越發地道河內料理

事情发生: 我同朋友一行三人，等左30-40分钟。侍应姐姐话等三人枱会等好耐，你哋或者分开坐(间铺好细大约20个位应该都冇，分开坐意思系中间隔一条小小通道，两个面对面坐，一个自己坐) 我地话: 咁不如两张枱拍埋？（注意：就算拍埋咗，都有通道可以行走。）侍应姐姐: 因为有一部冷气机会滴水，唔知几时会滴落黎。我地话: 咁滴水𠮶个位我地自己就住就得。侍应姐姐就走去问老细。呢个时候，老细就出场（拍埋张枱好似焫㷫咗佢咁。）老细:因为个冷气机滴水。（之后我哋都系讲返话：我哋就住就OK）我哋：因为我哋想坐埋一齐食可以倾偈。老细：（带点激动):我哋呢度唔系俾你哋系到倾偈，要倾偈嘅话就要去Cafe。？？？？？？？真系未听过话食嘢唔可以倾偈。我哋又唔系谂住系到当bar咁倾成晚，普通食野嘅时候点都会倾吓偈啩？你唔想人食嘢倾偈，咁你地不如考虑喺门口度大大张纸贴住「店内严禁倾偈」。拍𠮶张枱都唔系要你哋动手，临走嘅时候我哋亦都问佢哋使唔使同你地拍返原位。咁样嘅态度真系冇下一次，再加上你哋嘅味道亦都唔系好似啲评论咁讲到咁出色。当初都系啲所谓KOL介绍先过嚟试，点知食到一肚气，仲要唔系真系咁好食，个汤底极度普通。如果你话真系好好食就话啫，咁抵你咁臭串啦。又唔系㖞。…查看更多

传说中香港最好食嘅越南pho位置系油麻地舖仔细细 成日都大排长龙经过千辛万苦都终于排到！但食材唔够 就净低2款面食 其他小食都有虽然有啲失望 但来到来了 照食！1️⃣河内牛柳粉 $90清汤加满满嘅葱 九层塔 超香牛柳好嫩滑 一淡汤一淡河粉加牛肉 食到停唔到口配油炸鬼 吸晒啲汤汁 正！不过面嘅份量就少啲2️⃣招牌牛柳牛丸粉 $105多咗牛丸 非常弹牙3️⃣鲜虾米纸卷 $65米粉唔会太碎 酸萝卜食落几开胃个汁都唔错 总结汤好饮 牛柳粉推介！…查看更多

这间店已经食过很多次，但每次都和三四个朋友一齐吃，每次也挂住聊天，所以没有拍照，今次只是两个人，可以认真地拍照这间越南餐厅已经被很多食家评为全香港最好吃的越南餐厅，我觉得是实至名归的今晚食物水准和以往一样，我还是选择这个牛柳牛丸河粉，他们的牛柳入口便可以感觉到店主对牛肉的要求，比越南的牛河还好味，特别是那个清炖汤底，味道特别好，完全没有味精今晚放弃了最好吃的春卷和鸡翼，反而是了他们的扎肉，今晚的就有三个不同味道，各有各好味…查看更多

虽然间舖细到得4、5张枱，但胜在每款菜式都系实力派，主打越北口味，绝对系越南菜爱好者嘅天堂！💯餐牌简单得嚟唔驶十款菜，但系样样都有水准！我最推荐佢哋嘅越南法包，真系好少地方做得咁正！🥖 香脆嘅法包包住浓郁肝酱，再加埋清爽生菜、酸酸甜甜嘅萝卜同爽口嘅扎肉，每一啖都系满足！😋仲有牛油鸡翼，香到我而家谂返都流口水！佢哋除咗用牛油，仲加埋蜜糖同香脆花生，味道层次丰富到爆灯！🧈✨生牛肉河粉嘅汤底清而不淡，牛肉够新鲜，啲粉又滑又有嚼劲，绝对系小店中嘅大作！🍲下次唔想食连锁越南餐厅，就去呢间试下啦！虽然细，但系每啖都系真功夫！👨‍🍳…查看更多

最近在旺角探到一间主打地道越南河内风味的餐厅「越发地道河内料理」，位置虽然低调，但味道非常惊喜，值得记录一下！今次点了两款菜式及一杯饮品：🍴 特式扎肉拼盘：有炸虾饼、扎肉片配香草和特制辣酱。炸虾饼外层酥脆，咬开内里鲜香弹牙，而扎肉则带点烟韧口感，配合香草一齐食，更加惹味有层次。🥗 香露牛柳捞檬：捞檬味道清新，檬粉不会过硬或糊烂，调味酸酸甜甜，加上生菜、青瓜丝、酸菜及花生碎，整体口感丰富。牛柳切丝处理，嫩滑不韧，算是十分出色的配料之一。🥤 咸柠七：咸柠味不会过重，刚好提味，饮落爽口解腻，餐后来一杯非常满足。整体而言，这间小店食物质素高，价格合理，份量足，特别适合想轻松吃点东南亚风味的朋友。环境干净，座位不多但翻枱快，服务人员也很友善，有机会会再回访！…查看更多