影片
以上资料只供参考，请与餐厅确认详情
通常每个月都会帮衬一至二次，但最近呢几次开始感觉每况越下。系汤底方面：个汤底仍然维持到，牛味浓，清汤腩黎讲真系唔错，净系计个汤系无得输。牛腩方面：虽然汤底真系维持到，真系唔错，但始终店家系卖点系新鲜清汤牛腩，除左系个汤要得之外，个牛腩亦都好重要。 反而新鲜牛腩黎讲每况越下，部分牛腩非常烟韧，感觉好似食紧煲汤渣、隔夜牛或者冰鲜咁，比起以往黎讲真系差好远，牛味亦感觉比以往无咁浓，呢个价钱感觉越黎越唔值，希望店家可以正视，可以维持返初初开业的坚持。
继续阅读
想试好耐，讲到接近当年彪记质数，之前又早收铺，下午行过几次都排晒人龙......唉！今晚9点几行过，见仲开紧，又唔驶排队，入去试下咩料，落单时，叫咗筋腩河$70,佢都戴定头盔，讲咗牛腩麻麻地...首先试汤底已经嚟到唔够热，味道不过不失，试件牛腩，好过汤渣小小，只可以佩服佢刀功唔错，冇切烂，仲见得人😆牛筋唔够滑，极普通....总结，名不符实😵💫既然都明知出品质数麻麻，仍然要俾客人食，又何必做坏牌头，亲手摧毁自己品牌 ...可悲🥲
继续阅读
贤记清汤腩｜全港最癫清汤脯！话说元朗大街后面条巷仔真系卧虎藏龙，呢间贤记门面似足旧式粉面档，入到去即刻比阵牛骨香勾咗魂！之前听朋友讲话佢哋朝早五点半开炉吊汤，用足料牛筒骨加数唔清几多斤牛腩熬到汤色金黄，最癫系用骟牯牛，饮落喉咙尾果油香真系其他清汤腩舖冇得比！饮完成个喉咙暖笠笠仲有阵回甘，同某啲落重胡椒遮膻味嘅舖头完全两回事！叫左碗牛腩河，腩位分得够晒刁钻。崩沙腩肥膏位闪令令，咬落似食紧牛脂啫喱；坑腩连住筋膜位爽到啪啪声，最正系啲肉淋身得嚟仲keep到丝丝纤维，浸完都唔会散！牛味浓到似食紧和牛刺身级数！重点嚟喇——𠮶啲新鲜手带牛成粒乒乓波咁大，同埋佢哋𠮶个自家制嘅辣椒油真系不得了！成粒牛丸跟牛尾浓郁得嚟系有层次呀,弹牙就唔使讲啦,但牛肉牛腩牛丸食完你会有唔同牛嘅味道,你就知道人哋落咗啲功夫喺边度！见到隔篱枱个熟客柯打「双腩加底」，跟风叫多份牛爽腩，哗！真系腩界天花板，半肥瘦位夹住层啫喱状胶质，入口即刻化成阵牛油香，连平时唔食肥膏嘅女友都抢住夹。埋单两个人食到捧住个肚都系$200有找，今次真系中咗清汤腩毒，食完第二日已经心思思想返转头！结论：由汤底鲜味到牛腩质感，呢间绝对系香港清汤腩嘅隐世天花板。某啲网红店排长龙果啲，同贤记比真系差成条弥敦道。食匀全港十八区，敢讲句——清汤腩王者，非贤记莫属！（利申：食完即刻encore多碗外卖返屋企孝敬阿爸） #元朗真味 #清汤腩界MVP #食过返寻味系列
继续阅读
今日去咗元朗揾地方住，周围逛之下见到有间「贤记清汤腩」，立即令我谂起大埔已经结业嘅「群记清汤腩」，两间相信应该必定冇关系，只系个名有啲似。就入去试吓，碌完个餐牌之后又冇食清汤腩，只系叫咗个净牛杂加樽薏米水。我咁大个人都系第一次食清汤牛杂，牛杂有肺肠膀双肚（可惜冇竹肠同粉肠冇粉），都做得好好够冧、入味、干净，但系最惊讶嘅居然系佢碗汤，初初见个餐牌上面净汤收 S20 觉得有啲过份，饮完觉得佢可以买 $30，非常美味，食咗一半之后加咗少少醋同埋辣椒油，个汤又变成另一种饮法。睇隔离左近啲食评话佢服务唔好，加上头先亲身嘅体验，佢嘅服务唔讲得上系唔好同中环九记系冇得比，餐厅位阿妹系好典型嘅千禧后新一代，心直口快串人唔使本𠮶一种，但就唔系白鸽眼睇人唔起或者嫌你麻烦，因为食食吓有个明显系生客又自称唔识中文嘅讲中文女人嚟买牛丸，又要咁又要咁之下，仍然继续做生意，到我找数嘅时候问佢附近嘅环境，佢亦都笑笑口解答，但系三分钟之前佢仲同厨房炒镬劲 😁相信我会再返嚟试埋佢其他嘅产品，希望清汤腩、牛丸、猪肉丸唔会令我失望。
继续阅读
牛腩河食评：失望至极最近我去咗一间话好出名的牛腩河餐厅，心里充满期待，想试下佢哋的招牌菜，点知最后真系失望至极。首先，牛腩根本唔好食。牛腩应该要软嫩、好入味，但我食到的竟然硬得好似石头，咬下去要用力，完全冇入口即化的感觉，真系咬到我想放弃。再讲讲河粉，应该滑溜溜、咬下去有弹性，但我食到的河粉却黏黏地，好似唔新鲜，完全冇爽口感。而且汤底味道又平淡得无法形容，冇任何惊喜，真系好失望。总括来讲，今次牛腩河之旅真系一场失望的经历。希望下次可以揾到一间真系好食的牛腩河，唔好再有呢种失落感啦！都好少写食评㗎啦，收我70蚊一碗，最后啲牛比晒只狗食 真系失望到一个点。
继续阅读
您可能会有兴趣的...