚餓是旦揾左間餐廳填肚，本身人肚餓都冇乜要求/期望，擺得落口話得。點知一擺落口話知中伏。湯底完全冇味，清水咁，雞肉更加冇味。藥膳湯底好苦，苦到令人不安，未食過藥膳係咁既味，飲藥水咁。椰子雞湯底就係落椰絲，真係第一次見，椰絲點取代到熬出黎嗰種味。煮嗰啲人一定係有啲反社會人格，正常人冇可能煮得出啲野。最後，評論話好食嗰啲人一定係打手。

下午茶想食米線就入去試試，喺午市menu揀咗個椰子雞湯米線，$48唔包飲品老實講，四十幾蚊對佢要求都唔會好高，但冇諗過椰子雞湯米線係審啲椰絲喺雞上面，唯一好彩嘅唔係帶甜嗰種，唔係真係好地獄撇除椰絲問題其餘都ok嘅，雞件俾咗五六件，少骨有雞味，仲有幾條菜、豆卜（不過係空心嘅😵‍💫）、腐竹、香菇、雲耳。雞湯飲落唔似係純雞湯，食完唔涸喉，味道略帶甜，但可以接受個人覺得對得住四十幾蚊嘅質素，當然都稱唔上好好食，算係不過不失，只係椰絲雞湯米線就不了🤢

平時都叫開湯飯，之前食開外賣多湯都吾洗加錢，今日去我落單時已經叫多湯，收錢時又無同我講要加錢，外賣出黎系無加到湯，我即時問就話要加錢，仲呃我話廚房師父話要加，咁你收錢時吾一早同我講，廚房系老細話到事嫁咩，我之前加湯又吾洗加錢既。。最嬲系我問返同事佢地平時都有叫開多湯吾洗另加錢，當時我就問加幾多，2蚊咋我加囉，相中分量得半碗話已經加左湯，我吾覺，開餐廳開到咁cheap 就吾好開分店喇，我以後都吾會幫襯

實在點餐無睇價錢，就叫個花膠雞湯米線。上枱，第一口食雞，鞋喎，無味。好，叫侍應攞小碗，想話倒d豉油幫下d鞋雞…結果豉油好難食！好，第二口飲湯，一口花膠味都無，係得雞湯，係無味精既。好，第三口食米線，正常野。好，第四口食花膠，硬。 一個字，硬。一口之後成條放棄。好，再食，呆左…一條生菜，就只一條。全程我無嫌棄，旺角地方講咩食好西哎，飽就算啦，幾廿蚊，係甘質素啦。去埋單，同我講$118………未試過呆兩秒甘耐，不敢相信我食咗啲乜嘢？呢一個價錢？我頭先食果d質素喎🫠 再重覆一次$118。然後我直接同佢講：真係好難食哎，你地要進步d！ 食到懷疑人生，到底食左d乜

經朋友介紹話佢屋企附近有間米線店，出咗個芫茜皮蛋魚片湯米線，話啱晒我咁話…. 因為我真係好鍾意飲芫茜🌿湯，我二話不說即刻約佢同我去食，呢間米線叫農米莊，聽個名就知好似好健康咁….不過我都唔理佢健唔健康，最緊要有我啱食嘅嘢😁間餐廳係行健康路線，碗米線一到，果然有驚喜….😳湯嘅味道同芫茜嘅味道好匹配同好清甜😋果然冇介紹錯👍🏼

之前係旺角食過吾錯，行過太子見到有分店就入去，個時8點半，吾算多人，得兩枱客等緊，搭枱當然冇問題，不過卡位張枱丁咁細，放舊鬼死咁大個架既版，對面同我哋都好逼，之後有人陸續埋單，有兩三張吉枱，我就同侍應講調一調位得唔得，佢就話會照間你，我心諗有人黎搭枱咪間我，之後一坐低就用塊版間落嚟，全場卡位淨係間我2個人果一張，大部分卡位都係坐2個人，之前同我哋同枱個枱又吾洗間枱喎，好，食碗米線是但啦，食得吾舒服咪又係食碗粉，食到埋單全場大把吉枱，又冇人入嚟撘枱，咁間黎做咩？之後張單要收我加一，咁既服務要加一？初7都要加一？全世界都開曬市，不如加一加到聖誕？之後碗米線仲有d係硬既，應該未熟，下次去翻旺角睇下係咪一樣，如果係就真係吾洗再幫襯

去花園街花墟的話，總會到農米莊吃米線，今天大年初三也不例外。比起之前，食品價錢明顯貴了，份量好像也沒有過去那麼多。因為已經下午4點左右，三個人點了兩個餐，柚子豬軟骨米線（$52）＋oreo朱古力（$9）、黑松露野菌豬扒飯（$55）＋熱朱古力（$5）。味道ok，不過有點鹹，熱朱古力稍為太淡。埋單$134，當時沒注意，也沒有取單，回家車上再回想，多收了$13，是加一嗎？但餐單上似乎沒有標示..估計下次去旺角要再找其他餐廳了

今日陪女朋友去旺角行街，睇戲…行到咁上下肚餓，女朋友話想食米線，我即刻諗起農米莊嘅雞湯米線好好食，我即刻上網睇吓旺角邊度有分店？咁啱我哋喺旺角中心喺正中間，最終行咗去近寵物街嗰邊嗰間，原本諗住食黑蒜雞湯米線，點知比我發現到除咗雞湯米線仲有酸菜魚米線，其實我本人好鍾意食酸菜魚，就諗都唔諗即刻叫嚟試吓….大約10至15分鐘到就嚟到，估唔到酸菜魚配米線真係又幾好食仲好多魚片添⋯⋯食完之後我諗今晚都唔使食飯😂但係真係好多魚片，所以都好滿足….下次先再食黑雞湯米線🍜

今日出開去寵物街買返啲精神食糧，同主要食糧俾我對寶貝補充下，行完一輪見有少少肚餓就諗住搵嘢食，呢條寵物街唔單止多寵物店之外，其實都有好多特色食店，見今日天氣凍凍哋就好想食啲熱嘢，見到一間專賣米線嘅特色米線舖，就啱晒我啦呢個天氣食啲熱嘢，仲要佢哋係主打雞湯米線，更加暖上心，呢間米線舖主打雞湯米線，但係種類真係好多好多….有選擇障礙嘅我，更加難選擇🤔搵到想食咩嘢之餘又有一個大考驗😂唯有見隔離枱啲人食乜，我揀乜就就無死😂最終我跟隔籬枱叫咗個椰子雞湯米線，估唔到唔夠5分鐘即刻有得食，一個字（快）👍🏼快到咁真係我都驚出事….但係又估唔到鬼死咁香同好清甜過湯底，啲雞又好滑….呢個椰子香味同雞湯味嘅配搭又真係幾好飲喎！唔怪之得咁多人叫佢仲有好多湯底下次可以再試吓！有下次….

如同不是有酸菜和魚就等於酸菜魚一樣不是有幾樣看似養身食材就叫養生米線d紅棗根本就是最後放上去裝飾的，跟湯一點都不融合d雞也不是放進去煮的，而是切雞，跟其他雞飯的雞一樣成件事十分三文治，A+B+C咁，好快餐好無誠意同樣是藥膳雞湯，我大推薦深水埗的五福園，那個才叫藥膳雞米線！如果有人覺得這個比較好吃的，我把舌頭切下來退給你。又，教大家分辨好餐廳，呢間小食有40多樣，其實全部大同小異，無聊死了，無謂自欺欺人。錢不容易賺，大家還是小心花自己的血汗錢吧！

行魚街經過比佢鋪頭招牌吸引咗就行左過去見到有藥膳雞湯米線就決定入去試試佢坐低睇完餐牌叫咗三樣嘢藥膳雞湯米線，酸辣雞湯米線同埋鹽燒豬頸肉落單唔夠十分鐘兩碗米線已經到我就係食藥膳雞湯嘅一黎到已經聞到好香既當歸味先黎試一試個湯頭先藥膳既味唔會重到遮蓋哂雞湯既味道都算鮮甜未食已經見到D雞勁滑可能咁岩比左雞髀位我好好味男朋友碗酸辣雞湯米線就差少少佢係比左雞翼位佢所以肉質上無咁滑而湯頭方面，我地一致認為比較死酸麻麻地最後就係鹽燒豬頸肉😊😊um….好普通唔算太乾，但佢好似就咁係上面落鹽咁唔好食依間餐廳其實都有好多唔同款式既野食但我就未必會再回頭了

天氣有點涼， 當想食啲熱湯嘅時候，行過見到門口有張$35午餐poster, 咁平就即管入去試吓。但坐低先知$35不是圖中各款米線， 而只係自選底，正所謂貪字得個貧，反正坐低咗就叫咗個$42嘅酸辣雞米線。酸辣湯底夠味，有六件雞、兩粒冬菇，仲有豆卜腐竹雲耳酸菜等等，而米線份量都唔少， 雞又唔會鞋，其實都算抵食。今次由於酸辣湯底比較濃味， 所以冇飲埋啲湯，下次試下椰子雞咁就可以飲埋個湯😁。另外， 埋單先知只收現金，先前行完花園街， 現金都用咗好多， 好在都夠找數， 如果入坐時提提客人只收現金會好啲， 因為而家多數人都用電子貨幣。

宜家米線鋪開得越黎越多，我都係最鐘意養生系列既米線，農米莊正係我其中一間最愛。我最愛既分別係鑰藥膳雞湯米線同埋椰子雞湯米線，今日叫左椰子雞湯米線。湯頭很清甜，富有雞湯好椰子的清甜，完全唔口渴。雞也算嫩滑分量多，而且也有其他配料入木耳腐皮等🤤🤤秋意漸濃食呢d養生米線好適合❤️

今日lunch想食米線，但又想食得健康啲，所以就揀左農米莊嘅養顏椰子雞湯米線。椰子雞煲就食過，椰子雞湯米線就真係第一次食😍 佢個椰子湯湯底味道甜甜地，椰子味好香濃，飲完一啖會再想飲，米線好滑！而且雞肉都好多好大塊，仲好嫩滑，真係好足料，仲有豆腐卜，豆腐卜吸晒湯嘅精華，好入味🤤 仲有雲耳同菇，成碗米線所有料都好健康。如果大家都想食得健康又好味，不仿黎農米莊試下佢地嘅米線，佢地嘅醉雞米線都好出名，下次要試下！

喺宵夜時間，專登叫咗個黑蒜雞湯米線，一打開就聞到香濃嘅蒜頭味道，湯底十分之夠味。米線軟硬程度適中，加入湯底後，好快就入味。份量適中，個人覺得十分之適合作為宵夜食物之一。