自助早餐時段由0800至1030。前年、上年嚟度假，早餐的食物種類大同小異，麵豉湯比較令我有印象，唔係因為佢好味，而係少見，再加埋鯖魚，有啲奇特。雖然係酒店自助餐，但食物選擇少，甚至比國內的3星連鎖酒店差，可能馬灣得一間酒店，獨市生意，缺乏提升、進步的推動力。不過，如果佢維持水準都算啦，但今年嚟到，覺得呢度的自助餐越做越hea。
自助餐食物只有：
沙律區：沙律菜、紅腰豆、粟米、2款罐頭生果(桃、梨)、4款生果(菠蘿、哈蜜瓜、西瓜、青蘋果)
麵包區：3款麵包(白麵包、麥包、香草意大利包)、牛油、果占
熱盤：薯餅、鯖魚、香腸、烤車厘茄、炒雜菜、炒蛋、炒麵、粢飯、粥、甜豆漿
飲品區：捷榮咖啡、茶、橙汁、檸檬片
就得咁多~
早餐最好食係香草烤蕃茄，其他乏善可陳。炒蛋唔嫩，唔creamy，唔好食。香草意大利包好似特別啲，但又乾又硬。喺各款生果中，蜜瓜、西瓜同青蘋果都冇乜味，唔甜，淨返菠蘿係正常味道。咖啡由咖啡機製作，唔香濃：冇咖啡香，只係沖到好濃。
冇嘢好食，只係食正個海景。
