辣椒仔雲南米線

裝修只係非常普通嘅粉麵檔，坐得唔舒服，但係收呢啲咁既價錢，絕對唔便宜，可以話性價比相當低，加埋嘢飲成80幾蚊，我去搵間餐廳食小菜，又或者去啲連鎖茶餐廳食好過冇冇咁嬲，啲米線淋到好似糊狀咁，咬落去一pat pat，另外佢碗米線都唔知係屬於邊個地區風味，完全唔係雲貴川是但一隻味道，我就真係食唔出，完全唔合格，完全感覺中伏，根本係冇心機做，見到咁少人坐低都估唔到，食完之後，我就明白點解冇咩人坐低啦，蠢咗一次…查看更多

喺小巷嘅鋪頭仔，經過見到簡單叫左外賣做個dinner豬頸肉+牛腩+番茄牛骨湯紅薯粉，熱奶茶（$61）豬頸肉：切得太細條，冇咩口感牛腩：有驚喜，好香花椒八角味，幾濃厚，都算大舊紅薯粉：正常口感，都算煙韌湯底：叫左少酸同三小辣，比想像中辣，但味道好開胃，略嫌番茄味唔係好夠，可能比辣味同酸味蓋左d。奶茶：叫左多奶，但都係有d偏苦，如果唔係多奶應該有d難入口整體嚟講，正正常常，但應該唔會特登再買多次。叫做試下新野都好，畢竟尖沙咀食野都貴…查看更多

叫左個雙東枝竹羊腩湯米線環境就荼記格局,優點係夠方便,尖東噴水池附近,坐低左都已經冇咩奇望唔知係唔記得我米線定係刻意即羊腩和米線係分開上,但黎到都係要將d汁倒埋一齊冬菇就夠厚夠入味,羊肉唔夠羊騷味好在都夠淋,不過湯底個味道就太淡,基於米線係另上,我覺得同我超市買包米線返屋企煮出黎概結果差唔多只可以講一般呢個價錢唔太值得辣椒仔雲南米線地址 :尖沙咀麼地道75號南洋中心地下4-6號舖電話號碼:93760406營業時間:星期一至日11:00 - 20:00…查看更多

辣椒仔雲南米線一間位於尖東後行仔既小店，裝修簡單座位都闊落，經過見到呢間雲南米線店，所以入去試一試，食物紙上的米線系列是以自選配料方式配搭，類似車仔麵。但由於上網見到佢推介的其中一樣食品是麻辣手撕雞，所以今次就直接叫了麻辣手撕雞飯，而沒有叫米線系列，下次才試試米線系列吧。麻辣手撕雞飯 45$凍阿華田 +5$麻辣手撕雞飯很簡單，就叫麻辣汁的手撕雞加上青瓜絲配一個白飯。麻辣味道並不是非常香濃的麻辣味道，而且手撕雞亦沒有香滑的感覺，但配合青瓜絲一同進食都有幾清新的感覺。而白飯偏淋食落亦不香口，可能店舖主打米線吧。…查看更多

好食又抵食嘅米線！每次經過都會食！（以下附上每次光顧的食物照片）有多款湯底選擇，當中我最中意嘅係麻辣湯。呢間的麻辣湯如某些米線店不同，不會辣得你狂喝水，反而是陣陣麻痹，超正！有幾級辣度可選，又可以選擇多麻/少麻。酸辣湯底可選多酸/少酸。餸菜方面，我最喜歡吃麻辣雞腎，份量件數多，而且口感佳。 茶葉蛋也不錯。每碗配有基本餸菜，如芫茜、酸菜、香蔥、芽菜等等，當然，不喜歡的人士可以選擇不要哪些。不喜歡米線的人可以試試薯粉和水晶粉，亦有撈麵可以選擇。員工服務態度好，十分友善！…查看更多

一直都有幫襯的小店，以前多是堂食，今次疫情後主要外賣。 大大碗，很飽，用料亦足。喜歡他們的酸辣湯底，夠味。豬骨湯底亦不錯。朋友說他們的麻辣亦夠晒辣。 餸方面推介炸雲吞和燒豬頸肉，還有豆腐泡去吸湯汁好正。 他們的咖啡和奶茶很有水準的。 他們的早餐和下午茶亦很抵食，行過不妨試試，支持本地食店。 …查看更多

好耐冇去過科學館，去科學館行完攰攰地，搵個地方坐下食下野，順便唞一唞🥱見到以前忌廉哥報紙檔隔離開咗一間米線舖，反正攰攰地都唔再行，入到去唔多人可能係星期六啦，始終商業區人流唔多。叫咗個竹笙腩片雞扒麻辣米線中辣，再叫多個炸花枝丸併龍蝦丸。竹笙超正，索晒啲麻辣湯，最鍾意食咁濃味既野，花枝丸同埋龍蝦丸炸得好香，感覺有台式風味，如果可以再炸得金黃啲就更完美。我諗呢間米線舖頭應該開咗唔係幾耐，因為如果早幾年前，隔離全部都係開藥房，都冇可能開米線舖頭，不過都好嘅，咁樣先係一直以來認識嘅地方…查看更多

早幾日揸車去尖東寫字樓攞啲文件，行過見到呢間小店，之前中午時間都見到有人排隊，心諗應該都唔錯。好過諗到食米線就一定係食譚仔咁悶啦。入去叫咗一個豬軟骨/麻辣鴨腎/豆卜/螺旋藻 ，酸辣中辣。豬軟骨同鴨腎整得好入味，酸辣味道剛剛好。之前食過有啲酸辣米線，勁酸好似落咗醋咁樣。我本身對味精好敏感，食完都唔覺得有口乾嘅感覺，埋單嘅時候順便問一問應該係老闆娘，佢哋話家庭式經營，冇落味精，佢仲問我味道點樣？好有禮貌，睇得出有誠意。順帶一提，剛剛寫食評嘅時候見到有留言話衛生麻麻，我又唔覺得喎！行入去嘅時候剛剛過咗午飯時間，我見佢哋啲店員逐張枱喺度用熱水清潔緊，點都好啦，小店一定要支持…查看更多

喺尖東行過，見到間米線，就同朋友入去試下啦。店員服務有禮，地方乾淨衛生，我叫咗個羊腩湯米線，份量好足，羊腩好淋好入味，冬菇勁正，米線湯味好濃，整體都好好食，極力推薦…查看更多

唔過見到雙冬羊腩米線覺得幾特別 所以去試吓羊腩同米線係分開上嘅羊腩份量正常 味道唔錯但係同個米線好似冇咩關係咁最後夾晒啲米線過去味道提升不少另外見有孜然雞翼就叫嚟試吓嘩 咸到你唔信啲雞翼仲要營養不良 好瘦一定冇下次…查看更多

本身見近近地諗住試吓新野，一坐低叫咗兩碗，一碗熱拌，一碗胡椒湯同一份炸雲吞。首先胡椒湯果碗湯好稀，冇味，餸又貴又廢，竹筍有怪味…最大鑊係碗熱拌烏冬（仲要加左$3）有圖大家自己睇…7仔嘅燒汁撈烏冬都仲好食過佢…完全係白醋辣油撈白烚烏冬，叫咗紫菜居然係零食一片片嘅紫菜🤦🏻‍♂️仲有係益既..（加左$7）辣酒雞翼尖又唔辣又冇味又淋（加左$12）其實雞翼尖有幾難整嘅請問炸雲吞就中下雲吞皮正常，啲餡唔好食，好油。最最大獲係野飲，我哋一人叫咗一杯凍華田同凍奶茶,完全唔覺有奶同好稀，杯華田頂唔順叫佢換過杯凍檸茶諗住好啲，點知茶都係水嚟嘅，一睇就知啲茶底係廢嘅，真係7仔啲凍檸茶仲好飲，不如索性唔好做水吧直接賣汽水同豆漿好過（不過汽水都要加$8我_你個肺）到埋單嗰陣好聲氣同佢講你啲嘢食麻麻哋，佢仲同我講有咩問題….…查看更多

同事介紹食到😋😋、米線質地明顯比一般米線高質、食落去已經覺得爽口啲😇😇、同埋個湯底飲落去都已經覺得幾濃郁😋😋、因為我譚仔食開大辣、未食過呢間野所以叫咗中辣、辣度適中😚、同埋平時食譚仔都唔係好飽、但係呢間米線舖勁大碗、食極都好似仲有咁🤣🤣、同埋佢個竹笙必食🥰🥰、因為佢個湯底好好味、啲竹笙吸晒佢個湯底再食嘅時候、簡直就係如虎添翼😋😋豬皮亦都爽口不過不失、但係佢個雞腎亦都幾美味😎、因為佢係麻辣雞腎、我估佢哋專登上嘅時候先放上面、等湯底唔好沖淡咗雞腎個麻辣汁浸味🤣🤣、最後就係服務員態度良好、基本上你嘅要求只要合理、佢哋都會盡量幫你！🥰同埋佢哋都幾親和！你同佢哋傾計佢哋一定會俾足反應你🤣🤣、價錢方便都比較平民🤩🤩、佢呢度兩個餸加杯凍飲都係$49、但係質素高於譚仔！！！🤣🤣🤣…查看更多

衛生差&食物一般&態度差1）食物質素- 午市，叫左豬軟骨炸鵪鶉蛋米線，米線太淋，豬軟骨碎爛哂（睇下圖，似豬肉碎），鵪鶉蛋爛咗，感覺冇炸過- 叫完野食，等半個鐘先上一碗米線2）衛生環境- 隔黎抬食完野，收左碗，冇抹抬就上新客- 見新客自己要去拎紙巾抹抬，尤其疫情期間，好污糟3）員工態度差- 對食客招待冇禮貌，大聲夾惡，唔當你係客咁- 上凍飲係「嘭」一聲，大大力放係抬面- 員工之間大聲互相嗌交，食客係隔黎，感覺好差性價比低，附近返工，唔會再返去幫襯…查看更多

叫咗個豬骨湯米線，試咗啖湯夠濃，米線又唔淋，好爽口，叫咗手折雞絲送，佢D配料超多同埋佢個菜脯好惹味，另外叫咗炸雲吞好新鮮，孜然雞翼咸左少少有待改進，佢個麻辣手撕雞啖啖肉，我同我男朋友叫咗一碗米線加幾個小食都食唔晒佢嘅價單都算係平民價，所以下次可以再值得一試👍🏻👍🏻…查看更多

🇭🇰辣椒仔雲南米線·呢間係係我office附近既 我地望住佢由裝修到開張 我地食既時候佢連openrice都未有 不過見好似都幾多人幫襯 我地又去湊下熱鬧😂😂·酸辣湯小窩米線$30 l 糖醋豬軟骨$12 l 螺旋藻$7佢呢度既湯底係由三小辣起跳既 不過佢食落唔算辣 同譚仔既十小辣差唔多 所以我自己覺得食落唔夠惹味 主要係個酸味出D 下次要嗌辣D先得😂😂之後佢真係超級大碗 大碗到嚇親我地 女仔既話記住嗌少米 不過佢個米線質地做得好好 好有咬口🤣個糖醋豬軟骨有軟骨既部分幾好味既 好淋好入味 不過無軟骨既部分就比較乾🙊之後佢個螺旋藻係撈左麻油既 我自己都幾中意😌😌··📍尖沙咀麼地道75號南洋中心地下4-6號舖…查看更多