越南真味

营业中

休息中

這次的用餐體驗讓我感到非常失望，幾乎沒有任何值得稱讚的地方。首先，餐點的味道極其普通，無論是豬扒、雞扒還是豬頸肉，肉質都相當粗糙，吃起來硬不似肉類。調味方面也毫無驚喜，讓人感覺像是隨便煮過一樣，完全無法吸引食客。再來，餐具的衛生狀況也讓我感到不安。餐具上上手時黏黏的感覺讓我對食具的安全性感到疑慮。這樣的清潔標準實在難以令人信服，讓人對該餐廳的整體衛生狀況產生疑慮。此外，餐廳的座椅設計也大大影響了用餐體驗。坐椅非常硬，坐下去後幾分鐘就會感到不適，用餐簡直是煎熬，更糟糕的是，椅子沒有椅背，完全無法提供支持，讓人坐立不安。綜合來看，這次的用餐體驗令人失望，既沒有正常的食物，環境極不舒適，我不會再回訪。

返工食lunch，與好友約會，係可以同時進行的。😄我哋揀咗佐敦白加士街的 #越南真味，我係第二次光顧了。今次我叫咗 #牛坑腩越式湯粉。湯底仍然好味，我飲咗好多😆。牛坑腩煮得夠腍，又有油香和牛味，好滋味。友人第一次來，叫咗 #豬頸肉撈檬粉。我看外表已覺得好食，試咗豬頸肉，爽！好味😃。下次再試埋其他食品。

係門口已經有一陣陣既越南湯香，吸引咗好多人係門口排隊。睇一睇佢餐牌，見到好多唔同既款式，即管去試一試啦。入面坐既位置唔多，不過好整潔！見到好多人都揀湯粉，所以都揀佢一定無錯。豬扒雞翼湯粉一黎到見到份量好多，真係好抵食，咁大份都只係$60左右。講返啲食物，豬扒同雞翼都好新鮮，同埋都好有味道，唔會得出面個皮有味。仲要一咬落去好脆好香，我覺得值得一試！至於佢個湯粉，都做得好好，好有越南風味，香濃同都帶有少少甜香。

食完條氣唔x順，特登開番千年舊acc 出post！！坐低左叫餐，明明門口寫送熱飲，叫餐時又話熱奶茶要加錢10幾蚊，又話送餐飲只送到六點。當時以為自己睇錯睇漏，咁算數啦。離開餐廳出到黎睇番門口個牌，根本冇寫咩到六點！叫左豬頸肉飯，明明餐牌寫55蚊，打單張單黎到但寫58蚊。再問先話㩒錯左先改番。真唔小心呀？！（此帖特意表揚此餐廳為推動市民離港消費之努力）

今日去開附近，完成晒手頭上嘅嘢，已經差唔多到晚飯時間，見到附近有呢一間嘢，就入去試吓~法式鮮茄牛坑腩飯👍🏻👍🏻牛坑腩好淋好好食份量亦都好足如果可以多啲蕃茄味就好啲～雞中翼河粉湯河粉👍🏻雞翼炸得好香好好食河粉都好大碗，不過鞋身不過有個小插曲就係本身我想要湯檬粉，佢話冇晒，我話要金邊粉，佢竟然話要加$5 ，但係餐牌上冇寫到，呢度有啲唔老實

～烤豬扒撈檬 烤豬扒做得唔錯，入口有淡淡嘅香茅同調味好平衡，豬扒應該係用新鮮貨，撈檬伴菜有生菜絲、青瓜絲、紅蘿蔔絲、炸蔥蒜同蔥油，入口清爽好舒服。～鷄絲扎肉湯河粉先呷一口湯頭，牛骨清湯夠清爽同滋潤，配合生洋蔥同金不換香草滋味更上一層樓。要挑剔的話缺小了”鵝蒂”。。。～越式炸春卷合格～馬拉盞炒通菜油份同鑊氣都夠，問題係馬拉盞未夠惹味，有點點失望。～凍青檸冰合格～越南得小梅第一次飲，有青檸同咸金桔加Soda 水，味道ok綜合係一家用心做的小店，用料足，味道雖然未必可以做到百份百越南真味，不過個人覺得已經有90 分以上，支持！

要快食，喺佐敦搵間小店，越南真味真係不二之選上次試過撈檬今日天氣凍，再嚟encore雞扒湯檬（本身餐牌係雞扒湯河，如果鑽檬粉唔使加錢。如果轉其他粉麵呢，可能要問清楚需唔需要加錢）我問店主個湯底點解咁香，又唔覺得好油佢話佢真係用咗好多材料仲有新鮮嘅金不換再加芫茜香蔥所以功夫真係唔少得雞扒煎得非常香口再加送片檸檬及辣椒可以畀你任配店主仲勁好人，有老人家需要幫忙佢仲即刻幫手

有日經過佐敦，見到呢間越南真味都幾多人幫襯，就同朋友入去試吓啦😄～喺白加士街咁多餐廳入面，呢間嘅價錢都算仁慈，所以都冇太大期望😳～實際上黎講～食物味道都係普通啦，個湯底味精重手咗少少，食完之後喉嚨有啲唔舒服，所以下次都未必再去喇😮‍💨⋯不過如果想快食一個平平哋嘅越南粉，又冇乜要求嘅，都可以係一個選擇嘅🙈✨生牛肉湯河粉 $52牛肉有三、四塊，有dd韌，份量都係正常啦😮‍💨⋯湯底有啲鹹，味精落得重手咗少少🙁⋯呢個份量我就啱啱好，如果食量比較多嘅朋友仔，可能要另加小食先夠飽啦🫡✨烤豬頸肉湯金邊粉 $57豬頸肉烤得唔係好脆，油脂感比較重，數落都有七至八片，份量都算ok嘅😗～不過餐牌上面明明寫河粉可以轉金邊粉或檬粉，冇標明需要加錢，但我哋嗌咗之後先發覺原來要加$5😅⋯雖然唔係多，但我覺得都係標明返好啲囉🙁CP價：🌟🌟🌟Encore機會：🔥🔥🔥環境氣氛：🧸🧸🧸🔖 #越南真味 (佐敦)📞 96507233🔍 佐敦白加士街1-11號康寧大廈地舖#k_razyfoodie #k_razyfoodie越南菜推介 #hkfoodie #hkfood #香港美食 #美食推介 #吃貨日常 #真實食評分享 #佐敦

平價越南粉, 月底糧尾救星. 這間是正宗越南人廚房.🥢越南火車頭湯粉 HK$65牛柏葉, 生牛肉, 熟牛肉, 牛丸 份量不少, 舖滿了整個碗. 九層塔當然是少不了, 香味十足. 湯頭清甜不是味道湯底, 喝完不會感到口渴. 牛肉味足, 牛丸彈牙. 🥢青檸梳打水 HK$20正常操作, 略嫌糖水太多, 偏甜, 下次可以叫少糖水.另外也叫了 🥢芒果軟殼蟹米紙卷 HK$83, 但忘了拍照, 但也好好吃, 下次記得再下單. #越南 #火車 #頭湯粉  #牛柏葉 #生牛肉 #熟牛肉 #牛丸

平日星期五到佐敦寶靈街附近晚飯，我們三人享用了下午茶，故仍不肚餓，但總覺回家前也來個輕食吧！行過見對面有人龍，是兩間相信是人氣食店的，走過對面查看時發現兩店中間有一越南小店，不用等位，店內也有食客，便入內坐下。環境一般，地方細，大約廿餘個座位。價格實惠，3碗粉加了一客紙卷HK$220，食物份量大，不是輕食啊。春卷香脆，紙米卷清爽，扎肉一般，燒魷魚就好好味，越式醬汁酸度及鹹度剛好，撈檬粉後，食落十分開胃。

白加士街出名多好野食，見周圍都多人要排又肚餓諗住黎博一博，點知入到去先知好伏，就如之前評論所講d員工好大聲用佢地家鄉話傾計…….未算冇禮貌但真係好嘈同埋俾人感覺懶懶閒咁…最慘係入面網絡收得好差想聽下歌或睇下YouTube 靜下都唔得。叫左碗拍卷札肉湯河，個湯啖到好似清水咁，札肉又切到好大舊…..連最基本凍檸茶都唔好飲….其實五十幾蚊包凍飲都唔會要求太多，d員工真係太嘈，唯一好處係一定有位同埋入面位置都算闊落….

食過好幾次，上星期五，大約12點半，不是繁忙時段，未爆場，有2位侍應，年紀大嗰位服務態度好差，又無禮貌，明白點解隔離左右兩間食店要排隊，有一間仲好多人等，而依間仲有位，原來係這侍應態度令人不愉快，真趕客

我從未想過我會有撰寫食評的一天，卻奉獻給這家餐廳，想藉此表達我對這道法式蕃茄牛腩飯和服務員態度有多不滿。 我點了份法式蕃茄牛坑腩飯。本以為會是一道濃郁的蕃茄汁配上牛坑腩, 哪知飯上桌後卻是一碗淡薄的清湯配上一片蕃茄，裡面只漂浮著寥寥可數的四小块牛腩,與菜名截然不符。我認為直接叫它清湯牛坑腩飯反而更貼切真實。什麼法式蕃茄都是混淆視聽。更令我失望的是,牛腩的分量少得誇張,而配上分開上碟的白飯量卻多到完全失去比例。以正常食量來說,吃完區區四小块牛腩後,怎可能吃得完如此多的白飯而没有搭配菜餚, 剩下白飯只能浪費,真是令人扼腕。自問客氣地反映份量少的意見時，卻遭到女服務員以不耐煩的語氣回應我應該點小飯才對,並反駁我食量太小，所以不能吃完白飯。非常有趣。既然對方反駁每一句，完全不接受任何聲音。所以我也不必逗留多說。因此我建議大家還是別嘗試他們的法式蕃茄牛腩飯,免得浪費一頓飯錢為的就是吃白飯。

今晚唔算好肚餓，想搵碗粉食🥣見到食間越南餐廳唔洗等位，價錢仲有幾平，啱哂我哋嘅要求👍🏻鋪頭細細唔算坐得好舒服，但大致都乾淨企理✨✴️豬扒撈檬✴️豬扒新鮮炸起熱辣辣，肉質唔會好「嗱」，帶有少少香茅味～撈檬有齊青瓜絲、紅蘿蔔絲、生菜絲同蔥油，加埋酸甜汁食落都幾開胃😙✴️生牛肉湯檬✴️湯頭都算清唔會好多肥肉，飲落都幾舒服～牛肉片較瘦，浸耐咗會有少少韌，但我鍾意瘦牛肉>肥牛肉，所以我ok佢哋嘅牛肉😆不過檸檬的一粒仔，擠唔到好多檸檬水，如果俾大粒少少就好了🍋✴️青檸梳打&越南車小梅✴️大杯夠涼爽，建議要攪均勻啲，否則到最後就會好甜～

好抵食、大大碗既越南粉，推介香脆豬既豬頸肉、炸蝦餅、同又淋又香既牛腩。健康人士，建議食湯粉，始終撈檬既汁（魚露酸甜汁）偏鹹，食完個口唔係咁舒服。舖頭細細，有帶越南風嘅裝修同枱凳。服務幾好。平靚正食個午餐冇得輸。