影片
啱啱经过西九龙中心，特登入去美食广场揾下有咩好嘢食，见到有间越南小店几多人排队，就谂住试下。店舖得一个人打理，落单后等咗大约十分钟就有得食，几有效率。今次叫咗「烧猪颈肉汤檬」，一上枱就闻到阵阵香味，真系好吸引。猪颈肉烧得啱啱好，外脆内嫩，啖啖肉香，份量又够多。汤底清甜唔油腻，配埋檬粉一齐食好夹，食落去又清新又有层次。仲送埋一杯青柠汁，酸酸哋好开胃，成餐食完好满足。最惊喜系成餐只系 $40，味道好、份量够、价钱平，真系抵食！如果你都钟意越南嘢，不妨试下呢间小店，感觉好有心机做嘢。
继续阅读
自从调左黎深水埗番工，开始认识依一区既美食。 深水埗区的餐厅，大多数都「平靓正」。 而西九龙广场的Food court , 亦是美食集中地。 有不同菜式的小店，而当中这间主打越南菜餐厅，是我的最爱！ 忍唔住要写篇食评推荐一下！$39 特价餐，有香茅鸡翼/ 猪扒/ 鸡扒 ，可选汤河/捞檬，还附送春卷及饮品捞檬酸酸甜甜，夏日食份外开胃无论是炸猪扒/ 鸡翼都好正，好香口份量都相当多！即叫即制，味道摆盘都相当有诚意😍太喜欢了！一星期要光顾两三次
继续阅读
香茅猪扒汤粉套餐（ $39 ）-青柠水滋润解渴，汤底肴得好，正宗越南汤味，有青柠味，洋葱，葱。香茅猪扒炸到金黄可口美味。劲多香茅。香茅鸡翼捞檬套餐（ $39 ）-捞檬有花生，芫荽，葱，鱼露。脆皮越南春卷，大份。香茅鸡翼，多汁肉嫩。蒜蓉炒生菜（$33 ） -蒜蓉片大块切，唔会过重蒜蓉味，慢慢渗出。
继续阅读
香茅鸡扒捞檬 ($38)送青柠一杯同埋春卷一条青柠汁唔系好酸几好饮细细杯春卷味道正常 都好食捞檬分量超多 完全冇揸流摊有花生生菜 同煎得啱啱好嘅鸡扒不过唯独佢个捞檬汁沉晒喺底食到最底就会比较酸😐不过整体性价比真系好高 又好食💯
继续阅读
私心大推呢间系西九龙中心food court嘅越南餐厅！食过呢间不下5次，原因系超抵食之余又好味！越南生牛肉汤河（$36）同埋猪扒捞檬送春卷（$36），仲要送埋自家制青柠水，需要辣椒嘅话都系新鲜切俾你，呢个价钱真系抵食到爆！所有食物都系得店主自己一个整，即叫即做，落完order无单据，店主会认得😲如果有时多人落order嘅话，等候嘅时间就耐少少🤏🏻今次等咗20分钟左右～而西九Food court d 坐位就唔算太舒服，高脚果种好似好Chill，但坐耐咗会脚痺😓⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10（有台湾的味道！）服务： NA/10（自助服务）环境： 6/10（稍嫌座位坐得唔算太舒服）打卡： NA/10CP值： 10/10（平靓正）推介值：9 /10（值得再回头）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
继续阅读
您可能会有兴趣的...