豐信餃子店

营业中

休息中

前排好想食餃子，雖然平時都有remark低一啲睇落好好食嘅餃子。不過問咗啲朋友仔又話麻麻地喎~有兩位朋友都介紹我食呢間豐信餃子店🤔即管試下先！！又真係幾多人幫襯㗎喎，仲連住兩個舖位，其中一間前身係布行，聽講係老細鍾意食餃子，最後賣埋餃子🤣叫左個涼拌藕尖、韭菜鮮肉餃、柑桔蜜第一次食涼拌藕尖，好爽脆，食落索索聲，少少辣。韭菜鮮肉餃粒粒都好飽滿，皮夠薄餡料好多，仲好juicy☺️值得一讚係佢個湯底，椰子海帶鮮雞豬骨濃湯，好香濃既椰子味，又夠甜，幾好飲👍而柑桔蜜都唔錯，微甜解渴。總括嚟講呢間都幾值得推介，不過今次食得有啲飽，以後有時間再過黎試埋佢啲煎餃先🤤

呢間太子人氣餃子店每次經過都大排長龍，半年前由一間擴張到兩間，喺正隔離，新店裝潢光猛又闊落咗，食物質素不變，難怪咁多回訪客。另外建議早啲去食，因為夜晚好多款味都賣曬🥹餃子即叫即整，需要等候一段時間。全部大大粒，超級飽滿。有湯有煎，椰子海帶鮮豬骨濃湯飲落清甜可口，無味精飲完都唔口乾。煎餃皮唔算好厚，微微焦香，外脆內飽滿。口味方面大推紫甘藍粟米鮮肉，咬落爽脆有口感，菜比肉多，感覺健康、招牌菜為韭菜鮮肉同椰菜鮮肉，經典搭配，係想像得到嘅味道，豬肉帶香氣，同配菜Balance得極好。而比較特別嘅有梅菜粟米鮮肉同咖哩椰菜鮮肉，前者味重，口感較弱，後者帶微微辣勁，鍾意食辣嘅朋友仔唔好錯過。悶悶地可以叫埋小食，香煎豆腐同滷水豆腐鹹香好味，配餃子都OK。

呢間餃子小店喺太子應該冇人唔識，除咗原有嘅店面，最近仲喺隔離開咗新分舖。新舖與舊舖並肩而立，座位亦更加充足，等位時間相對縮短，而新鋪裝修都幾用心，仲有啲霓虹燈打卡位。🥟麻辣白菜鮮肉餃餃子皮薄而有彈性，麻辣嘅香氣配合鮮肉餡料嘅細膩，幾夾。麻辣嘅味道唔會過於刺喉，而係帶有一種溫和嘅辣香。配搭椰子海帶鮮雞豬骨濃湯，清甜嘅湯底可以平衡麻辣嘅濃郁感，不錯。紫菜鮮肉餃呢款餃子口感較清新，適合唔太鐘意重口味嘅朋友。浸喺湯底度食，更加突顯出紫菜嘅鮮味。 西洋菜鮮肉餃西洋菜餡料帶有微微脆口口感，食落好清爽，個人最中意係呢款。上湯時菜清炒時菜浸泡喺椰子海帶湯底，吸收湯汁嘅鮮味，食落脆口清甜。甜蜜蜜雞中翼雞翼外層裹滿甜蜜蜜嘅醬汁，每啖都充滿濃郁嘅甜香。秘汁雞腎雞腎以秘製醬汁滷製，味道濃郁，切片厚實。煎豆腐外層煎到微焦，內裡保持嫩滑，上面有少許椒鹽和香蔥，不錯。涼拌海蜇海蜇調味帶有微微酸甜，冰凍爽口涼拌手拍青瓜青瓜好脆口，帶少許蒜香，好清新。清熱潤喉羅漢果甘草茶飲落清甜中帶有一絲草本香氣，唔會太甜，食完餃子後飲一瓶，感覺特別消滯。黑芝麻豆漿芝麻香濃，豆漿順滑，也不錯

太子必食水餃店🥟原來而家已經擴張版圖，租埋相鄰鋪位，等位唔使等咁耐，確係好消息餃子係自家手工製，味道選擇豐富，靈魂椰子雞湯底同金沙餃唔係度度有，到店必試🎈湯餃可選配椰子海帶鮮雞豬骨濃湯或酸辣湯湯底清甜淡淡椰子香🥥配餃子一流🥟餃子皮薄有韌性，加上辣菜脯更加正揀咗兩碗雙拼湯餃，一次食到4種口味上湯芫茜鮮肉餃-芫茜愛好者必點椰菜鮮肉餃-椰菜餡味道清甜，同湯底好夾素餃-有冬菇雲耳雪耳，鮮甜蔬菜爆汁效果👍🏽麻辣鮮肉餃-餡料十足，味道微辣好醒胃🎈金沙芝士粟米鮮肉餃餃子金黃飽滿🥟沾滿鹹蛋黃，內裡芝士半溶狀態，鹹香油香兼備，外脆內juicy第度食唔到嘅感覺🎈涼拌雲耳酸酸辣辣嘅小食，口感滿分🎈清熱潤喉羅漢果甘草茶 🎈黑芝麻豆漿

熱烈恭賀豐信逆市擴張！喺隔離舖位再開，造福街坊唔使等咁耐。雖然當晚係平日晚上六點，去到都仲要等位，食完行出去啲人多到成條街都係!可以話係我呢區內最喜愛嘅餃子店, 沒有之一.餃子選擇多,大大隻皮薄餡多, 佢個湯底更加係一絕,無可挑剔!就算好似我咁食煎餃都一定要叫返碗椰子海帶鮮雞豬骨濃湯, 淨湯$15, 絕無味精！！！雙拼梅菜粟米鮮肉餃拼西洋菜鮮肉餃 7隻46煎餃加兩蚊.平時食開湯餃多煎餃，更加香口超好味.今次第一次試秘汁雞腎 24估唔到都有幾多塊. 以為會好彈牙爽口, 原來肉質係偏腍, 醃得好入味.最後一定要試埋佢哋自家製嘅飲品。今次飲咗柑桔蜜 12 ,唔會好淡，味道剛剛好，鹹柑桔味好出👍

今日帶大家去到太子，呢度餐廳😍林立，好多選擇✨，今次仲要介紹🥟店，大家唔可以錯過我嘅推介😘=================Food list📌⭐️🩵柑桔🍊蜜：柑桔鮮甜，加埋蜜糖味，十分解渴😍⭐️🩵菊花蜜：本身唔係太甜，加埋我本身好鍾意菊花味，效果一流🥳⭐️🩵雲耳椰菜鮮肉餃子：雲耳配搭椰菜好夾，加埋新鮮豬肉，口感一流😋⭐️🩵韭菜鮮肉餃子：好少見到韭菜釀餃子，再加邪惡金沙餃，原來味道好夾，大家絕對可以一試😚

我好鍾意食餃子 食開啲雪藏🥟 依家都想升level食下啲新鮮鮮包餃子🥟🥟<豐信餃子店> 真係聞名不如見面 好多人 超級受歡迎 食到要喺隔離開埋分店 我今晚就坐喺新嘅分店 裝修好粉紅色💖好可愛 自助QR code點餐冇難度📝 有勁多款新鮮 餃子🥟粒粒都好大隻有蔬菜🥬湯底用上🥥椰子海帶新鮮豬骨濃湯一啲味精都冇 好鮮甜 椰香味好 重飲完覺得好舒服 🟨齊菜馬蹄鮮肉餃馬蹄好爽 一粒粒 齊菜味道出眾 感覺健康 熱辣辣上 好好味🟨芫茜鮮肉餃 啱曬芫茜控 勁多芫茜加上新鮮豬肉 🟨紫甘藍粟米鮮肉餃真係好特別 有好少見嘅紫色羽衣甘藍 夠曬矜貴 成粒餃子藍色好 好特別 湯麵 可以加錢配 🟨上海粗麵 便好新鮮 唔係預先制 份量好多 夠曬飽肚 涼菜揀咗🟨涼拌爽脆竹筍🟨酸薑流心皮蛋都好有驚喜 蛋黃流心 甜甜酸酸 好好味 呢度好多自家製飲品有🟨青檸檬蜜🟨菊花蜜🟨柑桔蜜全部都好健康 少甜 呢度超多人建議大家早啲去攞位

(⁠◍⁠•⁠ᴗ⁠•⁠◍⁠)⁠❤豐信餃子(⁠◍⁠•⁠ᴗ⁠•⁠◍⁠)⁠❤很久沒有去太子豐信餃子，還是一樣喜歡他們家的餃子，特別是薺菜馬蹄鮮肉餃個人超喜歡這種清爽不膩的口感，薺菜的清香和馬蹄的爽脆，肉餡鮮嫩多汁，感覺吃再多也不會膩。紫甘藍粟米鮮肉餃紫甘藍的獨特香氣和粟米的香甜，層次感十足，入口也甜甜的。芫茜鮮肉餃獨特芫茜香氣，皮薄餡多，肉汁飽滿，讚！韭菜鮮肉餃，很愛這經典口味韭菜的香氣濃郁，與鮮肉的搭配恰到好處，每一口都是熟悉的美味。豐信的湯底絕對是他們的另一大亮點。招牌的海底椰豬骨湯，湯頭濃郁而不膩，帶著淡淡的海底椰清香，每一口都是滿滿的用心。香煎豆腐豆腐煎至金黃，內裡卻依然保持著嫩滑的口感，簡單好食。招牌滷水拼盤（雞翼，雞腎，蛋，牛展）雞翼、雞腎和牛展都滷得恰到好處，口感軟嫩，味道濃郁。個人十分欣賞滷水牛展，有水準。豐信餃子香港太子汝州街17號地下A號舖#豐信餃子 #太子美食 #手工餃子 #港式美食 #太子

今日去太子上堂，同學帶我去位於汝州街17號地下A號舖的《豐信餃子店》食餃子，我地早到一步，不用排隊等位，環境舒適，坐得舒服。我地點左：🥢椰子海帶鮮雞豬骨濃湯配西洋菜鮮肉餃10隻 $52湯底濃郁好味，西洋菜鮮肉餃大大隻，餡料豐富飽滿入味，九成湯飲哂！🥢薺菜馬蹄鮮肉餃 10隻（煎）$57煎得熱辣辣及香噴噴，餃皮香脆，餡肉好味。🥢秘汁金錢展 $40金錢展牛味香濃，肉質軟腍入味。🥢涼拌爽脆竹筍 $28竹筍爽脆可口，涼拌帶有少辣，幾惹味！🥢柑桔蜜 $12酸酸甜甜，好飲。🥢清熱潤喉羅漢果甘草茶 $12羅漢果味濃，甘甘甜甜，唔錯的涼茶。

今晚小妹同豬去咗太子既豐信餃子🥟 店，呢度有新店及舊店😝 今次被安排入座去新店，呢間餃子🥟店每日全人手製作餡料及包涵，確保粒粒新鮮，難怪呢間餃子🥟店長期大排長龍～新店店舖面積適中，環境乾淨，有煎餃及湯餃，仲可以有湯麵及小食，選擇豐富😌香菇鮮肉餃🍄‍🟫🐖🥟呢度既水餃每粒好大粒，餃子皮薄餡多，超足料🥰 食到好香冬菇味，粒粒都係好厚身既香菇粒😋鮮肉好滿滿😃每啖肉+香菇🍄‍🟫南瓜粟米鮮肉湯餃 🎃🌽🥟+椰菜鮮肉餃🥬 🐖🥟呢款南瓜粟米🌽🎃餃好有驚喜，滿滿南瓜🎃蓉，亦有粒粒粟米🌽粒，與餃子🥟味道好夾，份量岩岩好，正👍🏻椰菜鮮肉餃🥬🐖🥟餃子同樣皮薄餡靚，內涵滿滿椰菜🥬鮮肉反而冇咁多，但整體好滿足😌配上椰子海帶鮮雞豬骨濃湯🥥🐓🐖味道令餃子味更突出，提升餃子🥟鮮甜清香味道💕麻辣白菜鮮肉餃🥬呢款餃子餡非常飽滿，皮薄涵靚，同樣相當飽滿，非常新鮮，麻辣味道👅唔會太嗆～上湯時菜🥬呢款上湯時菜係菜心🥬，每條都翠綠清甜，非常新鮮🥳羅漢果甘草茶🥤部分飲品🥤由餃子店🥟自家製，感覺非常健康，有清熱潤喉及潤肺止咳，飲完非常舒爽🌝呢度既餃子🥟店非常出色，每啖餃子啖啖肉，飽滿實在，價錢合宜，雖然好多人等位，但因有兩間店，所以流轉

平時都鍾意食，不過過咗今次之後真係以後黑名單🤢🤮嗌外賣叫咗麻辣白菜豬肉餃，食到第三粒咬落去，居然有紙皮🤢🤮仲要清晰見到啲字，即刻作嘔，已經報咗食環署食物衛生令人擔憂

黎太子必食既餃子店黎咁多次太子都會幫襯，店鋪擴展了空間，在原先的舖位隔離亦開了多一間店鋪環境望落都好乾淨而且店員服務都好好做嘢又有效率，上菜都係最緊要快手，快手得嚟又有禮貌今次食咗湯餃同煎餃湯餃雙拼紫甘藍粟米鮮肉餃同西洋菜鮮肉餃煎餃就係紫菜鮮肉餃湯餃椰子海帶鮮豬骨湯底十分唔錯我覺得非常好飲，超級有椰子味好香濃而且飲完都唔會好頸渴無味精煎餃脆卜卜口感非常好，係我超鍾意個口感同味道，而且我覺得煎得啱啱好唔會過燶，又食到啖啖豬肉同紫菜，鍾意紫菜嘅話要揀這款試下另外有個秘汁滷水蛋，唔同出面一般嘅滷水蛋，滷水汁同蛋都做得好出色味道好好飲品選擇了青檸蜜，大大支都好潤喉位置係非常近太子地鐵站一出行一分鐘到了，價錢亦都相當合理而且性價比好高

🌟🍴 【 太子• 豐信餃子店】 🍴🌟 📍太子汝州街17號地下A號舖🍖🥟🍟🥚🍰🍲🍇 • 🥪🍓🍤🍪🍜🍡🍹 香煎豆腐（3件）🥟✨ 外脆內嫩，香氣撲鼻 招牌秘汁拼盤🍲🔥 秘汁誘人，味道層次豐富 涼拌手拍青瓜（細）🥒❄️ 清爽脆口，開胃一流 上湯時菜🥬🍵 湯汁鮮美，蔬菜嫩綠 黑大豆黑芝麻豆漿（支）🖤🥛 濃郁香滑，營養滿分 清熱潤喉羅漢果甘草茶（支）🍹🌿 清甜潤喉，舒緩身心 薺菜馬蹄鮮肉餃10隻- 🥟💚 餡料鮮甜，水馬蹄爽脆 薺菜馬蹄鮮肉餃，邪惡金沙餃，芫茜鮮肉餃 🥟🌟 邪惡金沙濃郁，芫茜清香，三重享受 🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 198✨🥢🍣🍕🍜🍴🍰✨ #太子美食 #豐信餃子店 #web3太子

行完花墟 朋友提議去試下豐信餃子 於是行去試下 唔駛好耐 花墟慢慢行去都係6，7分鐘去到門口都算多人等 可能二人枱會快啲 等左20分鐘左右就坐低左，係門口已經諗定點既食物，所以坐低點完茶好快就有得食涼拌海蜇，調味唔太濃，海蜇都爽口，作為前菜唔錯西洋菜鮮肉餃，配左酸辣湯底同加左上海幼麵， 酸辣湯好惹味，鐘意食辣既可以一試，麵身爽口彈牙，主角西洋菜餃鮮甜，食得出菜既甜味同新鮮肉味， 相當唔錯紫甘藍粟米鮮肉餃，配原味椰子雞湯，個人認為提升鮮甜口感， 紫甘藍菜爽口香甜雲耳椰菜鮮肉餃，叫左煎餃底， 煎得香脆惹味， 配豆瓣醬另一種口味， 用料足，口感豐富一次試唔晒咁多種餃子，下次會再去👍🏼👍🏼

👧🏻😋👅🍽✨名不虛傳長龍餃子-🔥 豐信裝修擴展之後第一次去, 坐左新舖更闊落企理, 價錢都唔見有加好多🤭 所以依然大受歡迎要等下位▪️紫菜鮮肉餃 10隻 $52🥟 湯餃配椰子海帶鮮雞豬骨濃湯, 成碗飲晒冇負擔; 餃子皮薄大大粒好飽滿有紫菜鮮香▫️邪惡金沙韭菜鮮肉餃 $63💛 新出金沙煎餃果時年少無知揀左芝士好滯😂 今次揀韭菜就冇咁膩▪️主食🍜 湯餃加$12配左上海粗麵, 粗身彈牙好好食! 煎餃加$8跟左米線另上, 幾滑身都值得試, 不過普通雞湯就冇椰子湯咁正少少偏鹹▫️小食🥢 涼拌海蜇 $22 爽滑好香麻油味, 夠冰凍好開胃🍱 招牌秘汁拼盤 $47 雞腎100分, 爽口得黎好軟腍, 金錢𦟌厚身有軟筋, 滷水好入味但唔會過鹹; 另外仲有雞中翼同滷蛋