賓墟餐廳

营业中

休息中

茶餐廳最緊要快靚正，依間乾淨企理，座位寬敞舒適，一坐低店員就送咗2碗例湯，好有人情味。冬瓜粒雜錦湯飯湯同飯分開上，可以自由調校湯同飯嘅比例，雜錦配菜種類好多，有蝦仁、帶子、魷魚、瘦肉等等，增加湯嘅鮮味。而主角嘅冬瓜亦十分清甜，口味清淡爽口。沙爹豬頸肉炒烏冬豬頸肉爽口又彈牙，烏冬炒得乾身，略帶煙韌嘅口感，沙嗲醬唔算太濃，無咁重口味反而啱晒我，整體夠鑊氣，自己屋企真係炒唔到。斑蘭玉露特飲特飲只係加$8好抵飲。斑斕汁配上椰奶，好有泰式嘅感覺。紅豆冰每次去茶餐廳都必點，大大粒嘅紅豆加埋甜滋滋嘅淡奶，簡單又好飲。

今日行開長沙灣幸福邨探朋友，見到有間個名好有霸氣嘅賓墟餐廳，一於走咗去試吓😉茶餐廳嘅風格是種類夠多，出餐夠快，同埋小菜夠鑊氣。呢間賓墟餐廳絕對做到呢3點😎加上快得來職員有良好嘅服務態度，呢一點絕對值得一讚👍先講個例湯，睇圖都知落足料，絕無味精，兩個字「好飲」，有住家嘅感覺😋乾炒豬扒公仔面，食炒公仔麵最緊要係夠鑊氣，色水均勻，D豬扒又夠多,夠入味,我居然可以食晒成個公仔麵😳大家不妨一試😊啫啫豬潤滑雞煲～黎茶餐廳我比較鍾意食小菜，因為佢夠鑊氣又夠嘢未，啫啫滑雞煲更是我的最愛🥰隻雞好嫩滑，又夠多，性價比超高👍大家一定要黎試吓Overall一間又平民又好味😋CP值極高嘅茶餐廳

雖然好耐冇食茶記, 但係經過賓墟好靚嘅霓紅燈吸引咗就走咗入去試下.🍛美極彩塘牛柳粒打開餐牌都係乜都有. 花多眼亂揀好耐. 最後覺得食個小炒. 跟住發覺自己冇揀錯, 個牛好夠鍋氣又夠嫩. 調味都恰到好處. 撈飯一流!🍝茄醬海鮮炒意粉雖然不嬲都知茶記大件夾抵食, 但係呢個意粉真係足料, 有蝦, 青口, 魷魚etc, 仲要好新鮮. 而且意粉麵質都適用, 唔會過硬或過軟, 顛覆我對茶記嘅刻板印象.🍸斑蘭玉露特飲 + 芒果鳳仙特飲兩杯嘢各有特色. 個人比較鍾意班蘭玉露, 少少香甜又好似食緊蛋糕咁, 好特別.

呢間賓墟有好多間分店，今日我去長沙灣呢間。茶餐廳嚟講最緊要大件夾抵食，仲要有鑊氣，呢間賓墟就合乎哂我要求。今日我同朋友下午茶時間過黎，佢有超級多下午茶款式可以揀，仲要有兩版都係泰式野！我地兩個人叫左： 🔶️干炒牛河（$44， 9.5／10） 超級有鑊氣超級好味超級推薦！！牛肉片好多好足料，河粉炒得好入味好有鑊氣，仲有勁多葱韮黃洋蔥芽菜芝麻，超級香超級好味。仲要係好大碟！兩個人都夠食。 🔶️魚片頭冬蔭公湯河（$53，9.2／10）湯底好正，勁有正宗冬蔭公味，酸酸辣辣仲好有蕃茄味，河粉又好滑。魚片頭都十分新鮮！大大碗，又好味又飽。 🔶️炸蝦拼西多士沙律（$46，9／10）炸蝦一般，有啲乾身。但西多士超好味，外脆內軟，吸哂啲牛油同糖漿，仲有一間厚厚既花生醬，正！ 🧋芒果鳳仙特飲（跟餐+$8，8／10）🧋斑蘭玉露特飲（跟餐+$8，8／10） ✏️總括而言，大幾夾抵食夾好味既茶餐廳！暫時茶餐廳第一位！🙂👍🏻

平時食得咁豐富，今次就去食下茶記😆做完瑜珈就係長沙灣附近行左陣，行過幸福商場見到依間「賓墟餐廳」有幾多人食咁就入左去食。裝修同平時啲茶記差唔多，但選擇都幾豐富下，係花多眼亂既情況下，兩個人最後叫左「咖喱牛腩飯」同埋「泰式公陰功牛柳粒炒飯」。「香濃咖哩牛腩飯」($56)：本身自己都算係一個咖哩控，食咖哩最驚食到一係勁淡一係得個辣學既咖哩，雖然依個咖哩唔算辣，但自己覺得好香，好有港式咖哩既味道，牛腩份量夠多之餘，啲牛筋都好大夠👍🏻「泰式公陰功牛柳粒炒飯」($59)：黎到既時候覺得賣相好似普普通通咁，但食落就知點解係餐廳推介，第一啖已經好香既公陰功味，同埋比想像中更加辣，酸酸辣辣咁好開胃。牛柳粒又唔會太硬，推介😝

今日比我揾到間平靚正又有鑊氣嘅餐廳，係深水埗同長沙灣附近用平靚正形容係最啱嘅😁好餓坐底見到個餐牌大本到呢，嘩！真係咩都有得食架😁😁睇到眼花繚亂。。。又中式，又西式、鐵板小菜就連泰式都有。。選擇困難証又泥啦。。。。最後揀到啦Yeah🤩🤩餐湯合掌瓜好足料好飲👍👍日式燒汁肥牛鐵板飯配檸檬茶，嘩😁咋咋聲鐵扳上份量超級多呀，燒汁肥牛🥓勁惹味肥牛勁爽口就連白飯都勁多，超抵食呀！💯💯仲有小菜魚香茄子煲配芒果鳳仙特飲，天氣凉凉地叫個煲仔菜熱辣辣暖笠笠好正架，好有鑊氣好惹味，又有鹹香味好鮮味，茄子同肉碎特別多勁入味送飯好好味架，唔經唔覺可以食晒成大碗飯架👍👍芒果鳳仙特飲甜度啱啱好有d芒果味唔錯😁😁賓墟冰室長沙灣幸福村幸福商場地下1號舖

懶人就在公司附近吃飯，想不到這間也會有意外的驚喜！我去到的時間已8點多，原本想吃蒸魚的我，店員表示已賣光了，那就只好改吃其他了！看了一下個特別菜單，也有我喜歡的，就不吃日常的！芋頭魚肚蒸排骨（75元）叫了以後發現等了一般挺長時間，店員告知是即叫即蒸的，所以需要一段時間，約20到25分鐘！不過等待並沒有白費，這一碟的份量比我想像中的要多1倍，真的是很有驚喜！滿滿的排骨，下面放了魚肚和我最愛我芋頭，兩者把排骨的油脂和味道完全吸了進去，吃起來味道更香更滑！魚肚滑嫩中帶點爽。芋頭很粉很綿。排骨有醃過的，所以肉質吃起來挺嫩的。芒果鳳仙特飲（套餐加8元）這個想不到本身是熱的！加了冰才變凍！喝起來芒果味較重，接著是鳳梨的甜，整體不酸。

🍴話說去左長沙灣搵朋友，又唔知附近有咩好食，朋友就帶左我去附近商場覓食，餐廳食物選擇好多，總有一樣岩你心水🐮干炒牛河聽到附近有幾枱都嗌，所以就決定跟佢地嗌左🤭牛肉分量好多，加加埋埋都有十幾塊，仲要塊塊都好大塊，河粉炒到好乾身，唔會食完成碟底係油，食落煙韌有咬口🍜沙嗲牛肉麵配火腿炒蛋，多士沙嗲牛肉麵：沙嗲牛肉有驚喜，沙嗲味濃，食到有花生碎，牛肉大塊軟腍，公司仔索哂沙嗲醬正炒蛋火腿：炒蛋有調味，對於我黎講咸左少少多士：烘得夠哂濃，脆口🌱熱奶茶茶餐廳點可以少得熱奶茶，入口順滑，茶同奶比例做得好好，唔會有茶既苦澀味☕️凍咖啡落左單先記得唔記得嗌少甜，好黎黎到都唔會好甜，港式味道，咖啡唔會得個苦味

每日送完仔仔返學後就可以食個早餐輕鬆下今日就同埋天天同學嘅媽媽一齊去咗長沙灣呢間#賓墟餐廳 嘆個安靜既早餐🤣🤣呢度個招牌沙嗲🐮牛肉麵真係要試一試👍沙嗲香甜花生味濃牛肉嫩滑，🍜面底煮得剛好不軟不硬。跟餐配火腿🍳炒蛋新鮮熱辣牛油多士🍞。份量剛剛好 同行朋友就食較西式既早餐🥩腸仔牛排煎蛋多士，朋友話牛排都幾好，唔會醃到不似人形，有返應有返應有既質感😊不過我哋三位媽媽都一致覺得佢多士係好好味，少少燶邊外脆內軟又夠牛油🤩🤩真係要讚一讚呢度啲服務員比起其他茶餐廳友善得多🥰🥰

長沙灣有好多好街坊嘅餐廳，好中意嗰種香港地道嘅感覺，一講起就諗起夠哂滑嘅熱奶茶🤤 今次去嘅賓墟餐廳就夠哂地道，好受街坊歡迎，而且樣樣食物都份量好足，真正大件夾抵食🙌𝐁𝐮𝐛𝐮推介🔥👍 𝐗𝐎醬豬頸肉炒公仔麵一上枱已經傳黎一陣好濃厚既XO醬香味，即刻流哂口水，XO醬既份量一啲都唔孤寒，上面有一粒粒肉眼可見大小既蝦米，一個字豪！爽口彈牙既豬頸肉配上熱辣辣新鮮炒起既公仔麵，減肥都係留番下次先🤤👍 公司三文治呢個公司三文治有啲與眾不同，走嘅係日系路線😳 烘得香脆嘅白麵包夾住各種材料，包括蟹棒、玉子、吞拿魚、午餐肉等，表面再撒上紫菜碎。比較少見嘅配搭，有新鮮感得黎又好夾😋👍 熱奶茶要試一間茶餐廳嘅真材實料，梗係要試佢嘅熱奶茶☕️ 奶茶香滑無渣，奶同茶比例啱啱好，過關✅📍賓墟餐廳 長沙灣幸福村幸福商場地下1號舖

九龍區有唔少瑜伽班, 成個禮拜都坐係office, weekend朝早去做吓運動順便早少少起身, 睇吓附近嘅早餐好唔好食<沙嗲牛肉公仔麵>茶記早餐必食沙嗲牛肉麵賓墟嘅沙嗲牛肉麵味道甜甜地, 牛肉同沙嗲汁都好足料, 公仔麵唔算太多, 早餐啱啱好<酸辣雪菜肉崧米>酸辣雪菜肉崧米亦都唔錯, 酸辣好開胃早餐仲有配搭牛油多士、火腿同埋炒滑蛋, 豐盛之餘質素又唔錯特別係炒滑蛋真係又滑又嫩牛油多士都係熱熱地<咖啡>最後飲番杯咖啡, 又飽肚又醒神

星期日同朋友去左長沙灣幸福邨果度打籃球，之後去左一間連鎖餐廳去賓墟餐廳食早餐。餐廳坐位闊落，但都座無虛席，好多住呢頭嘅街坊係度食靚靚早餐，員工服務態度都良好。野食方面，我叫咗一個沙爹牛肉麵配火腿炒蛋多士，個沙嗲湯好入味，有少少花生醬味，牛肉片份量都唔會偷工減料，同埋啲炒蛋都好滑，多士又脆🤤好正呀🤣另外叫左一個脆炸豬扒西式早餐，有腸仔火腿煎蛋多士，份量啱啱好，味道都唔錯，價錢又合理，住附近或者經過開都可以一試。

三點三下午茶時間係時候去茶記食嘢醫肚仔啦😛 餐廳位於長沙灣地鐵站附近，主打港式料理同小食，更提供多款泰國菜式🇹🇭 老少咸宜，實有一款啱你心水🫣 整體價錢十分親民而且店員嘅服務態度都好好，充滿人情味呀😬🍤 吉列蝦鮮果沙律西多士西多士炸至金黃色，外脆內軟，入口有啲似棉花糖咁🤪 上面有滿滿嘅蜜糖而中間夾咗層花生醬～ 整體偏油膩而且蛋漿比較多🤣 但估唔到放涼咗之後口感更加脆更好味💗 吉列蝦嘅炸皮比較厚，但蝦係新鮮嘅而且都幾大條～ 鮮果沙律大大份，酸酸甜甜咁超級開胃🥺🥐 鹹牛肉炒蛋牛角酥配鮮果沙律牛角酥香氣四溢，口感鬆化，入邊夾住鹹牛肉炒蛋，鹹鹹地咁好惹味呀🔥 配埋鮮果沙律真係幾match～ 推介！🍔 自家手打漢堡 + 芝士麵包鬆軟，完全唔乾身😍 牛肉夠嫩，十分香口，咬落去仲會爆汁添！搭配蕃茄、蔬菜等配料可以中和漢堡飽嘅油膩感～ 加埋片芝士更加邪惡😋 整體味道唔錯，性價比都幾高！🍗 香茅雞中翼即叫即炸熱辣辣，炸皮夠薄身，外脆內軟，香茅味好出，雞肉十分嫩滑，啖啖肉超級滿足😳 🐷 招牌泰式豬頸肉估唔到茶記嘅豬頸肉做到泰國餐廳嘅水準🤣 豬頸肉香脆可口，個皮燒到啱啱好，旁邊帶點焦香味😆 搭配酸辣醬就最適

曾經有2年係長沙灣番學，當年lunch成日去尼間茶餐廳食粉麵，今日就約左個舊同學一齊食尼間餐廳，一齊舊地重遊😀外觀上都無咩點改變，餐牌都好似同以前一樣，下午茶時間店員可能比較空閒，店員同我介紹餐廳推薦既泰式粉麵同埋小菜，下午茶食小菜好似太飽啦😅我揀左香茅雞翼河粉，同學揀左魚蛋魚片河粉，因為我地吾食辣，所以揀左清湯無揀冬陰公，再叫左1杯凍檸茶同1杯熱檸水Order完之後都好快上菜，香茅雞翼味道吾錯，吾會太燶，不過份量比較多，4隻雞翼我食吾曬，比左2隻同學食🤔粉麵份量都比較多，明明係今日既第1餐，大家都食吾曬😆凍檸茶甜度適中，吾會太甜或太苦

#港式eatcovery💡一個好咸的早上🍽沙爹牛肉麵牛肉大塊，但似係同粉整過，沙爹味不算濃郁，但味道就真係好咸！不過略嫌湯入面水太多，湯係咸。唯一就係公仔麵上到枱唔會太腍，保持到彈性。🍽榨菜肉絲湯米粉榨菜有點過辣，所以食落去都幾辣，但配上肉絲，口感豐富。米粉份量都好多。🍽 炒蛋火腿配多士炒蛋唔滑，而且食落咸，加上油膩，食完隻碟油淋淋。多士放得太耐，上枱已經淋曬。🍽 凍奶茶茶同奶嘅比例ok，不過不失。