貳叄肆

貳叁肆 @ 紅磡香港越南餐廳…🅑🅐🅚 🅑🅐🅚心目中一路都有兩間心水店。最近起左新既變化…出現在第三間🎉🎉🎉事緣睇到Youtube介紹左一間位於紅磡巷仔裡既越南餐廳…當然要以血肉之軀試下啦…因為🅑🅐🅚 🅑🅐🅚真係好鍾意食phoYoutube主持提醒要記得訂位就即刻屈濕店主今晚有無位…竟然有位就響住軚去。餐廳位置絕對稱得上隱世…真巷仔裡面既巷仔…去到門口見到8pm都未坐滿心諗係咪俾人滾左🥹🥹🥹。後來見有幾位walk-in客人…店員都話無位…原來好多人訂左位未到時間…咁都放心d入到去話訂左位就即刻安排入座…地方唔太大…都有少少迫。不過食物質素最緊要。店員話咖哩化骨綿掌牛舌同事頭婆福食賣哂…其實對事頭婆福食好有興趣。牛舌都係鍾意燒既原來呢度有二人餐…價錢都幾ok…包個沙律…兩個主食加個小食仲有兩杯野飲。咁就要個牛骨湯手切牛pho…燶邊豬頸肉加多隻燶邊蛋…小食要左個墨魚餅…野飲就青檸檸打同桔仔檸檬水先黎個沙律…竟然有4隻鮑魚…雖然細仔但幾有咬口…沙律菜都好新鮮…入面撈左炸左既洋蔥…配埋個甜甜酸酸既汁幾開胃…有誠意先講個湯粉…有肥仔芽菜…香葉…仲有好多洋蔥絲…加分…湯頭好熱…加分…個湯底好有以前食pho嗰種好傳統舊派既味道…好飲…河粉有米香…又嫩滑又有口感…加分…手切牛有牛肉味有嚼頭…個人覺得呢碗粉高分燶邊豬頸肉配既係香料飯…個飯夠乾夠鬆身…淡淡既香料味…仲要唔油膩…豬頸肉唔係平時食開既爽彈口感…呢度感覺有炆煮過…好鬆化…私人加多隻燶邊蛋簡直係錦上添🌸🌸墨魚餅 好味…同1986有得揮…有墨魚香…有墨魚粒…個餐係俾足4件墨魚餅真心覺得好味…即刻加多個火爆香辣香葉牛柳 呢個都唔錯…黑椒味好濃…甜甜辣辣幾開胃…即刻加多個香料飯。有耆英優惠…請左🅑🅐🅚 🅑🅐🅚食飯我相信好多人睇左片過黎…不過座上客好多都熟客…真心覺得有💛💛小店。服務有禮…食物質素真係唔錯…已經諗定下次食事頭婆福食同三高炒飯大家唔洗咁急去住…等me食多幾次先😌😌😌#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #紅磡 #越南菜 #pho #小店 …查看更多

位於紅磡巷仔的隱蔽小店，只有四五張枱，主打新派越南菜。平日午市座無虛席，曾試過walkin但冇位。今次於晚市walkin就不用等位。點了一個二人套餐$298，包沙律、小食一款、主菜兩款及餐飲兩杯，而且免加一，性價比高。是日沙律有四隻鮑魚仔。鮑魚仔爽口，沙律菜新鮮。小食點了香茅魚露煮蜆，為當晚最好吃的菜式。啲蜆大隻鮮甜，份量十足，惟少量仍有沙。個蜆湯非常鮮甜，由於落了香茅、南薑，感覺有點像不辣的冬蔭功。海防生醃海鮮飯 - 飯充滿椰漿味，配料有赤蝦、帆立貝、八爪魚和鮮墨魚，很足料。當中以八爪魚和墨魚最入味，新鮮爽口。蝦和帆立貝較淡味，如灑幾滴刺生豉油就更好。總司令便當，有香茅豬扒、越式蛋餅和胡椒扎肉，加埋隻燶邊太陽蛋，賣相極佳。厚切豬扒味道不錯，並不是一般餐廳用鬆肉粉醃過的豬扒。黑糖芝士奶蓋班蘭珍多冰 - 珍多冰crossover台式飲料加上黑糖芝士奶蓋，味道不太甜，但實在太heavy了，還是喜歡傳統的。…查看更多

每次食飯慶祝都想食啲好食嘅嘢、唔想中伏，往往去食啲Comfort food。而今次，OMW選擇咗去冒險，見Openrice得6個食評，全部都係😋好評，就俾個機會試吓佢啦！ 💯家鄉燒豬肉彈$68呢個菜式相對少餐廳整。OMW對上一次食類似嘅係喺📍長洲「是蛋」嘅土製炸蛋，而呢度更好食喎，唔使去長洲食啦～ 本身就咁睇menu，以為佢係炸獅子頭d friend，上枱完全out of our expectations，原來係用肉碎包住流心蛋再拎去炸，好驚喜啊！放落口都仲有少少驚喜，佢個皮仲有少少甜甜哋，食落唔會咁漏。所有嘢調味啱啱好！整體嚟講就係好好食！唯一挑剔嘅係碗飯好大碗😂 全部冇估到佢咁大碗飯，本身以為係細細碗果種，最後我哋食唔晒啲飯🥺 下次可能走飯。就咁豬肉彈都好好食！ 💯圓圈仔海鮮炒飯$88呢個係睇見隔離枱上枱果時好靚好好味咁，就叫咗呢個炒飯！上枱果陣心感不妙，我哋兩個人，呢個炒飯嘅飯量大概可以食飽三個人🤣🤣🤣🤣我哋惟有放棄豬肉彈個白飯，主攻炒飯。炒飯味道適中，粒粒分明，海鮮量都唔少，有青口、蜆、蝦、魷魚，其中OMW好鍾意個魷魚，口感好好，又好味！ 💯馬斯克火箭蝦$52/2pcs嚟到OMW鍾意嘅蝦蝦，呢個又係驚喜之作，食落先發現佢係豬肉彈啲Friend。呢個又係見倒隔離枱叫我又叫嘅嘢食😂😂 呢個好味啊！佢外層係一層薄薄嘅肉碎，然後檸檬葉，最裡面係隻大蝦！成件事個味道好豐富，檸檬葉為成隻蝦增加咗清新嘅味道，超級正！ 💜總結：呢間嘢我哋食咗三樣嘢都好好味，而且價錢又唔貴，性價比好高！我同friend食緊果陣，已經研究緊下次食啲咩😂 如果兩個女仔嚟，叫一個主食+兩個小食/沙律已經好夠，下次下次😆夾硬講啲挑剔位：1.如果唔熟呢區嘅話，間餐廳有啲難搵，指示牌欠奉，用google map應該會好少少。2.佢畀碗畀我哋share飯會更好，用碟食有少少論盡。3.枱同枱之間好近，會有啲嘈。 💜溫馨提示：記得book位！果晚OMW去到冇乜人，但坐多陣已經full咗，而且入親嚟95%都有book。住附近嘅friend話佢有時唔開，所以book定位穩陣啲～ 📍貳叄肆 (💯堂食-紅磡)> 紅磡馬頭圍道23-35H號隆基大樓地下48號舖 ✨亮點：樣樣嘢都好好味！性價比高！啲嘢食presentation都好靚！ 🙇🏻‍♀️特別嗚謝：願意book位又陪我試新嘢嘅朋友 同埋 願意試新嘢嘅自己！ #omw食越南嘢 #omw紅磡 #omw土瓜灣 #omw黃埔 #hkfoodie #hkfoodshare #hkkoreanfood #hkrestaurant #香港美食 #紅磡美食 #黃埔美食 #香港越南菜 😂Menu說明書：二人套餐：主食唔包炒飯，飲品唔包椰青一人套餐：主食唔包炒飯，飲品唔包椰青/奶蓋珍奶…查看更多

琴日去左間朋友介紹試咗間超有特色嘅越南餐廳，老闆嘅 "阿媽家姐", 每道菜都玩到出神入化，味道層次豐富到食完仲回味緊！款款有亮點👇**1. 炭燒八爪魚沙律** 八爪魚燒到外層微脆，帶住好突出嘅炭燒香，咬落彈牙得嚟又唔韌！沙律汁酸酸甜甜，夾埋d 沙律菜，清新得嚟又開胃，作為前菜簡直無得輸！**2. 越式炒洋蔥蟶子** 蟶子大大隻，炒得剛好唔會老，最正係嗰啲炒洋蔥！洋蔥吸盡咗越式香料同蟶子鮮味，甜得嚟帶少少焦香，原本唔食洋蔥嘅朋友仔，最後都食咗，惹味到想encore多碟！**3. 鹹蛋黃鮑魚** 鮑魚煮到乾身有嚼勁，但一啲都唔韌！表面沾滿金黃鹹蛋黃碎，鹹香濃郁得嚟又唔會蓋過鮑魚本身嘅鮮味，鮑魚肝澀澀哋嘅味原來同鹹蛋黃碎勁夾，送酒一流！**4. 越式圓球肉餅** 外型得意似乒乓波，煎到外皮香脆，一切開入面竟然超級鬆化！圓形肉球去煎仲可以咁鬆化，真係第一次食到！ 完全唔使點像都唔覺得漏 ～**5. 脆漿炸雞翼** 個脆漿真係無得頂！薄得嚟超脆，咬落「咔嚓」聲，入面雞肉依然嫩滑多汁！醃得好入味，唔使點醬已經夠晒正，絕對係邪惡之選！**6. 椰青蟹煲** 湯底用原個椰青水熬製，清甜到不得了！最正係入面嘅蛋花，煮到有少少蟹蓋蒸蛋嘅感覺，令成個湯口感更加綿密。蟹肉鮮甜，飲完成個胃暖笠笠，完美作結！呢間越南菜絕對係高質之選，傳統中帶創意，每道菜都有驚喜。如果鍾意濃味同炭火香，一定要試八爪魚同鹹蛋黃鮑魚；想清淡啲就揀椰青蟹煲！…查看更多

餐廳位處小巷裡 非常隱蔽lunch咁啱行過見到有位 就入去試下呢個新開小店 座位數量不多 且之間較為狹窄黑糖椰青五花腩 $58五花腩炆得夠稔又鬆化淡淡黑糖及椰青味令成件事無咁膩跟飯揀咗香料飯 米飯乾身粒粒分別 讚！帶有淡淡香茅及蒜片香氣手切牛肉牛骨湯河 $58湯底清爽夠味 手切牛肉牛味濃郁整體唔錯 較為失色係河粉口感如果係泰國煙韌河粉會更出色另外仲加咗個🥠墨魚餅$28有2塊煎到金黃色 內面係粒粒墨魚粒如果點埋佢嘅辣醬一齊食會更惹味飲品方面 點咗杯走糖凍桔仔檸檬茶$18茶底係用泰國茶 整體都fresh …查看更多

早幾個禮拜幫襯過一次，今日諗住同朋友去食，小店唔夠人手，要等得耐完全可以理解，去之前已經預咗就算落咗單之後都要等，有哂心理準備，因為師傅就得一個，但係完全無諗過可以誇張到等咗足足超過一個鐘頭，最正就係坐正正我隔離，遲過我嚟嘅客人食完我個餐都仲係影都無，朋友個餐食完都仲未開始整我果份，唔係講笑足足一個鐘頭，法國餐都唔洗等咁耐，結果掃興兼失望埋單走人，侍應有講唔好意思，但係我諗應該都幾難再有下一次，請我都未必會嚟。…查看更多

超高質越南菜好耐冇食過咁高質ge越南菜喇～服務好，價錢又貼地。一定要介紹比朋友～～～唔講咁多廢話😆即刻介紹返我地食左咩先～我地叫左個2人餐，先黎一個墨魚餅+鮑魚仔沙律，廚師好有heart，爆左d乾葱，真係好難得，一般呢d2人套餐沙律都係求其沙律菜再加d油醋汁架麻😆加分加分～前菜牛肉沙律，都係啦，沙律正，牛肉都好出色，一d都唔hea你🩷主菜我地選左嫲嫲南瓜咖哩化骨綿掌牛，佢個牛真係不得了～好食到可怕程度，個牛真係好軟好正😆😆😆仲有Son鮮牛骨湯河•手切牛肉，呢個又係痴線好味，個湯係用白蘿蔔煮，個鮮甜絕對唔係周街食得到～不得了～～～～～仲加左個蜆，我一向覺得魚鮮純粹夠新鮮就一定好味，但係佢呢，佢唔止新鮮呀，佢係比新鮮個鮮更加鮮～香茅南薑檸檬葉～～～～勁有heart～～～～…查看更多

朋友帶我去紅磡試新嘢～工廠區附近嘅小店，平日夜晚，人流唔太多加上新開不太多客.店面不太大但座位都舒適唔會好迫。前菜都好用心好好味～燒墨魚沙律，墨魚好好味唔會韌，最喜出望外係蓮藕芯，超～好味🤤香茅魚露煮蜆，蜆肉同湯都勁鮮甜，同朋友飲晒啲湯🤣蘇格蘭蟶子王，蟶子好新鮮，最特別係個汁酸酸地好清新，同蟶子好夾。椰青金露煮本地花龍+腹心肉兩道菜個汁唔同味，一邊咸一邊甜牛好嫩好香，龍蝦肉質鮮嫩有咬口每道菜都都好高質仲有plating,係紅磡工廠區附近絕對係超水準，呢類越南菜fusion菜好少見。值得試試～…查看更多

久違咗嘅北越味道，終於可以再食，疫情後難得重新出發，一定去支持，香煎肉餅外脆內juicy ，墨魚餅，牛柳淋滑有牛味，雞脾水準依然，牛油雞翼有小小旦黃好甘香，特別推介中食香料飯，淡淡香茅味，一d都唔油，好爽身，唔覺唔覺就食曬成碗，桔仔檸檬茶第二d地方唔見有，仲有好多好多食物未試，一定會再去，舖細細，平日lunch 要耐心等下，但食物水準絕對值得，地方小心找才找到，價錢仲要抵食，夜晚可預訂半私房菜，記得提早預約…查看更多