豚丼のぶたはげ (德福廣場1期)

今日同男朋友嚟到德福行街呢度真係好多嘢食 選擇困難咁啱經過見到做緊推廣有限定嘅套餐 賣相都幾吸引入咗去食 好鍾意佢推嘅春之四色- - - - - - - - - - - - - - - - - - - - - - - -1. 春之四色刺身定食好鍾意呢啲定食嘅擺盤 細細碗好滴骰啱晒細食嘅人食到4款唔同迷你海鮮丼飯仲有前菜(醃蘿蔔)、茶碗蒸同味噌湯滿滿春季鮮活風味 完美結合鮮美同清爽一餐試到咁多樣嘢 帶嚟唔同味覺享受第一碗係醬油漬蛋配木魚絲丼 呢個配搭好正濃郁醬油漬蛋黃同帶有魚鮮香味嘅木魚絲軟嫩嘅蛋對比脆脆口感嘅木魚絲都幾得意第二碗係拖羅蓉海鮮丼 個拖羅蓉係好細膩順滑有陣豐富油脂香味 上面仲有啲通透嘅三文魚籽入口更加豐富 三文魚籽會喺口入面爆出嚟第三碗係帆立貝丼 新鮮嘅帆立貝都幾大粒肉質食落係有飽滿感覺 同埋都好鮮甜滑嫩第四碗係醬油漬吞拿魚配魩仔魚丼一半鋪滿醬油漬熟成、柔軟細膩嘅吞拿魚醬油漬將鮮味昇華 散發深邃醬油風味另半鋪咗入口即化嘅魩仔魚 多咗海鮮鮮味2. 德島魩仔魚漬番茄呢個跟餐加配就有 本身都好鍾意食番茄諗住加嚟當係前菜咁食 點知出奇地好配合真係幾啱用嚟開胃 因為清爽酸甜嘅漬蕃茄搭配脆炸、鮮香咸味嘅魩仔魚 都仲係好清新同埋每嚿番茄都係爽脆多汁 好多水份～3. 澳洲和牛壽喜燒御膳壽喜燒愛好者唔會錯過落單試試鍋入面除咗必有嘅牛肉、生雞蛋仲有金針菇、白菜、豆腐、冬菇跟餐配埋副菜、刺身、茶碗蒸仲有海老味噌湯 湯底唔會好咸牛肉唔會好嚡 送到白飯刺身包括大蝦、三文魚、象拔蚌尤其隻蝦特別肥美好欣賞個味噌湯本身已經好足料好多豆腐、紅白蘿蔔、薯仔、蒟蒻仲加咗櫻花蝦點綴 睇落個餐即刻高級感升 飲落都好濃郁鮮美…查看更多

小編今日來到九龍灣一間日本過江龍店「BUTAHAGE 豚丼のぶたはげ 」（豚丼本家），由日本北海道引入香港，成為首間海外分店✨ 主打日本料理包括日式燒肉丼、海鮮魚生丼、壽司定食等 🍱店內裝修還原北海道總店風格，以溫暖木條與經典紅色為主調，營造出日式街頭小館的氛圍🎌「鰻魚御膳」包含鰻魚三吃、當季刺身拼盤、豚肉味噌湯、果茶及甜品🍨 鰻魚外皮微焦，內裡綿密滑嫩，醬汁香甜不膩，鰻魚三吃以「原味」、「配料佐味」、「茶漬飯」三種不同吃法品嚐👏🏼三文魚、帶子及赤蝦刺身新鮮爽甜🐟 再喝一口暖胃的的豚肉味噌湯，整體組合豐富，適合想要一次過品嚐多款日式精華的吃貨🍱「炙燒海鮮丼」豐富海鮮堆滿在醋飯上，包括三文魚、帶子、赤蝦及三文魚籽🐟🦐 經過輕炙後更添香氣，海鮮鮮味十足，特別是魚籽在口中爆開的瞬間，鮮甜濃郁，搭配微酸的醋飯✨🍽 ：鰻魚御膳；炙燒海鮮丼👅好味指數：8.0/10；8.0/10💰消費：HK$193；HK$98📍 地址：BUTAHAGE 豚丼のぶたはげ (九龍灣) 九龍灣偉業街33號德福廣場1期地下G54A2號…查看更多

今日又同女朋友去九龍灣德福搵食！發現呢間餐廳嘅澳洲和牛壽喜燒定食真心抵食～ 我地叫咗兩個定食，一個當然係和牛壽喜燒，兩個set都跟足前菜、湯、飯同甜品，非常豐富！澳洲和牛壽喜燒定食一上枱已經聞到濃濃壽喜燒醬香～ 和牛片油花靚，輕輕淥幾秒就食得，入口即化又juicy！湯底甜鹹度剛好，配料有豆腐、金菇、野菜，索晒湯汁好入味👌 女朋友話呢個價錢食到咁質素和牛真心驚喜！環境方面坐得舒服，服務幾好，不停幫我哋加茶。埋單計返百零蚊個set，以和牛質素來講性價比高！女朋友已經bookmark咗話下次要試埋其他定食～ 九龍灣打工族或者行街肚餓絕對可以encore！#德福美食 #澳洲和牛 #壽喜燒 #高性價比 #情侶晚餐 #九龍灣隱藏美食…查看更多

晚餐選擇了這間日式餐廳，不用等候我們二人選擇了壽喜燒鍋，以及滑蛋飯套餐，本來諗住平平無奇，想不到有驚喜。一個套餐已經包含了甜品和前菜，刺身也很新鮮，很豐富，值得再試！ 如下次經過那個商場亦會再一次光顧 …查看更多

今次叫左期間限定拖羅丼飯同牛肉丼飯拖羅丼飯食落去都幾新鮮😛醬油夠香同濃厚加埋Wasabi岩岩好🙌🏻牛肉丼飯嘅牛肉都烤得啱啱好醬汁都非常掛肉每啖都好有味道同好香對於甜品嘅評價就係唔甜同埋幾清涼路過不妨可以去試吓～…查看更多

北海道帆立貝大赤蝦丼+set $136+10%上菜後真係呆咗，好奇問下店員店員好語氣堅定咁，話三文魚子份量同Menu圖片一樣，係擺法唔同，完全體現到咩叫圖片只供參考明白晒 帆立貝同赤蝦味道正常係三文魚子好細粒同「多」食到後面要齋食白飯之前喺度食過鰻魚飯記得份量都多都ok入到嚟先留意倒限時60分鐘:)入座時店員只提醒要電子支付呢個時勢下咁做生意就真係祝你哋生意興隆，客似雲來啦希望你哋涯得住唔好執呀！！！！！…查看更多

點了招牌的豚肉丼（並盛），升級套餐：包前菜、味噌湯同甜品。豚肉網燒後外層焦香，內裡嫩滑多汁，配上醬汁，甜中帶微辣，佢地既日本米每一啖都充滿米香同肉香，正！豚肉份量足，薄切但不乾柴，醬汁拌飯簡直係神器！套餐的味噌湯，湯底鮮甜，茶碗蒸滑溜。唯一小建議係豚丼的醬汁可以再多啲，會更Juicy。店員態度親切，點餐用二維碼，快捷方便。雖然高峰期略忙，但上菜快。餐廳乾淨整潔，木系裝潢同日式燈籠好有氣氛，但座位較密集。衛生方面做得好，枱面同餐具都乾淨。人均約 HKD 100-150，考慮到豚肉同米飯質素，加上套餐配搭豐富，CP值高！…查看更多

第一次光顧，環境舒適。雖然等餐時間有點長，但感覺食物是精緻即製的。二人點了一個期間限定的海鮮當，一個天婦羅🍤鍋燒烏冬。海鮮當很精緻很豐富，附有三個小的魚生飯，生雞蛋飯和茶碗蒸，亦有麵豉湯，整個餐感覺很豐富！另外的天婦羅鍋燒烏冬是我推介的，天婦羅是現炸，炸漿不厚，烏冬是以石鍋來上菜，是熱辣辣的，湯雖然看著很清，卻是很有味道的。把鍋內的生雞旦拌勻，跟湯底出奇地夾，拌勻後把湯底變成奶白色的，一口烏冬一口湯很好吃。是有點驚喜。這烏冬我升級為套餐，還有果茶，茶碗蒸和甜品，是很豐富的晚餐。…查看更多

上星期五約了朋友近近地在九龍灣食飯聊天, 我想食日本菜. 朋友建議這間餐廳. 我們3人點了3份套餐.帶廣明物稀有豚肉丼（$115大份）這間餐廳主打食豚肉.當然要試一試啦. 餐牌上其實有兩款豚肉,金獎係豚肉眼,另一款係豚腩.視乎你自己想食肥啲或瘦的豚肉. ,最後我們選擇食豚肉眼,果然不算太多肥肉,烤得脆脆甘香,再加上烤汁,拌飯一流😋特上天婦羅御膳# 天婦羅（帆立貝,海老（蝦）,南瓜,秋葵,山藥,四季豆,沙錐魚,紫菜）~ 炸得脆脆&乾,沒有多餘的油份, 蔬菜類食材也食到本身的原味道👍🏻# 前菜# 是日刺身~有一隻大大的海老,鮮甜美味. 另外, 有一片三文魚及幾片貝類的爽口刺身😋😋# 茶碗蒸~有2隻蝦,海鮮茶碗蒸又滑又鮮甜# 甜品春之刺身四式定食（$108）醬油漬吞拿魚配魩魚仔魚丼醬油漬蛋配木魚絲丼帆立貝丼拖羅蓉海鮮丼前菜茶碗蒸味噌湯賣相極度精緻, 各款刺身精瑩通透,閃閃亮, 令人胃口大開.好像不停呼喚我去食它們🤣.當然款款刺身都好好味.不過,好似太多飯.每款刺身下面都是白米飯😅以上定食都可追加$33配前菜+飲品或湯+甜品豚肉湯~有豚肉片,白蘿蔔,紅蘿蔔,薯仔的麵豉湯. 我覺得咸度適中. 食慣清淡的朋友就覺得咸了少少.甜品~黑糖蒟蒻. 不愛甜的朋友應該不太喜歡🤣不過,我覺得可以接受. 因為與黑糖珍珠的味道差不多,黑糖生味道本身偏濃及甜.溫馨小提示：建議可以先取票, 減短等候時間…查看更多

價格親民，食物新鮮有質素，性價比高！一家日本過江龍店，來自北海道帶廣，以豚丼聞名的店子。來到香港後推出多款不同的丼物，性價比相當高，值得推介。德島魩仔魚漬蕃茄，顏色鮮艷吸引，漬蕃茄配炸脆了的魩仔魚，豐富了層次，味道酸甜清新。春之四色刺身定食非常豐富，有帆立貝丼、拖羅蓉海鮮丼、醬油漬吞拿魚配魩仔魚丼和醬油漬蛋配木魚絲丼。帆立貝丼中的帆立貝新鮮、厚切嫩滑。拖羅蓉海鮮丼中的拖羅蓉細膩帶脂香，三文魚籽再添點鹹香。醬油漬吞拿魚配魩仔魚丼，鋪滿了以醬油漬熟成的吞拿魚，肉質細膩，配撘魩仔魚，每口都鮮味十足。醬油漬蛋配木魚絲丼，木魚絲富鮮香，蛋味濃郁，不錯！北海道帆立貝大赤蝦丼，賣相豐盛吸引，升級成定食，有茶碗蒸、前菜、果茶和甜品。刺身新鮮味美，性價比十分高。…查看更多

一行二人，男友食四色刺身定食$108，話個三文魚子係苦嘅，麵豉湯浸味都怪怪地，其他全部都冇乜特別，就係感覺唔新鮮😐😐😐但係食刺身魚生唔新鮮已經好大件事啦我食澳洲和牛烏冬鍋$98，啱啱滾起已經黐底，唔知係澳洲和牛唔好食定係佢呢啲牛唔好食？覺得好似普通肥牛…叫呢個set嘅話唯一好處就係個烏冬食得飽囉…但係最後都好多次黐底食唔到，覺得呢個位好可惜因為我未飽😐😐😐見佢喺德福食嘢個位都好旺，午市時間都多人食，最後都幾失望，定其實今時今日食日本嘢每人$100鬆啲就唔好咁多嘢講？我都唔知，總之冇下次啦…查看更多

今晚同朋友探訪了位於九龍灣德福商場的豚丼のぶたはげBUTAHAGE餐廳，整體體驗十分值得推薦！餐廳內的裝修簡約而充滿日式風格，營造了一種輕鬆且舒適的用餐氣氛。桌與桌之間的間距適中，不會感覺擁擠。燈光柔和，讓人可以享受一頓悠閒的美食時光-🍅 德島魩仔魚漬蕃茄 這道前菜很酸甜開胃！以德島產的優質魩仔魚和漬蕃茄為主角。蕃茄經過細緻的漬製工藝，酸甜的口感完全釋放，既保留了水果般的鮮甜，又不失爽口的特性。細小的魩仔魚柔嫩而帶有淡淡的鹹味，與蕃茄的酸甜形成美妙的味道平衡，清新又充滿層次感，十分適合作為主菜的序曲-🌸 春之四色刺身定食 這份迷你丼定食以春天的色彩和味道為靈感，包括醬油漬吞拿魚配魩仔魚丼、醬油漬蛋配木魚絲丼、帆立貝丼、拖羅蓉海鮮丼，集合了四種新鮮的刺身，包括拖羅、三文魚、甜蝦和帆立貝。每一片刺身都精心切製，展現了廚師的細膩手藝，既保留了魚肉的鮮味，又帶來令人愉悅的滑嫩口感。搭配的味噌湯溫潤入胃，散發著豆香和海鮮的淡淡香氣。再配上清爽的前菜，香滑的茶碗蒸，以及口感脆爽的日式漬物，整份定食不僅口味平衡，視覺也十分吸引。能充分感受日本料理細膩之處-🐽帶廣名物稀有豚肉丼（並盛）這款豚肉丼絕對是店內的招牌！稀有的北海道豚肉質感柔嫩，口感鮮美，搭配的祖傳秘製醬汁鹹甜適中，每一口都讓人回味無窮。果茶則清新爽口，為整個餐點增添了一份平衡感-🍤天婦羅3點 天婦羅香脆可口，炸得恰到好處，既不油膩也保持了食材的新鮮原味。特別推薦搭配附上的蘸汁，味道更加豐富-整體而言，無論是環境還是美食質量都表現出色，非常適合和朋友聚餐或一個人靜靜享受美食…查看更多

🙋🏻‍♂️餓底探員去咗九龍灣調查呢間豚丼店，餐廳主打源自北海道嘅帶廣名物稀有豚肉丼，最近推出咗季節限定嘅食物，有一次滿足4重滋味嘅四色海鮮丼同開胃前菜漬番茄，供應期至6月3日，快啲去食啦🍱春之四色刺身定食 $108🙋🏻‍♂️表示定食有4個迷你海鮮丼，配前菜、茶碗蒸同味噌湯，一個定食呈現出4重滋味，超滿足呀，快啲去感受春季嘅鮮活風味啦🍣拖羅蓉海鮮丼🙋🏻‍♂️表示拖羅蓉口感軟綿細滑，入口即化，油脂豐富帶出醇厚風味，加上爆汁三文魚籽，鮮甜味道充斥整個口腔🐚帆立貝丼🙋🏻‍♂️表示帆立貝口感柔軟細膩，味道清爽鮮甜，配上紫蘇葉令帆立貝更加提鮮🐟醬油漬吞拿魚配魩仔魚丼🙋🏻‍♂️表示吞拿魚以醬油漬熟成，味道鮮甜濃郁，配上德島縣魩仔魚，口感細軟，入口即化，鮮味滿溢🥚醬油漬蛋配木魚絲丼🙋🏻‍♂️表示醬油漬蛋黃味道濃郁，濃厚蛋液配上木魚絲，細滑加上鮮味帶出豐富層次感🍅德島魩仔魚漬蕃茄 $28🙋🏻‍♂️表示漬蕃茄口感爽脆，配上雙重魩仔魚，炸過嘅魩仔魚口感香脆，無炸過嘅口感細軟，雙倍滋味配上酸甜蕃茄，非常開胃🐖帶廣名物稀有豚肉丼(並盛) $95🙋🏻‍♂️表示選用北海道稀有「かみこみ豚」，肉質香軟細嫩，豚肉燒到焦香，配以傳統方法烹調嘅秘製祖傳醬汁，充滿獨特風味，呢個帶廣名物仲榮獲日本全國丼聯盟金賞受賞，勁呀👍🏻🐖稀有豚肉天婦羅刈包 $38🙋🏻‍♂️表示鬆軟刈包夾住以稀有「かみこみ豚」做成嘅天婦羅，配上生菜同秘製醬汁，豚肉天婦羅外脆內嫩，食落充滿肉汁，口感豐富📈吃貨指數😋好味度 9/10🔙返啅度 9/10…查看更多

今日去咗九龍灣嘅「豚丼のぶたはげ BUTAHAGE」🤤試咗佢哋嘅季節限定「春之四色刺身定食」同埋「德島魩仔魚漬蕃茄」🍱🍅估唔到好有驚喜🤪🤪「春之四色刺身定食」：迷你海鮮丼，啖啖鮮甜😚呢個定食包括四款迷你海鮮丼👍🍣醬油漬吞拿魚配魩仔魚丼：吞拿魚肉質細膩，用醬油漬過之後更加惹味🤤魩仔魚入口即化，鮮味十足❤️🍣醬油漬蛋配木魚絲丼： 醬油漬蛋黃濃郁🥚配埋木魚絲嘅魚香，簡直係天作之合🥹🍣帆立貝丼： 帆立貝鮮甜滑嫩，口感細膩，食落好清新👏👏🍣拖羅蓉海鮮丼： 拖羅蓉細膩順滑，油脂豐富🤤配埋三文魚籽，口感更加豐富🤪四款滿足晒我想食唔同海鮮嘅願望啊真係～「德島魩仔魚漬蕃茄」：酸甜開胃，口感豐富😍呢個前菜好特別，酸甜嘅漬蕃茄配埋脆炸嘅魩仔魚，色彩繽紛🤩🤩睇落已經好開胃👍漬蕃茄酸酸甜甜，好清新👏而脆炸魩仔魚就帶嚟酥脆嘅口感，兩者嘅對比好有趣，令人食到停唔到口🤪除咗刺身定食，我仲叫咗個「鍋燒烏冬」🍲烏冬麵條彈牙，湯底濃郁🤤配埋其他豐富嘅配料🤪食落暖笠笠，好舒服🥹…查看更多

豚丼のぶたはげ@butahagehk地址：九龍灣偉業街33號德福廣場1期地下G54A2號舖春之四色刺身定食🍣 $108 成個set有齊四款迷你海鮮丼、前菜、茶碗蒸同埋日式湯，完全係春季鮮活風味嘅完美演繹！🌿🌊 首先講吓個「醬油漬吞拿魚配魩仔魚丼」，吞拿魚經過醬油漬熟成，肉質細膩到不得了🤩，醬油嘅香氣將鮮味提升到另一個層次！另一半嘅魩仔魚軟嫩到入口即化🥰，每一啖都係海鮮嘅鮮甜，真係食到停唔到口！🐟💕 再嚟係「醬油漬蛋配木魚絲丼」，蛋黃濃郁到爆，撈埋木魚絲一齊食，魚鮮味同蛋香完美融合，真係好夾！🍳🐟 「帆立貝丼」嘅帆立貝新鮮到不得了，肉質鮮甜滑嫩，輕輕一咬已經感受到海洋嘅清新氣息😍，真係一試難忘！🐚🌊 最後係「拖羅蓉海鮮丼」，拖羅蓉細膩順滑，油脂豐富得嚟又唔會膩，加埋粒粒飽滿嘅三文魚籽，口感層次豐富到爆！正😆德島魩仔魚漬蕃茄🍅 $28 酸甜嘅漬蕃茄配埋脆炸魩仔魚，視覺效果已經滿分！🍅🐟 蕃茄清新開胃，魩仔魚脆卜卜，兩者嘅口感對比好正😄，食完真係想encore！ 正味噌湯定食 - 鰈魚西京燒配飯🍚🐟 $131 鰈魚西京燒嘅魚肉嫩滑，味噌醬汁香甜得嚟唔會過鹹，配埋白飯真係好滿足！🍚🐟 另外加咗「海老味噌湯」，湯底鮮甜濃郁，仲有大大隻蝦，飲完暖笠笠！🦐❤️ 特大皇帝蟹柳🦀 +$10 蟹柳真係好大條，肉質鮮甜😙，加咗落定食度食，成個餐即刻升級！正 半熟蛋🍳+ $10 半熟蛋流心效果一流😀，撈飯食簡直係無敵！💛 正#nicefoodie九龍灣-—————#BUTAHAGE #豚丼のぶたはげ #春之四色刺身 #德島魩仔魚漬蕃茄 #醬油漬吞拿魚配魩仔魚丼 #醬油漬蛋配木魚絲丼 #帆立貝丼 #拖羅蓉海鮮丼 #德島魩仔魚漬蕃茄 #北海道 #香港 #九龍灣美食 #九龍灣 #美食 #打卡 #九龍灣餐廳 #香港口味 #隱世美食 #隱世小店 #半價優惠 #人氣餐廳 #人氣美食 #香港好去處 #日菜 #日餐…查看更多