辣媽川湘私房菜

营业中

休息中

「辣媽川湘私房菜」呢排食過最正嘅其中一間餐廳，超滿足到我🥰🥰🥰尤其是重慶辣子雞佢份量十足，中辣岩岩好，太嘢味又有驚喜。而酸菜魚叫了中辣都唔錯，酸而開胃，配合湯食了一大碗飯。

今日同上大人約左係元朗吃lunch，雖則元朗都多野食，但林泥林去都5知食咩好，甘就一於番卓呢間辣媽。辣媽之前都食過2，3次，今次記得影相，所以就寫寫評語。次次泥辣媽都係食至愛的酸菜魚同水煮魚，小辣。幾次都係一貫水準，魚湯美味，桂花魚滑，好味。但講到服務就真係好一般，係我地食完後，侍應收拾上時粗心大意彈左啲魚湯落我件外套上，個下真係想xyz 距，點洗啊？距細細聲一句”對唔住”就同我閃走左，紙巾或濕紙巾你都俾張我啊。食物係5錯的，但侍應質素。。。

每次黎必叫既一定系酸菜魚，肥腸，乾鍋菜花🤤酸菜魚咸酸辣較得好好 ，肥腸真系整到外脆內軟，菜花好香，用左肥豬肉爆香加孖然粉再炒所以好香！串串蝦好香 好味今次試埋佢個擔擔麵同涼粉，平時唔食既我都覺得好好味🤤個花螺都幾香幾入味 ，值得一試其他個幾款就麻麻地喇 唔系難食 但無特別無驚喜😂

當天陪同幾位來自四川的朋友去食生日飯之前已經成日聽人講話好食但真係要試過先知！果然酸菜魚夠辣夠香 魚肉十分爽滑就連四川朋友都讚好食！另外個椰皇雞湯 都十分清甜真係好想飲完一碗又一碗

第一次同朋友去食，已經非常驚喜，由微辣挑戰小辣，再食中辣，好過癮😍😍😍兩個人，一邊食辣嘢一邊飲啤酒，勁爽😂😂牙籤羊肉好好味，一啲都唔So👍炸大腸又係好好味😋酸辣象拔蚌ok, 朋友話唔算係正宗重慶菜☺️

無酸菜魚 川菜愛好者？😍最近食左一間好好食嘅川菜推薦俾所有朋友💕-1. 酸菜桂花魚 $299 原條 ⭐️⭐️⭐️⭐️我地嗌咗小辣 湯底真係一流又香又唔會辣到接受唔倒湯內有粉絲 吸曬d味 好正😋唯一美中不足係無得加配料 如果可以加寬粉就正 下次試下中辣先😛2.脆皮豬手$98 ⭐️⭐️⭐️⭐️好脆 而且辣度好正 我自己好鐘意3.黃金炸饅頭 $49 ⭐️⭐️⭐️無咩特別 同一般炸饅頭一樣🤣4.紫薯糍粑 $56 ⭐️⭐️⭐️依碟略為淡 就算沾咗汁都無咩味係其他店食過更濃更脆5.手絲雞 $68 ⭐️⭐️⭐️⭐️辣度同麻油既分量剛剛好😍6.芒果沙冰 $36 ⭐️⭐️⭐️⭐️好解渴 而且份量好大杯😍7. 水果茶 $43 ⭐️⭐️⭐️⭐️多水果！份量夠大杯👍🏻而且好好飲😍-總結我覺得全場最好食既一定係酸菜魚我都食過香港好幾間酸菜魚依間既湯底好香好濃 無魚骨！我真係推薦所有酸菜魚愛好者試下💕⭐️建議8點前入座 不用等位⭐️限時90分鐘用餐 但座位流動得快 繁忙時間等待時間亦算快📍辣媽川湘私房菜 (元朗)元朗西菁街10號好順泰大廈地下22-23及28-29號舖

因為大埔人好少會入元朗，我哋當時去元朗，就係為咗食呢一間好多人都講好好食而且好正宗嘅私房菜， 小編唔係好食得辣但係小辣對我嚟講係啱啱好可以再辣啲， 但係真係好好食，平時嘅小編食辣野就會好快飽，但係呢個辣度啱啱好仲會好想keep住食， 我比最高分係羊肉串因為我都好驚會食到一啲好騷嘅羊肉， 但係呢個嘅香味真係滿分， 仲要好好食，千祈唔好畀佢啲辣椒呃到其實一啲都唔辣， 所以唔食得辣嘅朋友可以放心食👍 而且地理位置好方便，元朗千色店過對面就係啦

特意入元朗行大棠千島湖，行完半日去食個酸菜魚。之前在深圳食過，一食難忘，朋友介绍呢間辣媽非常正宗，终是试下。我地三個叫了酸菜魚，BB辣，非常好食，不算辣，桂花魚夠滑，酸菜野味。另外亦叫了蔴酱雞、咸蛋苦瓜、豬油渣炒菜及甜品加水果茶及啤酒，非常盡興。

嗰日同同事放工，啱啱出糧冇耐於是想慶祝食一餐，記得之前間鋪未裝修同未搬之前食過一次，矯飾尤其係嗰啲牙籤羊肉，於是諗住見佢新開左再同同事去食下睇吓啲味有冇keep到。我哋幾個人嗌左幾碟唔同嘅嘢，牙籤羊肉、串串蝦、涼粉、酸菜魚、東風螺，好似仲有啲雞肉。全部野都係叫咗小辣，但其實全部野上晒枱都唔係覺得好辣，連平時唔食辣野嗰個同事都覺得唔辣，可能我哋嗌小辣佢驚我哋食唔到咁多立美啦所以落少咗掛。首先佢先想涼粉嘅，但我哋食嗰個涼粉呢就完全唔凍囉，係室溫嘅溫度囉，呢個就真係有啲失望嘅。但個東風螺呢就好味好多，而且佢啲青瓜呢有啲似wasabi嘅辣味幾得意😂啲螺食落去係新鮮嘅而且唔會話好鞋，我哋都啱啱好。羊肉同埋雞肉嗰度主要係我哋覺得睇落好似好多辣椒但係好似冇乜辣味囉，不過下次可能試吓中辣，睇吓會唔會辣好多。另外嗰個酸菜魚呢個，就唔評論啦，因為我哋覺得冇乜特別。但係相反個串串蝦，我哋就覺得幾好食不過就係太多油啦，一個咩都就OK嘅。令我哋嗌左啲水果茶，同埋啲青檸梳打，咁水果茶呢佢一上到黎呢即刻好驚喜，因為真係好多水果同埋都好靚好大杯嘅。總括嚟講我覺得個味道呢未搬之前好食啲，而家可能因為多咗廚房，有機會唔同

都好耐無食酸菜魚，今日入黎元朗覓食，見到呢間店多人排隊， 應該係好野！😃好彩佢有Gulu 取票及等位服務，所以取票後可以周圍行下，就到先返黎！第一次食一定唔好錯過佢既酸菜桂花魚呀！ 我地叫左個例size , 魚好滑好嫩🤤，因為我地唔食得辣，個湯底揀左BB辣，辣得黎唔會蓋過酸菜同魚本身既鮮味～好味！個底有啲粉絲，如果早知我地就唔另外叫酸辣粉！不過好彩碗粉好細，兩人share 幾啖就KO 左😂😂。另外點左個涼拌芥辣花螺，細細粒好爽口，個汁少少略咸，入面有青瓜粒同大量既葱！👍🏼👏🏻飲品叫左金桔青檸特飲，都幾大杯！🍋😋（太口渴唔記得影相🤪）食品仲有好多選擇，炸豬手、蟹、蜆⋯如果下次約啲friend 黎食，可以試多啲！

因為友人係網上見到，所以專登入黎食！行左好耐先搵倒它，由於6月份幫襯，所以好多人排隊，等左有1個鐘等左好耐，所以好肚餓...由於同行有個吾食辣，所以我哋揀咗最低辣度既餸，冇辦法，吾夠人好難叫餸！每人叫左杯吾同既野，各有特色，我覺得最好飲係鹹檸七，最差係水果茶...淡一上枱超香，一睇就知即整即食，食得肥腸嘅超推介，好足料！熱氣之選由於怕太多辣，加上自己鐘意桂花魚，所以叫咗一條。桂花魚好多汁，夠脆皮，好啱送飯。得三條友食，食到最後好膩呀！終於黎到重頭器....酸菜.......象拔蚌，因為叫左桂花魚，所以改左食蚌！真心推薦，好好食，蚌好大隻，口感不錯！但有「少少沙」🤏🏻N年冇食過田雞，上菜過下好夠熱&辣，吾食得辣真心吾好叫！佢d野，平均都夠熱，味道濃郁，特色小菜黎講，可以一試！ 但地方淺窄，仲有人食煙，室內吾禁煙，煙霧離漫，加上服務員太忙碌，有時未能兼顧，所以有少少扣分！

這應該是我在香港目前吃到最好吃的川菜了，比連鎖的幾家都好吃太多了！豬腳長處理的太好了，一點不肥膩，辣子雞也很好吃，但份量略少，回鍋肉味道也不錯，就連飲品都很好喝，水果茶十分清爽

自從疫情開始，已經有九個月返過深圳，期間都在香港四圍找尋好味嘅酸菜魚，可惜仍然食不到深圳嘅味道，有啲魚唔夠滑，有啲魚嘅份量較少。偶爾看到討論區有網友介紹辣媽，今天剛好入元朗，當然要去試下，果然不負所望，我叫左中辣，一整條魚，魚肉香滑，骨位有炸過更香。配嘅係幼身粉絲，個人口味覺得配上較粗嘅薯粉，可能會更正。仲有點左炸豬手，都係深圳水準，正。呢間餐廳不設訂位，我見到門口有部 GULU 㩒飛機，但無遙控取飛功能，我 6:30 去到已經差不多坐滿，晏去要有等位嘅心理準備。

辣媽 新舖 (都搬左一排)食左酸菜魚 小辣涼拌花甲 夫妻肺片人流不斷 好在早左去食，六點鬆吾洗排入到去都一半滿酸菜魚 感覺冇舊舖個時好食 85分啲魚質地不同，薄既入口好，厚既麻麻地。熟吾透？個湯都好飲既，下次可能試下中辣今次有驚喜個涼拌花甲 100分甜甜地辣辣地 ，醬料非常開胃食完再食下次再叫nice place to gospicy Chinese food, tasty seafood nice food in yuen longneed to try

公司同事非常鍾意食辣成日話元朗有一間食川菜非常之出名，話帶埋我哋一齊去食，距話原來舊店搬咗新店，所以我哋決定放假去食返餐，今次我哋嗌左幾樣餸，包括有水煮魚，鹹蛋脆苦瓜，干扁肥腸，仲有羊肉串。佢呢啲餸全部都有得揀大中小辣因為我哋怕好辣所以今次全部都選咗小辣，首先講吓水煮魚魚肉非常嫩滑，一啲都唔鞋口真係可以媲美喺大陸食嗰啲水煮魚。另外個鹹蛋除苦瓜唔會好苦，加埋啲鹹蛋非常之夾。剛剛扁肥腸就外脆內軟不過就有少少偏肥。仲有個羊肉串炸得岩岩好，五會偏乾，非常之好食！整體來講非常有四川口味，不過價錢就偏貴少少但係我都一定會再返去食多一次！