豐泰牛雜專家

📍豐泰牛雜專家上水龍琛路33號龍豐商場地下27號舖☁️燒賣$11六粒豬肉燒賣，口感彈牙，加上豉油和秘製辣油，辣油好惹味，食到一粒粒辣椒粒。店舖會用蒸籠和白布去蒸燒賣，非常傳統#上水#上水美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#茶餐廳#茶記#港式#港式早餐#粉麵#懷舊風味#燒賣#eating_and_working_in_h_上水…查看更多

係上水搵有咩美食，見到有啲IG推介呢間嘅燒賣，就去試吓。燒賣似乎係自製，入邊有啲紅蘿蔔粒粒同菜。佢唔同平時食開唔嘅魚肉燒賣，係帶點菜味，質感粉粉嘅燒賣，味道同質感都怪怪的。唔推介。…查看更多

燒賣唔好食，好硬完全食唔到落去，唔明點解會有人推介中晒伏。但係入邊嘅粉面係幾唔錯。 啲魚蛋好多好抵食，牛雜好入味。但你唔好expect入邊嘅service會好好係好地道嘅舖頭。…查看更多

十幾二十年之前，我經常喺呢間粉面當食嘢，喺我 印象中味道👅還不錯👍，唔知點解我而家好少去幫襯，所以今日諗住去食個牛雜粉當午餐，當我見到碗粉的時候就心有不妙，正所謂，好味的食物要做到 色香味俱全，不但沒有應有的香味，而且望落去就有少少反胃🤮，個賣相好差，色澤好唔自然，見到就唔食，第一口的感覺好咸，牛雜味道好難食。。。而且環境好一般，服務好一般，水都無得飲，100分滿分，我比佢30分，一句講晒，以為唔會再來食。。。完…查看更多

當我看著這家小店的成長，從12元一包的汽水漲到現在的50元，不禁感慨萬千。記得小時候，我總是站著靠牆吃東西，而如今，我已經老了，現在是坐在圓桌旁食。這些年來，這裡的味道也經歷了多次變遷。偶爾回到這裡，似乎不僅僅是為了食物，更多的是為了重溫那些年與家人共度的美好時光。這些回憶，如同老店的味道，歷久彌新，總是讓人懷念。睇住尼間野開，由12蚊包汽水食到現在50，細細個由對住牆食，老了變坐在圓台食，味道也幾經變化。間唔中回來，也許只是食那些年一家大細的回憶。…查看更多

吃在通關前的午餐， 上水依然寧靜，屬於居民的小社區。 喺平日的午膳時間， 一個人想食碗牛腩飯，在藥房林立的街道中，發現一間看似有點歷史的牛腩麵舖。 點了一個牛腩飯， 價錢不便宜但好在牛腩肥廋分明。辣椒油香而不辣， 作為一個調味料亦是不錯的選擇。我食飯的時候偏向多汁， 希望每粒米飯都沾上醬汁， 呢間牛腩舖嘅湯汁相對較少，但好處是有三四條生菜墊底。 但對於我這些喜愛醬汁的人而言，真的完全不夠，所以厚著面皮叫姐姐提供多一碗腩汁，即刻滿足哂。…查看更多

真真正正見識到貴但不合理了。接近40元吃一餐不飽的，根本就，我不能說是騙錢，但是我只能說不會再過去吃了。油菜更加不用多說17元直接買回去炒都有4碟。分量又少，真心不行…查看更多

呢間牛雜鋪出邊有賣小食，雞蛋仔、格仔餅、燒賣牛肉球、粉果等等。見到好多人幫襯，行去八卦下。見到燒賣$10有7粒好平，買兩串返去食下。▪️燒賣 $10 7粒燒賣餡料係魚肉，食落冇魚腥味，口感彈牙唔會硬掘掘，亦都唔鬆散。size唔大唔細岩岩好，一口一粒。入面有蔥粒，落埋秘製豉油同自家製辣椒油，粒粒都撈到豉油，非常之惹味，味道簡直💯！係我食過咁多間燒賣最好食嘅一間！📍豐泰牛雜專家上水龍琛路33號龍豐花園商場地下27號…查看更多

我將燒賣分兩種，一係點心燒賣，有蝦同豬肉。二係街邊那種燒賣，唔肯定係魚肉定豬肉。街邊燒賣，個人至愛係紅磡林記同今日介紹嘅上水豐泰牛什。呢間店嘅燒賣係位於牛什店出面，有個蒸鍋入面有成盤燒賣同牛肉見到都食慾大振燒賣$10串呢度嘅燒賣餡係有蔥，特別香，煙靱度啱啱好，但我認為林記燒賣更濃味同埋呢度有辣椒油，加少少更惹味…查看更多

在上水想快快趣趣食lunch，就黎到豐泰食粉麵，$36魚旦河，無叫飲品（雖然食完係有啲口渴）有3粒白魚蛋同4塊白魚片，叫做有2款咁唔會悶，加埋有葱同蒜粒，唔會好齋。河粉份量都幾多，食完係飽住走既。魚蛋彈牙，魚片切得夠薄，係好食既環境就較狹窄啦，同埋多大陸人走完水貨黎幫襯。但落單、上菜、俾錢都好快手，下次趕時間會再黎食…查看更多

有陣時間唔中諗唔到食咩好 貪就腳都會食呢間牛腩面店，食過幾次都不過不失咁啦！貪佢落單快、上菜快，即叫即整！話到明牛腩專家，黎親呢度既客人多數都係食牛腩～～有河粉、面可以揀～～呢度仲有魚蛋河、雲吞河、水餃河可以選擇，但少啲人揀～我呢碗加左生菜，想食得健康少少，跟餐加就$7～～牛腩有時肥瘦適中，有時就頭頭尾尾太乾或太肥，如果唔係同老闆熟，睇怕都要撞手神，品質無咩保證⋯呢度啲枱係圓枱，自由坐，要拼枱，環境麻麻地啦～…查看更多

特別的燒賣，有著重重的胡椒味，還有蝦米🦐同蔥花香味。對住一向重口味的老公話係全世界最好味燒賣。對我來說是吃過最特別的燒賣，但還是喜愛鮮魚製彈牙的淡味燒賣多一點。經過的也不仿一試…查看更多

一個忙碌的假期。。。。算罷啦！媽媽無假放的，假唔假期都忙碌。豐泰成日都經過，但食都係第一次坐位有少少迫的，所以記得 shopping 前先好入去。 入門見到個個唔係牛就豬手，應該呢間係牛類 (牛筋，牛腩，牛雜)同豬手出名啦！一於就牛雜河走腸啦！ 不過我係外賣，因為左一袋右一袋，入到去會唔太方便。特別要了辣椒油。開餐啦！打開有驚喜呀！拎咗外賣後，沿途都有少少後悔叫了河粉，好唔鐘意索曬湯，淋曬又易斷既質感。 結果，河粉無索曬啲湯，湯粉分明，河粉無淋曬，仲係有彈性兼滑口。牛雜唔會霉曬，入味又夠咬口，味道唔會得鹹味，帶有少少香料味道。 愛辣既朋友，就記得要試佢地既辣椒油啦！夠香帶辣，出乎意料地好。…查看更多

唔好幫襯呢間麵店😤😤😤記住!記住!記住!諗住落黎買碗牛什麵做宵夜啦...點知番到屋企變左牛腩麵🤨🤨諗住算數啦......點知見到d牛腩一系太瘦一系好q肥大佬 宵夜我都有比錢你嫁wo😠做生意有d良心好wo......扮哂野 食物望落去勁似殘渣 完全食唔到如果唔系住得遠我真系落黎 成碗倒番比老闆你慢慢食牛腩肉質鞋到呢 d渣多到呢 系人食嫁???極力唔推介呢間粉麵!!!!!!!!!!!!!!!!!!你想食到一把火 就不妨試試🤮🤮🤮…查看更多

小小個已經幫襯佢，由廿幾蚊食到而家差唔多四十蚊。首先入到去，要同一位內地男人搭枱，搭枱係正常，因為店不大，只有幾張圓枱。之後叫左碗牛腩河，一黎到碗牛腩河浮起左啲奇怪紅油，而我係未加任何辣油之類嘅，我覺得好奇怪，心諗佢而家易左手加左啲怪油定洗唔乾淨個碗呢？食落口，牛腩好粗同柴，一路食，對面個男人一路撩牙再一路將牙簽上嘅野刮落個碗佢，好核突。而我好不安咁食，食到一半已經覺得食唔落，因為覺得好噁心。因為我不禁聯想佢碗野浮起嘅油會唔會係上一手留低.......佢而家專做大陸人同水客生意咁，我唔係歧視佢地，但佢地啲行為令我以後都唔會再幫襯。…查看更多