賀記

從友人Facebook ，初次認識了賀記，一直想去一睹其風采。奈何，總因種種原因，無緣一試。這晚，與好姐妹到cc家聚會。吃過住家飯，一行四人，去人氣熱店賀記嚐甜去。晚上九點三左右，店內早已座無虛席。在店外稍等片刻，才可入座。店內只有老闆一人，包攬店內一切，如執枱、落單和準備甜品等。咱們四人，坐在近廚房的高枱邊，可以靜看老闆如何準備甜品。店內裝潢以白色為主，簡潔明亮，以數幅色彩繽紛的畫作為點綴。廚房上方的黑板，繪有店內數款甜品和英文簡介，頗為吸睛！在以一人敵二十人的情況下，難得老闆仍然不慌不忙，井然有序地，以自己的節奏，按入座先後次序，逐一去招呼客人。在狹窄廚房內，他從冰櫃出取出甜品，或倒入相應的碗碟中，或放上爐上加熱，或小心翼翼地放上花葉作點綴，何其專注和專業！難怪賀記以其精緻的甜品，以及獨特的擺盤而聞名了。點品貴精不貴多，店內只有十二款甜品以供選擇。我們各自點了自己喜歡的甜品 - 招牌生磨蛋白杏仁茶、鮮磨芝麻露、杏汁燉原個椰皇、楊枝甘露和特濃榴槤布甸。就這樣，我們邊閒聊，邊細看老闆忙碌的樣子，半小時左右，甜品以小推車推過來了，蠻有儀式感的！賀記出品，果然是真材實料，精心製作，甜蜜滿瀉。熱招牌生磨蛋白杏仁茶和凍鮮磨芝麻露口感細滑，濃稠得宜，微苦中回甘且帶有果仁的香氣，十分好吃。杏汁燉原個椰皇，老闆倒出椰子水，以紙杯盛載分給我們。喝下去，鮮甜無比。杏汁燉原個椰皇除了杏汁獨有的味道外，還帶有椰子的清香，再刮起椰肉同吃，一絕也。特濃榴槤布甸不但香氣四溢，細嫩中，且混入榴槤果肉，以紫花玻璃碟配襯也是一絕。楊枝甘露入口夠冰凍，啖啖芒果果肉、鮮爽多汁的柚子和粒粒圓潤飽滿的西米，且配上一整個切好的芒果，性價比甚高！西貢賀記，絕對值得你為它，山長水遠而來！…查看更多

門面有點日系感店內裝修亦簡潔舒服店的招牌係生磨蛋白杏仁茶我無叫啊😬叫左個杏汁燉原個木瓜68和陳皮紅豆沙32埋單齊頭100杏汁，木瓜，兩者原味道均有甜度屬我喜歡的少甜正，原個木瓜俾我刮下刮下，配埋杏汁，一啖一啖食，好滿足😌陳皮紅豆沙係我友人之選紅豆大粒有起沙，微甜但友人話陳皮味欠突出但都唔錯店子的甜品選擇不是很多但我覺得店主用心製甜品是值得支持的小店…查看更多

今日去咗一間小店，試咗佢哋嘅楊枝甘露同埋芝麻杏仁茶。楊枝甘露嘅味道真係好正，新鮮嘅芒果，配上超級Q彈嘅西米，食落口好清爽。今次嘅既擺盤由芒果變左菠蘿，完全冇揸好鮮甜！至於芝麻杏仁茶，味道濃郁，口感滑順，芝麻香氣十足，甜度適中，唔會太膩！兩款甜品都好有心思，無論係味道定係擺盤，都出色過隔離間連鎖店好多😆😆老闆一腳踢，親力親為，態度親切，用心既服務令我覺得呢間小店唔止係食甜品，仲係一種享受，真心推薦大家來試下！💯P.S. 閒談中問老闆多唔多附近既大學生黎幫襯，但係老闆話有啲歷練既先會識欣賞😆😆…查看更多

有heart 用心做糖水 真係sure number 1 唯一sad就係得西貢先食到老闆親自煮 one man band 糖水唔係死甜 有用心去煲去煮好足料 48$ 碗絕對抵俾仲有食用花點綴 🌼成間鋪都好warm 乾淨 舒服每次去入西貢都必 GO!!!!叫咗兩碗糖水： 楊枝甘露+杏仁茶兩碗第2次黎食都咁出色，份量好足夠！芒果好甜 仲有附送一個已切好嘅🥭粒粒西米 仲有西柚果肉杏仁茶好濃 唔係稀水 呈糊狀絕對係養身之選 下次入西貢都會再去 地址有小小偏 但可接受…查看更多

今天我和家人到了西貢吃甜品，找到一間值得推介的甜品店。進到甜品店內，雖然地方比較細，但看到裝修有心思，放了幾幅很美的油畫，而且環境舒適及優雅❤️❤️，然後我們叫了「冰花燉蛋」及「楊枝甘露」，賣相非常吸引❤️，用了精緻的餐具盛著甜品，每款甜品上還有一朵小花🌸🌼，楊枝甘露還送上一個芒果🥭，重點是味道有驚喜，真是好好味!👍👍👍此外，老闆態度友善、細心，服務良好，看得出老闆很花心思經營小店，下次會再幫襯。😊…查看更多

去西貢行山後要掃街補充體力，食完排隊蛋撻，滑捋捋腸粉豬皮魚蛋，又點少得一碗熱辣辣嘅糖水。見友人食過間用食用花裝飾嘅中式糖水，睇見都靚，仲要價錢合理，一場嚟到就去試下啦~呢間係杏仁茶專門店，講到咁勁，我梗係試蛋白杏仁茶啦，朋友就食楊枝甘露。一嚟到以為係碗裝飾得好靚嘅忌廉湯😆，不過濃郁杏仁味確定係碗杏仁茶🤣。滑滑蛋白，幼顆粒杏仁碎，食到足料原味道。楊枝甘露碗內足料，伴碟仲有成隻鮮甜芒果，$50有找，老闆你太慷慨。下次再嚟西貢，一定要幫襯❤️👍🏻。…查看更多

杏汁燉原個椰皇 $78椰皇🥥係用迷你椰皇 熱杏汁+椰皇=超絕配👍🏻 仲有兩杯椰青飲 好清甜好味🤤食完仲可以用匙挖埋啲椰肉出嚟食招牌生磨蛋白杏仁茶 凍/熱 $48杏仁茶賣相幾靚 有花花🌼陪襯入口清甜香滑 甜度適中 😋杏仁茶真材實料 😎 冇杏仁精嘅味道老闆👨‍🍳超NICE 服務態度好 同客人有講有笑 😊店鋪有畫作🎨 裝飾品 精緻茶具🫖售賣 室內環境舒適 坐得舒服 …查看更多

🍮🥄🫘精緻港式甜品✨ 喺西貢行行吓，見到呢間裝修好靚又好新淨嘅糖水店，於是入去試下。店裏面得老闆一個人一腳踢，但係佢都好nice。✅招牌生磨蛋白杏仁茶 -$48呢款甜品可以揀熱/凍，喺西貢行完一圈有啲熱，所以選擇咗凍食。估唔到係用一隻大碟上，份量唔少，而且好靚，上面有一片花瓣，味道亦都唔差。冇茶餐廳嗰隻杏仁霜嘅味道，杏仁味好香濃，同時都唔會好甜，唔會完全係流質，亦都有少少口感，幾好味😋朋友叫嘅凍陳皮紅豆沙（$32）都好靚，味道同樣唔錯。見到隔籬枱嘅叫咗楊枝甘露，原來仲會送個界好嘅芒果比你食。仲有佢哋其中一位嘅特濃榴槤布甸真係好香榴槤味，有機會一定要再去試。…查看更多

西貢食完印度菜，順便路過嘅時候見到呢間甜品店，見到合桃露嘅時候就覺得個樣好吸引，好想試吓，雖然好飽，但係都入咗去食咗個糖水！最後叫咗一個合桃露同埋楊枝甘露，冇諗過楊枝甘露仲會有埋個芒果送上，細細碗，好足料，整體喺呢個天氣食係啱啱好，另外合桃露真係冇得彈，佢唔會好水亦都唔會好濃，唯一有啲搞笑嘅係用嗰個碟好似西餐，好似飲龍蝦湯咁樣食緊呢個甜品，不過認真簡簡單單，整體係甜品店亦都坐得好舒服，好值得喺西貢玩嘅時候順便嚟食個甜品！…查看更多

賀記甜品的熱芝麻糊是一道絕佳的甜品選擇。這款熱芝麻糊濃稠滑順，散發出濃郁的芝麻香氣，令人回味無窮。其溫暖的口感和濃郁的香氣給人帶來舒適和滿足的感覺。這款甜品不僅美味，而且營養價值豐富，是一道受歡迎的經典甜品。無論是冬天取暖還是享受美味甜點，賀記甜品的熱芝麻糊都是值得推薦的。熱紅豆沙是一道令人愉悅的甜點選擇。紅豆沙口感細膩，甜度適中，溫暖的味道令人回味無窮。這款經典甜品展現了賀記甜品對傳統糕點的用心製作，為顧客帶來美好的味覺享受。無論是作為午後休憩的甜點還是與朋友共享的點心，熱紅豆沙都能帶來滿足和愉悅。值得推薦給喜愛傳統甜點的人士。…查看更多

呢間糖水舖絕對比滿記更好食，更用心製作今次係我第二次食，第一次係舊舖，估唔到細細間但竟然咁好食，今次再一次嚟已經搬咗大舖！！所有甜品都可以食得出，真係用新鮮原材料去製作，尤其是招牌生磨蛋白杏仁茶，完全食唔出有任何一絲絲杏仁精嘅味道！！另外行汁燉原隻椰皇，居然仲可以開出嚟倒兩杯椰青飲！！絕對係誠意滿滿所以以後嚟西貢其實都唔使淨係食滿記，其實比起滿記細細間舖頭賀記真係更加好食！而且入到嚟舖頭見到裝修就知道老細真係好用心去經營呢一間小店！…查看更多

我們於19/10（六）約下午三點🕒左右到達餐廳，搬了新店，光線充足又多舒服位置。依然係老闆一個做哂所有嘢。我們叫了2個甜品，外表精緻又好食，好重杏仁味。❶凍紅豆杏仁茶（$48）：能吃到粒粒紅豆🫘同少許陳皮味。一飲落去杏仁茶好滑。❷熱杏汁燉原個椰皇（$78）：椰皇係用迷你椰皇。而熱杏汁+椰皇=絕配👍🏻，食完仲可以用匙挖埋啲椰肉出嚟食，唔好浪費。老闆服務態度好，杏汁甜品又好食又養生，仲要唔係好貴。…查看更多

星期日早早吃完晚飯， 預備忙碌的星期一， 但朋友說要吃甜品,小鬼門舉腳贊成, 在西貢去開間出名的 甜品店， 突然發覺 隔離有一間新開的小店, 門面清雅， 望入去裝修整潔, 大家都決定入去試新嘢， menu只有12款甜品， 這間店主打杏仁茶， 就叫咗兩客蛋白杏仁茶， 杏仁茶嚟到個樣都幾靚 有花花陪襯， 遠遠已經聞到杏仁嘅香味， 入口清甜香滑, 間中食到少少蛋白， 淡淡的好夾，誰也搶不了誰的風頭。 杏汁完個燉木瓜， 這款甜品不是經常可以吃到, 因為製作都比較長時間及麻煩， 杏汁香滑木瓜清甜 ,感覺非常滋潤。 特濃榴槤貓山王布甸, 這個真是有驚喜， 青甜香滑 有回甘，濃烈的榴槤令人心醉, 難怪老闆說吃了之後一定說， 不是一個好吃，是要好好好吃才對。 除了這些精製的甜品, 這小店的裝修也很特別， 每張椅子都不同款式, 有很多畫作,裝飾品，又有 一些精緻的茶具售賣， 在這裏感覺很舒適自然。…查看更多

從小我已經好喜歡吃中式糖水，可惜近年想找些有質素好吃的糖水店十分難！好友清麗村姑推介位西貢一間糖水店，於5、6月終於有機會入西貢順道去朝聖大大滿足甜胃。這間就是位於西貢的賀記杏仁茶專門店！藏身於食肆林立的內街福民路之中不難找到。小店由老闆一腳踢經營供應多款經典中式糖水，兩次來捧場分別吃了不同的口味，賣相美絕味道非常舒服吃得我滿心歡喜。香滑合桃露$48！用上西式湯碟盛載綴以漂亮的食用花成件事賞心悅目，不只賣相吸引味道也相當誘人喔。合桃露入口質感超級細滑更充滿濃濃的果仁香氣，絕對不會吃到滿嘴油膩的感覺，加上甜度恰到好處溫婉可口。特濃榴槤布甸$58選用貓山王榴槤來炮製！吃下甘甜香氣充斥口腔之中頓時呵氣如蘭，加上滑溜的質感叫我這個榴槤味非常心醉。事隔半月再訪小店因為跟老闆承諾要來品嚐招牌生磨蛋白杏仁茶$48！熟悉我的朋友也知道我從不喜歡杏仁乜乜乜的！但品嚐過第一次之後對老闆用料和手藝非常有信心，於是便造就了我們第二次的相聚。這客生磨蛋白杏仁茶代點餐後才加入蛋白和調味，所以喝下去蛋白非常新鮮嫩滑，而杏仁茶絕對沒有我討厭的杏霜味，陣陣幽香的原杏仁味道原來可以這麼吸引，這正是店家真材實料的信心保證。鮮磨芝麻露$48同樣做工細膩！黑芝麻炒得非常香口沒帶上一絲燶苦味絕對是心機之作，芝麻香氣於口腔內縈繞歷久不散味道超讚。喜歡的還可以像我們將兩者混成一體，變奏出層次豐富的黑白配吃得更加快慰。西貢對我來說雖然非常遠！但這麼用心的小店絕對要多多支持，希望我每次入去能品嚐到老闆用心烹調的糖水便好了。…查看更多

很值得支持的本地小店，老闆用心製作。蛋白杏仁茶💯 即叫即整，用心製造😋😋😋足料又好味👍🏻👍🏻👍🏻去西貢必食之選👍🏻👍🏻👍🏻👍🏻新鋪座位舒適，老闆有善又好客！希望大家支持小店，生意客似雲來！…查看更多