貴緣小鍋米線 (和富)

营业中

休息中

這家米線專門店走到門口已經聞到濃濃的香料味，是我喜歡的味道。QR Code點餐，可以自選辣度，米線軟硬度，湯底濃度，走蔥走韮……等等，好人性化。上桌後發現都好大碗。✴️特濃新鮮蕃茄湯米線 $71（連配料）(散叫：魚肉春卷／豬軟骨／爽口魚片頭)朋友點的，濃濃的蕃茄濃湯，吃得到大大塊蕃茄肉，微酸的湯底，好清新開胃。春卷爽口，豬軟骨好大件，𠯿足兩大件，好腍好入味，魚片頭口感就還好，米線自選比較爽口的。✴️秘制麻辣湯米線 $66（連配料）(散叫：滷水雞中翼／滷水大腸／手打魚腐)我點的小辣，挺辣的對我來說😂，下次要點小小辣，麻辣湯底點的是可以喝的濃度，我覺得味道挺正宗的，滷水好吃，手打魚腐綿滑吸味。✴️油菜：娃娃菜 $14挺大一棵，1開4，好嫩好甜。✴️巴屬狂惹雞翼（原味）$29有辣的，不過我朋友吃不了辣，原味也可以，一點點孜然味，加上芝麻蠻，挺香的，好入味。✴️甜酸齋 $26正常的好吃。飲品：✴️雀巢檸檬茶 $8✴️玉泉西柚 $8總結，進店前的香料味，已經令我好期待，每碗米線都可以自選，吃辣不吃辣，喝湯不喝湯都可以選擇，我覺得很好，味道我真的好鍾意，我一定會再來，下次要選少少辣了🤪。

我哋嗌咗特濃新鮮蕃茄湯紅薯粉x豬軟骨雞肉絲手打魚腐❤️個蕃茄湯超濃味 中小辣都唔會太辣 但又帶得出香辣味🍅嗌咗豬軟骨另上 好大兩塊 又唔會太肥淋淋😋雞肉絲份量巨多 幾乎同紅薯粉嘅份量相約 超啱 #健身 #減肥 人士 🐣手打魚腐口感幾淋 浸住茄湯幾入味😃加購咗大漠烤豬仔髀（2隻）重口味人士之選 豬仔髀上舖滿調味粉 非常惹味🏜️青花椒麻濃湯米線x肥牛金菇菜💚雖然嗌咗中小辣 但就噉飲個湯都唔會特別濃 不過金菇就好索汁 好有青花椒味😋肥牛可能浸耐咗有少少柴 下次可能試下嗌腩肉😆巴屬狂惹雞翼我哋揀咗原味 雞翼幾嫩滑 係燒到啱啱好 下次試下黑椒味先🔥

最近我去咗北角貴緣小鍋米線，呢間都係老店，以前啲朋友直程係揸車入嚟食，今日又想食返米線。食物keep住又抵又好食，仲見到好多和富街坊都買外賣。特濃蕃茄湯紅薯粉叫咗蕃茄湯紅薯粉，搭辣炸醬、手打魚腐、螺旋藻同響鈴。螺旋藻都係必點，佢會吸收晒啲湯汁😋又健康，份量仲要超多。湯底難得係真係有蕃茄，唔似出面😂 酸甜適中，開胃，仲可以叫唔辣。第一次食辣炸醬，十分特別，食落先知裏便有加豆豉，比出面一般連鎖店嘅炸醬係特別香。呢個一定要叫！秘製麻辣紅薯粉蕃茄可以揀加濃，特濃完全啱晒食辣嘅朋友！因為真係好辣好過隱！加咗搭配腩肉同期間限定豬仔髀。麻辣味道十足，一口接一口，加個凍豆漿一流。腩肉又係好多，而豬仔髀調味就好似燒烤店咁，一次過滿足晒兩個願望。蒜泥白肉蒜泥白肉好好味，係喜愛蒜頭人士嘅首選。蒜泥醬同出面有啲唔同，調味偏酸，味道更香濃，冇咁油膩，反而越食越開胃。啲嘢食質素keep到水準，座位有寬敞好坐，仲有卡位，唔怪得成日都咁多人嚟食😂😂

天氣反反覆覆又轉返涼，放工想食碗熱熱嘅米線🍜原來北角海濱有條新起好嘅長廊，沿路行到和富食小鍋米線。元祖金酸魚片濃湯底(米線, 滷水大腸, 肥牛, 炸響鈴, 娃娃菜) $113————————————食小鍋米線最開心係可以揀自己鍾意嘅餸😋首先可以揀麵底，我就揀咗米線，仲可以揀淋啲，掛湯一流。加咗四個餸，分別係+$11滷水大腸、+$11肥牛、+$10炸響鈴、+$9娃娃菜，份量好多！食到好飽🤰🏾餐廳主打每日以大量豬骨熬製濃厚湯底，湯底帶蒜香，同魚片好夾，魚片份量好多，味道鮮又嫩滑冇骨，非常開胃！重慶口水雞翼 $29————————————秘製麻辣口水汁，食到流口水🤤單骨雞翼方便進食。麻辣鮑片 $26————————————仿鮑片都好彈牙，加上辣椒醬夠晒香辣🌶️愈食愈過癮。加枝凍豆漿，解辣又解渴🥛

有無人同我一樣，去親長途旅行都好掛住香港啲嘢食，機場無咗三哥有啲傷心 😭🇭🇰 東區返工米線選擇唔多，米線關注組成日出現嘅貴緣上年喺北角開咗分店，主打可以飲嘅濃郁湯底，性價比勁高，間唔中都會同班同事嚟食 🥳湯底有得揀濃度都係第一次見，Menu 照顧晒不同口味非常貼心，酸辣湯開胃加埋滑捋捋米線好過癮 🌶️ 特濃番茄湯真材實料，新鮮食材熬煮，飲落好似屋企煲出嚟咁 🍅 無添加味精真係好難得！配料選擇豐富份量又足，腩肉軟腍啖啖肉，冬菇皇厚肉燜到透晒好入味，個人仲鍾意加雞絲、螺旋藻同清甜蘿蔔，吸湯一流 ☺️ 普遍辣度唔算高，中辣輕鬆！小食酒香鮮醉雞帶花雕甘香，雞肉嫩滑無雪味，酒味唔會太濃，兩三個人 share 都幾好 ✌🏻 舖頭新裝修坐得舒服，係平靚正之選 🍜📍 貴緣小鍋米線北角和富道21-53號和富B樓B15-16號舖 🍜

因為見到香港米線關注組，所以特登過嚟食北角貴緣小鍋米線，飲完個湯頭， 真係冇味精，完全唔頸渴，每碗米線即叫即製每款有得揀米粉，紅薯粉或米粉，冇任何額外收費青花椒麻濃湯，叫左中小辣，飲一啖湯，個口keep住麻麻地好過癮，紅薯粉可以要求煮淋啲豬軟骨，2大舊，好淋好入味炸醬（微辣），撈埋米線真食一流冬菇皇，一開二，有3件，大粒又吸味又勁淋，炆得甜甜地特濃新鮮蕃茄湯米線，蕃茄湯配小辣又第一次試，所以揀咗小辣秘製腩肉（微辣），分量多而且每一塊都有厚度鮮製魚皮餃，一碗都有三粒貴緣雞絲火山，雞絲配上榨菜再灑上辣椒粉，份量比預期中還要多，去到最後，雞絲火山依然是滿滿的，加一點放在湯內，吸晒味蒜泥白肉，雖然未算太大碟，但係味道又真係唔同出邊，甜甜地又唔會超級蒜巴蜀狂惹雞翼，一碟有五隻，味道有啲似連鎖薄餅店的雞翼，每隻都好厚肉米線關注組，真係冇介紹錯

昨晚與家人去到貴緣小鍋米線，餐廳位於北角和富道，位置方便。用餐環境舒適清潔，桌椅排列整齊，空間寬敞。這餐廳的確是一家值得推薦的餐廳，上菜迅速，服務員態度友善，而且所有菜式都很好味道，我們非常滿意。 首先我們揀選了招牌酸辣湯米線，湯底酸辣適中，口感豐富，加入的雞肉絲、豬紅、墨魚丸、芽菜和腐竹，增加了湯麵的層次感。每一口都能品嘗到不同的滋味，真的是令人難以忘懷。還有青花椒麻濃湯米粉，麻濃湯底帶有青花椒的獨特麻味，十分爽口。加入的冬菇皇、金菇菜和酸菜，讓米粉更加美味可口。特別推薦他們的冬菇皇，非常入味，跟其他米線餐廳的不一樣。 另外巴屬狂惹雞翼（黑椒味）也很吸引，雞翼外皮酥脆，內裡多汁，黑椒的香氣撲鼻，味道濃郁。每一口都能感受到黑椒與雞肉的完美結合，讓人回味無窮。麻辣豬肚絲則口感滑嫩，麻辣味適中，不會過於刺激。 總的來說，貴緣小鍋米線 (和富) 是一家值得多次光顧的餐廳，期待下一次再來光顧。 #貴緣小鍋米線 (和富)#和富道21-53號和富B樓B15-16號舖

見openrice食評好多笑口 社交平台又有加持 於是試下點知........好麻麻地豬軟骨螺旋藻（原來即係海帶）蕃茄湯米線豬軟骨d肉都鞋口 得少部份係軟熟 吞得落螺旋藻份量就好多 蕃薯湯底就完全無蕃茄味 麻麻地完全講唔上蕃茄湯底 另一碗 豬腩肉豬紅豬骨湯米線豬紅清淡 味道都係麻麻地真係食過最麻麻既米線..........（可能個人口味 覺得唔好食🥴）但又好多人食🤔中途人多見職員係咁叫d食緊嘢既1人顧客換位其實感覺真係麻麻好似都未問原先坐大抬坐既客人 要同人搭枱就叫1人顧客搬過來坐（搭枱）都明想做多幾單生意 唔想客人等咁耐但又感覺好似........

今晚去和富中心探朋友，佢話喺佢樓下有間幾正嘅米線，於是就帶咗我去呢間貴緣。魚片米線自選咗特濃新鮮蕃茄湯，湯底濃郁，有蕃茄的鮮甜味。魚片份量多，而且好鮮嫩，另外再加咗滷水大腸，滿足咗我想食大腸嘅慾望。蒜泥白肉肉薄薄的豬肉片上淋著香濃的蒜泥，口感滑順，蒜香撲鼻，招牌酸辣湯紅薯粉呢個酸辣湯有得自己揀味道，想酸啲想辣啲都可以，而所有配料都可以自己揀多少，啱晒我心意。而紅薯粉吸收了湯汁的精華，口感Q彈。魚肉春卷夠彈牙，而豬軟骨嫩滑入味，咀嚼時的肉汁四溢。最後叫個菜心，平衡返餐飯的豐富度與清新感。

叫咗兩餸米線豬軟骨，加冬菇加雞絲山，總共$83一啲都唔抵食。叫咗酸辣湯，湯底唔算出色，應該直頭係話唔好食食完超口渴，連續飲咗三杯水都係仲係覺得好口渴唯一稱讚嘅係豬軟骨有三大嚿大大嚿

˗ˏˋ 貴緣小鍋米線 ˎˊ˗以前佢喺紅磡舊店嘅時候 已經知佢係區內出名嘅米線舖! 尤其是佢嘅豬軟骨同埋雞絲山🫢今次難得去開北角和富 於是諗住食吓佢😋見佢主打每日用大量豬骨新鮮熬製濃郁湯底 標榜冇味精😋1. 招牌酸辣湯+秘製腩肉+ 手打魚腐+ 蘿蔔+ 甜酸齋+米線+ 小辣腩肉偏向係瘦嘅腩肉 但一啲都唔乾！而且每塊都有經過醃製 食落有淡淡嘅甜味! 手打魚腐絕對唔係平時街邊嗰啲魚蛋扮係魚腐 佢係嗰種外表金黃色 內裏軟熟 口感綿綿嘅魚腐🤤蘿蔔有三嚿大大嚿 而且冇渣🙂‍↕️甜酸齋調味啱啱好 每一嚿都夠晒入味🥺2. 元祖金酸魚片濃湯+ 雞肉絲+芝士腸+ 蟹柳+米線一嚟到比海量嘅魚片及雞絲山嚇親🥺成碗加埋應該有十幾二十塊魚片🫢魚片每塊都夠嫩滑而且冇骨 雞絲撕得夠幼身！其他配料都正正常常3. 巴屬狂惹雞翼 有原味及黑椒味揀 本身雞翼有蜜糖嘅甜味 然後咁啱我揀咗黑椒味 兩者嘅味道配合埋一齊 都幾有新鮮感🤣加上面頭佈滿芝麻 食落好香口😋‎✎ܚ𝗡𝗼𝗻-𝗿𝗲𝘀𝗽𝗼𝗻𝘀𝗶𝗯𝗹𝗲/ 𝗽𝗿𝗼𝗳𝗲𝘀𝘀𝗶𝗼𝗻𝗮𝗹 𝗺𝗮𝗿𝗸𝗶𝗻𝗴 ᝰ✍︎꙳⋆Recommendation: 8.5/10 | Environment 7/

這次是帶我來香港的同學在家附近品嘗我的寶藏米綫店😌看著他呼啦呼啦乾飯的樣子我就知道沒有推薦錯！貴緣真的是不知道來吃過多少次了🥹一直是我心目中的米綫之光🤩如果大家某仔吃膩了必須要來換換口味。特色的小吃和湯底真的讓人一口下去就上頭😏還有我得說，價格也是超級親民啊┭┮﹏┭┮。·🌟招牌酸辣湯米線(鹵水豬肚絲, 魚片頭, 木耳絲) $63湯底酸辣開胃，鹵水豬肚絲和木耳絲的組合獨具特色，帶來爽脆口感😁本來以爲魚片頭是魚哈哈哈，是我自己孤陋寡聞🙃原來是類似魚餅的食物，不過放在米綫裏面也意外的搭配🤩喜歡的可以試試看~·🌟元祖金酸魚片雞絲濃湯底 (肥牛) $91金酸魚片和雞絲的搭配口感豐富🐟湯底濃郁鮮美，是他們家近期推出的新品🍜滿滿的酸菜魚真的吃的好開心，魚片也都很新鮮Q彈，愛了愛了！·🌟特濃新鮮蕃茄湯米線(肥牛, 木耳絲) $55超級經典的湯底啦🍅🐮番茄味道濃郁，酸甜味道和肥牛簡直絕配！·🌟貴緣雞絲火山 $28這道菜我覺得可以説是他們家的特色小吃了，以巨量雞絲為主🌋搭配了一些榨菜，搭配火山形狀擺盤，用特殊的香油調味拌匀😋真的特別有一番風味，即使是健康的鷄胸也能吃得停不下來。·🌟甜酸齋 $25甜酸齋算是

跟朋友送小朋友去興趣班才知道和富商場地下有個美食廣場，同時發現美食廣場裏面原來有間很高質很具人氣的米線店。招牌酸辣湯配米線（$ 32）豬骨濃湯底配紅薯粉（$ 30）豬軟骨、滷水大腸、滷水豬肚、爽口魚片頭（各$11）冬菇皇、甜酸齋（各$10）蘿蔔、生菜（各$9）大幕燒豬仔骨（$ 28）娃娃菜（$14）個湯底很好味，濃厚沒有味精，濃度還可選擇。每一樣餸嘅份量都十足。滷水大腸和豬肚入味軟腍，冬菇皇非常之厚而且很有菇味，甜酸齋另用小碗承載更具誠意。連簡單一碟娃娃菜，也是原棵烚熟再切開，又淋又甜。

係北角做完野，同事話如果唔介意行多幾步，係和富有間好食米線，抵食之餘味道都唔錯，作為米線抵又點可以錯過呢。唯一美中不足係豬軟骨、冬菇皇等出色的配料已售罄，下次都要再黎食過先得。魚肉春卷·秘製腩肉·扎肉·娃娃菜酸辣湯小小辣湯底有唔同濃度揀，可以跟個人喜好淡味定濃味，好貼心，而小辣好微微，岩哂唔食得辣的朋友，魚肉春卷夠哂彈牙，有三條好足料。腩肉肥瘦適中，入口油香滿滿但又唔會油膩。扎肉爽口。娃娃菜好多，超級抵食。滷水豬肚·手打魚腐·炸響鈴·蘿蔔蕃茄湯走辣蕃茄湯酸味味好開胃，真材實料，味道唔假。蘿蔔超甜超入味，完全無渣，仲大大件。響鈴好脆口，索哂蕃茄湯，精華所在。魚腐好滑身得黎又夠爽口。豬雞切成細絲，食得好方便，爽口入味。巴蜀狂野雞翼（黑椒味）蜜糖汁配上黑椒，甜甜辣辣無得輸，雞翼皮脆肉嫩，仍然保持到肉汁，食唔停口。菜心新鮮翠綠，健康之選。📌貴緣小窩米線地址：北角和富道21-53號和富B樓B15-16號鋪🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfood

這裡簡直是米線控的天堂，湯底超級濃郁鮮味，每日用大量豬骨新鮮製作，另外有多四款湯底選擇，酸辣，麻辣，特濃新鮮蕃茄，青花椒麻，正宗雲南風味，不加味精。🍅特濃蕃茄湯米線配螺旋藻大量新鮮蕃茄，湯頭超濃郁鮮甜。點了中小辣，辣度剛好，很惹味。螺旋藻超多，爽口又健康。加$1多葱增倍，葱控必加😆🐟元祖金酸魚片濃湯底鯛魚片超鮮嫩，大大片，也是份量充足。金湯湯頭很甜，不小心整碗喝完了😋🐤貴緣雞絲火山去皮雞絲加上榨菜和麻油，一座山那麼高，小小辣，麻麻香香，蛋白質爆燈，健康大滿足👍🏻🐤蒜香醬油雞翼蒜味香濃，四隻開邊雞翼，重口味之選😍🥬娃娃菜🥬菜心$14的清菜份量也太多了吧😆差點吃不完。⭐️每碗米線都超大碗，配料充足，即叫即煮，用料上乘，用心製作。麵底仲可以選擇紅薯粉，芽菜，不用另外加錢，性價比超高。