越發地道河內料理

事情發生: 我同朋友一行三人，等左30-40分鐘。侍應姐姐話等三人枱會等好耐，你哋或者分開坐(間鋪好細大約20個位應該都冇，分開坐意思係中間隔一條小小通道，兩個面對面坐，一個自己坐) 我地話: 咁不如兩張枱拍埋？（注意：就算拍埋咗，都有通道可以行走。）侍應姐姐: 因為有一部冷氣機會滴水，唔知幾時會滴落黎。我地話: 咁滴水嗰個位我地自己就住就得。侍應姐姐就走去問老細。呢個時候，老細就出場（拍埋張枱好似焫㷫咗佢咁。）老細:因為個冷氣機滴水。（之後我哋都係講返話：我哋就住就OK）我哋：因為我哋想坐埋一齊食可以傾偈。老細：（帶點激動):我哋呢度唔係俾你哋係到傾偈，要傾偈嘅話就要去Cafe。？？？？？？？真係未聽過話食嘢唔可以傾偈。我哋又唔係諗住係到當bar咁傾成晚，普通食野嘅時候點都會傾吓偈啩？你唔想人食嘢傾偈，咁你地不如考慮喺門口度大大張紙貼住「店內嚴禁傾偈」。拍嗰張枱都唔係要你哋動手，臨走嘅時候我哋亦都問佢哋使唔使同你地拍返原位。咁樣嘅態度真係冇下一次，再加上你哋嘅味道亦都唔係好似啲評論咁講到咁出色。當初都係啲所謂KOL介紹先過嚟試，點知食到一肚氣，仲要唔係真係咁好食，個湯底極度普通。如果你話真係好好食就話啫，咁抵你咁臭串啦。又唔係喎。…查看更多

傳說中香港最好食嘅越南pho位置係油麻地舖仔細細 成日都大排長龍經過千辛萬苦都終於排到！但食材唔夠 就淨低2款麵食 其他小食都有雖然有啲失望 但來到來了 照食！1️⃣河內牛柳粉 $90清湯加滿滿嘅蔥 九層塔 超香牛柳好嫩滑 一淡湯一淡河粉加牛肉 食到停唔到口配油炸鬼 吸晒啲湯汁 正！不過麵嘅份量就少啲2️⃣招牌牛柳牛丸粉 $105多咗牛丸 非常彈牙3️⃣鮮蝦米紙卷 $65米粉唔會太碎 酸蘿蔔食落幾開胃個汁都唔錯 總結湯好飲 牛柳粉推介！…查看更多

這間店已經食過很多次，但每次都和三四個朋友一齊吃，每次也掛住聊天，所以沒有拍照，今次只是兩個人，可以認真地拍照這間越南餐廳已經被很多食家評為全香港最好吃的越南餐廳，我覺得是實至名歸的今晚食物水準和以往一樣，我還是選擇這個牛柳牛丸河粉，他們的牛柳入口便可以感覺到店主對牛肉的要求，比越南的牛河還好味，特別是那個清燉湯底，味道特別好，完全沒有味精今晚放棄了最好吃的春卷和雞翼，反而是了他們的扎肉，今晚的就有三個不同味道，各有各好味…查看更多

雖然間舖細到得4、5張枱，但勝在每款菜式都係實力派，主打越北口味，絕對係越南菜愛好者嘅天堂！💯餐牌簡單得嚟唔駛十款菜，但係樣樣都有水準！我最推薦佢哋嘅越南法包，真係好少地方做得咁正！🥖 香脆嘅法包包住濃郁肝醬，再加埋清爽生菜、酸酸甜甜嘅蘿蔔同爽口嘅扎肉，每一啖都係滿足！😋仲有牛油雞翼，香到我而家諗返都流口水！佢哋除咗用牛油，仲加埋蜜糖同香脆花生，味道層次豐富到爆燈！🧈✨生牛肉河粉嘅湯底清而不淡，牛肉夠新鮮，啲粉又滑又有嚼勁，絕對係小店中嘅大作！🍲下次唔想食連鎖越南餐廳，就去呢間試下啦！雖然細，但係每啖都係真功夫！👨‍🍳…查看更多

最近在旺角探到一間主打地道越南河內風味的餐廳「越發地道河內料理」，位置雖然低調，但味道非常驚喜，值得記錄一下！今次點了兩款菜式及一杯飲品：🍴 特式扎肉拼盤：有炸蝦餅、扎肉片配香草和特製辣醬。炸蝦餅外層酥脆，咬開內裡鮮香彈牙，而扎肉則帶點煙韌口感，配合香草一齊食，更加惹味有層次。🥗 香露牛柳撈檬：撈檬味道清新，檬粉不會過硬或糊爛，調味酸酸甜甜，加上生菜、青瓜絲、酸菜及花生碎，整體口感豐富。牛柳切絲處理，嫩滑不韌，算是十分出色的配料之一。🥤 咸檸七：鹹檸味不會過重，剛好提味，飲落爽口解膩，餐後來一杯非常滿足。整體而言，這間小店食物質素高，價格合理，份量足，特別適合想輕鬆吃點東南亞風味的朋友。環境乾淨，座位不多但翻枱快，服務人員也很友善，有機會會再回訪！…查看更多

見過不少所謂 KOL/foodies 介紹過呢間，終於去開旺角就試下，排咗約20分鐘入座。兩人點咗三味餸，分別係招牌牛柳牛丸河，越式三文治及燒肉丸米紙卷。招牌牛柳牛丸河，話係招牌當然有期望，何況咁多 foodies 都話好食。湯底：真心認為好普通，唔夠清甜，牛骨味亦唔夠，唯一可取係夠熱；河粉：香港大把新鮮河粉供應，但佢哋就選擇用乾貨，成本考慮？大佬，你碗粉賣$105喎，非常失望；牛柳：真係得啖笑，啲牛肉碎到整碎牛粥都得，你話係牛柳，我就話係下欄嘢；牛丸：非常普通嘅貨色，又係嗰句，你碗粉賣$105，攞貨都攞啲靚貨好卦，唉！越式三文治算係正常發揮，法包唔係靚嘢，但尚算外脆內軟，餡料正常，唯獨鵝肝醬用好差嘅貨，完全沒有丁點鵝肝香味，長沙灣有間外賣店好過佢哋10倍，但平一半。燒肉丸米紙卷最大嘅問題裡面並非真正肉丸，係圓條形開半，中間有條坑，並非肉丸，又係入埋啲垃圾貨，完全冇口感完全冇香味，其實肉丸自己整自己燒香去真係好容易。呢間餐廳俾我嘅感覺就係呃錢，貴唔貴當然見仁見智，但$105一碗粉應該冇人會話平，你收得咁嘅價錢就應該交足功課，你廚藝幾叻都好，如果你用埋啲劣質食材根本唔會有好嘅出品，但我亦睇唔到佢哋有乜嘢出色廚藝；日排夜排可能唔係好多香港人識越南菜，所以俾佢哋呃到。…查看更多

招牌牛柳牛丸河係必食嘅， 有時雖然會出錯，冇洋蔥或者牛柳肉質又碎，但係都係呢間鋪最好食嘅一樣嘢。法飽強差人意，包唔熱包身又硬，入邊嘅餡料唔夠豐富，醬汁唔夠等於好似啃，硬麵包，肉片扎肉片切得太薄片，冇口感，80蚊，唔值。冇比較冇傷害，去過灣仔(品味) 你試過佢地cold cut sandwich 或 stewed pork belly sandwich, 做得好南越人口味法包。…查看更多

又係一年一度同個fd子一齊去睇流年既時候啦，順便去旺角食好西。Fd子話之前食過呢間越南餐廳，好食，想食多次，好彩今日都唔係太多人排隊，10分鐘左右就入得。間鋪頭細細間，都有啲迫迫地。叫左店員介紹既2號招牌牛柳牛丸粉，話全香港最好食😋湯底ok, 多䓤多芫荽，有2粒切開一半的骰既牛丸仔，食落有口感彈同有油脂汁。河粉幼身，ok。牛柳碎，容易啲由生浸湯變熟。總括嚟講都OK。下次想試吓個蟹肉檬粉。佢都幾得意，好似白粥配油炸鬼咁呢個都跟咗個油炸鬼。小脆，仲有檸檬同辣椒仔。牛油雞翼，(蒜蓉蜜糖雞翼？)比較似家庭餸，同之前其他越南店舖食開嘅牛油雞翼好唔同，呢隻係蜜糖蒜蓉粒。嗰啲蒜蓉粒非常黐牙。唔係唔好食，正常但唔牛油。鮮蝦米卷呢個ok ，食落幾fresh 。金桔梳打(無影到相) $30我叫左微甜，呢個幾好飲！因為夠氣，食到最後飲都仲有氣。fresh最後埋單送咗個越南甜品，個哥仔應該係老細，話尋日喺越南新鮮人手handcarry 運返嚟。唔係咁甜，煙煙韌韌中間個綠豆餡都好食，佢成嚿綠色應該係斑斕啩，但唔係好食到斑斕味。我朋友話比起佢第一次食嘅時候，冇咁驚艷，話之前有個奧巴馬湯粉，好好食，而家無左。但今次唔使排好耐隊之下，有食到都好開心。…查看更多

local朋友推荐的一家小店，正好路过也排了近40分钟才入店，店里位置小小的，油烟味有点重试了招牌越南牛河（忘拍照…），汤很好喝，牛肉好似剁碎调过味的，与平常吃的不太一样，好好味！也试了季度餐单番茄蟹肉汤檬粉，汤底淡淡的番茄味，还有一个螃蟹钳，能吃到螃蟹的鲜味，还不错牛油鸡翼推荐，虽然很heavy还粘牙，但碳水炸弹真的好诱人…查看更多

今日過開佐敦，Search下有那間越南餐廳是好的，Search到這間越發，號稱全港最好吃的越南牛河。叫了推介的牛丸牛柳越南牛河，一杯熱情果梳打。牛河係越南金邊粉，很多碎牛柳加兩粒牛丸。試一試啖湯，清清的有牛肉味，可以，鋪滿香草，牛丸對辦，不過論味道始終不及昔日老趙的悅木，但都很滿意。熱情果梳打酸酸甜甜，好喝！…查看更多

人氣越南河店！！平時晚市一律由六點開始排隊，難得今日午市經過唔使排隊，立即把握最後嘅空位坐低❗️嘢食嘅Menu基本上得一頁，今日選擇食嘅係01 河內牛柳粉❗️——————————————**河內牛柳粉 $90越南牛河一上菜嘅時候已經見到係熱氣騰騰，上面鋪滿咗蔥、芫荽同九層塔，中間既就係牛柳！旁邊都會佐以辣椒碎、青檸同埋油炸鬼。店員都會溫馨提示記得將油炸鬼浸一浸湯先再食🤤第一件事當然係即刻飲一啖湯，原汁原味！熱辣辣嘅牛河湯底非常清甜👍🏻配搭湯入面嘅蔥碎就算係平時唔食蔥嘅我都唔會覺得太抗拒～～每次食基本上都想飲晒個湯ʕ •ᴥ•ʔ🫶🏻半生熟牛柳呈現嘅方法則比起坊間相對比較碎，但都冇影響佢濃郁嘅牛味。食得出佢落咗適當嘅黑椒去調味，即使浸耐咗都唔會過熟，唔會嚡口～河粉幼滑～試完原味，食到中途仲可以根據個人口味落返少量嘅辣椒同青檸，令到整體感覺更加清新🤤🤤最後想讚一讚小店提供嘅食水並吾係普通水，而係加入咗斑蘭嘅，斑蘭粉絲表示讚好🥺🫶🏻…查看更多

今日到油麻地辦點事，完事已兩點幾，肚有點餓，路經人氣越南河⋯⋯眼見唔使排隊喎，於是走進問有冇位，原來依個時間都坐八成滿食客，果然是人氣食店⋯⋯唔使兩分鐘，就安排入座。餐牌底面各一，一面是主食，另一面是飲品，由於首次到來，樣樣都想試，奈何一支公，總要有取捨⋯⋯經過數分鐘仍未決定到，再三被店員詢問了三次之多，其間由於有電話打入，又說了兩三分鐘，足足耽誤了5分鐘才點餐，幸好並不是繁忙時段 否則真係唔好意思。筆者一坐低，店員就送上清水一杯，原來是加入了香茅的溫水，筆者很喜歡。招牌牛柳牛丸河$102~最後決定點這招牌項目。熱騰騰香噴噴，還用上大大隻湯碗，單是目測已加分不少，溫馨提示🔔第一口嚐嚐那啖湯，小心燙咀。滿滿的葱花，還有切碎的九層塔和湯底很夾檔，牛丸是切半，沒有一口咬的爽彈感覺，但反之將牛丸切了一半較容易進食，牛柳是薄薄碎，所以放湯那溫度已剛熟，先吃牛柳之後再吃牛丸，牛丸爽彈吸引。附上半條油炸鬼及青檸辣椒，吱出青檸汁放湯，繼而再將油炸鬼浸湯進食，又一種另類食法，有趣，難怪收$102的一碗河粉。整體來說:單是價錢，$102一碗河粉驟覺頗貴，但吃出他們在這牛河上放了不少心思，在今時今日租金昂貴的情況下和質素相比，都會令食客再回頭的。非繁忙時間到來，吃得比較自在。…查看更多

本身滿心期待11:55就已經排隊等位，服務同埋都係乾淨企理嘅，一坐低就叫咗個招牌越南河。碗麵嚟到嘅時候個心都覺得有啲中伏,，碗面又唔係平都成舊水，但係牛肉就係肉碎，牛丸得兩粒切半，湯同埋河都係普通水平。坦白講，普通食個麵係可以特登嚟就不必了。呢個價位，會有更加多嘅選項，和牛嘅船麵，拉麵，牛腩河等等，可能係我唔識嘢肉碎先係正宗地道，但係我真係未食過越南河係會用牛肉肉碎，真係連鎖店嘅越南河都做得比較有誠意…查看更多

❣️見唔少人都介紹過呢間越南河，而我都好鐘意食pho，於是平日放工時間一於嚟咗吓，網上評論好多都話呢間排隊熱店必食，湯底超正🥸但試完覺得味道都唔錯，但絕對未到好驚艷同必食嘅程度，當日7點左右都有3組人排隊，但都唔算等太耐，十幾分鐘就有位，成個用餐體驗唔算好好，店員會好趕咁落單、上菜同埋收枱，位置比較窄，同埋只收現金🥲河粉同牛丸味道的確唔錯，但$102一碗嘅價錢都算貴，個人覺得港島有幾間越南河嘅味道比佢好食好多，價錢都只係60幾蚊一碗🤓🌟 招牌牛柳牛丸河粉 $102一上枱就聞到好香，好多香蔥鋪滿河粉，湯底味道清得嚟都算入味👍🏻牛丸比較出色但得兩粒，牛柳整得好碎，同埋份量唔多，河粉有幼身食落都幾順滑，整體味道係唔錯嘅，但食完之後好口渴，未去到必食嘅程度😅🌟招牌越南脆春卷 $70 春卷外皮的確好脆，但入面啲餡好普通，主要係食落味道一般🥲…查看更多

排咗40分鐘先入到。舖頭面積好細，好少座位。招牌河內牛柳牛丸粉 湯底：走清甜路線，唔係濃郁牛肉味嗰種。比較出色嘅係佢將d 越南香草葉整到碎碎地，融入喺湯底度，所以飲落去係清甜嘅清湯加越南香草嘅味道。材料：有兩粒牛丸，濃郁好味。牛肉係細細碎碎嘅賣相同口感，口感唔係高質牛肉果種爽滑，份量有啲少。🤔越南法式三文治 麵包好脆，同時又唔會好硬或者拮口，質感唔錯。味道就係以酸蘿蔔嘅味道為主，再夾一啲豬肝醬嘅味道。個人口味會prefer肉嘅口感同味道再出啲，或者再濃郁啲嘅豬肝醬味。🤔越發牛油雞翼 食落第一啖都有牛油味道，但係之後會更加多係甜嘅味道。個人會prefer唔甜，以牛油味為主嘅牛油雞翼。😐河内芽車快 比較出色嘅係有啲麻油味，增加咗香味同層次。但係再食落去就會覺得太重嘅酸酸味甜甜味道。之前來食過覺得酸甜味太重，今次已經叫佢少汁，但係食落都仲係太酸太甜。材料方面唔算多雞絲，主要係充滿紅蘿蔔白蘿蔔嘅口感。🤔越南柑桔梳打 30正常青檸梳打嘅味道，冇柑桔味，冇咩特別。另外，扣少少分係餐廳用紙碟嚟裝住啲餸，無論係環保定係賣相方面都差咗少少。總結嚟講，味道唔錯，係可以返食嘅舖頭，但係又未至於話食落會嘩一聲嘅感覺。環境： ★★☆☆☆ 食物： ★★★☆☆ 性價比： ★★★☆☆ 推介度： ★★★☆☆ …查看更多