豪隍點心工房

出開觀塘，突然諗起《豪隍》就諗住行去鴻圖道。我地經成業街行去，途中見到一間冇招牌，但有個燈箱响門口，見到點心同價錢，以為係新餐廳，望真啲原來就係《豪隍》！仲好唔使行到咁遠。以前佢間舖响尖沙咀時就不時都去食，自從搬咗嚟觀塘反而少食咗，幸好嘅係點心嘅質素都保持到。我哋點咗6樣嘢我覺得最好食嘅蝦餃，好不幸亦有一樣非常唔好食嘅係蘿葡糕。落完單唔使一分鐘就有熱辣辣嘅《墨西哥叉燒包》，每次嚟我一定會點佢，好鍾意佢墨西哥包嘅鬆脆，同叉燒又好夾，加上佢嘅醬汁juicy，食落唔會好口乾。不過今次食感覺唔夠尖沙咀時期咁好食咁，但我覺得未食過嘅話，呢個係必點。跟住上菜嘅係《豪隍蝦餃皇》，無錯佢的確係蝦餃皇，蝦餃中之霸，佢個size比以前更大粒，漲卜卜，冇可能一啖放入口。外皮做到好薄，完成透視到入面嘅蝦肉，我用筷子夾開個外皮，裡面全部都係蝦肉，而且啲蝦肉係爽口彈牙，滿口都係蝦嘅香味，食得一隻實在有啲少。第三樣上菜嘅係《脆皮銀蘿腸》，呢個係幾特別同好食嘅點心，外層係薄薄嘅腸粉皮，第二層係脆皮，有啲人話係春卷皮，跟完係蘿蔔絲同芫茜。佢做到個外皮好鬆脆，入面嘅蘿蔔絲好甜好juicy，加上芫茜嘅香氣，比我上次食過另一間嘅茶樓更好食。第四樣上菜嘅係我想退貨嘅《生煎蘿蔔糕》，本身肉眼睇都覺得好似好乾咁，入口只係食到堆粉而丁點蘿蔔嘅口感都冇，呢個係令我覺得失望嘅一個點心。跟住又係主角之一嘅《蝦仁燒賣皇》，佢呢個皇同樣係當之無愧，同蝦餃一樣係大大粒，淨係頂頭粒蝦仁已經冇得輸，將燒賣一開二，入面全部都係蝦肉，入口爽彈又juicy。認真去望粒燒賣，好似個餡入面唔覺有豬肉咁，滿滿都係蝦肉。嚟到最後一樣係《豉汁蒸排骨》，蒜香味非常濃郁，排骨醃到好入味，肉質亦夠淋，相信佢個蒸排骨飯會更加出色，啲汁滲入啲米飯度，真係不得了。唯一有個位係我個人唔太喜歡佢啲排骨嘅肥膏比較多，我除咗要吐骨外，仲要吐肥膏。仲有一個係必點嘅係《蒜蓉芝士鮮蝦長春卷》冇點到，呢個又係嚟豪隍必點嘅菜式之一。同埋家下佢多咗好多小菜，下次認真要試吓。…查看更多

喺觀塘想簡簡單單飲杯茶，食兩籠點心，我會選呢間豪隍點心工房。餐廳裝修簡單親民，點心大件夾抵食，今次點了蝦餃、燒賣、牛肉球和脆皮銀蘿腸。店員話食物不添加防腐劑，即叫即蒸，上枱時點心確是熱辣辣。味道方面，是想像得到的點心味道，用料上算不上高質，但味道上正常發揮。點心的大小，反而令我睇到時有點驚訝，蝦餃王和燒賣王都是大大粒的，比正常大小的起碼大三分之一，令人食得很滿足。食完想買點生貨回家做早餐或下午茶，店都有提供賣生貨，還教你食用方法，不錯啊！踏實的味道，親民的價錢，值得支持!…查看更多

豪隍點心工房 (觀塘)，位於香港觀塘成業街30號華富工貿中心地舖。第一次到豪隍點心工房，點了四款，山竹牛肉球$27、四寶雞扎$35、鳳爪排骨飯$39、蜜汁叉燒腸$33。每款點心正常發揮，我比較喜歡鳳爪排骨飯，鳳爪和排骨份量多，肉汁和醬汁兩者配合得很美味。晚上想食點心， 豪隍點心工房都是一個好選擇。🏷️溫馨提示～ 整個用餐體驗均屬個人分享意見， 只作參考😊。豪隍點心工房 (觀塘)地址: 香港觀塘成業街30號華富工貿中心地舖…查看更多

💥#食在香港 #點心控集合 💥今日食咗間超驚喜嘅點心小店 ✨好多朋友都話食點心要成大班人先夠過癮，但呢間真係超適合少人去！因為—每碟份量都唔多，好似燒賣咁，一籠得兩粒，咁就可以嗌點心啦！🤭😍最surprise我嘅係燒賣同蝦餃竟然大到好似我隻拳頭咁大！😱唔係誇張，一啖落去勁有存在感～ 🤤 蝦餃皮薄蝦爽，燒賣肉汁勁香，咬落去仲有爆汁feel 💦！除咗呢兩款，我哋仲試咗好多款都好正嘅點心：🔸 流心奶皇包 —— 奶黃餡真係爆漿！一撕開就流心，香滑唔膩，甜得啱啱好 😍🔸 香煎蘿蔔糕配XO醬 —— 外皮煎到金黃，XO醬略辣但超惹味，食到停唔到口 🔥🔸 脆皮蘿蔔絲腸 —— 外層炸到酥酥脆脆，入面蘿蔔絲甜甜地，好有層次感 ✨總結：**小店氣氛舒服，點心精緻又有誠意，唔洗多人都可以開心食點心！**🥢🧡記住要早啲去，唔係好快就爆場～🧡🧡🧡環境：🌕🌕🌕🌗🌑味道：🌕🌕🌕🌕🌑服務：🌕🌕🌕🌑🌑回頭指數：🌕🌕🌕🌕🌗📍豪隍點心工房 (觀塘)觀塘成業街30號華富工貿中心地舖…查看更多

豪隍點心工房嘅「生料點心」真係驚喜滿分！💥 之前叫外賣為咗湊單，順手加咗燒賣皇同蝦餃皇生料試吓，諗住雪櫃有存貨隨時蒸嚟食～點知放足一星期再拎出嚟蒸20分鐘，味道竟然同堂食差唔多！🔥 燒賣皇真係無改錯名，大大粒爆餡，豬肉同冬菇比例啱啱好，咬落去仲有肉汁滲出嚟🤤。蝦餃皇仲誇張，入面啲蝦多到差啲爆出嚟，仲係爽口彈牙！ 最抵讚係佢哋連生料都咁足料，自己蒸仲可以控制火候，出嚟效果同新鮮整一樣正～以後唔使驚叫外賣食唔晒，雪幾件生料喺屋企，隨時有茶樓級點心食！👏 #豪隍點心工房 #生料點心 #蝦餃燒賣控 #雪櫃常備 #自己蒸都咁正…查看更多

豪隍點心喺觀塘一向有兩間分店，據聞敬運工業大廈嗰間搬遷咗更當眼嘅呢間成業街街舖，有新裝修同新menu，所以急不及待嚟試試。平日晚市基本上唔使等位，大概三份之二滿，而且有卡位坐，坐得幾舒服。晚市都係主打點心，仲有蒸飯同米線。鹹魚肉餅飯 ($39) ★★★★✰鹹魚好惹味好好餸飯，甚至唔使點落豉油都夠鹹；肉餅就正常發揮，不過兩個餸嘅份量都慷慨，甚至覺得啲飯唔夠餸啲餸紅油抄手 ($29) ★★★★✰$29有五粒咁大粒嘅抄手好抵食，皮薄而且餡料肉同菜嘅比例啱啱好。不過佢個紅油醬比較重沙嗲味，有啲似街邊賣咖喱魚蛋嘅汁多過正宗川菜嘅紅油。酸甜青瓜配金沙骨 ($39) ★★★★✰金沙骨炸得金黃香脆，裏面嘅豬肉都幾鬆化，而且骨唔多亦易食。不過始終炸嘢食多幾嚿可能會覺得有啲油同重味。青瓜就有解膩refreshing嘅作用。總括而言，豪隍新舖保持到一貫嘅好質素，環境舒適，而且價錢一啲都唔貴，連茶位$100/位內已經可以食到好幾碟點心好飽，值得我定期再幫襯！…查看更多

今日去左觀塘成業街既豪隍點心工房飲早茶，呢到環境闊落，有好多卡位，坐落好舒服。食物方面，點心好高質，蝦餃燒賣都係大大粒，燒賣有大大隻蝦，彈牙好食，而且蝦餃燒賣都好新鮮，十分好食，另外叫左香茜牛肉腸，啲皮好滑珍珠雞份量都多，一籠有2大個珍珠雞我地2個人叫左4籠點心，都已經十分飽肚，好滿足，最後2個人都係食左$104， 對比起其他酒樓黎講，呢間點心工房價錢係好抵食，食物質素唔錯，係間性價比高既點心工房。…查看更多

🔖 豪隍蝦餃皇 $29 [🥔🥔🥔🥔🥔]雖然佢一籠只有兩粒 但係兩粒都好大粒一粒都可以咬好多啖 入邊有好多隻蝦 大滿足！蝦餃嚟講 個皮都相當重要 雖然佢好大粒 餡料好足 但皮唔會好厚👍🏼味道亦不錯🔖 豉汁蒸鳳爪 $29 [🥔🥔🥔🥔]醬汁調得幾幼 鳳爪都好入味 同埋幾淋 份量都算多 幾抵食🔖 蒜香芝士鮮蝦長春卷 $39 [🥔🥔🥔]本身有啲擔心芝士會唔會有啲漏呢？食完又唔會喎 仲要係即刻炸 好脆！同埋春卷個size好易入口 唔會食到好呢hea🔖 蜜汁叉燒腸 $33 [🥔🥔🥔🥔]好食嘅腸粉一定要皮薄餡靚！哩到嘅腸粉皮除左夠薄 仲帶點煙煙韌韌 叉燒夠林唔會話好韌✐ ʀᴇᴍᴀʀᴋ : 5嚿薯仔係最高分…查看更多