車品品小食 (已結業)

碗仔翅是香港地道的街頭小吃，隨著年代變遷，坊間出產變得愈來愈少，好的出品更可謂碩果僅存，究竟怎樣才算一碗出色的碗仔翅？其實心裡早已有定案！碗仔翅首要是稠密度適中，達到口感流暢 ，卻不稀寡，厚滑而不黏稠，坊間不少猶如漿粉般質感的碗仔翅，除口感不理想外，放涼後變成稀水，這樣會令人十分難受，所以稠密度往往是難以掌握的一環！碗仔翅雖是平民美食，但對於著重健康的新一代，湯底不能倚重化學調味，最理想當然是自家熬製的湯底。而另一重要元素是碗仔翅的口感，粗幼適中的肉絲、木耳絲和冬菇絲等，在口腔內形成豐富與分明的層次感，再結合香港人的情意結，每一口的碗仔翅的確是美妙得很！友人認為好的碗仔翅要比魚翅湯來得更具吸引力，個人絕對認同，尤其是「車品品」的出品！多謝友人的安排，端午夜讓我們來到快要暫別的「車品品」，趁新址在籌備之際，繼一回味「車品品」的招牌美食！「車品品」有好幾款自家製的飲品，不過臨便秋波存貨有限，當晚只剩下秋梨茶和冬瓜茶兩款！自攜酒品是我們的指定動作！魚肚碗仔翅跟碗仔翅的味道一樣，只是多放了魚肚而已！清爽甜美的白蘿蔔。再來的是燜豬手。爽韌黏口的豬皮滿是豐盛的骨膠原，與軟腍入味的豬手肉，構成近乎滿分的傑作，「車品品」的真功夫又在燜豬手上顯露無遺！沒想像麻不辣米粉的味道會是如斯吸引！花椒香氣混在爽口的米粉中，完全不辣，但同時散發出醒神的香氣，而餘韻的細麻有如美女的回眸一笑，使人念念不忘！儘管「車品品」大部出品都是平民美食，但其所製作的飽魚並不是罐頭鮑，而是真正的乾鮑，經過多個烹調程序而成，絕對是值得一試！彈牙的鮑魚被豐厚的鮑汁包裹，每一口的煙韌和鮮味在嘴巴裡盤旋，糖心更是特別誘人，質素大可媲美不少高級食府，若鮑汁的甜度稍為降低便更加完美了！剩下的鮑汁用來伴生菜，又成了一道鮑汁生菜，絕不浪費！這是自家製的魯肉餃。魯肉餃面層灑滿蝦籽，該人感受甜與鹹的極端滋味！這盤是「車品品」自家製的蠔醬，多隻生蠔浸在咖啡色的醬汁中，散發著一陣類似魚露的鮮味，並預告蠔醬撈很快便出場！　帶有蠔鮮的蠔醬撈， 您會喜歡嗎？這是邪惡的鵝肝麵。粉綿的鵝肝很不錯呢！最後一款麵食是品品八喜撈，「車品品」特別為我們將自家製的烏金海鮮醬和銀魚仔增量！使勁地將麵條拌均！品品八喜撈來得重口味，不過那份濃香與複雜的鹹味，卻成了佐酒佳品！  友人要來了車金金 ，它屬於半英式熱奶茶，由全頭茶製作，可惜我胃近年受不了奶茶，故無福消受了！終於輪到我期待已久的五十五年陳皮紅豆沙出場了！輕甜帶有綿軟嚼感的紅豆粒，已令人十分稱心，然而五十五年的陳皮也不是浪得虛名，就如陳年旳舊酒，貴在醇而不烈的耐人氣質，在餘韻中可感受到陳皮的淡淡然的甘香，靜心品嚐吧！「車品品」的水晶燈代表老板娘對食材和烹調的諴意與執著，那管它只是一道微不足道的街頭小食，抑或隨意可外購的醬汁，她也會盡心盡力地鑽研，那團火就如燈光永不熄滅，同時也照亮別人的心靈，精神令人佩服！ (暫停營業，待新址裝修妥善妥後重開。)…查看更多

💰紅豆沙（$100）用上55年陳皮同天津紅豆煮成既紅豆沙🥣係甘甘甜甜既味道亦係一種有別於普通紅豆沙但又唔係好驚艷既感覺🙄值唔值100蚊碗真係見仁見智啦🤷🏻‍♀️.自家制雲呢拿雪糕（$60）雲呢拿雪糕呢樣嘢本身實在太平凡 但一試之下比紅豆沙驚喜💆🏼‍♀️牛油既質地加上一粒一粒雲呢拿籽 非常滑仲一啲都唔化學但60蚊一球就有啲肉赤😖.月底就結業既車品品 一嚐快將消失的甜味試一次就夠 支持支持🙌🏻.人均消費：$80推介指數：👅👅👅👅👅👅👅（7/10）…查看更多

車品品係網上宣佈門市做到31號就唔做啦😩雖然大角咀對於小編來講真係超級遠，不過都為咗佢特登走咗出去食一餐😎仲要係佢未開門之前就去排定隊，真係好耐未試過咁神心😳車品品小食係一間平民富貴小食店😋同時亦都係一間車仔麵店。店舖嘅用料高級😏絕對唔係揸流攤，堅持慢工出細貨😝而且仲要冇得搭枱架！-🍴淨魯肉餃魯肉餃表面嘅蝦籽用上左頂級斗門河蝦籽😝而且蝦籽會放入生鐵鑊炒香先用。而中間既魯肉就以半肥瘦豬肉🐖製作，再一隻隻人手包製😚魯肉餃嘅大細啱啱好一啖一隻，食得非常方便🥰而魯肉餃入口食落非常多汁，而且味道亦都同台式魯肉一樣咁香甜😉中間咬開既肉量都算幾多，而且入口食落完全唔覺得油膩。另外，魯肉餃表面仲有大量嘅蝦籽🤤所以入口除咗會食到有好香嘅台式魯肉味之外，每一啖都會有蝦籽嘅香味走出嚟，提升成碗魯肉餃嘅香味😆真係超級好食。魯肉餃下面仲有大量嘅生菜，好味又健康😋-🍴溏心皮蛋皮蛋切開中間真係超級溏心🥰而且中間嘅溏心入口食落黏滑，味道甘香☺️配上老闆娘自家製嘅糖醋一齊食，除咗可以去咗皮蛋本身嗰種鹼水味之外😆皮蛋入口食落嘅味道亦都會比較豐富😏-🍴黑糯米花雕酒花膠汁豬手豬手本身已經燜得非常軟腍，入口亦都比較黏口😘膠質非常重😉而且入口食落調味適中，但又好重好香嘅酒香味，醬汁嘅香味都非常濃郁😁豬手本身亦都做得非常入味。整體來講，雖然小編平時唔係太好豬手🤫不過呢一碟豬手確實令人眼前一亮，非常高質🤗-🍴紅燒吉品鮑紅燒吉品鮑以國酒茅台迎賓50°C同花膠熬茨燜煮而成😳鮑魚本身做到有少少溏心嘅效果🤭入口軟滑得來帶有少少黏牙嘅感覺，配上自家製嘅醬汁，味道非常香濃😋但又唔會蓋過咗鮑魚本身個種嘅香味。但係鮑魚入口食落確實唔係太食得出有酒香味😆有少少失望，但整體來講都係好味嘅😘-🍴自製廣島蠔皇醬撈麵廣島蠔皇醬以日式嘅做法將廣島蠔煮成😎再加入鵝肝油製成嘅廣島蠔皇醬😁再放係麵底上面，製成撈麵。唔好見佢個樣好似普普通通咁冇乜特別，但入口食落確實有驚喜😂撈麵本身嘅軟硬度適中，唔會煮得太過淋身🤔拌上廣島蠔皇醬一齊食，撈麵嘅質感唔會太過乾身，入口亦都會有好重嘅蠔味😳好似將好多隻蠔食咗入口咁🤤非常特別，而且本身撈麵嘅調味適中唔會太鹹，但又唔會太過淡味😉所以整體來講會算係比較有驚喜嘅一款，不過就比較建議兩個人share食，怕膩🤫…查看更多

從報章雜誌得知車品品快將結業 所以就算住新界的我也願意出城食多一次 😜 非常喜歡車品品的人情味 座位從不搭檯 在現今食肆中很難再遇得到 就算一班姊妹girls talk都唔會催你走 食得好暢快 😋還有老闆娘會介紹你他們的招牌 好好禮貌 但食車品品前必須要有耐性 排隊入去要等 裡面工作的人只有3位 （連煮野食果位） 所以入都去落完單都要等 但等完後 你會覺得值得的 🥳這個真不是說笑 很鮮甜 好多蝦子 覺得好美味 🤩十分足料的魚肉翅 湯底十分濃味的車仔麵 豬腸出色 其實還有飲品 忘記了拍照 都好好飲 😚…查看更多

雖然小編唔係住係大角咀一帶但車品品呢間小店真係無嘜香港人未聽過結業在即 都一再同朋友支持一下💪🏻.法國鵝肝麵（$158）用鵝肝撈麵超級奢侈 鵝肝甘香綿滑 贊上滾熱既蔥油 將鵝肝香氣散發 提升撈麵既奢侈度🤣.上湯碗仔翅（$27）好足料 用上既香菇非常厚肉 切成一片一片 口感提升左唔少💁🏻‍♀️.黑糯米+花雕酒花膠汁豬手（$28）炆得非常之腍既豬手 淡淡酒香 醬汁濃郁 老闆娘不時會提下住可以伴洽生菜😋.魯肉餃（$52）第一次試 蝦子味鮮 但隻餃小編就覺得中規中矩 唔特別🤔.八喜撈（$98）加左魚鬆既撈麵 連熱鍋上桌 老闆娘私人會伴上蔥油 好惹味🤤.呢間小店 大家最唔捨得既應該係濃濃既人情味同集體既回憶加上平民既食物用上高檔既用料 真係比較少有 值得支持💁🏻‍♀️.人均消費：$150推介指數：👅👅👅👅👅👅👅😋（7.5/10）…查看更多

獲友人介紹光顧車品品後一直念念不忘，得知它即將結業，決定再來回味一下車品品只做晚市，我和男友6時20分左右到達店鋪外排隊，建議各位還是早點去排隊做第一輪的客人，以免某些食物售罄。上湯碗仔翅碗仔翅用料十足，每啖都充滿豐富的食材，而且沒有用過份的味精調味，純粹是天然食材本身的味道混合而成，非常適合我這些不太愛吃過重口味的。紅燒吉品鮑涷食的鮑魚，醬汁十分香濃，有著淡淡的酒味。黑糯米花雕酒花膠汁豬手豬手煮得非常淋身，醬汁味道特別，同樣帶著淡淡的酒香，但對於我們來說這個醬汁偏向濃厚，吃多了會有點兒膩的感覺。魯肉餃蝦籽皇湯麵魯肉餃是除碗仔翅外我最愛的食物，我自己本身很怕吃肥肉，但這個魯肉餃完全不膩，且帶點清甜，真係很好吃！上次點了撈麵覺得太乾身，所以這次點了湯麵，湯底幾乎是接近清湯的味道，但我就是愛吃它這種清淡的感覺，加入蝦籽後的湯香而不會過咸，如果你有點豬手還可以加一點點豬手的醬汁於湯裹增添味道。招徠大雜麵有點車仔麵的感覺，我們點了少辣，辣度是偏辣的。面頭的豬腸用了豬手的醬汁滷成，豬腸是很淋身的那種，對於我來說我還是比較喜歡吃有「趙口」的豬腸。那兩粒魚蛋是當日老闆的推介，用了全魚肉製成，並無其他添加物，魚味十足且完全不腥，且十分彈牙。一邊用餐老闆一邊向客人傾談，分享餐廳的大小二事，這種老闆與客人的互動真的少之又少，現今社會正正是缺乏了這種人情味，對於車品品即將結業實在可惜。…查看更多

聽說結業，走過仍在營業，很多人喔！排隊食嘢嘅文化， 入座嘅時覺得反正等咗咁耐，叫多啲感覺好似抵啲， 大前提要個肚要裝得落。豪氣一點，碗仔翅撈飯，重料冬菇絲 木耳絲 肉絲，吃完這碗飯都飽了，飯量碗仔翅比例剛好每一匙羹平均撈起來吃，就像經過精算一樣，恰到好處。魯肉餃不吝嗇的蝦籽很多耶，微香都足夠吊起餃子味道，配餃子的口感不錯，餃子熱熱很有肉汁，墊在底的菜全都是新鮮美味可口，實在難得。這是在枱上的菜圃，好吃得太誇張了吧！不用錢的東西最好吃理論嗎？最後來一個甜點，芝麻糊，看到一pat pat 對嗎? 不好看，好吃就是吧！質地幼滑不漿口，微甜帶出香香芝麻味，這溫度超燙，慢慢吃也沒放涼。…查看更多

黎食野大部分時間都要等位，因為都有啲食物係賣完就無😌所以都建議早小小黎食咁我重點會食車仔小食姐係粉紅色果張紙😋依到忟嘅食物係無得輸架，豬手、飽魚係無得輸，可能你第一次會覺得52食一隻太貴，但係你用埋啲汁黎撈面就會覺得超值😋豬手今次有小小毛🤭但又林又入味😬啲豬手汁就同菜一齊食至於翅係必食有幾個配搭都唔錯皮蛋心入面成日叫自己唔好食太多😂身體卻很誠實魯肉餃入面有啲羅蔔，所以好甜😋😋麻不辣，因為我唔太食得辣，平時好少可以食到個咀跳下跳下咁😂😂好似食緊爆炸糖💥創新嘅朋友可以試下真材實料芝麻糊☺️小店慢慢流失，依間都唔例外，只做到五月，要食就要手快喇…查看更多

第一次聽呢間野，已經係2018 年佢比人報導既時候啦。第一次食，唔識死，7 點去到，等成2個鐘先入到座，之後次次去到係630 前到，一定要做第一ROUND客仔。要找緊機會，趁佢關店前食多幾次～基本上成個MENU都試晒，真係好欣嘗老闆娘咁重視食材，用料好靚，以呢個價錢黎講真係一D都唔貴。食左咁多，最推薦佢既碗仔翅，勁足料，堪稱全港最好食！！另外就係車仔面既配料豬大腸，好食到爭住食！！經營良心小店不易，老闆娘都辛苦啦！之後等佢開網店既時候都會支持～～…查看更多

同一個好耐無見嘅外國朋友食飯，佢竟然同我講想食呢間「車品品」，本身我都唔知間野食乜，黎到先知原來係$100紅豆沙本人！可能我真係孤陋寡聞，我無食過，一黎到嚇親竟然未開舖已經排到咁。好彩我地係第一round最尾一枱，lucky朋友話一定要食鮑魚同碗仔翅，我地一於食盡佢啦。凍鮑好爽口，最正係佢個汁，聽老板娘講用左花膠，貴野黎架，所以呢個價錢算係公道。食完舊鮑都唔捨得收走啲汁，我地仲自制鮑汁撈飯，飯都食多兩碗！跟住要講下個碗仔翅啦，果然名不虛傳！大大碗，料又足，啲冬菇都好多下，唔落醋都好食，不過我係醋王，無醋不歡～我地仲嗌左豬手又係勁yummy, 不過無影到相。呢個皮蛋都唔錯，個蛋黃流心好治癒！雖然$100紅豆沙被人鬧係玩野，但朋友話想試，佢係美國又無啖好食，我一於豁出去，捨命陪君子，兩個人share一碗紅豆沙——好彩兩個人share左，都幾大碗，我諗佢啲陳皮真係貴野黎嘅，但我就唔太識欣賞，太甘太苦，我食啲平陳皮得架啦！不過咩都試下囉，我觀察在座個個都嗌左碗紅豆沙朝聖，作為marketing 係幾成功了。老板娘嘅性格好熱情，不過始終小店好難招呼好周到，大家黎食就最好包容啲，唔係會好易燥～…查看更多

突然想食碗仔翅，上網揾下有咩好報告，見到有個大廚話大角咀有間食碗仔翅有高評語，所以就放工過去試下，7點幾去到門口已經有兩個人排緊隊，見座位唔多，諗住等到陣就得，等左45分鐘先見廚房出餐，最後等左75分鐘，腳都軟晒！！叫左招牌雜錦車仔麵，花雕豬腳，碗仔翅，一杯冬瓜茶，食物質素：花雕豬腳個汁似糖醋，豬皮好淋，雜錦車仔冇咩特別，豬腸好入味，蘿白夠淋有甜味，碗仔翅食材多，唔會好糊，湯底唔咸，比街邊好食好多，冬瓜茶本來以為台灣咁，有驚喜有冬瓜肉唔甜！！！總括來說，唔洗等唔耐可以再食！！！…查看更多

無意中得知 車品品 做到今年底就結業啦，第一個反應係好驚訝 事關我十幾年前搬到大角咀 屋企人帶我食第一次非常難忘 難忘既係佢既味道 難忘老闆娘既直率態度同做事堅決！睇完篇報導當天就去食啦！今日非常幸運無乜人排隊，不過都等咗30分鐘！位置不多，老闆娘都堅持不搭枱 每一位客人都可以同親人朋友舒服享受一餐飯 (我唸宜家無乜邊一間餐廳會咁做)溏心吉品鮑魚我唸無人會唸到呢d小店會賣鮑魚，仲要係吉品鮑 配埋自家秘製干邑紅燒汁，同溏心，軟滑得黎黏牙，個浸鮑魚香正到！黑糯米+花雕酒花膠汁豬手老實講呢到d汁醬真係第二到食唔到 無咁上下心機都難搞 酒味香濃 令豬手昇華到另一個層次淨蝦籽魯肉餃餃子皮薄，表面有蝦子，入面就係台式滷肉 既香甜，又有濃郁肉香，層次豐富 配有清湯底 滋味無窮！ 車仔麵餸我就唔逐一講啦 全部都食得出同外面唔同，外面食既都係差不多味 而呢到好特別湯底就無乜特別 正常啦總結，最後一次啦 好唔捨得 咁出色有心機既小店買少見少 不過咩事物都有結束既時候 希望香港可以繼續會有更多小店同保留住呢份情…查看更多

首先如同老闆娘所講，想食車仔麵就吾好抱太大期望，小店主力係賣小食為主，亦吾好諗住係10蚊碟燒賣魚旦個種，一般小食都$50以上，有呢兩個定位，你會覺得貴都係值，鬼叫自己為食。店內其實坐得舒服，我兩個人都俾一張4人枱我，就算有客等位，亦不會叫我搭枱，食得很輕鬆。小店以食物為主，裝修就不需太講究。兩個人食左六百蚊，重要係午餐時間，但食完都覺得值得，味道仍在口腔停留，但今次第一次來，出名既紅豆沙原來要6點後才供應，唯有下次再試。呢間老店都吾洗多講，識食識欣賞既，就入來一試。…查看更多

我哋兩個人10點鐘去咗食呢間好多人排隊嘅車仔麵，叫咗個碗仔翅，魚翅撈飯，蟹子餃，墨魚同埋糖心皮蛋除咗個碗仔翅我覺得正常d以及蟹子餃隔離嗰啲生菜叫好食啲之外我覺得又貴又唔啱口味唔明點解成日咁多人喺出面排隊可能我哋太高期望因為成日經過見到好多人排隊以為有啲咩好咁好食又或者我哋唔識揀你食都冇叫到車仔麵可能車仔麵真係好好好好好好好好食呢不過明明我哋係喺呢度睇人哋食評話好味嗰啲嘢跟住你叫個喎完.....................…查看更多

大角咀愈來愈多食店 但turnover之快真係可媲美油尖旺區旺區食店呢間就一直keep住喺度 每次見佢打開門營業既時候 就由朝到晚都有人排隊 開頭我都好好奇 之後食過一次覺得佢地好慢就慢慢唔幫襯 再之後朋友話想食 咁好啦 食多一次 就係嗰一次改變左我對佢既睇法 佢地食慢 但食物真心有心準有心機 喺你落完單等待既時候 其實佢地有本menu 有食到食物來源 另外同老闆娘吹2咀又會知道多左佢地既食物係點整 食物來源喺邊度 有幾矜貴同限量 營業時間開始倒數 希望老闆娘同員工們黎緊可以休息下 網店見。…查看更多