赤橋拉麵 (已結業)

本身住得唔近元朗，但係總要搵藉口入去食。雖然係小店，但係拉麵絕對出色🤩《海老味噌拉麵》❤️❤️❤️❤️蝦迷必食🤪 濃濃嘅味增湯有種飲緊龍蝦湯嘅感覺，叉燒超厚身，拉麵掛湯力十足。雖然冇試過沾麵版，不過個湯底實在太吸引，值得一提嘅係面頭加上蝦油，畫龍點睛…查看更多

以前係拉麵天王忠實粉絲，幫襯咗好多年，最鐘意佢間胡椒芝士麵，最近一次去發覺已經換成呢間，抱住一試嘅心態去試試一入到去無咩人，食飯時間竟然無人系到，不過以為系偏僻地區所以無咩人知，個女侍應唔知系咪啞咗，連句請坐都無，放水個陣又系大大力，啪一聲，好似好不滿我黎阻住佢挽電話咁，落單個陣又系，粒聲唔出，落完轉頭即走，其實門面態度系第一印象，好重要，希望會改善😀碗面食咗一半先記得影相，叉燒好難食，硬身好乾，湯底一般，麵底還可以接受，個荀同玉子幾好食，但八十幾蚊得個荀同玉子好食真系令人有啲失望走個陣俾張大紙個女侍應找贖，唔會當你面一張一張數翻$100俾你，就咁遞俾你，我出去好多餐廳收大紙都會數翻清楚俾你總之一句 沒有下次🙃…查看更多

一間由日本師傅打理的日式拉麵店, 店內裝修環境像日本拉麵店風格, 一排面向廚師方向!這次點了黑油豚骨沾麵和餃子5隻!先送上來的是餃子, 富士山形狀的醬油碟好得意! 餃子方面比相像中的差...一咬入口時餃子皮超級軟林林, 煎得不好!之後再來的是黑油豚骨沾麵, 一開始品嘗一下沾麵湯底, 黑蒜味湯底不會有苦澀味, 濃度適中, 黑蒜雖然已經浸入湯裡, 但仍然脆脆的! 豚肉比想像中多, 大概有4-5塊, 另外玉子蛋好好食! 咬開蛋黃入面有3層顏色, 好吸引!! …查看更多

好耐冇食過赤橋拉麵！已經唔記得咗上次係食咩湯底，總之我今日要食黑蒜油沾麵！同左店員講要多蒜，湯入面有生蒜，炸蒜，叉燒，筍，半熟蛋，紫菜。拉麵嚟到，第一時間飲咗一啖湯，真係好濃郁嘅豬骨湯味，夾埋炸蒜一齊飲，真係有種好幸福嘅感覺。😭叫左支青森蘋果汁。🍎呢一個係黑椒口味照燒雞件，食落有少少甜甜地，仲有啲黑椒嘅香味。食過個黑椒口味覺得唔錯，就叫埋個原味嚟食，都係甜甜地嘅，不過我就覺得黑椒味好食啲。兩個女仔冇就住就住咁嗌嘢食，埋單呢個價錢，抵唔抵食自己諗啦。環境方面，枱面乾淨，唔會油淋淋，座位闊落，俾人一種好舒服嘅感覺。…查看更多

一碗好味的拉麵，可以令人忘記煩惱，重拾精神。元朗有兩間我認為正嘅拉麵，其中一間係我今日食嘅赤橋。香港有兩間赤橋，另一間在屯門。赤橋賣嘅有魚介醬油湯底同海老味噌湯底，可選拉麵或沾麵我喺赤橋淨係食拉麵佢有個日本人老闆會煮麵，但今日係女店員煮，日本人師傅不在。赤橋每日都會有自家裝嘅蛋糕出品，食到咩蛋糕睇下嗰日有咩口福了但我冇食過，因為食完拉麵都好飽搵日特登去食件蛋糕先魚介醬油拉麵$79碗係熱，有啲魚粉在，一睇就知個湯好濃啖湯夠熱，魚粉味少少，湯好濃，愈飲愈想飲麵麥味夠，彈牙，掛湯力可以蛋正常呢啲醬料我唔落的…查看更多

前天氣溫突然下降至十七度，天陰雨下過不停，又濕又冷令我想起「赤橋」！沒什麼比來一碗日本拉麵更滿足，把熱燙濃厚湯底呷進嘴巴、灌進胃腸去，馬上驅寒去濕大樂透！2018年搬進元朗結識到「赤橋」(原名鈴夏食堂)，當時他還在那只能容納六位客人的狹小舊舖。首次嚐到的海老豚骨拉麵和魚介豚骨令我們印象異常深刻，好像打開了屬於拉麵的味蕾！吃麵跟日本有氣飲品！雖然是小，但通過麵房玻璃可見日籍廚師的身影。當時名為「鈴夏食堂」！大概到訪過兩遍，「鈴夏食堂」便宣佈要搬遷，當時心裡一沉，難得找到對的，無奈又告消失！究竟等了多久？我忘了，新店終於開幕，正式掛上「赤橋」的名字！店子比以前大，用餐環境也舒適了！餐牌麵食依然是熟悉的三款拉麵，還有日本汽水飲品，新來的有餃子、年糕和甜品！在餐牌以外，還有容易被忽略的辛肉味噌！辛肉味噌 HK$85 是我的大愛，辣油混合味噌湯後，不會模糊、不會一瞬即逝，那股辣特別來得香，香辣得來不會嗆喉，配合香辣肉碎，惹味得過份！一呷湯底，讓人感受到味噌與辛辣互相輝映的滋味！ 　 無論何時，辛肉味噌也沒有走樣失色，令愛辣的我更加偏心！「赤橋」沒有對麵條的軟硬度、多蔥少蔥等提供選擇，但就在這情況下，每一個細節的配合也是給廚師的考驗，一出來就是要對辦。麵條富有恰好的嚼感，蔥花多而不會掩蓋食材和湯底的香氣，與及大塊肥瘦夾雜的叉燒等。總而言之，組成拉麵的一切沒有基於個別客人修改的空間！海老豚骨 HK$85 面層帶有橙黃的蝦油，是我第二愛的拉麵。因為蝦香迫人，豚骨亦濃厚，實為坊間鮮有的獨特性，令人一吃難忘！記得有次新店的蝦香淺薄了，希望只是偶然的缺失！每次玉子也富有水準，溏心滾滾、稠密可口！至於魚介豚骨 HK$78 ，特點是魚介味道香濃，豚骨與魚介縱使混在起，也能達到分明清晰的效果，是四款拉麵中最具鹹香的特色！餐牌上三款湯底均可以拉麵或沾麵配搭，這是黑油豚骨沾麵 HK$82。而這一款是海老豚骨沾麵 HK$85。很少會挑沾麵吃，大概坊間普遍沾麵的湯底多是過鹹過膩，每次只會掃興而回，而「赤橋」無論是沾麵或拉麵均沒有犯上這個毛病，令我久不久便會想念他！老公是餃子 HK$25 的大好友，而我還是偏愛中式的餃子！假如下次肚子容我多放一點的話，我想試試年糕和甜品！最近小店林立的元朗也有不少吉舖出現，一家我極為喜愛的鐵鍋飯和中式燉湯無聲無色地消失了，兩年多以來還未給他寫過食評，心裡有點懊悔！希望所有小店也能順利過渡這次的疫情，一波接一波的困難，實在辛苦您們了！望大家能以輕鬆心情抗疫，同時武漢肺炎盡快消失！赤橋拉麵 新界元朗西菁街 20號益暉大廈地下 12號 電話： 3686 1221…查看更多

一開始入去見到間店冇人有啲卻步但最後都決定試吓選擇唔算多 有四款 可以簡拉麵或沾麵一食發現呢個價錢食到呢個質素好值！我自己食拉麵好驚食到啲好咸嘅拉麵但係佢個湯底濃得來又唔會太咸！另外佢有兩大塊叉燒 成個碗咁大嫁驚唔夠飽既人可以加多兩塊叉燒😂真心好正！好有質素！食完心情好興奮 終於搵到間岩口味既拉麵仲有發現個廚師幾後生 同埋淨係識講日文因為我讚佢嘅時候要侍應翻譯～我要寫夠二百字比個好評佢地！因為我好鐘意食：）…查看更多

After having gone to the Tuen Mun branch and tried their ramen, I was absolutely in love with the broth! When I saw that there was a branch in Yuen long I had to try! I ordered the same tsukemen as last time (魚介) but the taste was quite different from Tuen Mun’s. For starters, the broth was less concentrated and rich, and was also less viscous in general which made it hard for the sauce to stick onto the noodles. The egg was also more cooked (and thus less runny) than the Akabashi Ramen in Tuen mun. However, the noodles were still very good and it was still a great meal nonetheless, though I would recommend the Tuen Mun branch if you wanted tsukemen! …查看更多

魚介醬油同海老味噌湯拉麵見師傅一口日語 唔知係咪日本人呢 感覺令到碗拉麵pro左😂😂講下笑姐 呢間小店之前有留意過 見今晚凍凍地就黎食試下 每碗都即煮 係要時間等 但係值得 我碗魚介醬油 湯底岩岩好 唔會太咸太淡 麵身唔會太淋 朋友鐘意濃味少少就揀味噌 配搭細蔥 紫菜 溏心蛋 一流…查看更多

假日上網搵左幾間元朗熱店，點知周圍都排長龍。咁啱經過呢間「赤橋拉麵」，聽聞紅橋本店成日排晒長龍，咁就一於試下喇！🍜雖然鋪頭地方唔大，位置唔多，但係周圍啲擺設佈局都好有日本氣氛，播住日文歌，呢度嘅廚師仲係正宗日本人添呀👨🏼‍🍳👩🏻‍🍳今次試左兩款麵辛肉味噌 ($88) 唔算好辣，新手入門一流海老味噌($85) 湯底好香好濃郁 呢度既玉子係成隻，而唔係半隻，叉燒好大塊又唔韌，男仔一個麵底都好夠飽😉呢度位置近千色，行過嚟好方便，好快等到枱，適合趕時間嘅食客👍🏻👍🏻👍🏻…查看更多

周日回歸庸懶模式，12點先出外搵食🤣 係西菁街隨意游走，選擇左「赤橋拉麵」🍜位置比較偏離旺區，係千色店都行5分鐘先到，不過西菁街慢慢演化成另一個搵食區域🥢 舖頭典型拉麵店皮格局，細細地坐十個人坐右，圍住個麵吧坐💺赤橋比較似日系店，好多細張海報同貼紙係bar 枱同牆身，其實menu 就好簡單之前係屯門虹橋試過，都提及過佢同「彩」之間既歷史，不過食嘢就求味道，呢家兩間都各有精彩，四隻湯底夾沾麵或拉麵，但另外仲有唔同既小食同甜品🍰呢一點比其他舖做得多🤔海老味噌拉麵先黎，賣相👍，三塊大叉燒好顯眼，味道亦不俗👌照舊試左湯底先，好稠密濃厚，麵豉味重，反而蝦味唔多覺🙄 麵底卷曲唔多，掛湯無咁強，但係做到彈牙❤️ 留意番隻流心蛋，如果係湯入面太耐會煮到佢熟晒🤣黑蒜醬油沾麵係用番拉麵同一隻麵底，加埋黑蒜油既湯汁更濃，個人建議加少少檸檬汁去調和😘 沾麵既湯底多咗啲肉碎，加埋份量唔少，都幾飽肚😮埋單167，價錢唔算平，味道還好👌但真係見唔到突出之處🙏同區排名，一人前＞彩＞山下＞赤橋＞拉麵Jo…查看更多

第一次到呢間小店到食，點左最基本既拉麵，湯底不錯，唔會偏咸，味道好。麵質及粗幼度固定冇得揀，係平常沾麵的質感。配料都足夠，不多也不太少，叉燒有兩塊左右，紫菜兩塊，流心蛋剛好唔會太熟，筍都有7-8條，以上配料係基本拉麵已有，如果大食既朋友加麵60g $10，價格公道。皆本人唔係沾麵粉絲，所以點左拉麵黎食，個人口味喜愛幼及硬身拉麵。如果你同我同樣係同一個口味，我不太建議你去呢間店舖到食，因為會失望。反而你一心想食沾麵，可以一試因為湯底真係唔錯，價錢合理。…查看更多

係呢頭返開工，經過左幾次都未試過呢個拉麵，今日決定入去試吓 👀呢到嘅面有分拉麵🍜/沾汁麵，天氣咁熱我就唔食湯麵啦，食沾汁麵。適逢嗅到好香蒜味，就叫左個黑蒜沾麵，個沾汁好濃郁，麵食落軟硬適中 😋見佢今日個cake係朱古力蛋糕就叫左來試，朱古力味真係好重，本身覺得$32有啲貴，但係食到呢個味道，又覺得值得呀🤤…查看更多

如果是‘彩’的忠實粉絲，一定聽過赤橋拉麵，知道赤橋來到元朗開分店的消息，收工馬上9衝過來，在門口排隊時偷望到有寺田師傅坐陣，已知道不會失望。海老味噌拉麵$85我的私心最愛，一如以往湯底非常濃郁，以蝦油提味，佐以少許淡忌廉，味道有如龍蝦湯一樣，叉燒有兩塊半，厚度適中亦夠軟嫩，但未算是我吃過最好的叉燒，麵條是自家製微粗麵，有嚼勁之餘掛湯力十足，每口都是濃濃海老味道。煎餃子$15/3隻煎餃子就比較普通，只屬行貨，勉強能過過口癮。…查看更多

今次試左呢間响元朗由日本人主理既隱世日本拉麵小店，裝修充滿日本風味，因為有得揀要沾麵或湯麵，選擇都唔算少😬我地分別叫左限定既咖哩拉麵同黑油豚骨拉麵🍜咖哩拉麵既配料同其他拉麵唔同，會有秋葵、蕃薯、南瓜等蔬菜，仲有蛋同日式叉燒，湯底有啲似日式蔬菜湯咖哩，唔辣又帶有蔬菜既甜味，拉麵粗幼適中，煮得啱啱好，好掛湯👍🏻而黑油豚骨拉麵都係一樣有叉燒同蛋，個湯底加左蒜泥，濃郁得黎又有蒜香，啱哂我口味，叉燒同拉麵都一樣表現中上👌最後要講下隻蛋，食拉麵就算碗拉麵幾好食，隻蛋唔識流心都係爭啲🤦🏼‍♀️點知呢道既蛋不但識流心，仲要係好出色嗰種，幫碗拉麵加哂分👏🏻值得一試😋…查看更多