越軒牛肉粉專門店

营业中

休息中

我從來不寫食評，但都忍不住要寫第一篇負評，不想用多餘的文字去形容，簡單說 ，雞無味咬不開像橡筋一樣，飯如冷飯一樣，災難级，雞皮超級厚超吸油，雞冇彈力乾身，價錢平不是難食的藉口，我不會再光顧。係我食過最難食既海南雞飯....海南雞都應該不是....應該只係雞飯一個.....

呢排天氣一係熱辣辣，一係落大雨，懶得出去就喺外賣平台叫外賣就算，橫掂而家啲外賣平台咁多優惠。今次試吓叫呢間嘅生牛肉河，始終都係外賣，嚟到牛肉一定會熟晒，所以啲牛肉偏硬。不過啲牛肉幾靚，都有牛味，唔係啲普通街市肥牛，同埋份量都算多。河粉亦都唔會碎濕濕好難夾。另外叫越南嘢一定要配杯滴漏咖啡，當然外賣又一定冇堂食咁好飲，堂食可以睇住佢啲咖啡慢慢滴會過癮啲。不過呢間滴漏咖啡幾好飲，冇咖啡苦澀味，配埋啲煉奶飲好正。

越軒之前係食嘢嘅好地方，價錢合理。  然而，在過去的幾個月里，份量和服務變得不可接受。  麵條和配料大幅減少,特別是粉的份量。筷子撩幾下已經食完。係因為廚師換咗呀？  再咁落去,沒有人幫襯,不再值得支持。  店主需要快速更換廚師並控制質素，以避免失去大量忠實顧客. 

今日Lunch幫襯咗呢一間越南野，都真係幾好食又幾抵食。呢個係火車頭湯河，二人份量，入面有生牛肉、牛腩片、牛丸、牛肚同埋牛柏葉，可惜入面無扎肉，不過碗野真係勁大碗，兩個人食到超飽，$100，即係每人$50，好抵食。佢個湯底都唔錯，唔會太鹹。

之前食過一次印象不錯意外openrice 上評價普通想平反一下今日食左下午茶生牛肉牛丸河，配越式咖啡44蚊上桌時牛肉仲係粉紅色浸入湯中就熟非常軟嫩好食仲有配生辣椒同一瓣青檸不過越式咖啡應該是用即沖粉調制G7果d的味道44蚊仲包野飲冇投訴附上下午茶餐單，價錢稍稍調整整體而言還是非常抵食服務冇乜特別一般茶餐廳態度正常

午市12：30左右入坐用餐,只有三名客人包括我,可能太早入去？,廚師老闆就用了吃得唔好浪費原則給吃翻炸隔夜材料.....我坐下叫了一客蔥油豬扒飯竟然用隔夜豬扒翻炸給客人食,成碟都係翻炸豬扒,硬過豬肉乾,沒良心的店舖,跟少女侍應反映,她以跟廚房反應一下,明白而家在香港真係搵食艱難做小店舖如此手法經營怎怪得沒有人幫襯,看看附近有一間數字越南餐館,相比下去真是天淵之別

Open Rice 完最近距離喺呢間，見啲評價都正正常常，就試下吧！·店員很細心見我凍就較細咗冷氣溫度👍🏻值得稱讚👍🏻亦喺加分位之一服務：👍🏻👍🏻👍🏻👍🏻👍🏻·湯河上枱～我心諗：咁大碗🫨［好彩今日無食早餐，已經好餓］呢個價錢，$49 + $3（熱飲）=$52埋單午餐嚟講算抵食了👍🏻味道👅：🌕🌕🌕🌖🌑小店一間，乾乾淨淨👍🏻，正正常常啦環境（裝修）：🌕🌕🌗🌑🌑·會唔會再嚟食？可惜我唔係住附近…有機會都會再嚟既

地方好扎地方好扎食物一般，侍應冇笑容，野食尼得好快，好咸趕時間的話 呢間就五岩但帶小朋友就五適合呢間餐廳😪😪如果禮拜上改善到 到有下一個機會 至小比我入到去有個開心既進餐心情

經網上外賣平台叫咗呢間外賣。我訂購了 2個越蝦餅，1 個鮮蝦喇沙摻摻備註改成河粉， 收到時沒有改，我打電話給他們為什麼沒有改成河粉因為我不喜歡吃摻摻，接電話的女士有很多藉口首先說新員工沒有看到我說的備註 改成河粉，我告訴她我不能吃， 她說我地址太遠沒有人可發送新的 。我問她需要和老闆說，她說下次你免費訂購，我告訴她我經熊貓叫外賣如何免費訂購，她說 您取消訂單。 我跟她說我要和你老闆投訴，她說老闆不在，即使在店裡也不和您說，她態度不好她說沒看到備註。 味道也不好，再也不會點了。越蝦餅，算好既。後會無期！

**非堂食**經熊貓叫咗呢間外賣。感覺會唔會連呢間鋪既老闆都靜雞雞笑緊我傻：竟然真係會有冤大頭肯使呢個價錢食咁既質素既嘢。😈椒鹽軟殼蟹。簡直signature！係咬咗一啖即刻吐出來，連勉強入口都做唔到既果種難食。一入口，一陣極度唔新鮮既雪味，一陣陳油臭味即刻攻陷你每一粒味蕾。厚身到睇唔到蟹咬唔到蟹既炸粉，仲要含油到爆。就係咁，佢夠膽叫價106蚊！呢種自信，令人佩服。個咖喱。酸既⋯個河粉，軟爛到你以為食緊其他客食剩低既河粉。裡面既蘿蔔，又係同款雪味。濱海。老老實實，算好食既。我感覺成檯嘢食係度嘲笑緊我：咁你咪又係肯俾呢個價錢食？笨實！Fine，多謝今日既教訓。後會無期！

餐廳裏面環境其實係一個茶餐廳嘅feel上面有部電視個電視connection有問題每幾秒窒一窒份量一定足夠係食到好飽嗰種通常我哋行完山之後呢喺度食但係都會食到好飽因為佢哋真係畀足夠材料味道亦都唔差無論係湯河好定係檬粉好個份量都好大個清湯底都好啱我哋口味佢哋亦都有一個好少搵到嘅綠色版嘅事是Sriracha醬餐廳雖然細但係菜式好多有啲估唔到嘅菜款都有例如喇沙同埋海濱同埋佢哋價錢真係好平個下午茶餐係40蚊左右係同區越南菜裏面嘅首選我哋已經去過四五次

單看門口，感謝逼，窄少，但內進後還是有位坐。除了河粉、撈濛，還有串燒，法包。本人認為最好吃便是那越南雞排法包，包含青瓜絲，味道清新同時健康。然後是串燒，$38/3串。街邊很多串燒要$14-$20一串，而且是站著吃，但越軒是坐著吃。但感覺上那烤串像炸多過像燒。下午茶生牛肉河粉，$38連熱飲，算是中規中矩。還有春卷、和其他小食，價錢都是走平民路線，但食物有一定質素。廁所有些簡陋，但是起碼清潔乾淨，所以不用減分。

鋪面不大，環境尚算汗淨。平日行過都見不少人排隊，大概八點去買外賣，不用等。外賣點了一個火車頭湯河($55）同一個札肉米紙卷($45）。湯同粉分開，湯味道可以，沒有太鹹。鍾意佢好多葱絲，配料都齊，辣椒粒同檸檬都有。餸份量和味道還可，沒有驚喜，正常之作。反而河粉有啲失望，薄薄但鞋口，好破壞，下次可能夢粉好啲。札肉米紙卷有三件，都大件，但啲札肉好碎，生菜好新鮮，食唔哂，隔日食個菜都仲好新鮮，紙米沒有太厚，還可以。

我是這店的fans。原因它在離我家很近，有一晚家人說不如近近地試試它。怎知一試難忘。我們點過的幾乎都好好食😋！介紹一下我們必點食品：牛油雞翼蒜香軟殼蟹無骨鳳爪沙律蕃茄牛腩記得要配蒜蓉包春卷其實大部分小食都不錯芒果蝦沙律就麻麻地，不太推薦其他主食比如檬粉金邊粉飯就都平均，沒有特別好好味。但生牛河都推薦！之前我們都會買飲品，因為點了主食可以用優惠價買飲品，椰汁冰，三色冰等都少不了呀！現在都是買外賣的時間。大家可以考慮一下來這小店支持一下！註：最近好似裝修了，不知是否轉了老闆？若知情請update我呢！感謝🙏

明唔明咩係摻摻啊 ？點解米粉油麵任揀一款？參=福建話- Mix，即係油麵+米粉，在大馬都可以加河粉。如果只係可以任揀一款，就唔好叫摻摻，可以叫叻沙麵/米粉，或者馬來西亞北部叫的咖喱麵/咖喱米粉。