越男仔

营业中

休息中

最近同另一半睇Netflix越戰嘅資料 好想感受下越南嘅氣息今晚想食越南野 揀咗呢間我哋之前去過覺得好高質素嘅越南餐館 《越男仔》 好有特色 好似去咗 小越南 咁樣 餐牌幾多選擇 仲有好多款fusion小食 平民價錢 酒店嘅質素 小食芝士蝦多士 裏面有勁厚嘅 蝦滑 裏面有溶芝士 塗上芝麻十分香口 邪惡 主菜我哋就揀咗個3E牛豬蕃茄湯檬 個蕃茄湯底好甜 裏面有勁多肉肉有 生牛肉 豬頸肉 沙爹牛肉 等等 配料好多 呢一個餐 一個pho同埋兩個小食 食越南嘢一定要試過Pho 加兩個小食 我就揀鳳爪沙律 檬粉米紙卷 檬粉 勁多蔬菜 好健康 手撕雞沙律 健康沙律 好健康脆蛋魚 柳係炸魚柳嚟 都好香口 滴滴嘅香咖啡係我哋嘅至愛越南嘅咖啡就特別香 最近有fusion配送椰奶 近期 超大熱 呢度姐姐 服務好好 啲嘢超級好食 超大碗 好多唔同嘅配搭 咖啡好好飲 仲要地點喺太子 好方便 值得再嚟

廣華街每次經過都會一試朋友們鍾情於越南檬粉未到七點鐘已座無虛席牛豬番茄湯檬粉呢款岩晒仲意食肉控，材料有烤牛肉生牛肉豬扒等非常豐富，番茄湯底濃郁，用新鮮番茄熬製👍烤牛肉豬扒肉質嫩滑，豬頸肉好香口好惹味，一次試咁多款真系好滿足牙車快沙律（手撕雞）和檬紙卷沙律份量都好驚人，青瓜絲洋蔥絲和高麗菜絲等，配上特製醬汁，夏日清新之選。檬紙卷以半透明的檬紙包裹著新鮮食材（檬粉手撕雞），再淋上醬汁，值得一試皇牌拼盤拼盤有齊越南經典小食，牛油雞翼、鳳爪沙律和春卷，個人比較喜歡炸春卷，金黃色的外皮，內裡包住紅蘿蔔絲木耳絲和粉絲，外脆內軟～而黑糖鳳爪有齊晒酸和甜兩種味道，滋味十足蝦餅地道的越南小食，炸至金黃色，面頭鋪上蔥蒜更添惹味，蝦味濃郁

今日來旺角午餐，之前喺沙田食過實在太鍾意佢個蕃茄湯。今次就叫一份蕃茄湯檬！牛豬番茄湯檬粉：呢個番茄湯實在太好味，酸甜濃厚嘅番茄湯底，非常新鮮，仲有啖啖蕃茄肉。檬粉米香味濃，吸收晒蕃茄湯嘅味道，好味！材料勁豐富，熟牛、烤牛肉、豬頸肉同豬扒四款。薄切牛肉片吸收晒番茄香味，烤牛調味濃郁，鹹香味，豬頸肉爽口，豬扒夠鬆軟。份量十足，超級飽。黑糖無骨鳳爪沙律﹕呢款鳳爪比平時食嘅越式鳳爪多咗一份香甜，仍然有平時食開嘅酸甜。椒鹽脆蛋魚柳：魚柳炸得金黃酥脆，魚肉鮮嫩柔軟，加上香濃嘅椒鹽調味，炸蒜末同辣椒碎調味適中，香味十足。雙蝦拼滑雞配椰汁酸湯檬粉：呢個湯底非常特別，本身湯底有雞湯嘅香甜，而且椰香味濃郁，仲帶一點酸醋，非常開胃清爽，又夠特別。搭配兩隻大蝦新鮮彈牙，食得出鮮蝦嘅香甜。仲有唔少件滑雞，吸收晒椰香味湯底，非常有東南亞特色。鮮水果茶：清涼嘅果茶，加咗大量新鮮菠蘿，茶香配上菠蘿嘅酸甜清香，超級解渴，陣陣冰爽。

《油麻地越南仔——平實又出色的越南滋味》 喺油麻地搵越南菜，呢間越南仔真係冇得輸。餐廳裝修簡單，但乾淨企理，主打就係地道越南味，今次試咗兩款經典，都有驚喜。 生牛肉河一上枱就聞到陣陣湯底嘅香味，清澈見底，但飲落去係濃郁嘅牛骨香同鮮甜，每口湯都充滿層次感。河粉好滑，唔會黐埋一舊，吸晒湯底嘅精華，食落去非常滿足。生牛肉片切得夠薄，放落湯裡輕輕燙熟，肉質嫩滑又有肉香，配埋九層塔同青檸，仲有一陣清新嘅感覺，整體味道非常平衡。 至於凍檸檬茶（少甜少冰），就係另一個亮點。茶底夠濃，有少少澀，但係一種令人回味嘅澀感，襯托出檸檬嘅清香，甜度啱啱好，唔會搶味，少冰更加突出茶嘅香濃，非常解渴。 越南仔整體出品認真，用料新鮮，價錢又親民，係油麻地區一間真心值得推介嘅越式小店。下次有機會一定會再幫襯！

老闆走Fusion路線，越南嘢加入香港特色，仲應該係海膽愛好者，見好多菜式都加入海膽. 鎮店四鳥（脆雞皮+手撕雞+滑雞件+香脆雞）配椰汁酸湯檬粉好有特色，諗到一雞四食。椰汁味喺廚房煮緊都聞到超級香🤤🤤 食落酸酸咩咩，椰汁味非常濃郁，好開胃。脆雞皮同香脆雞都非常香口，不過如果放得耐就會比啲湯浸淋咗。四色檬紙卷（海膽+煙三文魚+牛炸醬+手撕雞）各有特色，諗到以西式、韓式、粵式做fusion，檬紙卷不再平凡。冰鎮蕃茄當甜品食一流，又健康。浸得好入味，入口冰涼，柚子蜜糖🍯味好豐富。新鮮自家煲既香茅薑蜜同龍眼花蜜茶味道相當濃郁，好足料。

**旺角越南菜分店｜撈檬吊命串燒索命 連鎖神話徹底破產** 專程轉場旺角分店試水溫，結果**味蕾遭受酷刑**！**越南撈檬**勉強守住底線：檬粉冰鎮透心涼，**手撕扎肉混炸紅蔥絲**，魚露酸甜夾脆花生，合格但毫無驚喜。 致命一擊在**毀滅級串燒**！**香茅豬頸肉串**乾硬過柴皮，**撕咬時纖維粗糙似嚼紙巾**；**燒牛肉串**筋腱多過肉，**黐牙程度媲美工業膠水**，每啜都扯出絲狀肉渣。廚房似患「火力恐懼症」，**將肉汁烘到一滴不剩**，食完喉嚨乾過沙漠！ 同集團出品竟**分裂如人格障礙**——撈檬正常但串燒必中伏。荃灣店執笠真相大白，連鎖招牌淪為**品質黑洞**，再唔改善火候？**第日淨係賣撈檬算啦！**

甘炎熱的天氣吃咩好呢？今晚帶同朋友去旺角搵食越南檬粉和春卷念念不忘椰汁酸湯底酸甜開胃👍👍❣️鎮店四鳥椰汁酸湯檬粉仲意食雞的朋友啱晒🫢一碗有齊脆雞皮、手撕雞、滑雞件和香脆雞，份量好充足，脆雞皮好特別，類似脆魚皮一樣甘好味，大大塊香脆雞外脆內嫩，配埋椰汁酸湯底真系無得頂～❣️生牛雙蝦椰汁酸湯檬粉湯底加入椰汁湯底，酸子和醋等配料，呈現奶白色，唔會太酸，越食越開胃～材料選用大紅蝦，蝦頭炸過後更添香脆可口，蝦肉厚身嫩滑，牛肉好有牛味鮮味十足，推薦一試❣️黃牌拼盤（春卷、黑糖鳳爪、蒜蓉牛油雞翼）每次必點的拼盤，一次過可以滿足晒三個願望，春卷炸得香脆美味，餡料有木耳紅蘿蔔粉絲等，新鮮製作熱辣辣～鳳爪微微辣，店家將鳳爪已去骨，好細心，食落爽脆彈牙❣️法式芝心蝦多士招牌之一的蝦多士，表面炸至金黃色，鋪上滿滿的白芝麻，中間的芝士餡料和蝦滑好飽滿，鹹香的芝士香軟的蝦滑和外脆內軟的吐司在口中炸開，層次感豐富

呢間越南餐廳真係夠晒有個性，menu又長又多創意，完全係檬粉控嘅天堂～🔥🍜 雙生蝦滑雞椰汁酸湯檬
 椰香超濃，湯底酸甜開胃，蝦新鮮彈牙，滑雞都唔錯，檬粉掛湯一流～🍅 牛豬蕃茄湯檬
 湯底濃郁帶酸香，牛同豬都有得食，唔使糾結邊樣好～而且材料落足，連冬瓜都見到 👀🥗 手絲雞沙律
 雞絲香口，青木瓜清爽，花生粒同辣椒碎勁加分，口感豐富，幾醒胃～🐟 脆蛋魚柳
 外脆內嫩，加埋炒蒜粒辣椒，好惹味～🧊 飲品方面叫咗：凍香茅蜜（小冰） 清涼香草感重，幾解膩
水果茶（走甜） 有橙有檸檬，清新唔死甜，適合唔飲得甜嘅人 👍
座位夠地道，啲牆貼紙多到好似喺越南街頭食檔咁，有啲混亂但幾有氣氛🤣


開飯喇~先黎飲啖我地都鍾意嘅 (新鮮自家煲)凍龍眼花蜜茶龍眼肉 夠曬食; 冰凍濃郁, 解暑順喉~椰汁酸湯雞骨熬製嘅湯底, 加入椰汁、酸子 同 醋等等配料, 開胃鮮甜 唔會太酸~ 我地都鍾意呀!個靚女勁 nice, 仲教我地加 蒜油 同辣椒粒黎提味~ 牙車快沙律 - 無骨鳳爪沙律手撕雞檬紙卷個鳳爪好好食呀! 微辣好過癮, 我話飽話飽 都仲食緊…牙車快沙律 - 柚子＋手撕雞椒鹽脆蛋魚柳招牌去骨海南雞配黃薑飯雞肉嫩滑 飯爽身; 完全唔油, 成件事好好呀!牛. 豬. 生牛肉. 烤牛肉. 豬頸肉. 豬扒配紅蕃茄湯檬粉豐富到不得了,我家食肉獸好開心~早啲黎, 唔使等位;一到飯點, 高速滿座的~

 越男仔📌旺角廣華街2-20號翠園大樓二期地下5號舖做完運動好餓又唔想食太heavy拉埋男朋友陪我食越南嘢旺角越男仔就喺我做運動嘅附近🤭加上係價錢相宜又有心機嘅越南小店~所以最近呢到成為我飯堂😋招牌去骨海南雞配黃薑飯 $92跟餐小食我揀牙車快沙律+手撕雞檬紙卷飲品係凍香茅薑蜜 (+$29)生牛肉+烤牛肉+豬頸肉+豬扒配紅蕃茄湯檬粉 $109跟餐小食男朋友揀咗無骨黑糖鳳爪沙律+椒鹽脆蛋魚柳飲品係凍椰香漏漏啡 (+$33)做完運動最好補充蛋白質同埋碳水化合物雞飯is the best💓但老實講我平時喺屋企食烚雞胸白飯真係好悶呢到嘅海南雞香口嫩滑仲要起埋骨啱我呢d懶人😂黃薑飯粒粒分明比白飯更開胃!沙律係手撕雞同冇沙律醬嘅菜只係加少少越式酸汁做調味手撕雞檬紙卷口感豐富🤤男朋友本身仲想叫多d小食但發現跟餐小食都幾多椒鹽脆蛋魚柳香脆係吸引不過我忍口冇食男朋友初初以為係生牛肉+烤牛肉or豬頸肉+豬扒嚟到呆咗原來係齊曬4樣一次過滿足曬食牛同豬大滿足🤩香茅薑蜜係新鮮自家香茅同薑味重但又甜甜地衝擊味覺而椰香漏漏啡比平時咖啡易入口又香😍⭐️Rumple港女評分⭐️味道: 4.5/5環境: 4.5/5服務: 5/

放假去咗食「越男仔✨」，餐廳係傳統越南食品，再加上自己嘅特色，菜式選擇豐富，價錢親民，抵食😋「無骨雞黃飯🍚」雞肉嫩滑，配上香噴噴嘅黃飯，好味😋 「牛豬蕃茄湯檬🍜」湯底濃郁，蕃茄味道好鮮甜，有幸福感👍🏻「越南春卷🌿」外脆內嫩，配上特製醬汁，同埋生菜，唔錯嘅小食。「鳳爪沙律🥗」清新爽口，無骨鳳爪口感爽脆滑身，酸酸甜甜好開胃👍🏻「手撕雞沙律🥗」雞肉撕得均勻，沙律醬味道剛好，感覺清新。

呢間旺角越南菜小店超人氣，一入去服務員手腳快，嗌咗嘢好快有得食。價錢合理，兩個人食三百幾蚊飽到上心口‼️😎 蒜茸牛油雞脾撈金邊粉🍗 雞脾肉好滑，蒜茸牛油味幾香，可以自己加啲酸甜醬汁撈埋金邊粉食，值得一提金邊粉口感煮得啱啱好，推薦🤤無骨雞黃飯🍚 配牛湯無骨雞肉同樣嫩滑，飯香但唔會油。份量足，一個人食絕對夠飽🤣牛湯超濃味，味道似越南湯牛肉湯河湯底🥩牙車快手絲雞沙律🥗 沙律新鮮爽脆，手撕雞肉同脆炸魚柳撈埋都好夾，醬汁酸酸甜甜幾開胃蝦餅🦐 蝦餅彈牙，上面嘅蔥油令蝦餅更惹味凍雙檀香茅蜜🍹 薑味突出，甜度適中，解膩一流🫚 椰汁紅豆冰🥥 椰汁香濃，紅豆煮得夠淋，唔會太甜，超級推薦🤤 整體黎講，食物質素唔錯，特別係撈金邊同無骨雞黃飯都幾有驚喜，會再encore！

三文魚蓉拼海膽·蝦餅·扎肉配撈金邊粉 🍜 $138喺餐牌無意中發現咗呢一個超得意嘅配搭，竟然有日式嘅三文魚蓉配海膽 併 蝦餅扎肉撈金邊粉，一次過食到兩種唔同口味嘅餸菜，貪心嘅我當然要試吓啦！海膽同埋三文魚蓉都好新鮮，越南蝦餅扎肉，果然係別有一番風味，創新好味完全唔伏～招牌去骨海南雞配黃薑飯 配 手撕雞檬紙卷🐔$92海南雞非常嫩滑，配埋薑黃飯一齊食真係一絕！佢哋嘅海南雞飯仲會另外配埋 手撕雞檬紙卷🍋 同 架車快沙律🥗，非常豐富！😍😍冰鎮蜜糖凍蕃茄🍅 $39呢一個冰鎮蕃茄好得意，佢係原價剝咗皮嘅蕃茄咁上枱嘅，蕃茄上面鋪滿柚子味嘅蜜糖🍯，酸酸甜甜咁非常開胃，啱晒而家夏天咁熱嘅天氣！呢一道菜式仲獲得2015高雄啤酒節獎項添，大家嚟到記得試吓～

在旺角行開，又想起附近有間越南野，唸起佢哋酸辣嘅食物，就即時過去搵食囉！生牛、雙蝦配椰汁酸湯檬粉，蝦🦐頭炸過好香又脆，蝦身🍤則鮮甜爽口，生牛肉煮得剛熟，好嫩口，招牌湯底湯底，酸酸的飲落好開胃，椰汁🥥味濃。蒜蓉牛油海南雞髀撈金邊粉, 雞味十足, 雞髀幼滑可口，金邊粉爽彈，湯底入口清香，有好香的牛油味道，令口感層次提升，好讚啊！蝦餅炸得外脆內軟亦好美味可口。飲品選擇了夠晒薑味的香茅薑蜜，滋潤美味😋。

自費呢間分店我覺得都唔錯嘅呢間餐廳因為話晒都係平靚正即叫即整同埋佢啲餸都係大大碟份量十足鍾意食越南嘢嘅朋友大家都可以揀呢間仲有呀佢嘅香味好唔錯，全部都係好濃烈嘅味道，所以我覺得炒完之後好好食仲有佢哋有好多款俾大家一間通常大家都會揀二人菜式，所以如果大家覺得兩個人食又想食越南嘢經濟實惠嘅話我都會鍾意呢間㗎如果大家鍾意嘅話大家快啲去食啦，唔使等好耐就已經有得食唔需要特別book位㗎依間嘅餐廳個服務質素都幾高