越北牛肉粉專門店

餐廳：越北牛肉粉專門店地點：大角咀大全街菜式：越南菜餐牌：下午茶餐有23款，有湯粉、湯檬、撈檬、飯類等，包熱飲，凍飲加$3，可以以優惠價追加小食。另外都有其他推介餐牌。全日不設加一。越北生牛肉牛肉丸湯粉 $62 另加一越北生牛肉牛肉丸湯粉大大碗熱辣辣上枱，牛肉片大大片，真係粉紅色上枱，夠厚切，肉質都好嫩，唔會太肥。牛丸三粒，好彈牙多汁。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有芽菜，洋蔥絲，金不換，蔥條同蔥花，加添口感同味道。仲有淋甜白蘿蔔一大件。另上青檸一片同紅辣椒粒比你自己調味。越式烤豬頸肉 加$28  呢個烤豬頸肉係跟餐小食，有半份。豬頸肉一客6片，暖暖哋上枱，燒得外脆內嫩。面頭加上脆脆同蔥花，伴有酸甜蘿蔔絲同墊有生菜解膩。椰汁紅豆冰 加$8 椰汁紅豆冰帶好香椰奶味，滑溜好味。下底吸到香甜紅豆，係一杯好正既甜品。一百蚊樓下有齊主食、小食加特飲，食到我飽哂，而且食品飲品質素都好好。地方光猛乾淨，壁畫好靚。…查看更多

餐廳：越北牛肉粉專門店地點：大角咀大全街菜式：越南菜餐牌：下午茶餐有23款，有湯粉、湯檬、撈檬、飯類等，包熱飲，凍飲加$3，可以以優惠價追加小食。另外都有其他推介餐牌。全日不設加一。順化香茅牛肉撈檬 $59 順化香茅牛肉撈檬大大碟，有十幾塊牛肉，味道口感都唔錯，幾惹味，好多肉食，啖啖肉。伴有生菜，青瓜絲同酸醃紅白蘿蔔絲，薄荷葉，加左蔥花同花生碎加脆脆，伴有青檸一件。檬粉係幼身白色，滑溜有口感，可以自己加枱上既魚露，酸酸咪咪好開胃。順化香茅豬扒撈檬 $58順化香茅豬扒撈檬就用碗上，香茅豬扒超大塊連骨，切開7件易食用，味道鹹香，面頭加上蔥油同花生碎，偏重口味，連檬粉食剛好。下底配料同順化香茅牛肉撈檬一樣。越式烤豬頸肉 加$28 呢個烤豬頸肉係跟餐小食，有半份。豬頸肉一客6片左右，暖暖哋上枱，燒得外脆內嫩，好食呀。面頭加上脆脆同蔥花，伴有酸甜蘿蔔絲同墊有生菜解膩。越式酸辣鳳爪 加$28 越式酸辣鳳爪一共8件，份量好多，口感好爽脆，配有紅蘿蔔絲，洋蔥絲，西芹，墊有生菜絲，味道酸酸辣辣，唔會太辣，好開胃。椰汁冰 加$8 椰汁冰好香椰奶味，口感食到有碎冰，下底吸到香甜紅豆，係一杯好正既甜品。水晶芒果冰沙 加$8 水晶芒果冰沙係芒果冰沙面頭加上好多水晶珠。芒果味唔會太假，口感滑溜而食到粒粒脆水晶珠，特別！一百蚊樓下有齊主食、小食加特飲，食到我飽哂，而且肉類檬粉飲品質素都好好。地方光猛乾淨，壁畫好靚。平日午市滿座。…查看更多

生牛肉湯粉河粉好吃. 湯是清而味濃, 慢火出清湯, 魚露提鲜. 牛肉極致薄切, 有口感. 總括來說, 足一碗湯清、肉嫩、粉滑、香草芬芳及好味的 “生牛肉湯河”香茅雞翼都好吃. 香茅的獨特香氣深深嵌入雞翼的每一絲纖維中，同时達到外皮焦香、内里多汁的完美口感。…查看更多

乾淨企理，冷氣夠凍（食湯粉最緊要！），座位唔算逼。平日夜晚7點前嚟通常唔使等位～雖然係連鎖店，但水準穩定！人均$100有找，份量足料！  🔥越北火車頭河粉（$68） 湯底飲落清甜唔油膩！生牛肉片嫩滑，仲有牛丸，份量都多～加埋金不換同青檸汁，味道即刻升呢！ 🔥香茅雞扒撈檬（$58） 雞扒即叫即炸，外皮金黃脆口，咬落仲有juicy肉汁！檬粉撈埋自家製魚露汁，酸酸甜甜超開胃，夏天食真係透心涼～ 🔥炸蝦餅（$28/細） 外皮炸到"咔嚓"脆，點埋甜酸醬一流～ 🔥大頭蝦膏炒通菜（$22）  通菜嫩綠，蝦膏鹹香惹味，比普通蒜蓉炒多份層次！ 🍹 薄荷青檸梳打（$8）  用新鮮薄荷葉同青檸，酸爽清新，飲完成個人醒神！ 🍹椰汁冰（$8） 椰香濃郁又唔會太甜，性價比高～  🔸下午茶時段有套餐更抵食 …查看更多

大角嘴多野食，想食抵食正宗越南菜，晚餐就來到超多分店的———越北，多款式又划算。揀左兩個晚餐套餐：生牛肉湯粉河粉 $68 生牛肉好嫩，賣相也好吸引，湯粉彈牙，湯底也好好味，成碗可以飲曬西貢咖喱牛腩飯🍛$75 呢個咖喱牛腩超正，咖喱汁勁creamy 撈飯真心一流啊😋另外小食/小菜跟餐有優惠➕通菜（大頭蝦膏灼） $22➕越式烤豬頸肉（半件）$28 豬頸肉大大塊特色飲品凍越南🇻🇳椰汁🥥冰咖啡 ➕$8 大大杯有特色，都好好飲…查看更多

下午茶時間經過大角咀，想食啲輕盈嘅越南嘢🇻🇳 發現呢間小店$53起就有湯粉連飲品，性價比超高！環境乾淨企理，適合一兩個人黎食😎🍜番茄蟹肉扎肉蝦丸湯河粉 $68 （😸😸😸😸😺）湯底鮮甜有驚喜！🍅原隻番茄熬煮，飲到蟹肉同番茄嘅自然甜味～🦀配料足料，蟹肉絲、彈牙蝦丸、牛肉扎肉，仲有爽脆芽菜😆清新唔油膩😋 🌯河內炸春卷 (2件) +$20 （😸😸😸😸😺）即叫即炸🔥外皮脆到「咔嚓」聲！餡料有紅蘿蔔絲、豬肉同黑椒，點埋酸汁更加開胃～😆🥥椰汁冰 +$8 （😸😸😸😸😺）椰香濃郁得黎唔會太甜，飲落透心涼❄️ 完美中和炸物嘅油膩感😎…查看更多

禮拜日係大角咀體育館做完運動行去都幾方便。環境光亮乾淨闊落，十二點幾未開始多人，兩個人可以坐三人枱。禮拜日午市都有套餐，主菜加飲品，唔洗加一，幾抵。嗌一個蕃茄蟹肉札肉烤豬頸肉湯粉，粉揀左金邊粉，蕃茄湯濃度岩岩好又唔酸，蟹肉粉量都有一湯匙，札肉係特別味，豬頸肉都香咬落唔鞋。咖哩烤春雞，跟飯撈汁一流。雞烤得岩岩好唔鞋，幾滑，調味正常，咖哩汁有香味但唔會辣到唔入得口。跟餐嗌左熱飲，都正常。上菜都正常十至十五分鐘。通菜係跟餐小食加22蚊，都幾好。…查看更多

好友約我去位於大角咀大全街22-24號地下B1B號舖的《越北牛肉粉專門店》食越式下午茶餐，環境舒適，裝潢富有越南風情。我地點左：🥢越北招牌手切牛柳湯檬粉 $68手切牛柳的肉質鮮嫩，牛味濃郁，檬粉好味，湯底清甜好飲。🥢越南咖啡豬軟骨配米飯 $65咖啡豬軟骨軟腍入味，入口即溶，伴有蛋餅，好味道。🥢峴港炸蝦餅（半份） $28炸蝦餅香味可囗，我必定會食的。🥢越式烤豬頸肉（半份）$28豬頸肉烤得外脆肉嫩，好味又好食。🥢凍越南老薑蜜 $3（跟餐）好潤喉又好飲。🥢椰汁紅豆冰 $8（跟餐）紅豆冰軟綿，椰汁好香又好飲。…查看更多

極推介佢嘅四寶飯🍚，有札肉、雞翼、蔥油豬扒，當中蔥油豬扒係亮點，香氣爆棚，咬落超惹味，肉質嫩滑到不得了，蔥油香到連飯都變得更好食🌟！其他配料都整得好用心，份量夠晒，四寶一齊上，滿足感爆表😍。仲有咖哩牛腩飯🍛，咖哩汁濃郁得來唔會太辣，香料味啱啱好，牛腩炆到入口即化，軟腍juicy，每啖都係享受🥄！雞肉串燒🐔就更加係驚喜，即點即燒，熱辣辣上枱，肉質嫩多汁，烤得外微焦內軟嫩，食到停唔下來，串燒質素真心喺水準之上🔥！性價比高得誇張💰，咁靚嘅食物，價錢居然咁親民，份量又夠多!! 兩三個朋友一齊share都夠飽足。店內環境簡單舒服，服務快手…查看更多

餐廳：越北牛肉粉專門店地點：大角咀大全街菜式：越南菜餐牌：下午茶餐有23款，有湯粉、湯檬、撈檬、飯類等，包熱飲，凍飲加$3，可以以優惠價追加小食。今日下晝經開大角咀又見到越北，凍冰冰食返碗牛肉粉都好。越北生牛肉牛肉丸湯粉 $62 另加一越北生牛肉牛肉丸湯粉大大碗熱辣辣上枱，牛肉五片，真係粉紅色上枱，肉質都好嫩，唔會太肥。牛丸三粒，好彈牙多汁。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有芽菜，洋蔥絲，金不換，蔥條同蔥花，加添口感同味道。仲有淋甜白蘿蔔一大件。另上青桔一片同紅青辣椒粒比你。越式烤豬頸肉 $28 另加一呢個烤豬頸肉係跟餐小食，有半份。豬頸肉一客6片左右，暖暖哋上枱，燒得外脆內嫩，好食呀。面頭加上脆脆同蔥花，伴有酸甜蘿蔔絲同墊有生菜解膩。椰汁紅豆冰 加$8 另加一 椰汁紅豆冰好香椰奶味，口感食到有碎冰，下底吸到香甜紅豆，係一杯好正既甜品。一百蚊樓下有齊主食、小食加特飲，食到我飽哂，而且肉類河粉飲品質素都好好。地方光猛乾淨，壁畫好靚。…查看更多

放飯見到堂食冇咩人諗住落單好快有得食，大錯特錯，員工過嚟聽我落單就走，過咗10幾分鐘唔對路問姐姐，原來佢聽完就算冇落單哈哈嬲咗。呢個時候已經開始多客，我等到左右隔離遲過我落單嘅人都有得食，我仲要再催個姐姐一次先有我個餐。…查看更多

越北有好多間分店，主打一個性價比之鬼。下午茶超抵食，50幾蚊已經有個粉, 加多20幾蚊就可以叫多個小食，精選熱飲仲唔使錢~~🤩🤩🍅蕃茄蟹肉扎肉豬頸肉湯河 65足料到爆大大碗，仲要已經叫咗扣底. 湯底係比較清甜嘅蕃茄湯，啱晒我口味🍅😋豬頸肉入味，彈牙爽口。扎肉食落好有越式風味。另外叫多份馬拉盞通菜 22。味道剛剛好份量都可以兩個人share。👍桂圓紅棗茶 +8超多紅棗，仲有玫瑰花, 溫暖養生之選💕…查看更多

越北牛肉粉專門店大角咀大全街22-24號地下B1B號舖我今日在大角咀食下午茶餐，我食左個 蕃茄蟹肉扎肉蝦丸湯檬 $68，配，凍檸檬茶 $3（跟餐）。湯檬份量不少，檬粉好食，配料豐富，湯底鮮甜，整體係好食又經濟。…查看更多

好友約我去食下午茶餐，我地去左位於大角咀大全街22-24號地下B1B號舖的越北牛肉粉專門店食越式下午茶，環境舒適，坐得舒服。我點左個 T33. 越北四寶（香茅豬扒、香茅雞翼、扎肉、蛋餅）配米飯 $72，小食係 蜆港炸蝦餅（半份）$28，餐飲係 椰汁紅豆冰 $8（跟餐）；好友點左個 T09. 蕃茄蟹肉扎肉蝦丸湯檬$68，小食係 魚露通菜 $22，餐飲係 凍檸檬茶（少甜）$3（跟餐）。越北四寶賣相吸引，材料豐富，香茅豬扒和香茅雞翼都香口肉嫩；蕃茄蟹肉扎肉蝦丸湯檬好好味；通菜青綠好食，蝦餅好味；椰汁紅豆冰好飲。…查看更多

今日喺大角咀放工搵野食見到有間食越南粉嘅餐廳叫越北牛肉粉專門店又有下午茶menu就入去試吓啦✨越北火車頭🍜🐮有生牛肉，牛展，牛肉丸上菜時見到仲係鮮紅色嘅生牛肉🥩好快就俾啲熱辣辣嘅湯淥熟湯粉要河粉，而且仲好大碗面頭有好多䓤🧅🥬好睇之餘又好有青草味湯粉會伴隨一小碟辣椒🌶️生牛肉會有三大塊🥩食落係牛板腱牛展有兩大塊🥩而且每塊又大又厚成隻手掌咁大，食落好淋👍🏻牛丸咬落唔係普通牛丸係有好重牛味嘅牛筋丸湯底鮮甜，飲落唔會鹹食完碗麵都唔會口渴😋✨越式酸辣鳳爪🦴🌶️鳳爪有四隻仲有沙律菜伴碟而且份量都幾多沙律菜汁酸酸辣辣好開胃👍🏻鳳爪冇骨，食落爽脆唔霉✨凍檸檬茶走甜🍋☕️🧊（+3）真係有走到淡淡紅茶配以檸檬酸味最喜愛呢個配搭杯茶好大杯，飲完都一肚水👍🏻餐廳環境整潔企理枱面同埋櫈都好乾淨通風亦好充足💨💨食碗熱辣辣嘅生牛肉湯麵都冇流過一滴汗侍應態度親切有禮🥳上菜都有提醒要小心熱對客人要求亦有求必應要求加辣椒粒時都冇黑面服務比起其他要收加一嘅餐廳好好多餐廳舖面面積唔大但格局望落都好闊落企理…查看更多