輕鬆美食

今日又係講吓外賣呢間小店係第一次幫襯不過原來都好出名出名在食咖喱同事介紹必定要食乾煎咖喱出於好奇心下就問咗佢乾煎同普通咖喱有乜分別原來乾煎咖喱係會多4塊炸多士首先講返份量絕對抵食夾大件一盒餸 一大盒飯再加一杯咖喱汁同一碗老火湯基本上食完飽足成晚咖喱汁典型茶記椰香咖喱 唔辣少甜非常啱我口味炸多士炸到非常香脆點咖喱汁食掛汁惹味雞扒雖然係雪藏但肉質絕對唔會淋晒又冇乜肥膏雞皮煎到脆卜卜最後講吓價錢用Apps叫有平盛惠$50一份性價比非常高以後會再多多幫襯…查看更多

💯推薦：干煎咖哩什排飯從來未食過咩叫干煎咖哩，原來係咖哩汁和餸分開上。碟餸好大碟，分別有腸仔，雞排，豬排，薯仔，青椒和洋蔥。最驚喜有幾片炸方包，食完已經食唔到白飯，好彩我地有兩個人一齊食。咖哩汁係一流！好香濃，就算腸仔沾上咖哩汁已經好美味，好食到店鋪有單買咖哩汁，證明呢個係佢拿手食物。其實海南雞飯都好好食，不過今日黎到已經冇曬油飯所以留返下次再黎食過。而家一唔想煮飯又想平平地食個晚餐，就會過黎食，雖然店內唔係好多位置，其實一路食一路聽到外賣機不停響，真係幾多街坊支持！…查看更多

雖然已經食左好多間上水既餐廳，不過都仲係好努力繼續去發掘一D未試過既，今次就黎到呢間輕鬆美食，試下佢最出名既海南雞飯先。 ————————————————-海南雞飯 ($62)啲雞好滑，而且俾左好多舊，雖然唔係成隻大雞脾，但係佢都係俾近脾既部份我(本身好鍾意果個位，因為覺得雞骨髓好好食)。不過就真係無乜雞味，但係根據佢肉質+量黎講 我接受😁😁😁😁😁😁佢仲有送例湯，不過個湯都真係無乜味，同個油飯一樣😂…查看更多

輕鬆美食位於係一個住宅嘅樓下，聽講已經有好多年歷史，但係我都係第一次黎食，既然係第一次，梗係要試吓去遠近馳名嘅炸雞翼飯啦！果然係名不虛傳，炸雞好香脆，入面嘅雞翼啱啱好熟，真係好好味😋…查看更多

因為住喺呢間小店附近，周不時都會經過，門面堂食空間不算多，而我今次係叫呢間嘅外賣，之前都試過堂食食菜遠豬肉飯同其他小炒，味道覺得都可以，所以先周不時叫下外賣黎食下，可以送上門又唔洗落樓都幾方便。今次叫咗個喇沙豬扒湯米，真係要大讚一下，係幾好食，湯濃有椰香味，塊豬扒就快大過個湯麵碗，仲配左菜、洋蔥、芽菜，而豆卜係入晒味，吸晒汁，好豐富好好食！最後我係連湯麵湯都飲埋，好好飲！下次都想試埋佢既海南雞飯，係佢地既招牌菜。…查看更多

每次放假，想做宅女😜。每次一做宅女👧🏼，就會想起輕鬆美食😝😝，因為他們可以送外賣呢😜～而且更是我💝喜愛的食物類別！餐廳有喇沙湯面🍜，有海南雞飯🍚，咖哩牛腩飯🍛⋯⋯ 聽落簡單，但味道一流！難怪這麼多人！👥 一家細，老少咸宜🤣海南雞飯$54雞夠滑，有雞味！偶然好彩的話，更會比雞腿😍😋😋不過當然如果你是指定要雞腿的話，價錢會唔一樣啦🤓飯不是普通白飯，是油飯來的，有少少咸味，胃口大增！仲附送勁多料例湯😋😋…查看更多

今日到上水做野,突然海南鷄隱發成, 好想食海南鷄,心中就冒起呢間小店,餐廳面積唔大,最多可坐30人左右, 感覺好緊迫,入到去每張枱都有人,本想坐卡位,可惜我呢D米豬連人坐了感覺太迫,所以坐返中間方枱位置,慣常望下餐牌,選擇困難症又發作,除海南鷄之外,又想食喇沙…最後問服務員有冇海南鷄喇沙,點知佢話冇..問佢海南鷄飯餐可唔可以轉喇沙, 佢又話冇,最後要食的話只好分開散點,由於有少少餓,又兩樣都想食,計算好自己的食力,兩款都點了,應該可以食得晒..好快就上齊美食,開動了!!海南鷄(例牌) – 期待己久又出名的海南鷄,上枱時賣相....尚可以吧, 只係何解肥皮甩骨…夾一件入口,感覺就…可能用了好大火去煮,或呢隻可能呢隻鷄有返咁上下''年紀''煮得熟了點,肉質稍為韌了點,而且乾了點,沒海南鷄的滑滑感覺同鷄的香味…海南鷄漿汁比當年吃時,少了黑色的豉油膏,相信是刪除了,應該不會忘記比吧...少了它, 整份感覺便不一樣了…豬扒喇沙(下午茶)香煎豬扒,除了有少少美極似的咸味,就沒有其他味道,知道自己在吃豬扒的,大大件的,唔錯,喇沙味道真是一般,可以話沒有重重喇沙味,沒有喇沙葉濃郁的香氣,更沒有椰香味,當然一D辣味都冇丫,我知道這裡一般用中式的辣油,故我刻意地叫服務員幫我切一D辣椒絲,誰知呢個要求比餐廳老闆聽到,佢原來坐在我隔離枱的,特登為我而衝入廚房為我切辣椒拿給我, 我當然好感動LA…道謝之後, 老闆便坐回隔離枱, 我便一口地吃加了辣椒的喇沙,咦??點解沒味的…原來老闆給我的是紅椒呢..我又不好意思叫佢地給我辣油…唯有忍耐著清淡,完成這碗喇沙吧..原本我點的是下午茶餐,但己沒有心機點餐飲便埋單走了,相隔多年再來,整份感覺便不一樣了,少了當年的味道總括黎講...真心希望佢地他日可以有進步!!店舖本身冇洗手間設備~要解手的話..可能要去對面商場的洗手間…查看更多

下午茶時間去輕鬆美食食個不一樣的下午茶，通常我地都係食炸雞脾薯條，西多士，呢度有多款炒麵，炒飯，湯烏冬，三文治，其中我覺得好特別的就是牛油果醬多士～感覺不會在茶餐廳見到的。香茅豬扒湯烏冬(賣哂烏冬轉左河粉)，睇賣相就知道豬扒煎炸得好香口，唔好睇佢咁脆身以為乾憎憎咁，佢係有肉汁，唔柴口架，呢個香茅豬扒做一個新菜色配薯條都唔錯！我知道呢度既咖哩同海南雞飯好出名，除左晚餐，下午茶有咖哩牛腩/豬扒湯烏冬，諗起就想食了！！…查看更多

去完教會，又係時候搵嘢食。今次朋友介紹上水附近餐廳，去到一架，食一餐咖喱飯。如果不熟悉上水，位置會有點遠。由上水站行過來，大概10分鐘吧？店舖雖然不大，但是非常多客人，相信是熟悉的街坊經常光顧。根據我的飲食經驗，這通常是非常有聲譽的情況，是有食神的徵兆。參考左其他客人叫的餸菜，有客人介紹咖哩雜扒、咖哩乾燒豬扒等等。叫咗最穩陣嘅咖喱牛腩飯。看似非常簡單的咖喱牛腩，平時在茶餐廳經常可以吃到。但是這一間非常不同。如果你細心品嚐，蔬菜非常新鮮爽口，相信是使用新鮮蔬菜、清洗過後，切片，然後分開入去。因為蔬菜如果和咖哩一起煮，會煮爛，失去原本的纖維、營養及口感。在這間餐廳中的蔬菜，你可以感受到咖喱汁中的青椒、青瓜等等蔬菜都是依然清爽，絕不馬虎。咖喱汁深黃綠色、香濃，不會水汪汪、亦不會一塊塊，恰到好處。相信加入了椰奶，令到咖喱汁香滑，而且「傑身」。相信，是經過非常有心機處理，不是粗製濫造的象徵。不會辣，適合大部份人吃。一大碗飯，很快就吃光了 好幸福好滿足女朋友叫了雞翼薯條，但也忍不住不停沾咖喱汁吃飲品叫咗檸檬益力多估唔到檸檬同埋益力多咁配合，解渴解辣一流…查看更多

工作中下午茶餐！同事話呢間食物幾好！去到見係四四方方小店格局，光猛乾淨，最多廿幾個位！防火板傢俬！上網睇話咖哩好味！就叫個下午茶「咖哩牛腩烏冬」，牛腩比其他食品貴兩蚊，上菜聞到咖哩汁好香，不過一撈落湯就浠晒，如果係撈麵就仲正，牛腩得三件（兩件腩一件筋）比較少，炆得入味，牛腩有筋膜，唔嚡平時好怕食牛腩纖維黏滿牙縫，呢次又唔會，牛筋彈牙有咬口，菜心一條，正常！烏冬就唔得，好粉唔彈牙，比我在超市買到嘅更差！浪費了個汁同牛腩！熱檸水正常！店員爽手，服務正常！…查看更多

今日獨自喺上水閒遊~ 突然好想食海南鷄,就諗到黎呢間之前只係叫外賣的小店於是就入去坐啦~一睇到張餐牌,已經將之前的海南鷄放埋一邊,因為有太多美食了~最後點左個咖哩牛腩喇沙好快上枱啦~好大,份量真係好夠~比想像中好~咖哩牛腩又淋又入味~好正~咖哩味比喇沙湯味更特出~我比較中意食辣,所以略有少少不足~喇沙湯低辣度冇得選擇,唔夠辣的話只可以加辣油調味~奇妙既係佢地選用中式辣油~ V_V失去左泰式風味,如果有辣椒絲會更佳~~雖然係咁,我連D湯都飲左好多~ ^O^ !!真係意外收穫,可惜得一個人,如果唔係就可以試多几樣野了~ …查看更多

由於在上水工作, 對此地區之美食已瞭如指掌。可稱得上"有好野食"之餐廳不多, 輕鬆美食是其中之一。佛手瓜煲豬骨湯, 內有黃豆, 眉豆及章魚....本人鍾情其無味精老火靚湯, 雖然只是例湯, 但很清甜,很"足料"。咖哩雞此餐廳已有十多年歷史, 主打馬來食品, 咖哩及海南雞飯特別出名。咖哩微辣, 有香滑之椰奶味, "杰身", "撈飯一流"。街市的那間馬來咖哩與之相比便相形見拙。馬拉炒飯比普遍的炒飯"多料"。海南雞很嫩滑, 常有美味的雞汁jelly; 不過, 雞味不重.......雖是招牌菜, 卻令我有點失望。清炒蔬菜檸多原來"酸+酸"之效果如此相配, 沒有更酸之味, 反之甜味更為突出。我的至愛。其實此店已重新裝修, 座位多了。雖然經常滿座, 以其價廉物美之美食, 卻已成為本人每星期必到之"午餐飯堂"。…查看更多

我好鍾意食海南雞飯, 友人努力推介這間小店。小店雖然舖仔細細, 不過, 人流卻一流, 簡直坐無虛席。 海南雞飯:買相真係唔錯, 大大碟。 雞夠哂滑, 但就唔多夠味。另外, 飯就略嫌唔多唔香味。 咖哩牛腩飯: 咖哩味好香好濃仲唔太辣, 牛腩同埋啲薯仔好入味~讚! …查看更多

呢到最多人食一定係海南雞飯,仲要比街市咖喱大王好得多.中午時間有快餐(其實一 d 都唔快),不過舖仔細細,多兩個人都已經要坐出街,今次都唔例外,貼住門口坐.菜遠牛肉炒河 : 可以話少見炒得咁好,首先茨汁唔杰,而且同一般炒法唔同,酒樓好多時係先炒好河粉底,再炒牛肉,最後埋豆粉茨,淋上河粉就算,但佢地係用兜亂上,河粉充分沾上茨汁,而玻璃茨又唔杰,可以話啱啱好,熱辣辣即叫即整,夠認真又好食.加埋例湯同凍飲都唔駛三十蚊,雖然要坐街邊,但有機會都會再黎,至於海南雞飯,下次會再寫.…查看更多

今日突然好想食咖哩 ... 上水間TAJ MAHAL執左 ...冇左正宗印度咖哩食 ... 紅樹林又執左 ... 冇得食香濃椰香ge咖哩 ...而輕鬆美食ge招牌菜係咖哩 ...所以就黎試一試與肥瓜找左個靚位 , 未落單 , 靚姐待應已經遞上一碗熱騰騰ge "蓮偶"豬骨湯 ,好多蓮偶呀 , 不過食得多會頂胃難消化 而且又係味精湯 , 飲左幾啖就冇飲 ,咖哩牛腩飯$30 + 海南雞飯$37肥瓜又食海南雞飯 , 佢碟雞好大碟呀 , 好似好好味 , 但肥瓜傷風話食唔倒味!!um...個咖哩牛腩飯...的確唔同普通茶餐廳咖哩粉開水既咖哩 ,個咖哩底好厚 , 唔算辣但好濃味 , 面頭有d辣椒油 ,薯仔煮得夠耐 , 好夠淋 ! 我好鍾意食d好淋既薯仔 ga 不過食食下就覺得冇咩特別 , 人地話咖哩開胃 ,通常會越食越多都唔知 , 但我飯同咖哩都各食左一半就停左手 ...感覺有d 膩 ...雖然係唔錯幾好食 , 但會再想返黎食既機會唔大如果響上水食野食到悶又未試過呢間ge 都可以試下ge~***雖然舖仔細細 , 但keep住有客 , 冇吉台 , 仲可以開台坐響出面添!!…查看更多