豪大大雞排 (觀塘廣場)

台式轟炸三重奏邪惡度爆表卻停不了口豪大大鎖定人氣攤位試齊炸雞排、鹽酥雞同炸蚵仔！所有嘢現炸，雞排厚實過癮——外皮酥脆帶點薄粉，咬下「咔哧」聲超治癒，肉汁瞬間迸發，醃料鹹香透骨；鹽酥雞更是驚豔，椒鹽撒得勻透，雞肉嫩滑不乾柴，一口一顆徹底上癮！炸蚵仔則顯功夫，裹粉極薄，蚵仔肥美爆漿無腥味，蘸少少胡椒鹽更提鮮。整體炸功了得，油溫控制精準，毫無油膩感。唯獨蚵仔稍有小顆，若再飽滿些更完美。這攤三重奏邪惡度破表，卻讓人甘願淪陷！去隔離配杯冰涼珍珠奶茶，就是夜市終極享受～😍😋…查看更多

成日經過都見到好多人排隊尤其係放工時間！今日放咗工約咗朋友食晚飯中間有段時間，而且有啲肚餓所以就過嚟叫咗個小食嚟頂一頂肚～就咁望一望個門面嘢食種類，好多選擇，仲要圖文並茂，因為只係想食輕食就冇叫到佢嘅招牌菜—雞扒但係排隊前前後後，其實都係叫雞扒食嘅我就叫咗一個甜不辣食啫等咗少少時間 （我諗大約5至10分鐘到），因為始終係即叫即炸炸起嘅時候，店員會再問需唔需要辣～落咗辣粉係好惹味既～炸得好味，熱辣辣！要等一陣先可以入到口🤗付款方式暫時唔包括八達通～…查看更多

想食好耐，特別係宵夜時段😆，可惜早打洋，次次宵夜時間都買唔到🥲。為左成功可以外賣送餐，為左想食，轉下午茶時段食😂，終於……熱辣辣又漂逸四方嘅香味送到。💥酥炸杏鮑菇（原味）炸粉好薄，好脆👍🏻，杏鮑菇唔韌，粒粒有飽滿感，好有口感，好好味😋。💥魷魚鬚（辣味）🦑呢種炸粉較厚身，:)較硬脆但唔影響魷魚鬚嘅質感，配上了辣粉，味道更豐富。💥香香雞（辣味，全份）有半份或全份選擇，全份份量比想像多，啖啖肉，每粒撒上了辣粉，食得更滋味，好好味。食唔停，三款都好好味，好滿足！…查看更多

當晚其實本身約左朋友係觀塘食飯，之後再去佢朋友開嘅Clubhouse Grand Opening， 但係佢地黎到觀塘已經好紋水，人齊嘅時候已經差唔多夠鐘開始活動，所以就唯有求其係觀塘廣場度搵d grab food食算。咁我見成個廣場都係得幾間小食店，來來去去都係果d魚蛋燒賣腸粉，可以快靚正咁解決到肚餓充飢嘅問題，而又可以拎住食。咁作為一位Foodie梗係要揀下有咩好食先出手啦，而我就係呢個moment見到豪大大雞排專門店出左新Product— 豪大大炸魚排，我即刻比錢等左五分鐘左右就到手，一塊熱辣辣嘅魚排啱曬咁凍嘅冬天進食。…查看更多

非繁忙時間去買，收錢哥哥一直對穿著校服嘅同學態度不友善！落order要跟足佢規矩夠大聲，要面向佢落單！落單無号碼比顧客，隨便喊食物名稱問要晤要辣🤔所有客企係鋪位前，究竟叫邊個🤷‍♂️亂曬龍🙈重要好似係客錯曬咁…查看更多

我們點解要返觀塘、收工太多歡樂、終於走到觀廣！今次嚟到觀塘廣場！天氣真係好凍、夾雜着寒風！除咗着多件衫之外、當然要買包熱辣辣嘅炸嘢食下先！今次我揀咗炸菇食！揸住係手熱辣辣！都係覺得暖d!至於味道方面，一啲都唔馬虎！同埋可以稱得上好食！辣辣地鹹鹹地！而且都炸得幾脆下tim!抓住一路行一路食！呢個感覺好似係台灣夜市買嘢食一路行一路食咁！而家無得去旅行！喺呢度搵到去左台灣感覺！而且佢哋服務態度都唔差！值得一試…查看更多

豪大大雞排最大特色除了是大件夾抵食外，我覺得係佢哋整得好惹味，好多地方都有炸雞，唔知點解佢哋整得嘅味道係好特別，尤其辣味，啲辣粉並唔似普通辣粉！👍.豪大大雞排都係外賣，店舖間間都只係廚房，作為食客，當然最緊要好味。.餐牌方面其實除左大大件炸雞排、雞脾、雞翼等，都有輕量版，亦有炸菇、墨魚丸、薯條、薯餅、素春卷等不同食品，價錢大眾化。.我今次叫了輕量雞排 $25 ⭐️⭐️⭐️⭐️，平時我一般叫大雞扒 $38 ⭐️⭐️⭐️⭐️，輕量雞排感覺上可過口癮，同時好似食少啲無咁熱氣😅🤣輕量級都唔算細，都成隻手掌大。.我覺得豪大大雞排的外層整得好好味，不單程脆，而且味道調得令味蕾上癮。…查看更多

12/11/21 下午5點幾經過突然想食就買啦兩星期前曾經幫襯過太子個間地瓜條&雞粒半份….即使翻炸雞粒同地瓜條… 都可以係暖同埋地瓜條係硬實，真係好難食；加上份量極少，拿上手好輕…今次幫襯觀塘呢間真係好唔同， 同樣幫襯半份雞粒同地瓜條；成份野都係新鮮滾熱辣，地瓜條係好酥脆，雞粒又夠熱同脆，成份小食真係好好味😋 有機會都會繼續幫襯；同埋成份小食係有重量！ 同太子真係差勁遠！諗返太子阿叔真係好無誠意，點解份雞粒同埋地瓜條翻炸完都仲可以係暖🙄🙄🙄 仲要地瓜條硬實到係好難咬開…唔知貨既問題定翻炸多次問題…查看更多

行開觀塘，好耐冇食過豪大大雞排🐣，見冇乜人排隊，就買咗半份唔辣嘅香香雞😙😙😙，盛惠$25👍🏻👍🏻👍🏻抵食😌雖然去唔到台灣食正宗嘅豪大大雞排🐣，但觀塘呢間分店個水準都唔差😋😋😋。我自己就比較鍾意食香香雞多過食雞排，因為香香雞細細粒容易啲食，食下一粒又一粒，真係好邪惡😈😈😈呢間香香雞都幾脆口，唔係咬落去一pat粉淋哂咁，喊嘅味道都ok，不過食完都幾口渴🥤🥤🥤，我覺得半份已經好夠食，一個人叫一份應該食唔晒😅…查看更多

放工行過俾一陣香味吸引左 原來係豪大大雞扒 好耐無去過台灣了 忍唔住思鄉既情緒 我買左炸雞扒同一串炸花枝丸 雞扒我覺得進步左 比起之前更加juicy同唔鞋口 火候控制得好左 另外 花枝丸配上少少辣粉 真係好夾…查看更多

平時幫襯開呢間豪大大，都係叫大雞扒、鎖骨(大推)或者脆骨，今日忽然好掛住台灣QQ既甜不辣，於是叫左份辣既，20蚊有15條，圍起黎個幾一條，價錢算抵。十二點到，呢個時間人客唔算多，等左兩三分鐘就OK。拎上手，隔住袋都feel陣熱氣，明顯新鮮炸起，唔係預先炸定漏起果啲。即刻用竹籤拮一條上海年糕形既甜不辣，放入口，外皮脆，心就軟，辣粉均匀，鹹度適中，同台灣本店食既幾乎一樣，超好味！甚至太快食唒，忘記影相………查看更多

今日行開觀塘廣場，就去咗買一袋鹽酥雞食。估唔到雞粒份量都幾多，夠晒我食。雞粒外皮好脆，加上出邊鹹鹹地嘅椒鹽粉，非常美味。雞粒都幾滑，唔會炸到乾晒。粒粒都係一口size，好方便進食。…查看更多

平時都幾鍾意食炸雞，咁岩經過，又聞到好香，所以決定買一份香香雞同fd share一齊食。叫左小辣，啲辣粉同調味粉都潵得好均勻，唔會有啲冇有啲又太多，食落粒粒都好滋味，不過啲雞有少少柴，但整體來說都算唔錯，幾好食…查看更多

最鍾意食豪大大嘅香香雞，因為周圍都有鋪頭，每間舖頭嘅地點都唔錯，所以十分方便。炸雞來講，佢基本上都係即叫即炸，因為好多人買，所以唔驚佢會擺到林晒，佢嘅調味粉都好好食，鍾意食辣嘅都可以叫佢加少少辣。…查看更多

炸雞一向都係我至愛，去台灣唔成就唯有喺香港食下啲台灣炸雞，滿足下自己。即使係同一品牌，唔同嘅分店水準都會唔一樣:)，依間炸物水準都比較穩定。今次見鹽酥杏鮑菇有特價就要埋啦鹽酥杏鮑菇。外表香脆，裏面唔乾仲好juicy，而且粒粒都好大粒，食落有口感。甜不辣。煙煙韌韌，炸到脆卜卜加埋啲調味料，正！鹽酥雞。一粒粒，唔會黐埋一舊，香脆可口，要咗大辣，辣得好過癮總括嚟講，依間分店的確係幾好嘅質素，水準相對穩定，唔會炸到好乾，因為食過其他分店係炸到成條柴咁…查看更多