象泰宴

想食西餐但有狗狗好多坐室外既，都要當你外賣，咁有咩意思？ 我買返屋企食啦諗起li間以前食過幾次lunch,今次就試吓晚餐，住喺呢邊幾年都未試過幫襯晚餐😅五個人，叫左個四人餐再加其他野，個四人餐女抵食，有成五款野。我哋叫左明爐烏頭-正常咖喱牛腩-咖喱夠濃唔係水汪汪蝦肉炒飯-有驚喜個飯好有鹹香味，粒粒分明又唔油豬手煲-就算淨係用都唔會鞋生菜包-正常外加：串燒-好食 唔乾 仲即燒。蒜蓉包-正常。生蝦-無特別所有嘢飲都半價，啤酒都係$29杯，抵啲服務又好，侍應成日會走出嚟睇下我地有冇野要跟，又好笑容😊成餐飯食得好開心好滿意。埋單仲唔過一千，真心勁抵食…查看更多

今日去咗屯門整車，反正都要等成個鐘頭多，週圍行睇下搵唔搵食hea下時間，行到附近見到呢間食泰菜，門口個餐牌幾吸引，價錢仲好經濟，見到入面有位，就試試啦！下午茶由28蚊至44蚊不等，仲包飲品，又可以追加小食泰式雞柳炒金邊粉$42上枱見份量好多，大大碟真係唔似下午茶份量，配料有豆卜，芽菜，蔥，蛋和雞柳，不過河粉炒得唔夠乾身，雞柳亦唔多，味道一般（本身想追加個月亮蝦餅，不過賣曬）餐飲熱咖啡冇乜特別總結位於屯門嘅平民泰菜，價錢合理，服務好，上菜快，雖然算得上係天花板級數，呢個價錢嚟講，都冇乜嘢好投訴…查看更多

@象泰宴今日經過屯門置樂,見到呢間泰菜門口餐牌都好似幾吸引（特別係杯火龍果芝士沙冰）,喺呢個咁熱嘅天氣,確實係幾爽,侍應畀咗卡位我哋,呢度係QR code落單的,不過最後我哋懶得搞搵咗侍應幫我哋點餐📌泰式雞柳炒金邊粉粉炒得比較濕,冇乜鑊氣,河粉亦沒有燶邊,只有少少雞柳,肉切得好薄冇乜口感,呢個味道我就麻麻📌菠蘿炒飯拼雞串燒呢個算炒得唔錯,乾身,仲有兩條雞串,大大舊肉,配埋沙嗲醬,都幾惹味,呢個價錢嚟講算幾抵食📌火龍果芝士沙冰(+$12）呢個沙冰唔係好甜,有芝士奶蓋,我覺得呢個價錢好抵飲,簡直透心涼📌紅豆冰（+8）唔太甜,紅豆夠淋,不過紅豆太少總結：環境坐得舒服,地方唔算太方便,落單後大約十分鐘就有得食,下午茶份量多,呢個係值得一讚,性價比高,不過論味道就一般,不過不失…查看更多

叫左4人餐，5分鐘左右，炒飯已上….之後每隔3-5分鐘就有食物上…..擺唔晒架….侍應直接比我拎住😌生蝦一隻一杯咁裝….最後一隻，我媽未食，侍應黎收碗時，叫我媽食埋先，因為佢要收碗🙂餐廳話用餐時間只可1.5小時….其實，45分鐘，我4大2小已經食完….當然仲食淨好多野….咖哩蟹飽…咸雞腳…偏甜生菜包…勁多肥肉冬陰公…好一般串燒雞….🫣 明顯係急凍串招牌蝦餅….🫣小食拼盤隻雞亦都唔好食第一次食….無下次…查看更多

這間泰國餐廳是我和男朋友經常光顧的地方食物質素與價錢性價比極高！每次想吃泰國菜的時候也會想起這裏$298 二人套餐 包括三款自選菜式！！✨曼谷火山排骨每次來到必點的餐點！極力推薦！調味非常惹味，不會太辣火山骨部位優質，啖啖肉份量極多！實在是大滿足！✨蟹肉炒飯雖然蟹肉不算非常多，但感覺新鮮而且整碟炒飯也炒得夠乾身其他配料如蛋和肉鬆，增加味道層次感感覺有四大碗飯的份量✨小食拼盤有四款泰式小食不過相對其他餐店普通平常通常是會點串燒或蜆煲今次只是想嘗試一下新的東西…查看更多

⭐️食評：中等評價的美食體驗最近我到了一間餐廳，品嚐了他們的招牌菜品。整體來說，這裡的用餐體驗還算不錯，值得一試。⭐️環境餐廳的環境十分乾淨，桌椅擺放整齊，讓人感覺舒適。燈光柔和，適合和朋友聚餐或家庭聚會。⭐️菜品我點了咖喱雞和海南雞，配上白飯。1. 咖喱雞：這道菜的味道相當好，咖喱醬香濃，雞肉軟嫩，搭配白飯非常合適。香料的調配恰到好處，不會過於辣，讓人吃得津津有味。2. 海南雞：雖然這道菜的雞肉質感不錯，但略顯平淡，缺乏一些風味。雖然雞肉鮮嫩，但搭配的醬汁似乎不夠突出，讓整體味道稍微遜色。⭐️價錢價錢上來說，這裡的菜品定價中肯，符合一般消費者的預期。相對於食物的質量，這個價格還算合理。⭐️總結總的來說，這是一個值得推薦的地方，特別是對於喜愛咖喱的朋友。如果你對海南雞的期待不高，它也可以滿足基本需求。期待下次能嘗試更多菜品！…查看更多

第一次幫襯，兩個大人叫咗二人餐加個冬陰功湯，食到好飽！-星期六晚，八至九成滿座，因為有預約，所以唔需要等位，環境裝修充滿泰式風味-焗黃咖喱軟殼蟹麵包，麵包鬆軟，咖喱香口，軟殼蟹酥脆，唔錯-無骨豬手煲，豬手炆到好入味，皮軟肉滑，本人覺得唔點泰式醬更好味-蟹肉炒飯，個飯炒得好乾身，香口，調味簡單，蟹肉味不太突出，不過不失-冬陰功湯，材料豐富，有一隻蝦，味道不錯，本人覺得可以再辣多少少，可能比較偏向香港人口味-整體不錯，有機會想再嚟些吓其他菜式…查看更多

星期六夜晚8點零鐘嚟到，室內同室外都已經好多人，好彩室外啱啱好有張2人枱✌🏻點咗2人餐，A揀1款，B揀2款，每款選擇都好似主菜咁，好豐富。A我揀咗泰式經典明爐烏頭：幾好味👍🏻酸酸辣辣咁，個底仲有粉絲B揀咗泰式肉碎生菜包食泰國嘢我係必點生菜包，好開胃，而且肉碎同生菜份量都好多B另外仲揀咗招牌蟹肉炒飯味道唔錯，不過就淡咗小小，我會加埋生菜包d肉碎撈埋一齊食😁2人餐$298，如叫飲品就跟餐半價性價比高，份量又多，味道又幾好👍🏻…查看更多

象泰宴總括黎講係一間性價比都高嘅泰式餐廳，經常都爆滿人，有少量露天雅座，天氣好嘅話喺室外坐都會幾舒服。餐點碟碟都好大份，味道都可圈可點。咖哩軟殼蟹麵包有濃濃嘅椰香味，唔會太辣，厚厚嘅多士沾著咖哩食，十分唔錯。去骨海南雞嘅雞肉同雞皮十分之滑，冇住煮得過老。馬拉盞肉碎炒通菜炒得有鑊氣，鹹香辣味十足，十分之惹味。泰式明爐大蜆鍋 算係一個偏酸嘅湯品，鍾意食酸嘢嘅朋友可以試一試。個人最喜歡佢嘅菜品係蒜蓉麵包，麵包大大條 而且烤得好脆口，蒜蓉味十足，大大啖咁咬十分滿足。…查看更多

叫左個套餐試價錢好抵、一主菜及兩伴菜二人餐$298明爐魚、海南雞、串燒加錢可叫生蝦特飲半價我地仲另叫左碟馬拉盞炒通菜月亮蝦餅很脆食物來得快服務態度有禮貌👍🏻👍🏻👍🏻…查看更多

同屋企人落街食飯，咁岩想食泰國野就揀左呢間泰國餐廳，點咗一個2人餐$298，一共3個菜式可以揀。好大份，可以比3個大人食飽。夜晚7點呢啲位，排1，2張枱就有位。😋咖喱軟殼蟹包好巨型，咖喱醬好好味，個包係蒜蓉包黎，令整道菜味道更豐富！個麵包好軟容易入口，吸左咖哩汁好好好食。而軟殼蟹好脆，但係味道就普通。泰式串燒 (雞、豬各3串)好大舊肉，我地2個人食唔曬。豬肉有點硬，沙嗲醬的花生及椰香正好，唔會好死甜。蟹肉炒飯都係好大份！加左好多蟹肉同雞蛋去炒，食落蛋香豐富，乾身而粒粒分明，但個蟹肉味就比較唔突出。整體比較淡味。人均💰：$160…查看更多

係open rice訂枱，去前打去confirm,好似吾多清楚，即刻先安排，去到環境可以，因為我地多人，所以坐得比較迫小小，如果多人空間吾吾夠，不過整體都算ok!比起之前係天水圍其他間既泰國野有水準多,跟住我叫左個6人套餐，我屋企人同我都覺得最好味係咖哩軟殼蟹，另外豬頸肉吾韌，肉串拼盤都好食同金邊粉都ok,但相對套餐飲品半價都要10幾蚊，覺得有d貴,如果食物份量可以多返小小就好喇下次有機會會再試下。…查看更多

好味呀！今天放學經過見到有新野出，即係通知媽咪，不用煮晚飯，去象泰宴食咖哩蟹套餐，我哋選配椰青蜆湯及爸爸至愛生菜包！仲有4條蒜蓉包配，但忘記影相，總之一句話。。。正！…查看更多

4/4/2024 假期，是日已卜這間象泰宴，因為想食泰菜 屯門區，所以訂了4人位，與家人吃晚飯。已往是門口等滿人的，現在差了。我們點了4人餐 $488， 另晒叫了冬蔭功湯，簿餅，3杯凍飲品，其$701 已包加1。📌串燒 ： 雞豬這串燒太大件了，不像是串燒，是雞件，豬件吧，不喜歡這樣的串燒，味道一般可以，可惜只是暖，不熱辣辣的。📌咖哩牛楠煲咖哩汁幾好，夠辣的，牛腩差，只是肉的硬，是急凍牛腩，不新鮮哦。📌冬蔭功湯這個好飲，料很多，好味📌炒泰式金邊粉差，比較濕，不飲炒，無鑊氣，似厦門炒米，只轉了粉吧了。只道就是厦門炒米味。📌火山骨這個正，好味，點上汁液，酸酸辣辣的，開胃好味，但又是不夠熱，只是暖，靠熱汁料吧。推薦試試。📌不記得這菜名，似是海鮮蜆肉粉絲煲這個湯好鹹，其他餸料還可以。📌薄餅這個都唔掂好油，濕濕的感覺，不好食。📌椰汁冰很OK, 可以，夠凍，飲左好飽肚的，不建議飲，自己決定吧。⭕️總結：唔掂，不會再來不夠熱味道唔多得地方不大，十餘張枱，比較迫員工做野都唔得，無記性，又亂，落錯單賣錯野…查看更多

如果經過屯門兆麟，一定一定要嚟試呢個二人餐，真係物超所值，單係一個火山排骨，出面食都差唔多一嚿水，如果乜都唔加配，星期六日加埋一都只係百六蚊，兩個人都會攬住個肚走，哈哈！🥢超值午市二人餐 $146 ⭐️⭐️⭐️⭐️🥬蝦醬炒通菜正常散叫份量，通菜脆嫩爽口，蝦醬味香濃，不過食到底真係有啲鹹。🐷迷你火山排骨🌶️其實一啲都唔迷你，大概有三條骨，排骨夠腍又入味，最精髓係個醬汁，辣得嚟又惹味，不過超bb辣level嘅我就覺得好辣，試少少還可以。🍚蟹肉炒飯炒飯炒得夠乾身又有鑊氣，簡簡單單嘅蟹肉同肉鬆已經好好味，不過一碟份量太多食唔晒。🥭芒果芝士沙冰 (另加 $12）芝味唔突出，亦唔夠沙冰，似芒果汁多啲，不過好香好芒果好啱我。🍍菠蘿芝士沙冰 (另加 $12）呢杯比較沙冰啲，芝味同樣唔突出，菠蘿好多又唔會太甜，不錯選擇。二人共消費：$187…查看更多