入門口已經見到大大隻招財貓打卡位，牆上就充滿貓貓掛畫，愛貓之人必去！
呢度用QR code落單，見到2人套餐都幾多嘢食，價錢又抵，咁就叫左佢，另外都加左D小食。
川味小皮蛋：小皮蛋細細粒好透明，好精緻。味道帶少少麻辣，做前菜都幾好。
藤椒爽脆魚皮：跟餐小食唔夠喉，所以另外叫多個小食。魚皮咬落爽脆，裡面仲有好多青瓜，麻辣味，辣辣地，都開胃喎。
鐵板豆腐：豆腐味道剛好，清清地唔太鹹，用鐵板上食到最後都無凍晒。
厚蘑蝦滑：白蘑菇鑲左蝦滑個樣都幾可愛，蝦滑食落彈牙，調味幾好，好食。
全明星拼盤：豬牛雞樣樣齊，有炭燒梅花肉、雪花牛肉、秘製牛五花、藤椒雞肉、現伴牛肉、藤椒牛舌同蒜香豬五花。拼盤賣相幾靚，新鮮，每款入口都油脂豐富，好香。其中藤椒雞肉燒嘅時候，藤椒味好濃，但辣度又剛好喎。旁邊有生菜，可以夾住肉一齊食無咁油膩。特別一提，我哋燒嘅時候雞手鴨腳，店員主動問需唔需要幫忙。然後睇到店員燒嘅時候，時間同火喉都控制得好好，燒好嘅肉剪開分比哋，真心覺得佢哋專業，服務一流。
拌飯：份量多，上面鋪滿紫菜同芝麻，食落幾香又唔單調。
飲品：朋友叫左貓檸茶，佢話唔太甜，幾好。我就叫左貓草茶。而貓草茶就係綠茶，裡面仲有D奇異果同椰果粒粒，果汁味重，有咬口。
甜品：跟餐有紅豆豆腐花，豆腐花好滑，上面係珍珠，裡面就有紅豆，甜甜地。食完都唔夠開心，我哋再額外叫左冰粉。冰粉都幾大碗，配料夠多，食完就滿足晒。
最後，甜品揀咗爪焦糖布丁同黑糖豆花。爪焦糖布丁口感滑順，焦糖味道香甜；黑糖豆花滑嫩細滑，黑糖味道濃郁，真係一個完美嘅結束。
以前嚟到油尖旺區，輪椅朋友除咗入商場都比較難搵食，現家多咗新建嘅單棟式大廈，唔少都開咗不同食肆，輪椅朋友就有口服了；今次就來到內地人氣店，嚟個烤肉晚餐作個年度美食總結！
一上到嚟舖頭，即時感受到一份歡樂氣氛，佳音全場都係貓；無論係場櫃檯掛飾全部都係貓。熄開好多座位都係卡位，領導成間鋪頭都好齊，但係當然唔少得有普通拉得開嘅座椅，方便唔同食客嘅需要。
可能今日比較晏先至嚟到，2人套餐已經無曬，所以就決定散叫；呢個時候先知原來佢哋除左烤肉之外，仲有好多唔同特色小食，所以決定試埋佢。
落咗order之後，侍應送上醬料，當中燒烤汁、柚子醬，仲有辣粉香蒜；另外亦都有白蘿蔔絲，后嚟先知原來啲蘿蔔絲系用嚟清潔鐵板，真係笑自己大鄉里。
貓抓洋蔥小牛粒，上臺嘅時候係3個洋蔥兜放滿小牛粒，切得好細舊，即使係櫻桃小嘴度可以食到真正一口牛嘅感覺；牛肉唔加醬料食其實已經好好，加埋柚子醬以及辣粉香蒜，就更加非同凡響色。即使載住牛肉嘅洋蔥，都唔好嘥，放埋一齊燒嚟食，相當唔錯。
貓抓現拌牛肉，喺佢哋嘅招牌菜之一，用自家醃製方法，同時也有洋蔥絲；呢碟牛肉有啲難逐塊燒，所以最終盤度半燒半炒，就咁睇落有啲似牛肉飯上面果啲洋蔥肥牛，但食落就有完全唔同嘅感覺；唔單止肉質嫩滑夠曬人味，而且唔會好似肥牛咁多肥，食D都唔會有罪惡感，同時牛肉好滑溜，薄片唔會食落一陣風，都好有口感。
貓抓烤茄子，用鐵板上，開邊茄子上面鋪滿醬料，惹味醬了令清淡嘅茄子非常吸引，另外茄子亦都燒得非常之軟腍，兩者配搭起來上當吸引；醬料雖然比較鹹，但辣辣地好惹味，如果叫咗個白飯配合埋一齊食，就已經可以吃一餐飯。
貓抓鐵板豆腐，呢個都係一等一嘅招牌菜，炸豆腐上面鋪滿醬料，睇落同茄子嘅醬料差不多，上面再舖滿青蔥，睇落個樣已經覺得好靚；招牌菜果然名不虛傳，豆腐外脆不再話，入面嫩滑嘅感覺簡直似牛奶，令人一試難忘。
除咗主食，飲品同埋甜品都唔會令大家失望，除咗外觀好靚，都真系好好味，值得推介！
川味小皮蛋、貓抓拌飯兩個、咔吧雞脆骨、
香辣蒜蓉烤茄子、貓草茶（好味奇異果汁）、貓抓焦糖布丁、貓抓黑糖豆花、冰小瓜雙拼（蘿蔔、茄子、翠玉瓜）和貓抓全明星拼盤
雪花牛肉、炭燒黑猪梅花肉、藤椒牛舌、蒜香猪五花、
現拌牛肉（加入洋蔥，一起炒）、
香辣猫抓藤椒雞、秘制牛五花。
影片
