譚仔三哥米線 (西洋菜南街)

营业中

休息中

譚仔的土匪雞翼一直很喜歡吃雞翼，但是一直很難遇到好吃的雞翼，因為雞翼很難煮得好吃，就是所謂的易學難精，雞翼不是很難煮熟，但是要煮得好吃可說是難過登天，很多所謂專業大廚只不過能將雞翼煮熟，但要將雞翼煮到僅僅熟，是需要專業的技巧以及訓練才能做到，想不到在這裡遇到完美的雞翼，真是讓我喜出望外。首先，雞翼皮煎得很香脆，加上芝麻香氣，味道複雜，卻十分好吃，因為廚師將芝麻的香氣發揮到淋漓盡致，結合雞翼油脂的香氣，讓我驚喜萬分。煎雞翼的同時，雞翼的皮下脂肪有排出來，所以雞翼起來不會覺得油膩，這種煮法將雞翼的優點發揮到超出我的預期。雞皮下的雞肉相當嫩滑，好吃得很，原汁原味，吃不到什麼雪氣味，足見雞翼的質素很高。雞肉的質感出色了得之外，調味亦相當專業，仍能清楚吃個雞肉的鮮味，不會被蓋過去。表面上只是一道簡單小食，其實當中有莫大的專業含量和技術存在，讓我大開眼界，並對店家倍加欣賞。

平時唔食得辣嘅我，去譚仔永遠只敢叫清湯，估唔到新出嘅*蝦湯米線*竟然畀到我超大驚喜！今次試咗「鳳尾蝦+魷魚花」組合，仲可以加錢加埋鳳尾蝦。.一上枱就聞到陣陣鮮香蝦油，熱辣辣撈勻湯底，啖湯好濃又唔會死鹹，啖啖都係海鮮精華，可惜我怕肥，如果唔係連平時唔飲湯嘅我都可能清晒成碗😂.魷魚花爽口彈牙，鳳尾蝦大大隻咬落鮮甜，兩樣吸盡蝦湯鮮味，完全唔使加辣已經夠晒滿足～最感動係終於唔使齋食清湯咁寡，呢個湯底我encore硬！

今日忽然之間想去食譚仔！所以上班同事就去咗食譚仔！叫咗個三哥酸辣湯底，另外再加雞肉同埋素菜卷！佢嘅素菜卷係我超欣賞嘅！不過唔知點解今日個素材卷冇另外上反而浸咗落個湯度😭之前佢個素菜卷到除晒另外上真係超級正！另外佢啲雞肉係腍同爽口嘅！唔會好似咬緊雞胸咁，嚡熠熠！

**🌶️ 麻辣米線中辣挑戰！腩肉+雞肉雙倍滿足～** 一上枱就聞到超香花椒味🔥！中辣湯底麻得嚟又唔會嗆喉，啱啱好夠刺激～ 腩肉肥瘦均勻，滷到超入味，咬落去仲有少少油脂香💥！雞肉嫩滑冇得頂，索晒麻辣湯汁，正到痺😝！ 米線份量勁足，煮得爽口唔會淋patpat～ 加埋啲炸醬同芽菜，撈勻食真係無得輸👏！食完成個嘴仔麻痺痺，但係又忍唔住一啖接一啖，停唔到口啊～ **💡 總結：麻辣控必試！重口味人士大滿足～** #麻辣米線 #中辣上癮 #腩肉雞肉絕配 #食完仲想encore

This was my first experience with the franchised chain Chinese Noodle restaurant. I ordered the Cross Bridge Mixian for two(my wife ate with me). The base I went for was the sour and spicy. The waitress didn’t ask our heat level, but gave us the level 3 (1/3 mild). The flavor was good, but id prefer spicier next time. It was loaded with all the toppings listed and the noodles were cooked perfect. I would definitely order again. It came with what in America we would call Bread and Butter Pickling

劣評！！外賣自取，講到明叫佢分開2袋包裝，佢仲要強行將2碗麵+3個小食塞入一個連埋手抽位長45 cm都唔夠嘅背心膠袋入面。最頂癮係，佢覺得用膠紙封住咗個袋口就OK，完全唔諗住預人哋塞隻手指入去拎起袋嘢。點呀？要人成袋攬住返屋企呀？真係戇居無極限。

以後唔會入去 垃圾第一次光顧，入座很久都無人嚟下單點菜，最後等左成10分鐘走左。 第二次光顧，客人好少，員工不分客人入座次序落單，遲來就落先，再要求下單，員工又走去另一台新客下單。 即時告知樓面另一員工亦無門，完全沒理會。

晚上見到間鋪頭冇乜人,就入去嗌咗個外賣，張單仲係店長打嘅單，等咗好耐，見到比我後面啲外賣都出咗，就去問啲阿姐，佢哋話下一個就係我嘅啦，點知等到下一個又未到我，個店長先去睇單話漏咗，哇大佬，等成半個鐘先來話漏咗，三催四請先出咗個餐出來擺檯上，唔嗌號碼，個店長好冇禮貌一啲交代都冇，個老細請到呢啲員工簡直係來趕客嘅，呢間絕對唔會再來第二次嘅

鐘意食健康養生米線的人有福了❣️譚仔三哥米線最近推出咗素食menu 非常適合注重健康嘅你健康就係好似羊咁食多啲草呀🥬*****************************🍜素菜卷大纖米線配姬松菇湯 清香嘅姬松菇素湯 浸滿豐富嘅素菜包括有主角素菜卷同爽口嘅淮山片素菜卷好出色 包咗好多料 健康得嚟仲好香口仲有蜂巢豆腐、車厘茄、雲耳、腐皮、芽菜、韭菜同酸菜竹笙素乍醬亦做得好像真 唔講都分不出係素㗎🍜素菜卷大纖蒟蒻麵配姬松菇湯 竟然有低卡嘅蒟蒻麵❣️只需要另外加$5面嘅質感爽口彈牙 食多啲都唔怕肥～🥗胡麻車厘茄海帶沙律巨量海帶索埋胡麻醬 非常滋味車厘茄酸酸甜甜 一齊食最balance啦～🍹蜜桃乳酸特飲 以蜜桃綠茶為茶底 再加入桃肉同低糖益力多LT味道酸酸甜甜 仲有助消化添

雖然酸辣湯底很開胃，但抵不住番茄的誘惑番茄湯底番茄味不是很濃，但有鮮味，有芽菜、韭菜、酸菜墊底，豬潤滑嫩，酸菜爽脆酸甜，米線煮的啱啱好。如果番茄刨了皮，就更好了。

作為一個蕃茄🍅愛好者,最近lunch time去左譚仔分店，環境寬敞舒適，今次話試佢哋嘅蕃茄湯底,湯色鮮紅誘人,不會太重味恰到好處。湯底的番茄甜味與米線完美融合。值得一提的還有他們的麻辣豬耳涼拌。Q彈的豬耳片拌以麻香四溢的醬汁,口感爽脆微辣,非常開胃。豬耳的嚼勁十足,加上麻辣調味,一流👍🏻價格相當實惠,番茄湯底配牛肉只需51元,性價比非常高。而且,上菜速度也很快,非常適合與同事們一起用午餐。👍🏻

-獨門三酸撈薯粉 $49唔係講笑，姐姐一放落枱已經聞到酸辣麻香味😍揀咗5小辣，三酸麻辣汁倒剩四份一左右，其實都好夠撈哂成碗薯粉～味道當然冇令我失望，兩種味道撈埋一齊，仲濃過食三哥酸辣🤣正！如果食得辣嘅人可以嗌其他辣度～另外配料共有四款咁多，加埋本身跟嘅兩個餸，香辣單骨雞翼+彈滑燕餃，其實都算大碗！唔夠食可以加其他餸👍🏼希望呢個系列可以keep住有🥺另外好似仲有條圍裙比你遮住件衫，撈嘅時候唔怕彈到啲汁，非常貼心👍🏼👍🏼

豬膶血淋淋。第一次喺呢間分店食，中午時間冇乜人。用app落order，過咗十幾分鐘都未有得食。一嚟到，咬落舊豬潤，好大陣血腥味，見到個切口有血水滲出都知仲係好生，所以即刻叫佢換。點知第二次煮完送到嚟，啲豬膶都係下面幅圖咁。唔會再食。

ㅤㅤㅤㅤㅤ聽聞譚仔三哥米線的三酸回來了，還升級了，就去試探究竟。🍽️ 獨門三酸撈薯粉 ($49)老牌陳醋混合麻椒及鮮辣椒製成的獨門秘製「三酸汁」，加上煙韌薯粉分開上枱，之後就開始「一混、二倒、三撈起」，按個人喜好加多減少，畢竟辣的地方就在醬汁中，碗中亦都滿滿配料，特別是全新香辣單骨雞翼及彈滑燕餃等。🍽️ 清爽涼拌豬肚配萵筍 ($20)豬肚入味，不韌，萵筍爽脆，冰冰涼涼。🍽️ 寒冰橙梳打 (原價 $16 加配價$12)食完薯粉辣得過癮，來一杯寒冰橙梳打，入面還有果肉，喝下去解渴亦都解辣。

過橋米線黎到譚仔，一定要試呢個過橋米線。原因只係得一個，佢份量夠多，可以食得飽。牛肉鮮甜可口，不多不少。湯底我揀咗清湯，最適宜唔鍾意食嘅我。估唔到清湯又唔係完全冇味，都有少少鮮甜嘅感覺。豆腐卜都好爽口，味道不錯。配合埋側邊嘅芽菜，食米線之餘仲可以品嚐到爽口嘅滋味。牛丸都幾好味，彈牙又爽口。經常做運動嘅我，做完運動之後肚餓嘅時候，去譚仔食一碗過橋米線就最適合不過。會介紹比朋友黎，環境又大又舒適，下凂再黎！