貓啡

📍 貓啡 Catfe📍今次介紹嘅旺角嘅一間樓上貓貓cafe💕🐈🐈‍⬛🐱貓奴嘅你地一定要去喇！整體空間都算大，坐得都舒服😍呢度嘅貓貓嘅可以領養架，就算唔領養，餐廳每個月嘅收入都會捐錢去慈善機構，好有意義～➖➖➖招牌蒜香蟹肉明太子闊條麵 $128 9/10 🔥🔥🔥份量唔算好大碟，但因為真係好creamy，炒到好香，仲有以明太子畫出嚟嘅Meow嘅肉球，真係好正！搞到好想再食多一碟😍➖➖➖咖喱吉列豬扒飯 6.5/10份量足夠，但飯比較凍同埋有啲晏，吉列豬扒大塊都找得香脆，但整體冇熱辣辣嘅感覺，相對意粉CP值就低啲喇🫠➖➖➖脆薯角 $58 7.5/10 🔥🔥即叫即炸，份量都唔算少，仲配合埋黑松露醬，十分之惹味！➖➖➖🔥🔥🔥 （Highest Recommend) 地點：貓啡 (旺角)旺角彌敦道577號高氏大樓3樓A室…查看更多

諗住開開心心同小朋友去貓cafe慶祝生日,餐廳標榜係會幫助流浪貓貓.不過入到去俾我嘅第一感覺好差幾位女店員都係黑口黑面咁,其中一個係带帽嘅,唔知係嫌我哋多人定成日叫佢哋攞餐具,次次都係黑口黑面唔耐煩咁,佢哋冇嘢做都係坐晒喺度吹水咋嘛又唔係忙,搞到我自己都唔好意思叫佢哋.上晒所有嘢同埋其他人嘅嘢飲,諗住問下杯抹茶到未,個店員勁唔耐煩咁嘅樣同我講沖緊,好似要受佢氣咁我哋帶咗生日蛋糕上去,佢哋收咗我切餅費,但完全係零服務、零餐具俾我,仲要係叫先俾我,蛋糕擺低就算,仲要係成間餐廳咁大,都唔夠叉用跟住係我切完蛋糕都未有,我就用我自己嘅碟同叉算（好在跟蛋糕送咗set餐具俾我）如果唔係當時真係好尷尬 ~總言之呢間嘢唔會有下次,我隔咁耐都要講返呢件事係希望俾更多人知道,佢哋所謂嘅唔限時亦都係任佢哋講,我哋都有俾佢哋吹我哋交枱,佢話已經有人等緊,但出面係一個客都冇,態度另人不能接受！唔好意思或者多謝嘅說話完全係冇嘅！…查看更多

暑假到尾聲，就帶小朋友去貓啡吃晚飯順便同貓咪玩。呢到有最低消費每位$100。地方都不算大，大約有30隻🐱，不過位置很方便，食物有意外驚喜，好好味！🤤Order 3 set Meowの套餐@$128·溫泉蛋卡邦尼扁意粉+是日小食+百香果菠蘿冰沙+$5·巴馬火腿辣茄闊條麵+$10+是日小食+百香果菠蘿冰沙+$5·巴拿馬風乾火腿薄餅+是日沙律+菠蘿沙冰+$5·另加日式唐揚炸雞配自家製他他醬$48貓啡 (旺角)旺角彌敦道577號高氏大樓3樓A室…查看更多

今日同小朋友特意嚟呢間貓貓cafe搵貓貓玩放鬆下，因為知道佢地係會收養流浪貓貓嘅Cafe， 覺得別具意義。呢個環境用上木系風格同埋綠色作裝修，覺得幾舒服休閒。呢度都有成五六隻貓貓又有唔同性格，同每隻貓貓玩下都幾治癒，摸住佢哋毛茸茸嘅背同頭，夠晒得意。場內有注意事項，提提大家點樣同貓貓友好相處👍當日見到佢有特別推介嘅窩夫，可以揀朱古力或者焦糖口味，我哋就揀咗焦糖口味試下。食落好味道，暖笠笠，貌相吸引，外皮又夠鬆脆，窩夫蛋香味濃!仲點咗朱古力蛋糕，朱古力味濃郁，蛋糕食落濕潤唔乾身，yummy! 飲品方便就揀咗杯flat white同埋鳳梨西梅柑桔檸檬茶。嘆住甜點同飲品，一邊同咁可愛嘅貓貓互動，實在寫意！…查看更多

- 位於旺角的Catfe貓啡,環境舒適優雅,是您與毛小孩共度閒暇時光的絕佳之選。 🌳- 不定期會有待領養的可愛貓貓出沒,讓您一邊品嘗美食一邊欣賞牠們的可愛模樣。 😻- 「Meowの套餐」精心設計,包括了日本刺身級帶子蒜香辣椒意粉和招牌蒜香蟹肉明太子闊條麵,既營養均衡又美味不凡。 🍝- 美食還可搭配是日小食和沙律,以及草莓牛奶冰沙和蘋果汁等清爽飲品,令人回味無窮。 🍨- Catfe貓啡位於旺角彌敦道577號高氏大廈3A樓,交通便利,是您聚會、工作或放鬆的理想去處。 🚇- 無論是貓迷還是單純喜愛美食,Catfe貓啡都能帶給您一個愉快的用餐體驗。 🐾…查看更多

今日假期諗住試下去貓cafe，點知第一次真系勁失望😕ig就寫無限時，但入場前個金髮女職員就已經話限時90分鐘，之後就要離開，佢話系因為依加有人數限制喎...ok fine我算。一坐低已經覺得環境唔多好，一尼音樂太大聲二尼隻隻貓都好似無尼神氣咁，出面已經熱入到尼室內冷氣都唔夠非常悶熱，幾乎隻隻貓都瞓哂，諗住一場尼到又有其他客喺度依加走好似又肉酸左d，然後有隻橙色貓貓走左過尼我身邊，一開始都覺得佢幾得意，後尼見到佢頻頻捽眼捽到紅哂🥴。叫左個意粉同杯凍朱古力，職員尼到就擺低然後真接走左去乜野介紹都無，杯野飲就正常啦雖然冰都頗多同埋朱古力本身都好難沖得難飲😅不過個意粉嘅份量真心少到喊出尼，個碟就夠哂大個呀，但d粉嘅份量就真系三兩啖就食哂仲要死咁咸，咁樣收百幾蚊一碟真心超唔抵。雖然都聽過下呢d動物cafe都一定偏貴，但無諗過真系性價比會咁差啫😢然後另一隻橙白貓喺我附近嘔，職員見到之後只系用張濕紙巾抹左一下同用噴霧噴左兩下，睇佢個樣好似已經習以為常咁，睇d貓嘅身型都系偏瘦，除左一隻特別肥之外😂我諗平時佢地d糧都系唔系太多🤔btw呢90分鐘真系好快就過左，職員又真系好老實地準時叫我走，然而當時客人得個10個8個，都幾無奈😮‍💨我諗我應該都唔會去其他貓cafe啦，始終喺呢間個體驗已經打沉左我。如果大家未尼過嘅話就唔好尼啦，真心超唔抵。…查看更多

貓貓餐廳都去過幾間，呢一間貓貓餐廳特別之處，就係入邊嘅貓全部都係流浪貓，而且仲提供領養服務💗入到去餐廳，餐廳嘅設計好靚，光線亦都好充足，影相出嚟嘅效果都唔錯，去到嘅時候， Kiana就同貓貓開始玩，一路玩一路等嘢食黎，你食嚟咗之後，唔到擺盤好得意，有隻貓貓腳喺度😍食物味道都唔錯☺️如果想餵貓貓食罐頭或者肉泥，可以早啲同店員講，就唔會撞到貓貓開餐時間🫶🏻大家去開旺角都可以嚟試吓，探吓貓貓或者支持下都好呀🥰…查看更多

今日嚟到油麻地呢間好靚嘅貓Cafe，店入面有20幾隻貓店長😸🐈每隻都好乖好得意，了解先知原來全部貓貓都係浪浪，Cafe亦會將部分收入捐助流浪貓，冇上頸帶嘅貓貓仲可以領養㗎，空間好大，每個位置都會有貓貓陪住你🐱.Meow套餐（$138up）溫泉蛋卡邦尼意粉🍝意粉係扁意粉，夠彈牙多汁，撈埋半熟溫泉蛋好正.辣肉腸薄餅🍕細細個即焗嘅要等一陣 有六片辣肉腸 熱辣辣都幾惹味.炎炎夏日，叫返兩杯冰凍飲品，套餐只係加幾蚊就有，性價比好高🙆🏻‍♀️朱古力沙冰同百香果菠蘿沙冰🍧，一上枱嘅時候隔離貓貓即刻望住，為食貓貓🐱.🤤未飽啊指數: 8.5/10👍🏻餐廳性價比: 8/10.貓啡 (旺角)旺角彌敦道577號高氏大樓3樓A室.#hkfoodieblogger #hkfood #foodporn #meibaoar #foodie #飲飲食食 #hkeat #openricehk #hkfoodpic #hkfoodblogger #hkig #hkfoodie #香港美食 #852foodie #foodpornhk #l4l #foodporn #buffethk #foodgasm #foodlover #veganfood #eat #foodpics #cafehk #hkcafe…查看更多

貓啡大概是最好吃的貓Cafe，食物做得相當不錯，位置很方便，就在旺角彌敦道，從地鐵站走過來都是幾分鐘，一進來就被一大群貓貓迎接, 貓貓都很親切友善 店員都打理貓貓很乾淨店內環境衛生也是10分棒！ 還有不少有品種的貓 例如布偶貓 英短（可能貓的主人有事不能照顧）無論店員還是客人也好nice 喜歡貓的人都很有愛！每隻貓都被照顧得很漂亮，店內免收入場費，只有minimum charge $100小孩子也可以入場 大家都好乖 好溫柔對待貓貓太幸福了☺️-最重要食物品種多又好吃，朋友大讚牛角酥超好吃！雪糕還用上了movenpick雪糕 太有良心了吧! 是一間用心經營的cat cafe🩷Cafe的景觀很開揚，有些E型貓在門口迎賓，我就跟貓貓懶洋洋的坐在塌塌米上看著繁忙的街道，是有趣的反差飲品方面超喜歡這裏的「生椰拿鐵」香滑的椰奶和咖啡的碰撞，太好飲了！喜歡飲咖啡的很推薦Meow 套餐因為每人最低消費$100 所以我們選了這款套餐.包含了飲品，小食和沙律 因為不太肚餓，所以選了Pizza可以 分着一起吃這款有點日式風情的Pizza很足料Pizza很多芝士和雞肉粒 好吃到連貓貓都走過來觀察一下…查看更多

知道朋友係貓奴🐱，特登搵咗間貓貓cafe。 餐餐位於旺角，入去餐廳之前先要消毒同埋確保有著襪，如果無著襪嘅話都可以比$6買一對。 入到去空間感十足，四圍都係貓貓，有普通檯椅，搖搖椅，榻榻米位置任你揀。 餐廳養嘅大部份都係流浪貓，如果大家有興趣，店主可以讓客人領讓呢度嘅流浪貓貓，牆上有唔同貓貓嘅名同資料，或者大家都可以掃貓貓頸上QR code。 我哋先揀咗幾款食物，當餐點送到嘅時候，其中一隻貓貓仲跳咗上對面張檯望住我哋食，非常可愛😻 喵全日早餐🐱：呢個all day breakfast 好豐富，顏色又吸引。首先有一塊貓咪吐司，烘得都幾香脆；另外炒蛋非常嫩滑，充滿牛油香味，亦有陣陣香草味；煙三文魚帶有陣陣煙薰香氣，入口甘香濃郁；大啡菇菇味香濃，香氣四溢；腸仔香脆，咬落多汁；沙律菜新鮮爽脆。 招牌蒜香明太子蟹肉闊條麵：蟹肉明太子意粉有好豐富嘅明太子，食落每條意粉都黏住明太子，咬落去好爽脆，感覺好有層次。以明太子鹹香味再配搭蟹肉鮮甜味，味道相當配合，意粉軟硬度適中。意粉食落亦感覺好creamy，非常美味。碟上仲畫咗兩個貓貓肉球，so cute 😍 生椰拿鐵🥥☕️：有淡淡嘅椰香味，配合latte 味道都幾配合。…查看更多

貓啡作為我其中一間最愛嘅貓Cafe，梗係要返去再支持吓。今次去到見到多咗個人食客，一邊拍着貓屁屁，一邊享受被主子寵幸嘅個人時刻。最值得稱讚嘅係呢度冇限時，一個人喺度兩、三個鐘都冇問題!👍今次叫咗個大啡菇意式雜菜扁意粉跟生椰拿鐵，送是日小食：薯角。百零蚊 價錢中規中矩 絕對合格有找👍椰子拿鐵都唔錯，不過如果有埋熱飲就更加好～呢度啲貓貓全部都好好脾氣，親人親貓又貪玩。就算帶埋小朋友過嚟都唔驚。📍貓啡…查看更多

因為居住環境所限，我唔可以養貓，所以一有時間我就會去不同既貓貓cafe同貓貓玩吓。今次就去左貓啡度搵貓貓陪我食左個午餐。貓啡有別於一般既貓貓cafe，入面既貓貓大多係流浪貓，唔係全部都名種貓。貓啡入面每隻貓貓都有自己既故事，每隻貓貓都有不同性格，cafe有向牆上貼出每隻貓貓既名同性格。Cafe全日免入場費，只收飲品同食物費用，於非繁忙時間更不設時限。今日係午餐時間黎，客人唔算太多，大家可以按自己喜好選擇想坐邊張枱。今次點左蒜香蟹肉明太子闊條麵同巴拿馬風乾火腿薄餅。廚師門好有心思，闊條麵碟上仲有用明太子整成既貓貓腳印，得意到唔捨得食；而薄餅係用貓貓造型既薄餅盤盛載，超得意😍…查看更多

返左一星期工，又到星期五加上連假，心情特別興奮，今晚就約左中意貓貓既朋友去旺角貓cafe，貪佢又有得玩又有得食💕🪄Cafe有套餐點選，包是日小食同飲品🍸🩵套餐：Meowの套餐$143～是日小食：粟米豬肉炸餃～溫泉蛋卡邦尼扁意粉～菠蘿沙冰是日小食好似每日吾同，今次係粟米豬肉炸餃，熱辣辣咬落香脆，作為餐前小食唔錯🥟🥟我本身都好中意食卡邦尼意粉，因為中意佢多汁又夠哂香濃，餐廳用左扁意粉去煮，扁意粉掛汁入口煙靭，上面仲有一隻溫泉蛋，將溫泉蛋篤穿撈勻落扁意粉，令每條扁意粉都充滿蛋香，飲品叫左菠蘿沙冰，飲落酸酸甜甜，非常解渴啊😆🩵套餐：Meowの套餐$171～是日小食：粟米豬肉炸餃～招牌蒜香蟹肉明太子闊條麵～朱古力沙冰因為見到係招牌，所以叫左招牌蒜香蟹肉明太子闊條麵，食落好creamy，蟹肉都好多，闊條麵唔會過軟，重點係碟上仲用明太子畫左貓貓腳印，感覺很窩心，朱古力沙冰飲落朱古力味香濃，口感冰涼，夏天飲好消暑😚🌟餐廳環境主調用左白色同綠色，營造左一個柔和舒服既感覺，仲可以揀坐喺地下進餐，零距離同貓貓邊食邊互動，而且呢間貓cafe貓貓好親人，會主動行過嚟搵你，坐係你隔離，好有親切感😸😼…查看更多

去過好多間貓貓Café, 但呢間Café係最特別的，因為餐廳大部份的貓都係收養的流浪貓，唔會話好親人，但係一樣係非常可愛，餐廳每個週末仲會幫助流浪貓們搵合適的收養家庭，滿滿的愛心Café，非常推介比各位貓奴。以為佢只係一間貓Café對食物質素都唔會有過高期待，點知又有驚喜啊! 首先是餐廳環境極之舒服，仲有個大假草地比貓咪們四圍走，無一隻貓貓係被限制自由的，所有客人都歡迎同貓咪們互動，真係好有愛。今次上來主要目的是同貓咪玩，所以同朋友都只係點咗小食，當中日式唐揚炸雞配自家製他他醬係好味的，炸雞熱辣辣又夠香口，配埋個自家醬相當惹味，個醬碟都係貓貓圖案架，相當可愛。而佢地的特飲相當唔錯架! 玫瑰荔枝椰果梳打，唔會話太甜又解渴，荔枝味重，配埋Pizza一齊食就一流啦～貓啡係無限時間的，想留幾耐同貓貓玩，想食幾多亦可以，之後我地仲加點咗個燒章魚丸子，唔錯的小食，一邊同貓貓玩，一邊享受美食，放工後約埋朋友嚟Chill一Chill, 絕對是為繁忙的生活加添一點樂趣。愛心滿滿的貓咪Café…查看更多

朋友去呢度傾吓傾，食下野。入到去好多猫猫，差唔多有20幾隻，有家猫有名種，隻隻都好精靈，好活潑。草地俾猫猫有個大自然嘅環境，仲有一個好大既跑步機。我地坐左係搖椅，d猫猫都好鐘意呢個位，呢度猫猫好溫馴，好親人。真係一個猫奴聖地，同咁多猫玩好治癒！關鍵係猫猫可以收養的。叫左兩個set食溫泉蛋卡邦尼扁意粉+小食+朱古力沙冰卡邦尼汁好濃厚，仲有好多煙肉，加左溫泉蛋更加滑，小食係日式煎餃子🥟，好味！朱古力沙冰有啲甜，如果冇咁甜就好。意式雜錦辣肉腸薄餅+沙律+白桃蘋果椰果梳打猫猫非常之想食我地的pizza，難道香得滯！？Pizza係足料同埋好多芝士，好香嘅！白桃蘋果椰果梳打都係偏甜左少少。…查看更多