赤

每次去维园做完运动，多数都会嚟呢条食街食Lunch，如果想揾间平靓正又坐得舒服嘅食肆，我会推荐您嚟呢间，我哋3个女人叫咗3个午餐，最后竟然系食唔晒收场，唔系因为唔好食，系因为呢度份量都唔细，所以下次我哋再嚟会叫少一个餐，然后叫小食会ok啲。 🥢椰菜丝沙律⭐️⭐️⭐️⭐️椰菜丝好幼细，蘸麻酱或酸醋汁都好味，麻酱可以令椰菜甜味更出，无限refill椰菜丝我只敢refill一次。🥢吉列海鲜<虾、蚝>配稻庭乌冬定食 $108⭐️⭐️⭐️有两只虾同两只蚝，虾嘅面衣比较厚，而蚝就薄薄一层好出色亦有蚝味，至于稻庭乌冬，当然系烟韧无得输啦。🥢牛肉寿喜烧锅定食 $158⭐️⭐️⭐️⭐️牛肉无乜肥但唔鞋口有肉味，份量算多而配料亦多，汤底香甜阿妈话好钟意呢个锅。🥢滑蛋吉列猪扒饭定食 $98⭐️⭐️⭐️吉猪饭未到我哋已经饱咗8成，所以只食到半碗饭，滑蛋蛋味浓郁而猪扒够软腍，系唔错但可惜太饱了。🥢茶碗蒸⭐️⭐️⭐️⭐️有我钟意食嘅蟹柳同菇，最重要系蛋蒸得够滑同有蛋香。 三人共消费: $401…查看更多

今日同朋友去左铜锣湾食串烧，餐厅由地铁站行过去都几近，室内装修简洁，坐得都好舒服。我同朋友叫左唔同串烧同食物share餐厅嘅前菜系新鲜嘅蔬菜配上面豉酱同糖椰菜，萝卜，青瓜同西芹都好新鲜，就咁食都有清新甜味。串烧类我地就叫左免治鸡肉棒表面烧得焦香，鸡肉有咬口唔会太碎，配上酱油蛋黄，味道几夹豚肉荔枝卷 第一次食呢个配山，觉得好夹，豚肉有咬口，包住甜甜嘅荔枝果肉，中和左油腻感，更带出豚肉香味，推荐一试！厚切牛舌芯 加左胡椒调味，食落爽口，唔会太韧或者有渣。大葱 系每次都会想食嘅串烧，烧得都啱啱好，表面干脆，大葱芯有鲜甜嘅味道。柚子胡椒猪腩猪腩肉肥瘦均匀，配上少少柚子味，浓厚肉味之余好清新，食落都好夹。烧物烧羊架味道都唔错，唔会膻或者太多肥肉，烧得都啱啱好。烧岩手县生蚝 （酱油 ）食落有鲜味，都饱满。小食海胆酱吉乐饼 外脆内软，第一次食配搭海胆酱嘅做法，食落有淡淡嘅海胆味，口感软绵绵唐扬鸡块配柚子蛋黄酱新鲜炸起热辣辣，外脆内软，鸡肉滑溜，炸粉都唔会觉得过厚同油，柚子蛋黄酱好清新，同炸鸡好夹。另外叫左唐扬河虾 好啱𩠌酒咸香酥脆，仲保留到d虾鲜味，同朋友倾计，一定要叫返兜主食叫左 牛肉稻庭乌冬份量都几多，乌冬软绵而有咬口，牛肉肉质唔错，牛味香浓惠比寿生啤 泡够浓厚 冰冻啤酒！…查看更多

Weekend 约咗朋友仔嚟铜锣湾一间日本餐厅食午餐，地点喺百德新街，地铁站行三四分钟就到，非常方便。餐厅有好大嘅玻璃窗，可以望到出面嘅天空同人来人往嘅街道，感觉写意。其中一幅墙身以酒樽作布置，加上日式灯笼，灯光柔和，日式居酒屋嘅氛围令人心情放松。呢度嘅lunch set有好多选择，A-P，包括多款刺身丼同热嘅定食，总有一款啱口味。每个餐都包咗前菜：椰菜丝沙律、茶碗蒸、渍物，非常丰富。点咗两个set lunch，两款都唔错。椰菜丝沙律可以无限任添，桌上有柚子汁同胡麻酱汁可以自己调味，我觉得两款口味都唔错。茶碗蒸值得一赞，个蒸蛋超级滑三色刺身丼（吞拿鱼，三文鱼，油甘鱼）卖相好靓，色彩缤纷，刺身系厚切，份量都唔少。三文鱼其中一件系三文鱼腩，好肥美。几款刺身都非常新鲜。原条蒲烧鳗鱼饭定食系完条鳗鱼啊，好大条，烧得好香，又够肥美，朋友仔密密食，见佢食得咁滋味，我都忍唔住试吓，都觉得好好味。鳗鱼汁饭都好正。日本萨摩赤鸡鸡皮鸡皮烧得比较干身，唔会觉得好油，几香口。调味刚好，唔会太咸。豚肉荔枝卷呢个有惊喜，烧得好香嘅豚肉包住juicy 甜美嘅荔枝，味道好得意，好fresh，有新鲜感。…查看更多

魂 (Tamashii) - 松露温泉蛋茶碗蒸 (必试！)点解推介： 佢哋嘅茶碗蒸，真系一绝！ 蛋滑到好似丝绸咁，入口即溶，唔系讲笑。最杀食系面头𠮶浸香到呢嘅黑松露油，同埋一笃穿就有流心效果嘅温泉蛋黄，两样夹埋，个香味同浓郁感升华晒！高汤底好清甜，完全唔会抢味，仲有啲蟹肉、鸡肉粒增加口感。系贵少少，但个味道同质素，绝对系铜锣湾嘅顶级体验，食过就明点解咁多人赞！寿司芳 (Sushiyoshi) - 毛蟹茶碗蒸 (高级之选)点解推介： 如果你 budget 松动少少，想试更高级嘅版本，呢间米芝莲星级寿司店嘅茶碗蒸绝对系艺术品！佢哋用嘅蛋同高汤都系顶级货，蒸出来嘅蛋滑溜无比，鲜味浓到化唔开。最大亮点系铺满面嘅新鲜毛蟹肉，鲜甜到不得了，仲有机会配埋蟹膏，将成碗蒸蛋嘅鲜味推到极致。每一啖都系奢华享受，食材配搭极之讲究。纲八日本料理 (Tsunahachi) - 传统风味茶碗蒸 (稳阵好味)点解推介： 想食返碗正宗、稳稳阵阵又好好味嘅传统日式茶碗蒸？。佢哋嘅茶碗蒸蛋身非常嫩滑，高汤底鲜甜自然，唔会过咸。配料足料，通常有鸡肉、冬菇、银杏、蟹柳等，味道朴实但系好舒服，充满日式家常风味。性价比唔错，系食完会觉得好满足嘅选择。点拣好？想试惊艳创新、打卡一流？ 冲 魂 嘅松露温泉蛋版本，包你印象深刻！想极致奢华、体验顶级鲜味？ 预约 寿司芳 嘅Omakase，享受佢嘅毛蟹茶碗蒸。想稳阵、传统、高质又唔使谂？ 纲八 系你嘅最佳选择，性价比高。铜锣湾咁多选择，讲到 「最值得推介」嘅茶碗蒸，魂 (Tamashii) 嘅 松露温泉蛋茶碗蒸 真系好难输！佢将传统茶碗蒸玩出超高水平，味道、香气、口感都系顶班，食过返唔到转头。当然，如果你追求传统顶级食材，寿司芳系殿堂级；想稳阵好味，纲八就系信心保证。睇你当日想点样享受𠮶碗滑捋捋嘅幸福啦！…查看更多

呢间餐厅喺铜锣湾闹市之中可以同朋友慢慢坐低倾吓偈气氛几好和牛寿喜烧与日式定食🥘 和牛寿喜烧定食严选和牛片纹理细致，轻涮甜酱汤底后入口即化搭配娃娃菜、豆腐与滑顺生鸡蛋液，温润甘甜味道唔会好咸，而且返到屋企都唔口渴🍛 猪扒蛋盖饭厚切猪扒外脆内嫩，裹上蛋液与洋葱烩煮酱汁饱满渗入米饭，饱足感满分河虾饮酒食啱啱好自家制鸡肉棒入边有鸡软骨同埋蒸蛋系有酱油味好好味呀值得一赞职员服务态度好好，非常主动帮我哋收拾枱面…查看更多