出开观塘，突然谂起《豪隍》就谂住行去鸿图道。我地经成业街行去，途中见到一间冇招牌，但有个灯箱响门口，见到点心同价钱，以为系新餐厅，望真啲原来就系《豪隍》！仲好唔使行到咁远。以前佢间舖响尖沙咀时就不时都去食，自从搬咗嚟观塘反而少食咗，幸好嘅系点心嘅质素都保持到。我哋点咗6样嘢我觉得最好食嘅虾饺，好不幸亦有一样非常唔好食嘅系萝葡糕。落完单唔使一分钟就有热辣辣嘅《墨西哥叉烧包》，每次嚟我一定会点佢，好钟意佢墨西哥包嘅松脆，同叉烧又好夹，加上佢嘅酱汁juicy，食落唔会好口干。不过今次食感觉唔够尖沙咀时期咁好食咁，但我觉得未食过嘅话，呢个系必点。跟住上菜嘅系《豪隍虾饺皇》，无错佢的确系虾饺皇，虾饺中之霸，佢个size比以前更大粒，涨卜卜，冇可能一啖放入口。外皮做到好薄，完成透视到入面嘅虾肉，我用筷子夹开个外皮，里面全部都系虾肉，而且啲虾肉系爽口弹牙，满口都系虾嘅香味，食得一只实在有啲少。第三样上菜嘅系《脆皮银萝肠》，呢个系几特别同好食嘅点心，外层系薄薄嘅肠粉皮，第二层系脆皮，有啲人话系春卷皮，跟完系萝卜丝同芫茜。佢做到个外皮好松脆，入面嘅萝卜丝好甜好juicy，加上芫茜嘅香气，比我上次食过另一间嘅茶楼更好食。第四样上菜嘅系我想退货嘅《生煎萝卜糕》，本身肉眼睇都觉得好似好干咁，入口只系食到堆粉而丁点萝卜嘅口感都冇，呢个系令我觉得失望嘅一个点心。跟住又系主角之一嘅《虾仁烧卖皇》，佢呢个皇同样系当之无愧，同虾饺一样系大大粒，净系顶头粒虾仁已经冇得输，将烧卖一开二，入面全部都系虾肉，入口爽弹又juicy。认真去望粒烧卖，好似个馅入面唔觉有猪肉咁，满满都系虾肉。嚟到最后一样系《豉汁蒸排骨》，蒜香味非常浓郁，排骨腌到好入味，肉质亦够淋，相信佢个蒸排骨饭会更加出色，啲汁渗入啲米饭度，真系不得了。唯一有个位系我个人唔太喜欢佢啲排骨嘅肥膏比较多，我除咗要吐骨外，仲要吐肥膏。仲有一个系必点嘅系《蒜蓉芝士鲜虾长春卷》冇点到，呢个又系嚟豪隍必点嘅菜式之一。同埋家下佢多咗好多小菜，下次认真要试吓。…查看更多
晚上想食点心， 豪隍点心工房都是一个好选择。🏷️温馨提示～ 整个用餐体验均属个人分享意见， 只作参考😊。豪隍点心工房 (观塘)地址: 香港观塘成业街30号华富工贸中心地舖
