貓抓烤肉

营业中

休息中

味道重可以，但系呢个服务真系好烂，夜晚八九点嚟嘅，有D菜上嘅快，有D菜催四次至上嚟。真系好烦，本来想晚好好食餐饭，等咗两三个钟实际上净系食咗四十分钟，好冇瘾，部分时间喺等起菜。

同男朋友去旺角行街，見到貓抓燒肉呢個二人餐做緊優惠好抵食，緊係要試下佢啦😍最後兩個人都食得超級飽，勁滿足😆！我地仲用左storellet做會員，有啲優惠券送同可以儲分，勁抵食！🥳＊＊＊＊＊🥩🔥烤肉二人餐 優惠價$348🥒木耳青瓜🍱全明星拼盤呢個拼盤有蒜香豬五花、貓抓芝士雞、蒜香豬五花、精選牛闆腱、嫩肩里肌辣味現拌、秘製牛五花同埋藤椒牛舌，勁大份量好豪華😍🍗照燒雞腿肉🦐海捕虎蝦🍆貓抓烤茄子 烤茄子好驚喜，必食推介👍🏻🥬生菜🍙貓抓拌飯🍹貓檸茶 / 貓草茶🍮焦糖佈丁×2＊＊＊＊＊更多食評資訊：IG🔎litcloud_

今日約咗個愛貓朋友一齊到旺角嘅貓爪燒肉食晚餐。上一樓門口已經有一隻好可愛嘅愛歡迎我哋餐廳內裝修當然以貓貓做主題，設計令人感到好舒適同好開心。牆上有一張圖介紹摸貓貓喜愛嘅位置，真係好貼心好彩我哋晚上6:00左右到，食到7:00左右已全餐廳坐滿晒食客。枱上放滿了點烤肉的醬油，同埋紙巾、檸檬水，非常細心餐牌有二人Menu和四人Menu，方便唔使諗，仲有散點Menu，好多選擇1. 小食叫咗貓爪鐵板豆腐，醬汁調校啱啱好，上枱時熱辣辣，前菜小食首選2. 荔枝蝦球，即叫即炸，熱辣辣，入邊見到有隻蝦好足料3. 叫咗貓爪全牛拼（五款），有牛小粒、牛五花、牛小排、炭燒肥牛、雪花牛肉。份量足，肥牛好味，以$258 個價錢，絕對超值，必叫之選4. 飲品每杯都係$28，叫咗貓檸茶同貓草茶。一邊食燒肉一邊飲，非常解渴。5. 甜品：貓爪黑糖豆花，有黑糖珍珠，豆花十分滑溜，美味。整體而言，餐廳環境適合愛貓人士，食物價錢優惠，份量十足，性價比高，值得一試再試。

係Storellet app到發堀到新優惠係貓奴必去嘅旺角嘅貓抓烤肉入到去燒肉店已經見到好多主子嘅裝飾作為貓奴嘅我表示真係好心動超萌貓貓主題烤肉二人餐2人套餐嘅份量一定滿足由前菜。肉類。海鮮。主食。熱食。甜品都好豐富酸辣爽脆木耳拍青瓜酸酸辣辣又爽脆開胃貓抓烤茄子原條烤茄子好香軟又滑茄子上少少辣嘅醬汁令香甜嘅茄子增添左份辣味入口味道更香更惹味貓抓全明星拼盤（不辣）拼盤一共有6款肉類拼盤內嘅肉類由牛肉。豬肉。雞肉所組成肉類女新鮮 望落色澤均勻又富有光澤自己最鍾意係五花腩同藤椒牛舌五花腩燒香後入口香脆充滿豚脂香藤椒牛舌帶點麻椒香 口感爽脆野生海捕虎蝦海蝦份量多之餘每住海蝦都大大隻海蝦肉質鮮甜而且肉質爽彈生菜配搭一盆新鮮生菜可以來住烤好嘅燒肉一齊食爽脆又充滿水份嘅生菜可以降底燒肉嘅油膩感之外同時亦增添脆口感咔吧雞脆骨燒香被後帶住陣陣油香軟骨肉再加上脆卜卜嘅軟骨口感豐富而且味道香口又惹味貓抓拌飯珍珠米加上醬汁後再灑上紫菜碎係飯面味道鹹香又帶微甜撈匀後再配肉好夾貓草茶清爽嘅青蘋果茶配上椰子味道清涼香甜貓檸茶酸酸甜甜檸檬茶可以解膩甜度啱啱好貓抓焦糖布丁底下焦糖燒布丁充滿蛋香再係面上配搭好可愛嘅貓肉球

🐱貓貓主題抵食燒肉店🐱-呢排撞正連假 點可以唔周圍行下睇下有咩抵食 見好似都有一排冇點食燒肉 所以又喺Storellet優惠平台App上面揾咗呢間抵食又cute cute嘅燒肉餐廳😀 宜家餐廳除咗有抵食二人同四人套餐之外 用埋Storellet優惠平台App做餐廳會員 仲有得儲分✨ 換獎賞🎁-😻超萌貓貓主題烤肉二人餐 $348套餐好豐富 有齊前菜小菜 肉都有8款 仲九拌飯同甜品😍 可以話係大胃王之選😂-🥒酸辣爽脆木耳拍青瓜🍆貓抓烤茄子拍青瓜酸酸地好爽口 幾fresh 仲落咗少少辣椒🌶️ 烤茄子原條上菜 孜然調味好足好惹味😙-⭐️貓抓全明星拼盤 & 🥬生菜每個餐都有一個好誇張嘅肉肉拼盤 二人餐就包咗蒜香豬五花🐷 貓抓芝士雞🐥 精選牛闆腱🐄 果味嫩肩里肌🐮 秘製牛五花🥩 同藤椒牛舌👅 我地覺得豬五花同幾款牛都唔錯 豬五花肥美好juicy 包住生菜食夠晒balanced 而牛牛都重肉味😙 -🦐野生海捕虎蝦有六隻蝦 size都唔細 食落幾爽口-🐥照燒雞腿肉另外仲有一碟雞腿肉 呢個我覺得比拼盤嘅雞易燒啲 肉切得比較大件啲 職員都好好會主動幫手換烤盤❤️-🍚貓抓拌飯拌飯都有啲心思架 除咗有上面嘅海苔同芝

今日本身想食附近嗰間鋸扒，見到隻可愛貓貓又俾佢吸引咗，未食過就一於試吓，午餐$78 位，我哋兩個人揀咗一豬一牛。套餐包一杯嘢飲，我哋揀咗貓貓凍檸茶，配菜仲可以揀生菜，或者係金菇。另外貓爪拌飯係紫菜加蛋汁，唔使另外加錢。兩碟肉上枱都大大片，泡椒豬五花勁吸引😍辣味十足，酸酸辣辣，送飯一流😋個牛肉都唔錯，枱面仲有辣粉可以自己調味🤪👍🏼午餐哩講，真係好抵食，出面食一人燒肉加野飲加紫菜飯都唔止呢個價錢，啲肉都冇咁大片。埋單都係$156無加一抵食呀😊學生仲要$58,可惜我唔係😆

十二點到場得一個侍應,有訂位佢完全唔睇唔理,叫我哋隨便坐就可以! 去到中途因為冇待應嘅關係,煎盆變燶我哋用蔬菜同埋個鉗開始剷走烤盤個底嘅燒焦物,四眼大媽見到突然間發癲,拎住個新嘅烤盤過嚟鬧我哋,唔可以咁樣做會整花個盤,乜乜乜乜乜乜鬧咗一兩分鐘,你哋可以叫我幫手換,我話問題係搵唔到你!態度惡劣!左右台都望下發生咩事,換完之後大媽離開!隔咗半個鐘大媽推啲甜品出嚟,突然間食咗藥又變返正常,仲要態度好好添,週圍話唔好意思喎因為布甸做得好差z唔成形我哋畀其他甜品你哋o唔ok?咁就冇辦法啦當然ok!除咗無啦啦畀大媽鬧呢個因素,整間餐廳環境清潔食物全部都唔錯,希望貴公司睇到呢段評論,可以教下阿大媽,如果係黑口黑面都算啦,幾耐未試過去街食嘢畀人鬧,係鬧呀!撇除大媽呢個因素,呢間餐廳絕對值得再去!

旺角連鎖貓貓燒肉店看到Storellet的貓抓烤肉會員有套餐優惠價仲送貓咪奶凍，好抵食。二人套餐優惠$348，四人套餐$668，套餐都好豐富，咩都有，而且餐廳也很多貓貓打卡位，環境貓系裝修為主。座位寬敞、提供紙巾，每張枱都有醬汁，另收+1服務費 二人套餐優惠$348 全明星拼盤，還送了涼拌木耳青瓜，套餐有多款燒肉，蒜香豬五花、貓抓藤椒雞/芝士雞、蒜香豬五花、精選牛闆腱、嫩肩里肌果味，秘製牛五花、藤椒牛舌、雞脆骨/照燒雞腿、海捕虎蝦 、貓抓烤茄子 、生菜 🥬等，可選辣或者唔辣另外還有貓抓拌飯（紫菜甜醬拌珍珠米）、貓檸茶/貓草茶、烤棉花糖/焦糖佈丁，一人一份，非常豐富貓草茶 有粒粒椰果肉，甜甜的飲品貓抓焦糖布丁幼滑蛋味濃郁的布甸淋上甜甜的焦糖服務質素：7/10環境舒適度：7/10ᶘ ᵒᴥᵒᶅ個人口味評分：7/10

超級差7:20入座，叫咗一個四人套餐同散叫幾碟餸。7:30叫嘅嘢八點都上唔到一半。已經唔係叫你煮，我哋係食緊自己燒肉嘅餐廳，當你新餐廳少人做嘢。我哋喺8:30嘅時候再叫咗幾碟牛肉同埋一啲海鮮，結果唔好話第二轉啦，第一轉都未嚟一齊，等到9點先至嚟第二轉嘅肉。好唔明套餐要搞咩搞咁耐？因為實在太慢已經唔知自己叫咗啲乜嘢，最後因為等到我好眼瞓，我已經唔想再食（本身啲肉都唔好食，都係超重味精）咁我哋就同職員講我哋好似冇嗌你可唔可以check吓，跟住個小職員好串咁同我哋講係你哋八點嗌㗎喎～真係火都嚟埋你好意思講八點嗰陣時已經9點幾啦，仲想我哋等幾耐？仲要係第二轉嘅第一碟肉。我7:30入座9:00都食唔到八成嘢仲要我地等到幾時？仲有嘢飲超甜，甜到唔想飲係甜到要溝佢啲水我哋先至要飲得落，跟住最恐怖係嗰個標明好出名嘅貓爪布甸，睇片明明係超彈超滑，但係拎出嚟嘅時候好似雪左10年一樣咁硬。就係信咗社交平台嘅推介，結果我都唔知我自己食咗啲乜嘢！講真裝修做到幾靚，扮到幾似日本都好，你哋嗰啲所謂嘅超靚肉仲衰過我去酒樓打邊爐。人均仲要$200真係貼錢買難受。

上野慢，整體普通，叫咗個復活節套餐，主要食物靠預先調味比顧客燒，食物質素可以，檸檬茶幾好飲，衛生差D，有蚊滋仔，裝燒肉汁的器皿好油，雖然係食燒肉既地方，但冇清潔好比下一台顧客就不太理想了，套餐有甜品，在落單時選擇的，分別選了兩個布丁，兩個豆花，燒完肉食後，叫上甜品，第一次叫上甜品等咗10幾分鐘冇上到，再問服務員上得甜品未，佢問我個餐係咩甜品，我比張單佢睇，佢先話冇布丁，話俾四個豆花我，等咗10幾分鐘後，都係冇俾到甜品俾我，雖然甜品唔係啲咩錢，但係都要有交代啊，服務員唔太理人，態度唔理想。雖然食物算係可以，但係啲咁嘅服務態度唔會有下次囉。

今日同朋友慶祝生日，上蛋糕之前叫員工幫手收嘢，然後佢超理直氣壯咁 話「我而家唔得閒啊 冇人得間啊 係咁架啦 上菜都冇時間啊」 語氣又hai又惡.。然後碟雞入面有條頭髮，套餐嗰菜又冇上。叫佢上生日蛋糕 將個蛋糕攞出嚟咁上，佢又就咁擺嗰蛋糕盒上嚟。然後嗰個迎新優惠券記住check啲使用條件，套餐唔可以用。啲嘢食又普通又污糟 完全唔值得食 唔好去食！總結：俾錢受氣絕對唔好去，去咗就同揼錢落海一樣，仲不如去食牛角！！！！！！

一入店就見到好大隻貓、係打卡勝地、坐底叫左幾款肉黎食、佢肉質配料十分出色、烤時芳香四溢、牛舌色澤紅潤、入口軟糯、鮮美多汁、飲料清潤可口、Flash感覺、特別是有個貓爪造型飲管

開個貓罐頭🥫新年發大財..年年有運行預祝大家身體健康、生意興隆，心想事成、財運亨通，人人豐衣足食，個個行大運————————假期先拔頭籌，來一個迎接新年招福招財貓抓烤肉套餐…..環境、地方坐位寬闊，空間夠大，令人吃得舒逳😇春節貓罐頭套餐：見到已經好吸引🤩炭燒肥牛/牛肋條/果味嫩牛肩/牛板腱/牛小排各款不同的部位，🥩肉質鮮嫩，吃落軟熟有肉汁😋—————————照燒雞腿肉🍗：肉嫩滑，調較味道適中紅糖糍粑：口感煙煙靭靭，最爱吃生菜🥬：包住肉肉吃，爽口又好味😋烤茄子🍆：蒜香🧄味道夠惹味😋——————-貓扒拌飯：🍚拌著紫菜吃更有口感蕨根粉：🍝辣得滋味——————🐱貓檸檬茶：🧋🐱貓草茶：🥤——————-甜品：大貓爪布丁：🍮😋——————食過春節貓罐頭套餐·年年賺大錢行大運😍其實開心簡單就在你身邊❤️⋯⋯食….拍…寫.. 已經成為我生活中的一部份鍾意食..鍾意拍…鍾意寫..留下美好回憶—————

點了一個新春2人套餐，價錢划算。加上送2個特別版招財貓，有驚喜。地方舒適，加上服務員熱情招待，主動更換燒烤鐵板。食物質素有水準，而且分量也多，好吃，值得下次再光顧！

與朋友想慶祝生日，剛好經過，見到依間店又有燒肉，又有冰，就入去試下。款式多，食物質素唔錯，調味好惹味，環境舒服座位很寬闊。店員超親切，會主動幫我地燒。整體唔錯！