川湘菜成日都俾人一种 「油」怕又期待嘅感觉 😆 最近去咗呢间已经开咗 10 年嘅「辣妈」，连住喺元朗嘅朋友都话成日帮衬！呢度啱啱装修完，环境舒适，价钱亲民，份量又够大！🍹 至尊健康水果茶 $46、🍋 金桔青柠特饮 $39 呢杯水果茶完全超出我嘅想像 🤩 里面放满蓝莓、苹果、哈密瓜、香橙、百香果、奇异果、火龙果、青柠、椰果、菠萝，仲有一朵芒果花 🌼 系一杯可以饮嘅「生果盘」！金桔青柠就正常发挥，酸酸甜甜，食辣嘢时饮返啖好 Refresh！🥩 18 秒爆炒雪花牛肉 $139 牛肉经过极速快炒，锁住肉汁，再配埋蒜粒、糖芹同荀丝，炒得够镬气！🐖 糖醋酥肉 $79 热辣辣上枱，咬落外层够脆，入面有肉汁，钟意糖醋味又钟意香口嘢嘅朋友实会钟意 🤤🐔 爆炒盐焗手撕鸡 $119 盐焗鸡丝本身已经够咸香，加埋香辣调味更惹味！鸡肉口感同猪肉有啲相似，辣味适中。🥦 啫啫西兰花苗 $89 上枱时「啫啫」声，清脆菜苗配蒜头同五花腩片，每啖都系镬气加肉香，好食！🍚 至尊煲仔饭 (2 人份量) $99 呢个煲仔饭有啲惊喜 👀 开盖前店员会问你要唔要落猪油同豉油… 淋上猪油后，连埋腊肠、腊肉，底下仲有脆卜卜嘅饭焦，食落有风味！🐟 湖南剁椒蒸鱼头 (半只) $99 呢个湘菜代表菜 🔥 本来以为鱼头细细哋，点知实际上 Si-ze 都几大！鱼肉滑溜，重点系𠮶粒鱼云，OMG 🥹~超好味！底部仲有保温设计，唔怕食到一半变冻变腥 👍🏻 …查看更多
