越成Pho

去完医院，买个外卖攞返屋企食，Total $152两个午市餐加冻饮，No.812+814，当佢收$4外卖钱，攞返屋企发现鸡翼冇送，已经奇怪，再开发觉送错捞檬变汤河，我打电话叫屋企人同佢讲，想睇下攞返套餐差额定系点。问题就嚟了，一开头系个姨姨听嘅，全程冇一句唔好意思，过程就系不停叫我哋攞返去舖头，我行过去要差唔多15分钟，我理解要退货先可以退款，但系鸡翼冇俾到都要攞返去？唔可以过数？佢依然坚持要我哋行，第二个叔叔接，态度好啲啲，后面仲会cut线唔听电话，就算系咁打都系唔听，我真系明白你忙，我都系做服务业嘅，其实你态度好少少我都算，最尾系转个电话打，要恶先肯讲唔好意思，我哋想要嘅系一个态度啫😮‍💨…查看更多

今次叫咗生牛肉河粉，不过佢上到菜其实d牛肉都接近全熟。成个味都接近越南口味，枱面会放啲越南汁酱俾你加落个汤，唯独想问佢攞多啲金不换佢就唔多俾，俾得几块。。。。加咗等于无加咁。。。 另外叫咗牛油炸鸡翼$68先四只性价比算低。味道普通。…查看更多

星期日约了朋友附近喝一杯，到埗发现那店还没开，就先找地方吃个饭。天气潮湿大雾想吃点清爽的，所以来吃越南菜。之前经开这店几次都没吃上，在网上看食评不多，以为会一般般，总体来说食物味道不错，只是店内空气不太流通有点热。下午茶只在周一到周五供应，所以我们点的正餐。生牛肉汤河，汤底够浓，牛肉嫩度也可以，就是冷气不够，真的有点热。猪肉卷捞檬，走花生走葱油。猪肉卷吃起来就是肉肠的口感，更爽口和有油香。檬粉轻微有点结块，但因为会加点酸辣鱼露和辣椒酱拌一拌所以没关系。附近都以快餐店、粥店和茶餐厅为主，所以考虑周边的选择，我觉得这越南菜还是不错的聚餐之选。…查看更多

要覆诊，医生去左巡房，姑娘叫去食嘢。一出医院见到近，但Openrice 食评麻麻，企左门口睇餐牌一阵，个店员姐姐几好有介绍可以食咩，热情难却就入去试下。装修茶餐厅家庭式咁，一座低有杯茶饮，个味道饮落系龙眼茶呢个好好，加分。事关我近排入亲啲餐厅水都无杯，问一下拎一杯甘。店员姐姐可能见我一个人都会撩下我讲野。介绍左厨师系越南人。话正宗既！我病麻，想食清清地叫左个牛肉炒芽菜未除口罩阵香味都已经闻到，条条芽菜都肥嘟嘟，肥牛片，洋葱，蒜片，萝卜丝炒埋一齐。仲有香料。有镬气，啲芽菜”索索”声仲叫左个大虾米纸卷要配返佢个捞檬汁，单食就清左啲。入面有米粉，虾，酸青瓜萝卜丝，干蒜。个米纸都有味咸咸地。下次可以再encore, target 系牛油鸡翼，同老食Ps 真系清晒碟架！有图。呀，佢系净收现金💰…查看更多

香港大部份越南🇻🇳餐厅都系由越南人煑理、正唔正宗真系唔识讲、事关南越同北越嘅口味已经好唔同，啱自己口味先系好味😋哩间餐厅新开唔够半年、但其实之前几年都系一直做越南餐厅、旧时系由几个越南姐姐经营，用心制作、用心待客、抵食好食所以经常帮衬、不过转左手之后差就冇再去、最近发现原来又转左手、又嚟试吓啦！猪颈肉捞檬粉$68猪颈肉都算多、香口得嚟都有肉汁、鱼露水酸甜适中、唔错👍🏻越式蕃茄牛腩饭$79午市套餐好抵食、夜晚叫要过百、转蒜茸包+$10，值得加钱！配搭茄汁真系好好味😋午餐仲跟多一款小食、炸鸡翼或者鸡丝沙律、两款都唔掂、唔好送好过⋯⋯越南春卷（半份）$25人少又想多几款、午餐可以叫半份👍🏻👍🏻 越南春卷坊街卖紧两款、－款系哩只系餐厅自己包嘅、𥚃面好多料，本人只拣哩款；另一只系外皮似蜂巢嘅、口感好似好酥脆，但其实内𥚃冇乜饀、系佳宝都买到、我－见到啲越南餐厅卖哩款春卷、就永远唔冇回头👋 哩到醒、两款都有皆大欢喜🤗📌整体来说、味道方面都ok，咁问之前越南厨娘出品仲系有啲距离、不过已经好过同区其他越南餐厅啦！📌…查看更多