越華會海鮮館 (已結業)

吹水唔抹嘴。。。 訂位嗰陣時 越華會話佢裝修緊 叫我去 財記辣蟹（ 銅鑼灣)店食 話好近，我問 係唔係越華會師傅 ？ 係唔係用越華會嘅餐牌？ 條友實牙實齒話係。 今晚(2022-04-29) 去到 當然完全唔係啦！！ 唔應該 咁樣做生意囉！ 呢樣都算呀 ， 呢間咁嘅 （財記辣蟹） 有個 光頭 四眼 六十零歲嘅蟹伯 全程唔戴口罩！！！ 最好笑嘅係 我訂八位 佢畀張大枱我 話八人一齊坐無問題 ， 我問佢 每人罰五千係咪你畀？ 佢唔會應囉。 搞q咗好耐 先分到兩張四人枱。 …查看更多

朋友介紹嚟到依間中菜館食晚飯，聽朋友講佢由細食到大，由佢喺東區食到佢搬入灣仔區，廚房水準從來無失過準，仲可以一星期食足佢四晚，某幾碟餸仲要每次嚟都食😦咁真係要好好味先得😧馬上試試！飲食記錄：脆皮炸豆腐豆腐體積頗大，一食先知係內有乾坤嘅😍❗️首先豆腐外皮炸得薄而香脆，唔會過咸；重點係‼️內裏非常非常軟滑，帶豆香，而且大大嚿，相對增加咗滑捋捋豆腐嘅口感🤤，豆腐內外層溫度相約👍🏻師傅手勢實在非常好👍🏻👍🏻蝦多士蝦多士炸得香脆但唔油膩，配以啖啖彈牙蝦肉，食起嚟覺得蝦肉厚度與多士厚度相約🤤口感豐富🤤🤤蔥油走地雞首先，蔥油雞係熱咖！而且雞肉滑得嚟質地唔霉，雞皮都算薄同爽👍🏻另外要大讚餐廳用大量量微溫嘅蔥油覆蓋住隻雞，蔥油平均分布喺每一啖雞肉🤤仲超送飯🤤🤤避風塘炒辣蟹好大隻避風塘炒蟹🦀5個人食仲要讓你讓我食😅而且真係由蟹鉗到蟹爪都啖啖肉🤤而且唔會好辣(利申：去譚仔食開清湯）見朋友會嗌碗白粥撈啲炸蒜食，幾得意，有機會要試試咁食😋蒜蓉蝦乾蒸勝瓜我對勝瓜好挑剔🤫因為我好驚勝瓜浸青味🤭但係依度嘅蒜蓉蝦乾蒸勝瓜係無臭青味咖👍🏻蒜蓉亦唔苦，配以蝦乾粉絲好餸飯😋欣賞餐廳係用蝦乾而唔係蝦米整依碟餸，蝦乾唔會太硬易咀嚼（箍牙friendly）西蘭花蝦球蝦球爽滑彈牙😋西蘭花唔會煮得太腍，芡汁調味適中唔會太咸豉油皇炒麵好特別嘅豉油皇炒麵，麵底比一般嘅豉油皇炒麵滑同彈牙，而且好香芝麻味，無咬無味橡根嘅感覺😻炒麵配料嘅味唔會同啲麵分開哂，食到芽菜同韮菜味👍🏻蜜餞蒜香骨幾香蜜糖同蒜香味…查看更多

餐廳服務保持一貫快速、純熟。食物品質：#薑蔥蠔煲薑蔥蠔煲最緊要火侯，落鑊爆薑蔥加幾片薑，炒 6分鐘，逼出蠔的鮮味同時癖去腥味，快狠準，一煲得6隻真係唔夠喉，攞燒腩仔充數，最後連薑蔥一起大舉殲滅。#蒜蓉粉絲蒸蟶子大號蟶子清蒸要保持爽口彈牙，時間控制極其重要，多一分鐘少一分鐘效果已經可以有天淵之別。粉絲徹底吸收蟶子的鮮甜與蒜香結合的精髓，與主角分庭抗禮。#避風塘炒蟹斯里蘭卡肉蟹以肥大肉厚見稱，單隻重量都有一斤以上，咬落啖啖肉嗰種快感係其他海鮮難以匹敵，奈何肉蟹的鮮甜怎也敵不過5斤粒粒金黃炸蒜在嘴裏瞬間爆發的威力！一大口肉蟹，一大口炸蒜，那種地獄又折返人間的罪惡感，你承受得了嗎？…查看更多

媽媽生日，佢又鐘意食中菜，細妹聽人講呢間好味，所以過對面海試下🤟餐廳環境不大，台與台都好似好近，每張台只坐得4個人所以分兩張拍埋，講野吾方便，食野要傳黎傳去我地叫既都係招牌菜，椒鹽豆腐同魷魚🦑都炸得脆卜卜，內裹豆腐軟滑好惹味炒飯一粒粒，又有鍋氣，d蝦真係大隻吾係蝦仁，而海鮮菜煲既蝦肉質彈牙，好大隻，仲有其他海鮮，吾係求其d細海鮮，好新鮮👍食物質素高，只係環境細同比較嘈吵，侍應服務都好好，右快上菜👍…查看更多

難得政府放寛6人同枱聚餐，緊係要約成班fd去食下野啦！！依間我都未食過架，今次第一次食。我fd幾好味，歐陽震華有份開既**叫左7個餸，主要都係炸野為主。依間野應該出名係炸野為主。佢既價錢合理，份量好大件，而且都食得出都幾新鮮！！炸物方面，令我最深刻既印象，係椒鹽豆腐，脆脆的外皮，包住軟滑的豆腐，咬落去心都軟化了！真係好好味，一定黎要點依款😍😍而海鮮煲黎講，海鮮種類都幾多，有帶子，蝦，魷魚，魚塊等等。。。食落去好新鮮👍👍而其他餸既整體水平都唔錯，不過係枱同枱之間既空間比較窄，傾計要好大聲先聽到…查看更多

一班老朋友難得有人出聲話要食飯聚舊，大家唸下出嚟食乜好，左揀右揀都係去返以前成日去嘅地方食飯，最穩陣，大家都食過又可以一齊去試吓有無變！呢間開左甘多年，疫情過後都仲捱到，一定有原因，我地一人叫一樣，全部都係經典炸嘢😋今晚冇叫海鮮，叫左炸蝦多士、椒鹽九肚魚、黃金苦瓜、芝士斑塊、咕嚕肉、沙薑鷄腳、生炒糯米飯、黃金脆豆腐👍黃金脆豆腐冇得唔叫生炒糯米飯估唔到甘大碟沙薑鷄腳夠入味又淋炸蝦多士、九肚魚、斑塊炸得香脆反而咕嚕肉吾掂，可以不叫，食到最後居然忘記叫豉油皇炒麵下次再黎要記得食整體來講，服務態度同價錢合理，坐得又舒服又冇限時間…查看更多

「 越華會的私人聚會❤️ 」地址：越華會海鮮館 (銅鑼灣)銅鑼灣駱克道447-449號中威商業大廈2-3樓越華會開咗咁多年，一直都無去幫襯過，今日就同一班朋友去食吓先！二樓就酒樓咁啦，三樓係可以訂房間，一班朋友仔就啱晒！值得大家成班朋友或家人一試！❤️❤️❤️❤️❤️❤️❤️❤️❤️❤️❤️❤️性感指數💋💋💋💋/5…查看更多

這是第一次來這店，我們二人10:30入座，當時是消夜時段，沒有點海鮮之類，其間並沒有發生什麼特別的事，服務一般，埋單$292，給$500找，但服務員竟然將$208從載錢夾內倒向枱面，是表示不用你給貼士或是當客人是「乞丐」😡這是我從未遇過最惡劣的服務態度，（埋單基本一句多謝都冇）服務員多數是上年紀的，可能有脾氣，但無原無故的，感覺被羞辱，食物再好也不會再幫襯了😠後來看到這店之前有很多食評也是有關服務態度差的，本人覺得實在可惜，因食物是不錯的.…查看更多

叫了9 锢送, 其實光顧了2次, 因為價錢合理, 份量足, 味道又不錯, 所以在3天內光顧了2晚。第一次, 是八月12日, 叫了: 焦鹽鮮魷, 炸漿薄得來又可以包住食材, 正 。豉椒炒蜆, 雖是屬於濃味的菜式, 但打的獻汁, 又唔算太過杰身。豉油皇炒麵, 麵身爽口, 雖然睇得出, 是用頗多的油去炒,  但油平均沾在麵裏, 我估計, 炒得好快手, 兜得頗均勻 。 (當然, 我個人而言, 還是希望可以少些油去炒) 。八珍海鮮豆腐煲, 中規中舉。燒汁什菌牛柳條, 感覺上這個份量比其他菜式少一點, 可能牛柳貴???   第二晚是８月15日， 叫了麻辣手撕雞（半隻） 整碟手撕雞,  底部有部份是＇蛋散＇墊底， 雞肉配合辣汁好味呀, 至於辣的程度,  很個人,  很難評價,  但''麻'' 的感覺唔太強。紅燒豆腐煲， 中規中舉。咸蛋王涼瓜， 超正， 一定要order,  炸漿薄而均勻, 還食到涼瓜中的水份。蜜餞蒜香骨, 淡淡肉, 惹味。…查看更多

朋友話食過幾次水準都保持到，今日佢就帶左我地黎食我地3個人叫左4樣野麻辣手撕雞呢個係凍盤黎，充滿左芝麻醬，但係又加左辣，出乎地好食，而且佢啖啖肉，好食椒鹽九肚魚份量唔少，炸得都幾好沙拉骨肉都好多，唔會成件都係骨， 連埋沙拉醬好食海鮮雜菜煲海鮮都幾多，有帶子，蝦，魷魚，魚塊，當然重有菜啦價錢唔係貴，埋單每人都係一百幾十，而且侍應服務得好快…查看更多

價錢很公道 食物非常新鮮衛生環境 很好 一定要再次幫襯最好味係避風塘炒蟹 炒蝦 蝦多士 炒蟶子 與及 泥鯭粥服務態度亦很殷勤 有包房設施 私隱度很高 亦有很 地道的 甜品感覺有如 一間很老字號有實力的食肆…查看更多

非常不老實的飯店，明明寫了晚上10後給與八折特價，但到埋單時竟然拒絕給與優惠折扣，因我們10時前已到店並站在入口等位。雖然食物質素可以，但如此的服務及銷售手法實在不能接受。…查看更多

從來都沒有想過，銅鑼灣一個鬧市中，竟然有一間食小菜，又性價比高的餐廳.越華會竟然係一個不住港島的朋友介紹！星期五相約友人去試一試，九點鐘到埗，餐廳內已經坐無虛席，證明有一定的吸引力！我們點了幾個小菜.椒鹽豆腐，脆脆的外皮，包住軟滑的豆腐，咬下去心都軟化了！招牌菜蔥油雞，一大堆蔥油堆在雞上，雞已經充滿了蔥油的味道，不需要再點醬汁，雞本身亦軟硬適中！中式牛柳，鑊氣十足，牛柳亦好軟身，但我相信是落得太多梳打粉，少了牛柳本身得質感！兒時回憶，蛋散，沒有什麼特別，只是好少餐廳有得食！…查看更多

此店以往在駱克道，現在搬了上樓也是在駱克道，此店食品方面一向不錯，不用多介紹今次寫食評純粹有感而發，以往幫襯都有食貴價海鮮或者有時只會小菜幾道，但不知何時開始（可能轉咗老細），如果點菜不甚名貴或者不點海鮮，之後的服務就有天淵之別，不會主動換碟冲茶，面色也大不同心諗今天不想大魚大肉難度就要睇面色，再好食的店都搵不到幫襯的理由🤦🏻‍♂️…查看更多

每次去都好期待，因為一見到個餐牌就樣樣都想食。我最鐘意每碟餸擺到上枱都熱辣辣，由其係炸豆腐，外面炸到熱辣辣脆卜卜，入面又勁滑；椒鹽九肚魚，又係卜卜脆，舊魚又好綿好滑；蝦多士係必食，連炒菜都好有誠意重點係食完咁多炸野，都唔覺得好油膩，加支啤酒一流…查看更多