貴族甜品 (元州街)

呢間嘢我之前試過幾次，基本上覺得差唔多係正常水準，唔算太好，但因為離屋企近，偶爾想食下都無所謂。但今次嚟，點咗份楊枝甘露，真係令我好失望。大家睇埋相就知，根本唔係楊枝甘露，反而似一碗普通嘅沙冰，完全冇楊枝甘露應該有嘅層次感同質感。味道出奇地怪，有一種怪怪嘅藥水味，好唔自然，好似加咗啲奇怪材料咁。最誇張係，入面仲加咗啲椰果粒，楊枝甘露本身係冇椰果嘅，呢個配搭完全破壞咗成件事嘅味道同感覺。成碗嘢食落去，都冇咩甜味同芒果嘅果香，感覺好失望。希望佢地可以認真改善質素，咁樣無理由令一份咁經典嘅甜品變咁差。真係食過一次就唔會再返！…查看更多

年廿九（即係中國人的團年之夜），一行多人三個家庭專登食完飯後由石硤尾行逛找糖水店。附近最出名當然是松記，平靚正，但沒開。轉陣去這間貴族，之前我都鍾意，特別愛宇治金時，又靚又好味，丸子煙靭。這次還叫了意味情濃，紅豆口感好。還叫了燉蛋白，湯丸皮不算厚，燉蛋白滑滑。食品質素正常，價錢不平，是日晚上要加一。這些大時大節，開開心心，大家相聚咁難得，食肆加價也合理。但沒有服務，連基本態度也沒有。甚至我哋覺得店員，還是店主態度其差，語氣像喝罵的。生意好，工作忙，既然開店還加一，落單都要客人受氣。我哋請店員下單，店員很遠、大大聲的一句，係咪個個都想齊落得？ 我哋都愕然🙁。我哋已經逐一叫，佢好像極不耐煩，玩急口令咩。所以，我哋決定，若下次見到這店員/主就不光顧。周圍還有其他糖水店的選擇。…查看更多

個阿嬸啊服務態度差到離地！！冇見過咁差嘅服務態度，空位多到呢！仲叫我搭枱，都算，落單好似欠咗佢，雪糕叫咗曲奇味就比士多啤梨味，都算，叫佢攞支匙羹，當我冇到，想俾錢受氣，就嚟呢間食啦！垃圾垃圾垃圾！…查看更多

你會在冬至食什麼甜品？💥芒果河粉捞：有新鮮的芒果配椰汁河粉，清新好味💥桑寄生蓮子蛋茶：熱辣辣的甜品，冬天就合時，有益健康。💥薑汁湯丸：最應節的甜品之一，最重要的是薑汁夠辣。💥椰王墩牛奶蛋白：好補身的甜品，牛奶香，蛋白夠滑，入口即溶。💥蓮子紅豆沙加湯丸3粒：又是另外一個應節甜品，今次是美味清甜的紅豆加湯丸，別有一番的風味。…我想最應節的一定是湯丸，正所謂一家人，團團圓圓。祝大家冬至快樂😀…查看更多

會掛住的甜品 每次食完飯都一定會食甜品榴槤皇后$68榴槤份量好多 超滿足 椰子肉容易起肉 好滑好好食 絕對對得住價錢👍🏻心太軟配雪糕兩球$48流心朱古力 配上雪糕 非常夾 朱古力香滑濃郁👍🏻…查看更多

👨🏻‍🍳貴族甜品 (元州街) (深水埗)📍深水埗元州街158號 「一般般🙈」 一入門老闆好友善招待🫶🏻平日夜晚都算多人食🙈不過各人口味吾同，我同朋友覺得甜品一般🙈 🍽️少女時代 （乳酸味） $55朋友平日最愛食益力多沙冰，但系佢話無乜益力多味，似益力多醬，同埋睇相以為有小丸子，黎到系爆珠同啫喱，有點失望🥺 🍽️比利時朱古力窩夫配雪糕 $62窩夫好食的，外邊微脆內軟，不過香蕉有DD生🙈曲奇雪糕都麻麻地🥲系食過最吾好食既曲奇雪糕🥺 服務好好🫶🏻不過呢2款甜品，個人不太合口味🙈仲有黑色小蟲子飛飛🙈 #貴族甜品 #深水埗甜品 #香港甜品關注組 #arigato不了 …查看更多

貴族甜品 (元州街) (深水埗)夜晚最想就係食糖水🤣睇完戲路經貴族甜品就入去叫左兩款甜品試下😋🔸龍珠二世～龍眼芒果黑珍珠水晶珠睇外觀都吸睛份量都大而食落既甜度都中規中矩，唔會過度太甜😻🔸只屬於你（紫薯味）呢個就比較偏淡🥸份量外觀就大份，最好食就係芋圓同個雪糕🍧至於環境就都唔算太大 位置都有適當空間地點：深水埗元州街158號🔸味道：7/10🔸環境服務：7/10🔸推薦：7/10…查看更多

同朋友飯係深水埗食完個唔係好飽既飯, 想食個甜品, 行到呢間Noble 貴於甜品, 見到大把位唔洗等, 一於衝咗入去坐, 分別叫咗白雪黃金卷, 同白雪公主, 無計, 我同朋友都非常鍾意食芒果.雪黃金卷內既芒果好凍, 都好新鮮, 甜甜酸酸, 夏天食, 好醒神! D皮就做得好爽滑, 好似真係食緊腸粉咁.白雪公主材料同黃金卷材料好相似, 不過白雪公主多咗舊芒果雪糕, 個雪糕都好好食.Around $40一個甜品, 算好經濟, 性價比都算好高!…查看更多

好少去長沙灣，search 下附近有咩甜品店，搵到呢間，見佢門口幾靚，但一個人都冇，諗住可能中伏，不過諗下都可以試下，結果係嘥咗個quota😭入到去有一男店員係廚房，佢望一望我冇講嘢，到我想落單，唯有大嗌”唔該”，等佢行出來。我叫嘅宇治金時沙冰，d紅豆唔太甜，白玉都唔錯，但抹茶雪糕，除顏色係似抹茶外，完全食唔出咩味，我只食出係甜味，好在佢唔係好甜，而沙冰呢，係冇乜味。食物質素影響食評分數高與低係好重要，但今次真係差嘅係服務，男店員係由頭到尾，去到埋單，係一句嘢都無講過，佢嘅表情一係好煩惱咁，一係無表情，令人感到我(客人)係不受歡迎，但當佢係廚房時，佢又會大聲唱歌。 …查看更多

食完飯想食糖水，經過呢間舖頭，見到都有幾枱客，有位，就入去試下，叫咗合桃糊同埋心太軟，佢話心太軟要等，知道的👌🏻先嚟咗合桃糊，一入口，酸的！同個姐姐講，佢話換俾我，叫我揀過第二樣，咁我就揀咗蛋白杏仁茶，點知個蛋白杏仁茶仲衰！！杰撻撻一陣怪味！從來未食過咁難食嘅杏仁茶！我都冇要求再換，淨係問吓係唔係生磨，會唔會粉開的，佢話肯定唔係！OK，咁真係唔啱食。。心太軟嚟咗，係咁嘅。。各位請看照片，這個是心太軟嗎？果斷放棄，埋單走人買單時隨口問一句心太軟唔係有軟心朱古力嘅咩？另一個姐姐行埋去望吓，係喎！不如我打個折比你呀！我又唔係要攞着數，所以同佢講唔使啦不過唔會有下次！…查看更多

宇治金時 $45好味度：⭐️⭐️.見圖片好似唔係話冰的類型，最後都係好多冰😂😂情系九份$38好味度：⭐️⭐️.椰皇水🥥🥥 $6好味度：⭐️⭐️⭐️⭐️佢呢間的椰皇水都好好飲，而且價錢都好抵wo...第一次買。。咁arm 最後一枝😲..…查看更多

見到menu有杏仁糊或者蛋白杏仁茶就叫咗個蛋白杏仁茶加芋圓結果碗嘢嚟到杰到杏仁糊咁想叫侍應換返啱，結果廚房話佢哋個杏仁茶係咁的咁我只好算自己孤陋寡聞啦下次唔好食呢樣野…查看更多

食開芒芒小丸子加芋圓 以前大大份 好好食 但係依家轉左員工之後 份量細份左都唔係問題 問題係真係做得好難食 芒果沙冰又唔夠味 淡到好似水咁 芋圓同小丸子又係冇味 芒果亦唔新鮮 呢個味道真係以後都唔會想再幫襯…查看更多

在長沙灣區吃甜品，找到這家小店。它門前的招牌相當易認，內裡牆上的西洋畫，與餐廳的名字配合。 享用了以下甜品： 星空（芒果、龍眼、西米）（$38）名字浪漫，其實是芒果砂冰，芒果肉甜美新鮮，有大量西米。 宇治金時（$48）日式風格的甜品，是綠茶雪糕配刨冰及粒粒紅豆，雪糕綠茶味香濃，粒粒紅豆有口感亦甜入心，很有京都綠茶甜品的感覺。 芋丸紫薯窩夫配雪糕（$58，4件）最後送上的甜品，熱辣辣焗好的窩夫餅，十分香脆，配了紫薯糖醬，感到甜絲絲。選了曲奇味雪糕，把雪糕夾在窩夫餅吃，冷暖交融，是很好的享受。 這裡價錢實惠，服務不過不失。 …查看更多

喺附近食完晚餐，突然好想食甜品，門口見到餐牌上面有綿綿冰都幾吸引，決定入去試一試。叫咗個紫薯牛奶冰，同埋榴槤公主一試榴槤公主首先到達，一放低榴槤味超香，表面全部都係榴槤肉，下底應該係牛奶冰底，味道都唔錯，有種熟悉嘅感覺🧐不過如果唔配上邊嘅榴槤肉下邊就冇榴槤嘅感覺⋯一定要撈埋食先正另外紫薯牛奶綿綿冰，一上枱超吸引，上面嗰幾粒應該係維記香芋麻薯吧 有小時候嘅味道，綿綿冰好滑入口即溶，紫薯味都好濃，牛奶味都好重，我推薦呢一個…查看更多