豐盛閣

近几年都有同狗狗嚟挪亚方舟酒店度假，房价包自助早餐，如果walk in，官方价系$138/位。自助早餐时段由0800至1030。前年、上年嚟度假，早餐的食物种类大同小异，面豉汤比较令我有印象，唔系因为佢好味，而系少见，再加埋鲭鱼，有啲奇特。虽然系酒店自助餐，但食物选择少，甚至比国内的3星连锁酒店差，可能马湾得一间酒店，独市生意，缺乏提升、进步的推动力。不过，如果佢维持水准都算啦，但今年嚟到，觉得呢度的自助餐越做越hea。自助餐食物只有：沙律区：沙律菜、红腰豆、粟米、2款罐头生果(桃、梨)、4款生果(菠萝、哈蜜瓜、西瓜、青苹果)面包区：3款面包(白面包、麦包、香草意大利包)、牛油、果占热盘：薯饼、鲭鱼、香肠、烤车厘茄、炒杂菜、炒蛋、炒面、粢饭、粥、甜豆浆饮品区：捷荣咖啡、茶、橙汁、柠檬片就得咁多~早餐最好食系香草烤蕃茄，其他乏善可陈。炒蛋唔嫩，唔creamy，唔好食。香草意大利包好似特别啲，但又干又硬。喺各款生果中，蜜瓜、西瓜同青苹果都冇乜味，唔甜，净返菠萝系正常味道。咖啡由咖啡机制作，唔香浓：冇咖啡香，只系冲到好浓。冇嘢好食，只系食正个海景。…查看更多

今日因为参加了团体活动，来到挪亚方舟一日游😆中午时间到挪亚方舟内的餐厅食lunch餐厅有小食，自助餐，另外丰盛阁每日都会有午餐提供。午餐方便包括西式午餐，亚洲中式午餐，及儿童餐❤️儿童餐有两款，一款是吉列鱼柳配牛油粟米，白汁忌廉意粉❗️另一款是我们今日order的款式，麦乐鸡肠仔配笑哈哈薯饼，肉酱意粉❗️凭挪亚方舟入场券，点餐享有八折，所以买单嘅时候记得要出示🥰儿童餐份量都几大😀可以免费有杯汽水，或者加$10转橙汁。食完之后，凭收据可以到厨房领取一杯Movenpick雪糕，有朱古力，士多啤梨，云呢拿味😀总结：价钱还可以，始终乐园收费一定比较贵，但系儿童餐都丰富，又有饮品同埋雪糕，开心😀…查看更多

早排来到马湾去挪亚方舟酒店食海鲜自助餐，有马湾风味菜有热门海鲜兼有美景睇当然食物才是重点餐厅呢次自助晚餐有齐中式及西式海鲜波士顿龙虾及面包蟹，肉质也饱满弹牙 🦞咬下去也不少膏，可以搭配点醋来解腻仲有鳕蟹脚也是任食, 有淡淡甜味唔会咸，唔洗特别点酱我仲有攞啲三文鱼及吞拿鱼刺身, 当然同日式放题店比, 就一定唔系强项热食区唔算好多款，其中有焗羊架，烤得几香唔膻有骨肉眼扒系现场切片，肉质几嫩多汁 🐃个海鲜自助晚餐仲有多款马湾渔村风味菜，如酥炸蚝饼、避风塘虾、豉椒炒鲜鱿及黑松露酱莲藕虾饼等，几香口几有特色. 😋甜品区的选择就反而几多，中西式都有，唔会劲甜，几清新 …查看更多

Weekend去放松下就最开心～近近地去咗马湾挪亚方舟玩，漫步沙滩🏖，一边品尝美食🦞 🐟，一边欣赏全海景的青马大桥、汀九桥景色，夜景🌃就更浪漫！挪亚方舟度假酒店🏨最新推出的🐟 「渔飨丰味」海鲜自助晚餐，有传统马湾特色佳肴，配搭多款海鲜，风味十足。🫶海鲜必食波士顿龙虾🦞、鳕蟹脚🦀鲜甜弹牙。马湾风味的酥炸马湾蚝饼外脆内软，蚝🦪完全无腥味，而避风塘风味虾惹味又弹牙；加上渔村豉椒炒鲜鱿🦑咸香爽口，黑松露酱莲藕虾饼肉质弹牙，黑松露令鲜味提升，香草焗羊架🐑肉嫩少膻味。还有不少冷盘选择，面包蟹🦀肉质鲜甜，翡翠螺、各式刺身，都很新鲜。喜欢杞子桂花糕清甜、意大利芝士蛋糕☕🍰浓香、瑞士卷甜而不腻，还有各款蛋糕切饼，再任食Movenpick 雪糕，好满足～…查看更多

假日又同屋企人入马湾嚟个小度假🏖 兼试下挪亚方舟度假酒店最近推出嘅「渔飨丰味」自助晚餐😋系四月至五月初星期六同公众假期期间限定啊！成人$598/位，小童就$298/位！食自助餐前我地喺酒店旁嘅沙滩散下步relax下度过悠闲嘅家庭乐，周围都好有度假mood，完全唔记得自己身处喺香港😂之后就入酒店享用丰富嘅自助晚餐啦🥰喺呢间餐厅可以睇到180度全海景，可以一边享用美食一边望住青马大桥及汀九桥嘅美景，我地特别拣左窗边位坐，开扬又舒服，日落同晚上时分嘅景色都可以欣赏到❤真系好适合一家人相聚用餐🥰今次嘅自助晚餐注入马湾独有渔村海鲜元素，有好多款融入马湾特色嘅菜式😋 例如酥炸马湾蚝饼、避风塘风味虾、渔村豉椒炒鲜鱿、香煎黑松露酱莲藕虾饼都够香口惹味🤤另外仲有啲异国风味，新加坡喇沙煮蚬、香草焗羊架、红酒烩牛尾、肉眼扒等😍自助餐必试仲有一系列冷盘海鲜，有波士顿龙虾、面包蟹、鳕蟹脚、刺身，都几新鲜！其中面包蟹好多膏，都唔错！甜品种类都算多选择，有朱古力栗子慕丝饼、芒果慕丝蛋糕、红豆绿茶瑞士卷、Movenpick雪糕等！…查看更多