貴緣小鍋米線 (和富)

营业中

休息中

之前聽朋友介紹過紅磡嗰間「貴緣小鍋米線」，一直想找個機會來一嚐。最近瀏覽 IG 得知餐廳喺和富道開咗新分店，地點更加方便就腳，當然唔可以錯過！店舖主打正宗雲南風味米線，湯底標榜每日用豬骨熬製，有招牌酸辣湯、秘製麻辣湯、特濃新鮮蕃茄湯、青花椒麻濃湯等可供選擇。餐廳採手機掃 Code 落單，揀咗兩個麵食同兩款小吃。豬骨鮮濃湯米線 配 豬軟骨、秘製腩肉、冬菇皇 同 蘿蔔 ($71)，湯膽以大量豬筒骨新鮮熬製，沒有添加味精，入口濃香不膩。米線煮得啱啱好，順滑又索湯。豬軟骨彈牙有嚼勁，咬下軟嫩入味；腩肉肥瘦適中，略帶油香，食完好有滿足感。冬菇肉厚味濃、而蘿蔔亦清甜多汁，煮得夠腍又冇渣。特濃新鮮蕃茄湯紅薯粉 配 螺旋藻、甜酸齋 同 豬紅 ($64)，湯底內含鮮蕃茄、韭菜和芽菜等，入口酸甜有致，帶天然蔬果甜香。螺旋藻質感爽脆，份量十足，入口唔腥，吸埋啲湯好好食。甜酸齋嘅甜度和酸度皆恰好，食落煙韌又香口；而豬紅亦結實滑溜，唔會一夾就散。小食點咗蒜香醬油雞翼 ($28) 同 貴緣雞絲火山 ($28)，雞翼剪成單骨，入口啖啖蒜香，好惹味。雞絲堆到成座山咁高，中間夾雜咗啲榨菜片，配上秘製辣醬，充滿四川風味。

🌸《貴緣小鍋米線 · 米線 · 北角》-𝐅𝐨𝐨𝐝 𝐑𝐞𝐯𝐢𝐞𝐰 食評 🍜 秘製麻辣湯米線（大腸、豬紅、肥牛、豬紅、紅腸、木耳絲）$81全部配料都好好食！大腸好有肉地，無腥臭味🙆🏻‍♀️豬紅都唔散唔腥，肥牛同木耳絲好索汁🫢 湯底香濃麻辣味，但係唔會好攻喉，好好味❤️-🐷 蒜泥白肉 $27白肉有軟骨痴住，有多d口感，醬汁調味亦都岩岩好，岩曬咁中意食蒜嘅小編🫢💕比起某大型連鎖店出品嘅，小編更加中意呢間嘅，因為佢無咁油🫶🏻-🍗 重慶口水雞翼 $27口水汁調得超好，好濃稠👍🏻辣度亦都好岩小編，小編連雞翼上面既花生都食到一粒都無淨，就知有幾好食😂🫢-比起大型連鎖店，呢間比到我北角小區嘅人情味，而且所有食物不但好味，分量亦都唔會呃秤，係附近返工嘅朋友都同小編講，呢間係佢地𝐥𝐮𝐧𝐜𝐡飯堂，好岩打工仔👍🏻-📍 貴緣小鍋米線 @guiyuansiuwokmixian 北角和富道21-53號和富B樓B15-16號舖-環境：🌸🌸🌸🌸味道：🌸🌸🌸🌸服務：🌸🌸🌸🌸衛生：🌸🌸🌸🌸性價比：🌸🌸🌸🌸Revisit: 🧡-#hkfoodie #foodbitxh #foodbitxh_northpoint #hkeat #h

男朋友係米線控🤭佢仲入埋米線關注組成日昅住究竟邊到又開左間新既米線舖😂咁我今次就做佢既指路明燈🤭帶左佢黎衝出黃埔去到港島炮台山既貴緣米線食飽飽🤭依到啲野抵食夾大件😂第一次聽到男朋友話飽到唔食啊😙仲有依到既湯底都係十分唔同既食辣程度既朋友十分friendly🤭辣同唔辣都一樣咁舔舔脷🤭特濃新鮮蕃茄湯米線 ($57)米線, 小小辣, 雞肉絲, 肥牛小小辣既蕃茄湯真係超岩食🤭蕃茄酸甜味同微微辣balance得好好😙飲落去都勁鮮甜同好refresh🤭食完之後亦都冇口乾😜真材實料啊😎雞絲山成2cm咁高😅見到都好誇張🤭肥牛爽口冇得彈！青花椒麻濃湯米線 ($63)米線, 大辣, 走韭菜, 爽啲, 雞肉絲, 牛丸, 娃娃菜職員話呢個湯比較麻🥵我男朋友就即刻諗都唔諗叫左依個😂結果男朋友話大辣都冇乜挑戰性😂不過麻就好夠😙佢話feel唔到口有咩味😂雞絲都係成座山咁🤪牛丸又夠彈牙😋娃娃菜就成棵上😙超足料！貴緣雞絲火山 ($28)依個係”真”雞絲火山😋差唔到成4cm咁高😅食極都好似仲有咁😂味道就有香香地既麻油同椒絲😚係誠意滿滿既味道😚重慶口水雞翼 ($28)口水汁好正😋雞翼食落又有啲似沙薑雞既口感又會有岩岩好既麻

本人對米線有點要求就是湯底，今次確實令我感受到店家的誠意湯底，但店中的食材亦都很好，我們一行三人每人不同湯底，都有不同特色，我本人覺得番茄湯真心推介，小食酸齋比到我驚喜，酸甜酸甜好好味道必定會再光顧

貴緣小窩米線喺紅磡好出名 😯😯 一知道佢喺北角開咗分店 , 咁近屋企冇理由唔試吓 !! 店舖喺和富商場地庫層 , 一落電梯就見到 ~ 裝修光猛舒適 😌😌 座位都幾闊落 !餐牌 :酸辣小窩米線 酸辣湯底辣味較重 , 我揀咗少少辣 , 比其他米線店嘅 10 小辣再辣啲啲 , 酸菜好好食 😋😋 湯底唔會太油膩 ~ 米線彈牙 , 而且食到尾無發脹嘅情況 ~ 麻辣小鍋米線 揀咗小辣 , 都幾夠麻 , 過癮 ! 蘿蔔 $9 有 4 大件 , 勁抵食 , 而且好清甜冇喳 ! 👍👍 滷水雞翼有 2 隻 🤤🤤 炆到骨肉分離 , 好入味 !肥牛份量好多 , 食到底都仲有 ! 魚皮係另上的 , 份量超多 , 仲要每一塊都好脆 !! 新鮮 !! 👍👍另外仲試左腩肉 , 紅腸 , 鮑片, 生菜屬正常發揮 😆😆蒜泥白肉 ($28)好多蒜蓉 , 腩肉簿簿一片 , 加埋一齊食 , 好香口惹味 ~點餐時見到有醉雞米線好想試 , 可惜售罄 😣😣 下次一定要黎試下 !!整體黎講 , 人氣米線店果然名不虛傳 , 各方面都做得幾出色 , 而且價錢實惠 , 可以回頭 !! 😍

北角和富薈下有間小窩米線,主打湯頭不添加味精,新鮮熬製.過後確冇口渴感覺.而且裝修新淨,坐落舒適.不過即叫即製下需花點時間耐心等待🔸招牌酸辣湯米線($63) +秘製腩肉+滷水大腸+墨魚丸 🔸秘製麻辣湯米線($62) +肥牛+雞翼尖+墨魚丸 🔸重慶口水雞翼($28)🔸麻辣鮑片($25)🔹杯裝豆漿(+10)🔹可樂(+8)不同湯底米線各有風味.酸辣湯底微酸又開胃.麻辣味道平衡不嗆喉.特別喜愛配料,滷水大腸及墨魚丸.滷水腸非常軟腍並無多餘肥膏,而且非常入味.而墨魚丸好大粒,當中有墨魚肉口感更彈牙.重慶口水雞翼若然可做得更軟熟就更好.鮑片加入麻辣醬香口惹味,而且價格合理～

紅磡米線小店 🍜貴緣小鍋米線係北角開新分店太鍾意食酸辣既關係 兩碗都叫咗酸辣米線🥘小小辣，豬軟骨，雞肉絲，肥牛，牛丸🥘小辣，多酸，秘制腩肉（微辣），滷水雞翼，冬菇皇，螺旋藻呢間喺米線關注組聽講好出名book mark咗好耐都未有時間去紅磡試今次竟然開分店開到嚟北角 我冇理由唔去食米線嚟到嘅時候真係嚇親🫣🫣非常之多了送 好後悔冇叫少米線米線超級勁大碗 每一款餸呢都好足料同埋啲餸都好好味 非常高質 😭😭😭我以上叫嘅全部餸都冇伏 大家都可以參考吓最值得推薦嘅‼️‼️係冬菇王同埋螺旋藻👏🏼勁香濃嘅菇味 螺旋藻既纖維好同埋營養價值都好高就算食咁多餸都冇咁多罪惡感🤟🏻🤟🏻✨ 小食叫咗甜酸齋同重慶口水雞翼甜酸齋好少喺米線舖有得賣佢仲要整得好好味🙈酸酸甜甜做小菜夠晒胃口而且份量真係超級多另外重慶口水雞翼一碟竟然有四隻咁多夠晒麻辣勁入味 🥹🥹📍貴緣小鍋米線 (北角)北角和富道21-53號和富B樓B15-16號舖位置嚟講要留意返，原來佢係喺和富商場入邊🤣

見廣告打得甘勁，經開嚟試下。號稱無加味精嘅濃湯，食落就得味精味，豬骨味完全缺乏，點知好失望。叫左三碗唔同味，味精超重，第一磅清湯好咸，第二碗酸辣湯得個酸字，我個麻辣加麻，直頭似火鍋湯底，好咸又唔好味。餸都唔好食，份量又小，叫左札肉，又細片又薄，又無味。腩肉都係一樣，完全唔覺係食緊腩肉，剩係知係舊肉，雞翼有滷過，但放到凍左硬左，就算放番嚟個熱湯入面都救唔到拒，唯一個豬軟骨好d，有骨，有小小味，但係得兩小舊要11蚊。。絕對失望

今日同朋友去了新開的貴緣米線，除了招牌的米線之外，餐廳還提供了多種精緻的小食，非常好味。特濃新鮮蕃茄湯米線 $67這碗特濃新鮮蕃茄湯米線絕對是貴緣米線的招牌之一。湯底濃郁鮮甜，蕃茄的酸甜口感與豬軟骨、肥牛和魚片頭的鮮嫩肉質完美搭配。米線本身Q彈有嚼勁，整碗湯麵口感豐富，讓人一口接一口。蒜泥白肉肉 $28白肉肉經過精心烹調，切片均勻，肉質鮮嫩多汁。蒜泥的香氣與白肉肉的口感完美結合，帶來了一個濃郁的蒜香味道。這道小菜清爽開胃，非常適合作為開胃菜品。皮蛋豆腐 $25豆腐嫩滑綿密，皮蛋的鹹香與豆腐的清淡口感形成了絕佳的對比。每一口都帶來豐富的口感和層次，讓人回味無窮。蒜香醬油雞翼 $28雞翼經過烹調後，表皮酥脆，肉質嫩滑。蒜香的味道與醬油的鮮美完美融合，讓每一口都充滿了濃郁的風味。貴緣雞絲火山$28雞絲經過特殊的處理方式，呈現出火山形狀，配上酸辣的醬汁，味道鮮美，視覺效果也極具吸引力。每一口都讓人感到驚喜和滿足。杯裝豆漿$10一杯這杯裝豆漿是一道清爽的飲品。豆漿口感滑順，豆香濃郁。

聽講北角開咗分店，lunch hour拉大隊去試吓。去到唔洗等位，用qr code落單嗌野食，等咗15分鐘有得食。腩肉雞絲酸辣米線 4/5腩肉入味，但係唔算好腍，雞絲就冇味乾身鞋口，但係佢切得好柔細都好快咬得爛。湯底都夠酸夠甜，味道ok，份量正常😃。蒜泥雞絲山 2/5雞肉比較霉仲有騷味，係雪藏味，要靠蒜味遮蓋先食到，同埋好乾好淋😅。口水雞翼 2.5/5雞翼一開二，有8隻一字翼，但好硬身，無論雞皮定雞肉都比較結實🙁，口水味道惹味。地點:位於北角和富中心地底商場入面。環境:裝修都有用心用到食物相片同卡通公仔圍繞😊。價錢:50幾蚊2餸米線，加埋share小食，每人60幾蚊，但可以只係叫碗米線就ok😌。服務:Qr code落單，出去counter比錢。服務正常，但係佢哋冇六人枱，只安排四人枱再加個主家席比五人坐。

😢😢😢😢😢😢😢上餐速度不能接受13:06 電子落單13:37 先有第一碗麵 Lunch time 咁嘅速度完全不能接受等半個鐘 連豆漿 雞絲山都吾先serve而第一碗麵的米線並未熟透。。。🥲🥲🥲🥲🥲🥲🥲用餐環境不乾淨地下有一攤水 枱面未抹乾淨已反映都冇人處理。。。🙂🙂🙂🙂🙂🙂🙂服務態度麻麻等咗15分鐘吾對路問係咪漏單 員工完全無反應吾答吾回應天花板有一兩下巨響 好驚有不明物跌下🙂

作為熱愛米線之人，基本上每逢新米線店開都會留意下。發現最近紅磡名店在港島開新分店，都叫近近地，一於去試試。店家標榜自己每一碗米線都即叫即煮，等候上餐時間大約10分鐘多d；以快食米線黎講，都有d改善空間。可能真太新吧。先叫咗個麻辣米線小辣加麻。很入味，麻和辣平衡很好，個人比較愛的麻在額外加乘下，更為突出。幾有趣係酸齋同炸醬係分開上，不會似一般米線跟湯上，會走味。很值得加分。很推薦炸醬，肥瘦分明，油脂的香氣很足。總體來說有d小貴，但偶爾試試也很不錯。

見呢間紅磡名店過咗海，開咗新鋪，就即刻過嚟一試。為免人多等太耐，兩點先入座，但最後碗米線都係等咗廿分鐘🥺雞絲火山，太多榨菜太咸，啲醬又撈得唔勻皮蛋豆腐，啲涼拌汁完全無撈過，所有味道都係分開嘅，唔好食招牌酸辣米線，配招牌腩肉，中小辣，好好味，湯頭好好飲，多酸多芽菜多葱，每一啖米線都有芽菜嘅爽口同葱香（但本身叫薯粉，煮錯咗就照食）但加10蚊嘅貢丸只有兩粒，未免太貴了吧。。。麻辣米線，多麻，小辣，湯頭反而無酸辣好飲，同樣地，加嘅冬菇先得3舊，好貴整體而言，略貴，無錢成日幫襯新張之後希望煮得快啲，出餐唔好再出錯

酸辣湯底+貢丸+蘿蔔勁唔得，啲米線斷哂啲餸得勁少酸辣湯底+薯粉+竹筍見人高度推薦諗住應該都唔差應該唔會有下次....啲麵斷哂真係第一次湯底無特別驚喜又貴餸又少...

見新開張不久去試吓，諗住見到有螺旋藻，好似幾健康，幾得意。。。點知食過無下次同一時間落單2碗螺旋藻薯粉 -- 一碗是配貢丸，另一碗是配墨魚丸。等咗15分鐘，黎咗嗰碗只有2粒貢丸，價值$9。等咗半句鐘，催咗3次之後，一共等咗45分鐘那碗的墨魚丸個心是冰凍的。。。