越成Pho

营业中

休息中

今次叫咗生牛肉河粉，不過佢上到菜其實d牛肉都接近全熟。成個味都接近越南口味，枱面會放啲越南汁醬俾你加落個湯，唯獨想問佢攞多啲金不換佢就唔多俾，俾得幾塊。。。。加咗等於無加咁。。。 另外叫咗牛油炸雞翼$68先四隻性價比算低。味道普通。

星期日約了朋友附近喝一杯，到埗發現那店還沒開，就先找地方吃個飯。天氣潮濕大霧想吃點清爽的，所以來吃越南菜。之前經開這店幾次都沒吃上，在網上看食評不多，以為會一般般，總體來說食物味道不錯，只是店內空氣不太流通有點熱。下午茶只在週一到週五供應，所以我們點的正餐。生牛肉湯河，湯底夠濃，牛肉嫩度也可以，就是冷氣不夠，真的有點熱。豬肉卷撈檬，走花生走葱油。豬肉卷吃起來就是肉腸的口感，更爽口和有油香。檬粉輕微有點結塊，但因為會加點酸辣魚露和辣椒醬拌一拌所以沒關係。附近都以快餐店、粥店和茶餐廳為主，所以考慮周邊的選擇，我覺得這越南菜還是不錯的聚餐之選。

要覆診，醫生去左巡房，姑娘叫去食嘢。一出醫院見到近，但Openrice 食評麻麻，企左門口睇餐牌一陣，個店員姐姐幾好有介紹可以食咩，熱情難卻就入去試下。裝修茶餐廳家庭式咁，一座低有杯茶飲，個味道飲落係龍眼茶呢個好好，加分。事關我近排入親啲餐廳水都無杯，問一下拎一杯甘。店員姐姐可能見我一個人都會撩下我講野。介紹左廚師係越南人。話正宗既！我病麻，想食清清地叫左個牛肉炒芽菜未除口罩陣香味都已經聞到，條條芽菜都肥嘟嘟，肥牛片，洋蔥，蒜片，蘿蔔絲炒埋一齊。仲有香料。有鑊氣，啲芽菜”索索”聲仲叫左個大蝦米紙卷要配返佢個撈檬汁，單食就清左啲。入面有米粉，蝦，酸青瓜蘿蔔絲，乾蒜。個米紙都有味咸咸地。下次可以再encore, target 係牛油雞翼，同老食Ps 真係清曬碟架！有圖。呀，佢係淨收現金💰

香港大部份越南🇻🇳餐廳都係由越南人煑理、正唔正宗真係唔識講、事關南越同北越嘅口味已經好唔同，啱自己口味先係好味😋哩間餐廳新開唔夠半年、但其實之前幾年都係一直做越南餐廳、舊時係由幾個越南姐姐經營，用心製作、用心待客、抵食好食所以經常幫襯、不過轉左手之後差就冇再去、最近發現原來又轉左手、又嚟試吓啦！豬頸肉撈檬粉$68豬頸肉都算多、香口得嚟都有肉汁、魚露水酸甜適中、唔錯👍🏻越式蕃茄牛腩飯$79午市套餐好抵食、夜晚叫要過百、轉蒜茸包+$10，值得加錢！配搭茄汁真係好好味😋午餐仲跟多一款小食、炸雞翼或者雞絲沙律、兩款都唔掂、唔好送好過⋯⋯越南春卷（半份）$25人少又想多幾款、午餐可以叫半份👍🏻👍🏻 越南春卷坊街賣緊兩款、－款係哩隻係餐廳自己包嘅、𥚃面好多料，本人只揀哩款；另一隻係外皮似蜂巢嘅、口感好似好酥脆，但其實內𥚃冇乜饀、係佳寶都買到、我－見到啲越南餐廳賣哩款春卷、就永遠唔冇回頭👋 哩到醒、兩款都有皆大歡喜🤗📌整體來說、味道方面都ok，咁問之前越南廚娘出品仲係有啲距離、不過已經好過同區其他越南餐廳啦！📌

行過路過，未試過這間 「越成Pho」，就入去一嚐究竟 ~餐廳嘅門面不太起眼 , 跟區內一般茶記沒有大分別，裝修也是小店格局，似是家庭式經營 ~越式蕃茄牛腩飯 : 是否正宗!? 咪玩啦 , 講呢啲 ! 不過也不代表唔好吃 , 這道菜其實煮得不錯的 , 牛肉軟綿 , 個 sauce 的味道也到位 , 濃香夠蕃茄味之餘也帶點紅酒味 , 確實不錯吃 ~魚露雞扒煎蛋飯 : 看上去都不錯 , 魚露雞扒 , 外皮夠酥脆 , 肉質跟嫩滑，是大纜都扯唔上，但就未至於柴皮啦，最重要就是夠入味，香口惹味，幾好送飯的 ~最後飲杯 越南-滴漏咖啡 作個終結 ~本篇完 ~

夜晚去附近有間越南野 就入去坐低食 上手走左待應叔叔唔抹台都唔緊要，叫野食果陣，我認我睇漏左，唔知17:30後飲品要加錢，待應姨姨提我野飲要比錢，我以為熱飲唔會好貴，咁加杯熱飲要$8，我考慮左1-2分鐘，都即刻叫佢取消，佢話打左單，我話 係咪唔可以cancel, 咁佢照幫我取消。但之後佢開始同隔離待應叔叔講，d人唔睇野個個落完先取消，唔洗做生意啦。其實間鋪唔大，我坐近門口，其實佢都明知我聽到，之後佢再同另一個後生女待應講，大大隻字d人唔睇，個後生女唔回應。跟住其他客入黎叫野，佢再提客 咁我明佢好心提佢地，佢同d客講，有d人真係唔睇唔知，而我坐係個客對面。其實間野食水準正常，晚市黎講係唔貴，我比既錢唔多，不過一邊食飯受姨姨待應氣，好無謂。另一個後生女待應（唔知係咪老闆）都好好態度，阿姨開頭都好態度都好好，但我一取消杯野飲就係咁串我😧

今日行過經過呢間越成pho，看到係越南菜就入去試試，睇到有鮮蝦粉絲煲就叫左一碟試試，結果好快上菜，個菜係和暖既，d蝦乾曾曾又硬，同佢地d樓面反映就話可能係炒太耐，真係當我地冇食過蝦啊，強烈懷疑d蝦係尋日賣淨既，因為炒太耐同唔新鮮根本係兩回事。不過服務態度都唔錯下，睇到你冇水啦會主動過黎幫你倒茶，d位置都幾窄下，但衛生都幾唔錯下。第一次黎就咁既水平，下次唔會再幫襯架啦。希望佢地會改善下d食材既質素啦。

魚露煎雞半隻 💰98 ❤️‍🔥6.5/10分第一下食落去偏鹹，之後食還好，魚露嘅鮮味唔係好覺🫣雞嫩滑，可以再入味啲就更好，連埋香茅去食就幾正嘅🤘🏻扣分位係有嚿雞唔夠熟，同埋隻雞本身唔算多肉同重雞味，半隻入面唔知點解會有兩條頸位，少失望☹️燒魷魚💰168 ❤️‍🔥2/10分同我想像中嘅燒魷魚有啲出入，偏韌，亦無咩燒烤嗰種香味，中間肉餅食落有章魚乾同鹹魚味（唔肯定係咪依啲料整），不過好鹹...再加埋個汁係超咸...個汁本身幾好食，但依個配搭令我要飲幾杯茶，如果肉餅入面比例啱翻啲/淨係要個汁唔要肉餅會好好多🥹馬拉盞通菜💰68 ❤️‍🔥7.5/10分個醬好香蝦味，唔會太鹹🫶🏻不足係油有啲多，通菜本身有啲老，有啲渣🫠⚜️兩人食 免加一 💰335⚜️整體性價比 5.5/10分整體價錢嚟講偏貴，上次食佢嘅生牛肉湯檬係好啲嘅，但嗰時中咗covid個味蕾唔係好靈敏所以無打到評價，小菜嚟講真係唔係好掂，但有機會會再試真啲湯檬湯河，聽聞唔錯〰️