貓喵堡

抱起嗰隻得2 個月大咋，好痴身貓毛髮好順滑互動率好高，經常走過來同客人玩耍。(好多貓咪都怕陌生人) (切忌粗魯嘈吵) 🌮嗰日Order 了魷魚意粉和炸雞五穀飯，健康美味同時享受美食和貓咪的陪伴。領養：也提供貓咪領養服務，幫助流浪貓找到一個家。#幫助流浪貓狗 心情 : 一個放鬆和療癒的環境，減輕壓力和放鬆心情。with @annisacheung 「以領養代替購買」「領養不棄養」活潑指數: 🐈🐈🐈🐈🐈環境衛生: 🐈🐈🐈🐈店主愛心: 🐈🐈🐈🐈🐈…查看更多

難得的好天氣，同媽咪出街去尖沙咀行街街。行到攰既時候，諗起之前朋友介紹既動物CAFÉ—貓喵堡。所以就拉著媽咪前往CAFÉ尋貓一番了。一入到餐廳就見到大大小小既貓咪滿佈店鋪既四周，最難得既係貓咪們都好乖巧，又唔會怕人類，當拎起店內既玩具佢地都會同客人玩，俾到一種除左食野之外仲可以同貓咪有互動既餐廳新食法。至於野食方面，因為媽咪想食得健康又夠飽肚係，店主介紹左台式滷肉飯，果然滷肉飯上有不同種類既蔬菜，而且仲有溏心蛋奉上，媽咪食完之後都話肉汁都好好味，好有口感。而我就叫左個慢煮牛柳螺絲粉，因為慢煮既關係，店員有同我地講製作需時。等左一陣之後，先試一口螺絲粉，發現螺絲粉有著香濃既蘑姑汁香，超好味! 再試牛柳，清楚明白到等待既價值，慢煮牛肉果然係會有不同既口感同味道，非常之鮮嫩多汁，極推介俾大家。另外我地各自點左一杯飲品，我點左名為藍天特飲既野飲，真係名副其實係藍天既顏色，顏色係我最鐘意既色，見到都好開心，飲第一啖係一種乳酪既味道，再慢慢飲其實係類似波子汽水，真係十分唔錯～而媽咪就點左女士最適合飲既韓國桂圓紅棗茶，口感甜甜，紅棗味濃，仲有幾粒桂圓，非常滋補，係最岩養生既朋友飲。…查看更多

我同大小姐都係愛貓之人作為貓奴的我們原來一次都未去過貓cafe真係慚愧今次就同大小姐去左尖沙咀貓喵堡打卡由於依度座位有限大家黎之前記得預先訂座呀佢係有最低消費每位80元可以坐1.5小時記得著定襪仔黎呀因為大家要除鞋入內架可能因為這裡的貓貓都有不愉快的經歷有些被主人拋棄有些是在路被救回來所以大家不要太主動哦先說一下食物這邊的食物種類不算很多但是都很美味我就點了芝士焗釀蘑菇扒適合生酮人士即叫即做新鮮出爐好好味大小姐就食香草海鮮蘑菇醬意粉海鮮是普通雪藏海鮮不過蘑菇醬很香飲品方面我們點了凍朱古力及凍latte最後仲點左藍莓芝士凍餅依餐食得好豐富 不過黎cafe當然唔係淨係為咗食喇仲有玩貓架…查看更多

滷肉飯個飯都係貓頭形，貫徹餐廳主題，全部都係貓。白飯混入咗紅米，感覺健康啲而且有唔同口感，伴碟有少許烚蔬菜，半隻糖心蛋，滷肉調味唔太濃郁，滷肉係肥瘦相間豬肉粒，有菜脯豆乾洋蔥一齊煮，餐廳烹調手法健康簡單，可以食到食材原味，偏向家庭式感覺而呢個家庭係有貓嘅，呢度嘅貓好多都係有經歷，所以唔好咁主動，好似喺屋企食飯就可以午餐可以半價轉餐牌上飲品，今次試下安睡茶，有花香同薄荷味，茶隔超可愛太濃味仲可以先放一旁，可以無限加熱水，我加咗幾次仲好濃味，店員都好樂意幫忙加水呢度嘅貓唔會好熱情主動接觸人類，可能都係過去由人類造成，好希望之後可以互相尊重…查看更多

去到冇乜人 環境幾靜個場地少客人勁正 可以隻隻貓都摸到 去到唔記得影相 淨係掛住摸貓 一開始入到間舖頭 店員會同你量體溫 除鞋 同埋消毒隻手 稍微介紹下舖頭啲貓店長有五隻 全部都係做個浪浪 其中有兩隻係孖生嘅貓 ✨細妹叫啤啤 佢好熱情 總有客人入嚟嘅時候 佢都會上前迎接 會走來走去 通常鍾意望窗邊嘅嗰一隻就係佢啦 唔係太鍾意俾人摸頭 雖然唔會反抗 但係會見到佢有幾次都輕微縮開個頭 阿妹比家姐瘦少少 ✨家姐鍾意坐喺個咕臣度放空咁樣望人 咁啱我入嚟坐位置喺佢附近 所以我就坐咗喺佢隔離睇吓佢睇乜嘢 發現佢睇對面啲廚房員工做嘢 跟住我就靜靜地坐喺佢隔離 有時摸下佢 有時陪佢望住對面🤣隻貓好靜好鍾意❤️跟住到我望另外一邊嘅時候 佢又偷偷地望我 我回望返佢嘅時候 佢又即刻避開眼神 覺得有啲可愛 雖然感覺佢有啲怕生 ✨有一隻長毛貓叫春卷 係我差唔多食完嘢佢先瞓醒 所以冇乜摸到佢 因為佢啲毛太長嘅關係 佢食嘢嘅時候好容易下巴就會揩到啲嘢食定係點樣🤣✨灰色嘅貓年紀最老 唔記得咗佢叫乜嘢 我伸手摸佢 佢好似有啲反感 佢當下嘅動作係想伸起隻手 想示意我 唔想俾我摸 咁我都明白（可能做過浪浪 所以對人比較防備 所以之後我都冇摸到佢 而且佢都老唔想刺激到佢）✨唯一一隻男仔貓叫姜B 唔鍾意俾人摸 店員話摸佢嘅話要快 摸完要即刻縮手🤣如果唔係會抓你（咁不如唔好摸 雖然我試過摸佢一次 嗰陣時店員冇講 但隻貓只係伸出抓 輕輕咁答落我隻手度示意其實當下有少少失落 因為互動性係差咗啲 因為想摸 但又唔想迫佢哋咁樣 跟住食到差唔多 店員都好有服務 幫我個嘢飲加水 俾咗一條貓條我 攞去餵佢哋食嘢 有咗嘢食啲貓貓都比較親切🫠又開始開心返🤣🤣🤣我係兩個人去嘅 最後買單先發現 啲嘢食除咗單叫之外 仲有套餐選擇 會平啲！同埋記低電話號碼就可以做會員 好似有得免服務費！…查看更多

行經尖咀搵野食, 一搵見到有貓店, 立即walk-in 試下.入面的清潔做得很好, 一入去要除鞋, 要清毒雙手, 就坐後店員仲好耐心逐隻貓介紹, 貓貓都好乖, 怕人的都在籠中, 其他都可以摸, 只會俾D 時間, 溫柔摸, 隻隻都摸得. 最近門口的貓貓更是名種貓, 還是領養的, 真想不到. 講返食物,  個 日式蕃茄雞柳燴飯是一種水平,  香草海鮮意粉配磨菇醬就有驚喜, 食得到D 醬汁不是普通汁, 一問之下果然是自家製, 怪不得有咁多菇肉, 和罐頭開出來的完全不同, 且仲落唔少, 令我覺得個食物物值呢個價($108).至於個茶就有 D 怪, 蘋果薑果粒茶 飲不到 蘋果味, 薑味也很弱, 店員指是因為試過薑味重顧客接受不到, 但我就不太接受這個講法, 2個主要味道都無, 實在是是扣些分數.至於個水蜜桃果粒茶就好少少, 但都是很淡, 果香薄弱, 希望改善吧. 店裡沒有限時, 還加了我當會員, 感覺頗親切. …查看更多

🍚台式滷肉飯 $68感覺像住家飯，是用心烹調的滷肉飯～滷水蛋亦很入味，擺盤是貓咪的形狀🐱✨(原本去猫Cafe只是想玩貓，但沒想到食物亦非常不錯✨👍🏼)===========================🍜叉燒湯烏冬 $58仍然是家的味道～猫cafe來說，算是不錯～🍥===========================🍹飯/麵送飲料一杯，我們點了柚子蜜，店員見我們喝得差不多，會主動為我們加熱水😍店舖支持領養代替購買，而且疫情其間，客人進內前會主動幫客人消毒雙手，之後亦會主動為客人介紹每隻猫咪🐱Ps如果你幫猫咪按摩得舒服，它會主動黏住你～灰色猫很高冷，聽說它之前曾被主人棄養😢～～～～～～～～～😋美味指數：7/10🧼環境衛生：8/10👼🏻服務態度：8.5/10💰人均消費：~$63 …查看更多

吸貓吸貓聖誕節去開party 點可以有啲新意？ 同毛孩一齊過啦！ 貓喵堡既給貓貓一個家又可滿足無貓者嘅貓竇！當中有小小毛孩勁貪玩， 又有懶懶閒嘅成熟穩重主子！ 重有熱情嘅貓貓 有啲貓貓可以抱抱架！ 嚟開party la 一路食一路玩😍…查看更多

貓喵堡🔍🖇新地址：📍尖沙咀海防道30號2樓📍放假唔想淨係行商場咁悶，就即興搵左間貓cafe休息下。想講下佢地啲喵喵先，😂完全唔理人架！儘管買埋零食同罐罐，佢地都係對你不理不睬，有隻仲全程望窗口，好似好想出街咁。😂👣最低消費就叫左依個牛油果三文魚吐司，食材新鮮，牛油果份量好足！😍但就沒有太大驚喜。相信大家都係想挽喵喵多過食野！😆😆🔥唔知有無啲咩可以吸引到多啲喵喵呢？🐱…查看更多

係舊地址已經幫襯過，今次再黎，食物依然保持水準👍🏻一直好欣賞呢間cafe 提供暫托及領養，支持領養不購買。最主要係食物好味😋，而且只要每人最低消費滿80蚊就可以同貓貓任玩，唔需要逐小時收費。滷肉飯用左糙米，雖然我平時好少食糙米，但係呢個飯整體感覺唔錯，唔會太咸，但會食到肉香，飯仲特登整左貓頭嘅形狀🐱，令賣相更吸引。原本想叫慢煮牛，因為之前食過印象深刻，不過可惜佢未準備好，所以今次冇緣分食。不過錯有錯著叫左雞肉意粉一樣好好食！雞肉有基本調味再香煎過，所以幾惹味。另外意粉同樣配合得好好，食得出好香牛油味，有蘑菇片、蘑菇蓉、洋蔥粒，食落好似有啲蒜蓉味，整體唔會太油，味道配合得好。大愛❤一定再返黎食！…查看更多

🐱貓喵堡🐈身邊好多黃絲都好鍾意小動物而我個米飯班主就好鐘意貓貓ε=ε=ε=ε=ε=ε=┌(;￣◇￣)┘可愛貓貓(´･ω･`)本「闊啲」其實就唔太識分貓嘅品種見到可愛就會去做貓奴俾貓撚一撚我最霸氣係有一隻灰色英短傲嬌貓MIMI你同佢玩個時佢又唔理你仲要攻擊你你唔同佢玩個時佢又會係你後面經過做開二等公民嘅我表示好好玩好爽呀仲有其他可愛貓不過我唔識分咩品種有兩三隻貓仲成日打交俾老闆話佢地俾人鬧完佢哋就乖乖地分開咗一陣間不過隔一陣佢地又會繼續打交咁樣姐高尚理念(*´∇｀*)貓喵堡支持以領養代替購買而我哋都好十分支持呢樣野有好多無良奴才都係唔想養將主子們遺棄喺街自生自滅無諗過係香港呢個石屎森林喺條街度可以搵到啲咩嘢食仲有變態佬會餵佢哋食毒藥而貓喵堡會同義工合作救貓提供舒服環境比貓重新適應俾機會更多奴才去領養主子所以有時會有唔同既貓出現大家唔好以為主子被消失左主子只係去咗個更好嘅家庭環境舒服╰(*´︶`*)╯♡呢度既設計好有屋企溫馨嘅感覺奴才們入去之前要喺外面先除鞋然後照慣例咁量體溫同消毒雙手有兩張枱係和式設計有個坐墊坐咁就可以拉近你同主子們的距離另外有五六張枱係正常木製設計主子們會趁你離開咗張凳嘅時候光明正大咁坐上去同伸個懶貓腰搞到係你呢個奴才坐咗佢張凳咁睇得出佢哋生活得舒服自由自在優質服務 d(^_^o)其實鍾意動物嘅人都係面慈心善望落會覺得好舒服善良襟睇嘅樣又有禮貌仲會推介今日精選套餐有時間嘅話仲會分享主子們性格高質食物 ✌︎('ω')✌︎次次黎都食左貓喵堡台式滷肉飯除咗有店員推介佢之外係因為我食過真係好食我平日麻麻哋食紅米糙米個類因為覺得健康嘅嘢食都唔好食不過呢個滷肉飯整得好食又健康仲有個可愛貓貓頭既形狀可打卡另一個日式叉燒湯烏冬都好食烏冬唔會煮得太腍無左個口感湯底濃度啱啱好食完唔會口渴大家上去之前記得打電話去預約啊…查看更多

細細間樓上鋪, 但店主十分友善, 會同客介紹每一隻貓的名字比佢哋認識, 又提供貓貓玩的玩具比客人同貓貓玩, 店舖內有起碼有十多隻貓, 有幾隻會好痴人, 敲敲枱就會爬上枱比你任摸唔嬲。午餐食物味道一般, 杯蕎麥茶好飲, 我仲叫左咖啡慕絲蛋糕, 甜品好好味, 值得試下。同貓貓一齊好開心, 好舒壓, 陪左我三個鐘。 …查看更多

遲咗半年先記得寫過嚟呢邊🤣☆☆環境超乾淨，連廁所都乾淨過人☆☆☆貓大約6隻。☆▲ 多士卅幾蚊一片係凍嘅，係凍嘅，係凍嘅！搽上去嘅牛油完全一D都唔溶。 ▶▶(此事有向舖頭反映，工作人員認真致歉稱下次會改善，感覺得到佢地有誠意)◀◀▲ 咖啡四十幾蚊杯，飲落去係幾十蚊一大樽果種即溶咖啡味，係好難飲。▲ ▲ 單邊枱張長木椅好高，好窄，好難坐，正常女仔一定坐到斜哂吊哂腳。▲ ▲ ▲ 疫情期間枱枱都食緊嘢但全場無任何隔板。…查看更多

CAFE 光猛，光線充足，可望見外面樹木，使人感到療癒。出乎意料之外，食物好味。餐具多以貓為主題，十分可愛。店舖對貓貓好有愛，貓貓好乾淨。適合愛貓之人前來進膳，與貓貓親近。…查看更多

細細個已經好鍾意貓😸偏偏就係無機會養到🥲唯有去貓貓cafe頂住癮先😂貓喵堡主要係暫托流浪貓貓🐱幫佢地搵住好人家💛 非常之有意義🥺鼓勵領養代替購買👍除左玩貓貓🐱 當然唔少得係食野啦🤤醬汁比較家庭式 有一粒粒鮮蕃茄🍅牛柳煮得夠淋 味道都唔錯👍個招財貓碗好靚😍 叉燒都幾大塊整得夠入味🤤 當然無得同拉麵店比啦但個烏冬都唔求其架😋 好彈牙👍😻蝶豆花梳打🍹 ($42)見親呢杯野飲都好想試😂可能鍾意佢隻漸變紫色💟但我好似落得太多🥲 好清爽 唔會太甜☺️ 😻纖體茶🫖 ($55)飲落似唔甜嘅檸檬茶 聞落都好香嘅☺️成杯野都幾養生嘅感覺😂😻Mimi (不賣😸) 記得第一次去一埋去摸佢就即刻出爪😾身為貓奴嘅我真係諗起都興奮🥰今次再黎Mimi已經乖左好多啦☺️摸頭都無反抗🤤 但就真係只限摸頭😂希望佢同其他貓貓都可以健健康康啦😻…查看更多