貓麵

营业中

休息中

今日再次同朋友黎到葵廣掃食～今次終於肯去試新嘢、唔再只係食章魚燒、手卷啦xd我地去左位於2樓嘅貓麵～佢主打麻辣三寶麵、手撕雞同埋原條鰻魚麵聽人講過呢間既手撕雞唔錯，所以就選擇佢啦手撕雞可搭配冷麵、薯粉或粉皮- 我哋選擇左試平比較少見既粉皮- 餸有好多好多款，我地就揀左加中華沙拉和青瓜- 醬汁足足有八款，有平常比較少見既、我都唔知係咩味既已是風情醬、秘制貓麵麻辣醬等等   我哋就唔冒險啦，選擇咗上海胡麻醬- 面既份量不多，大約係兩包冷麵嘅量，以呢個價錢黎講係有d令人失望既- 反而配料就落得好足，係抵讚既- 粉皮雖然厚身同爽口，但係唔夠黏un，冇咩口感- 手撕雞多肥多皮，實際雞肉就比較少，亦都醃得比較鹹好鍾意食碳水化合物既版主表示望住佢餸比麵多心理極度不平衡整體覺得性價比不高，用呢個價錢可以買到更多、更高質素嘅美食

一肚氣，以後唔會再幫襯😤本身係幾鍾意呢間冷麵嘅味道同配料，而我同我bf有時去葵廣掃街都會間中幫襯。今日再去買佢個麻辣三寶麵，之前好多時女人整係唔會問要咩醬。今日係男人整，佢D態度簡直不知所謂：bf: 麻辣三寶，要雞腎雲耳牛柏葉男：要咩醬bf: ...? (我企响bf旁，我地都dead air 咗2秒，心諗平時冇問嫁wor)男: (示意旁邊個牌) 6款，第一次黎食?(態度串串共)我：(忍唔住出聲)唔係，我地之前都黎食過嫁，之前冇問要咩醬男：咁你一定係食隔離嗰間我：(同bf輕聲)我自己食開邊間唔會唔知囉。。。我地冇同佢爭論，之後男人就話一係做麻醬，我地都廢時同佢嘈就話是但。點知男人賤格到問女人(我地有冇幫襯過之類)，我見女人响布簾探頭望一望我地，跟住男人就話：哦間唔中幫襯之嘛。。。我心諗乜料呀，難道我要日日黎幫襯先得嫁?!之前女人冇問，我唔知自己平時食嘅味係咩醬就係我有問題?!! 都幾好笑!! 我本身想話返佢，但bf想息事寧人我就冇出聲!!點知臨走男人無啦啦串串共咁同我bf講多謝老細，仲拎左佢冰櫃上一包大陸cheap cheap糖夾硬塞入我bf件長袖衛衣個袖口度!!話送嘅!佢係夾硬扯開bf

去葵廣搵野食都幾頭痕，太多選擇。好想食麻辣野，又見新開左好多間，經過呢間見到好多配料揀，麻辣雞絲、麻辣蜆肉、麻辣土豆絲...多到數唔晒。除左麻辣仲有唔辣既配料架!老闆勁nice，話加芝麻醬勁好食，就當然trytry啦估唔到麻辣加芝麻醬係咁夾，仲有青瓜絲中和一下。老闆，加油

之前上網睇人介紹葵涌廣場美食，留意到呢個 貓麵 都有比人介紹，而且都屬於好評，所以今日就即管試試佢!黎到都有幾個人排緊，好多選擇可以揀，雪櫃就放係舖面前面，可以見到曬所有食材，款色多, 而且望落去好乾淨!衞生方面滿分! 唔係太肚餓，又有小小選擇困難，所以就咁叫左個手撕雞薯粉算數，可以揀辣定唔辣。一共有7款醬可以揀，揀左個日式芝麻醬，一定唔會伏!唔記得左問佢咩係貓漫濃情添!!=D 薯粉話咁快撈好，手撕雞份量有啲少，唔係好影到佢既存在，不過薯粉份量OK，岩曬女仔食!加埋青瓜絲。薯粉好爽口彈牙，芝麻醬冇死，係D雞辣左小小，不過整體係好味既，反正陣間都一定會買野飲，辣度係可以接受。不過唔食得辣既朋友仔最好都係叫返唔辣或者問下有冇小辣!

最近葵廣多左好多既手撕雞撈麵店今次就黎試下貓麵一去到 至少有7-8個人排緊隊都等左成15分鐘今次叫左既係手撕雞薯粉配芝麻醬 $25佢有幾隻醬比你自己選擇 但本人唔太食得辣所以就要左芝麻醬～薯粉係闊扁形本身以為係一條條的無左d煙韌既感覺 有少少失望食落芝麻醬既味道唔錯而且比得好多醬佢既手撕雞分量幾多 唔會得一兩舊推介大家食麻辣味既手撕雞唔會太辣 但有麻辣既香味道唔錯另外仲有d青瓜絲鋪係面另外值得一讚既係老細既服務態度好好咁多人排係有原因既

之前常見這間冇乜人幫襯，搞到我都唔太想試..............................但呢兩次行，竟然兩次都有人龍出現，生意仲好過附近的手卷店，我都同男朋友仔講，做飲食便是咁奇怪，完全估佢唔到咁...........今次我都排埋一份試下先佢好多配料，我點下點下點左成$50，老闆好好人呀，仲送多一個配料俾我，仲特登"畢"左一大匙蚧子，多謝老細，好生意啊

門面包裝得可以，啲面睇落去幾吸引，但係如果你想俾錢受人氣，呢一間應該係葵廣之選。問一句黑10次面，臨走嘅時候仲要怒啤你；自己幫你做晒決定，其實係你買定係我買呢？見到有客人你唔歡迎之餘，當佢透明，仲要話人阻住你。大佬葵廣有幾大，你都係租一個舖位，走廊通道有幾大大家都知啦？咁都可以話啲客人阻住你？明明就係買緊野香港人去葵廣都係想享受一下，但係呢一次光顧嘅經驗絕對係我人生之中最差最差最差最差！面雖然幾吸引但係價錢不值，葵廣絕對有更多好選擇，唔需要俾錢受人氣！！請各位好好考慮!!!!!!!!!!!!!!!!!!!!!!!!!!!

貓面選擇好多，大概有廿幾種配料可選，雖然對我黎請太甜及大咸（始終不是新鮮的食材，所以味道點都係重一點）貓面的賣點是一次過可食不同款式的配料，的確令人十分滿足，一次過滿足晒好多個願望，可惜材料愈多，撈出來的味道就愈雜，什至是食不出在食什麼，只有糖和咸的味道，另外面條也很彈牙，都是即撈的。總捨來說，當零食來說是可以的，但當正餐來說，的確味道過重，而且過由於甜，配上面是怪怪的建議選少一點款式，一兩款配料，反而美味些。

今日去貓麵買晚餐，一去到諗都唔使諗就決定要一個＄40嘅四餸貓麵 😋上次食過胡麻醬，咁所以我今次就揀咗個日式芝麻醬。四餸首先我係揀咗個我最鍾意嘅腐皮😋然之就麻辣雞腎，麻辣牛肚。突然老闆娘就問我:「咦咁你不如要麻辣三寶餐呀，抵d喎！」（佢哋鋪頭嘅優惠套餐，三個麻辣餸＄30）因為我自己唔係好食得辣所以我就話唔使，我都係要返普通嘅套餐就可以點知我揀揀下，下一個餸都係麻辣--麻辣牛百葉😅老闆娘又再忍唔住就話:「哎呀！咁就當你買麻辣麵餐啦！」當時我係一頭霧水？？我自己都計唔掂數😅但係老闆娘就話，總之你比＄40，有5個餸~我就話好啦好啦~~一來我自己都計唔掂😅二來我又覺得佢唔會呃我，咁當然係冇問題啦haha好啦，講返碗麵嘅味道先。日式芝麻醬就冇胡麻醬咁濃味，清清地，入口幾舒服餸菜嘅份量係好多，食晒啲麵都仲有餸剩。牛肚牛柏葉好爽口雞腎相對之下就比較弱左少少，但係分量真係比得好足，雞腎每一塊都有返咁上下大呢三款餸係麻辣，我自己就覺得辣味重過麻味，唔食得辣嘅朋友真係建議唔好叫咁多款麻辣嘅餸😅因為我自己都辣到成頭汗😅另外，蟹柳同埋腐皮依然係好甜，多汁而免費贈送嘅青瓜絲亦都係份量巨多，讚讚讚~P.S真心覺得老

創日去葵廣掃街！說之前上網見到呢間撈麵店勁多人介紹😛難得嚟到梗係要試吓啦！不過我就冇叫佢哋最出名嘅日式芝麻醬/上海胡麻醬😂因為我見到佢哋有個特價套餐🙈所以貪心嘅我就好想試吓🤦🏻‍♂️📌麻辣套餐（3餸）🌶💰HKD30$麵既份量比我想像中多😮但啲餸就比我想像中少😂不過＄30真係算係咁架啦🙈麵身唔算太淋，不過麻辣醬唔夠多，食落有啲部份無味😂我叫左雞腎、青瓜同豬耳，配埋佢啲青瓜絲一齊食味道都唔錯😌如果肚餓嘅朋友用嚟填肚都夠飽既👍🏼btw,我比較鍾意佢以前用紙盒🙈

叫咗3餸麵老細叫我加多十蚊有多2個餸咁我揀咗海蜇，蜆肉，雞腎，蟹柳，雞絲仲送埋青瓜絲俾我老闆超nice 勁好人又話唔夠辣可以再加，教到啱味為止其實人人口味唔同，好多做飲食嘅人都唔理人地咩口味咁啱我同男朋友都係重口味嘅人，好多時都會覺得唔夠，而老闆就會去配合個客，非常好超大碗，我同男朋友2個人都差啲食唔哂下次要買返屋企慢慢嘆

今日放工同同事到葵涌廣場掃街，見有間以貓咪為題，多人排隊的冷麵店，又唔執輸食下~貓面濃情，份量十足，配料煙鴨胸/八爪魚/鵪鶉蛋鹹而香囗，其中鵪鶉蛋最入味，但粗麵味不濃，很清淡，如多添醬油或其他調味料將更味美。麻辣三寶麵，同樣足料，麻辣入味。整體份量十足，簡單飽肚的晚餐。

Happy Friday去掃街,之前經過貓麵幾次都已經食飽左,今日終於有機會試,因為想試多幾款,揀左雜錦(十餸)貓麵配意式風情醬,有選擇困難証ga我選擇由老細發板,有雞絲,青瓜,豬耳,中華沙律,鰻魚,鴨胸,鵪鶉蛋,墨魚仔,海蜇,仲有一款唔記得係咩,老細仲加料送埋青瓜絲比我,可能因為其中有2,3款係辣ga,mix埋一齊後味道出奇地好食,少少辣夠野味,D食材好新鮮,個人推介豬耳,好爽同入味,碗麵望落都唔算太大,但食晒原來係有十個飽, 題外話啱啱見到之前幾篇openrice都話老細態度差,但我今日去買完全唔覺得有問題,我見佢同之前個熟客都幾好傾,我第一次幫襯佢都畀咗幾款醬我試,又推介我邊款餸好食,可能見到有人投訴改善左啦

每逢打風落雨都好鍾意買外賣返屋企食，一邊睇電影，一邊嘆買返嚟嘅美食，感覺真係好爽而今日我就喺葵涌廣場買咗一碗冷麵返屋企食。呢間店嘅貓麵，其實就係等於我哋一般食開嘅撈撈豪華版，加大版而家嘅撈撈大概係＄20有10包-12包，但係其實大家都知每一包嘅份量係極之少，例如海蜇係得幾條，螺肉得一粒，咁就叫一包與其係咁，我就不如幫襯貓麵，雖然埋單要＄35好似貴過撈撈，但係其實佢嘅份量計返價錢係多過撈撈而且素材亦都感覺上比較新鮮乾淨，最重要嘅係佢唔會好似撈撈咁，要用咁多個膠袋分開每一包餸，環保好多今日我嘅選擇係上海胡麻醬配三餸嘅貓麵， 三餸分別有辣味雞絲，蟹柳同埋腐皮，青瓜絲係免費加嘅，另外居然仲有一包番石榴汁都係贈送（不過我估飲品不是每次都有贈送）成碗面我基本上係感覺滿意，雞肉係嫩口嘅，而蟹柳亦都有甜甜地嘅味道，腐皮亦都多汁。唯一要挑剔嘅就係胡麻醬，不過呢個亦都唔係老闆嘅錯，而係真係胡麻醬質地係咁樣，比較杰身，食得多就會覺得黏住喉嚨。（所以要贈送一包番石榴汁俾我舒緩下？哈哈） 睇返之前關於呢間餐廳嘅食評，有部份話老闆嘅態度好差，而今次我去我又感覺唔到有呢個問題，整個購買過程算愉快

因為想試佢嘅麵特登落去買，食物質素比10蚊幾包的冷麵差之餘，比錢仲要受氣，重要是全程我係冇出聲，個男服務員就不停想趕客咁，話點樣點樣冇優惠，諗住算啦，不要斤斤計較，想是做唔住攞啲客出氣，最乞人曾，比完錢佢講啲野仲衰，超後悔比錢買麵，總之肚餓都唔會有第二次幫襯