譽麵坊

营业中

休息中

🔱今次要介紹嘅食物就係位於來自 旺角📜”譽麵坊 (土瓜灣)📌 地址:土瓜灣新山道6號地舖🕐營業時間:1100-2200🍽分店地區:土瓜灣📝評價💬📢1️⃣南乳雞球撈麵$34呢度嘅雞球真係好出色即叫即炸而且份量係超多超多🤩🤩🤩🤩每次嚟到嘅時候炸雞都係趣博博熱辣辣☺️☺️☺️☺️ 加埋南乳佢撈麵冇得頂👍🏻👍🏻👍🏻無論叫乜嘢餸配料都係非常之多😍😍😍 又平又好味又大份😆😆😆😆超級正！成日去到都好多人所以要預早啲時間啦🤤KS評分 5分最高🏵環境指數:⭐️⭐️⭐️⭐️🏵味道指數:👅👅👅 👅👅🏵抵食指數：💰💰💰💰💰🏵回購指數:❤️❤️❤️❤️❤️

呢間譽面坊係我中學回憶之一，可以係由細食到大，食左咁耐，都未寫番個好評俾佢，所以特此今日去食影相順便懷念一下。最出名係南乳雞球米線。記得以前坐低，個個學生就叫雞球米，幾個，個個舉手俾呀姐數，場面好搞笑。今日當然都叫左南乳雞球米線，先黎米線，米線夠易咬得黎唔會太林，湯底就正常啦，有d雪菜，重點係個雞球，南乳汁係自家整，唔會太咸，雞球有4-5舊，好大份，唔會太厚粉，配埋個南乳汁好正。而呢個面只係36蚊，仲有邊度有得搵到呢個價👍

放工同老公去土瓜灣覓食，記起之前的一間小店 - 譽麵坊，門口經常有人等位，想必有美食在當中，今晚我們就來試一下吧!食店地方不算大，熟客一坐下來就馬上點餐，非常熟練，幾乎都是做街坊、熟客生意。打聽良久，我們點了牛肚撈粗、豉油王中亦、腩汁油菜、凍華田，後面再加單點了南乳雞球。先來介紹牛肚撈粗，哇!心裡讚嘆聲四起，超好食! 牛肚做得很焾身又入味，不會太咸，我不是太好牛肚的也覺得很好味呢!讚~豉油王中亦，一客有四件，小店果真有小店的本事，平凡的中翼同樣做得出色，外皮不會因為滷太久而變得沒有彈性，雞肉仍然保持嫩嫩，相信他們處理雞肉有一手。腩汁油菜，滿意收貨，吃出小店的情懷，真是非筆墨能形容出來的。凍華田，真的不可小看一杯華田，外面有些店家做我不是奶多、就是水多，淡而無味，但這裡的華田是濃濃的華田粉，是日子有功下的成品，滿意。因為周圍的食客大多點雞球麵，我估這裡出名的原因就是 – 雞球。最後，當然不負所望雞球是這裡的招牌。我們後加了南乳雞球，才$33大大件，炸得外皮脆肉又嫩又多汁，不沾南乳醬吃已經好好味，加醬吃帶些咸香，也好吃! 推介之選。總結: 小店能在土瓜灣立足，一定有其原因，招牌雞球大熱勝出

聞說此店已久，今日終於到來一試。叫了個南乳雞球撈粗加一杯芋香珍珠奶茶，雞球炸得香脆兼份量好大，我明明餓住個肚來到但竟然差點吃不完😳。雞球本身帶有淡淡南乳香，是我杯茶。然而撈面帶著似有還無的南乳味加上那吾似正宗蠔油嘅蠔油，味道有點奇怪，雖不至於難食，但我比較prefer普通的蠔油撈麵。至於杯芋香奶茶，由於係用水沖，可能啲粉落得太重手，個芋香味太搶，啲珍珠又一pet野咁，我一粒都無食，下次都係叫番汽水或凍檸茶之類穩陣啲！🤣說到價錢，確實親民。一大碟麵加飲品埋單$53，抵食之選，可以encore！😄

最近同朋友收工之後就去食晚餐一直都好想試呢一間嘅南乳雞球米線之前聽朋友講呢間好好味好出名一定要黎試吓所以我哋就一齊去咗土瓜灣食呢間南乳雞球米線我哋分別叫咗一碗南乳雞球米線同埋一碗椒鹽肉排米線米線嘅湯底唔會太鹹亦都唔會太淡味道啱啱好 仲有雪菜喺面頭非常滋味佢哋嘅南乳雞球係即叫即炸所以食起嚟啦熱辣辣 非常惹味 肉汁鮮嫩 一試難忘令你食完仲想食另外佢個醬 甜甜地鹹鹹地 非常特別 用黎點南乳雞球同埋椒鹽肉排都係幾夾同埋唔錯

以前細細個已經聽人講譽麵坊嘅雞球好出名 不過唔知點解相隔左10年先過嚟試 今次叫咗最出名嘅炸雞球河粉加腩汁 原來都只係三十幾蚊🤩 一般出街食飯來講 呢一個價錢真係抵到爛 ٩(˃̶͈̀௰˂̶͈́)و 啲雞球咬落去嘅時候仍然係熱嘅 出面塊皮好脆 味道完全唔係普通快餐店嗰種 河粉就正正常常加咗腩汁都比一般平時出去食嘅米線店好味 又唔會太淋 如果本身細食嘅人可以考慮叫少啲餸或者麵 事關食完真係好飽 😰 環境方面舖頭其實都較細 座位會比較迫 咁岩遇上冇乜人嘅時間去食 所以還好 但係喺衛生嘅方面可能要留意吓 有幾隻蚊飛下飛下🥴

土瓜灣紅店雞球米線😋好多年前食咗一次，就已經愛上了😎每次經開土瓜灣，都會去此店幫襯一次🤤雞球即叫即炸，熱辣辣，真心覺得超好食😋而且份量真系多，食完一個餐，已經覺得好飽👍譽面坊 (土瓜灣)土瓜灣新山道6號地鋪

今日同朋友專登坐的士46蚊入左土瓜灣，十年前既味道同十年後一樣，雞球肉排炸得好好第一啖咬落去果下，本人覺得好食過kfc，再加埋招牌南乳source, 雞球好嫩滑，唔會有雪藏既味道米線冇煮過頭，都幾有彈性，青淡湯底所以總括都冇令我失望,值得一試

每逢lunch time何文田土瓜灣既中學生就會逼爆譽麵坊，我由$17幫襯到而家既$34🙃雖然個份量係唔會跟住個價錢double，但姐食的是回憶haha。南乳雞球米線 $34香脆雞球即叫即炸，肉質juicy，邊食邊滲d雞油出黎，再點埋秘製鹹香南乳醬，簡直係perfect match!我之所以唔叫撈粗係因為清淡既雪菜肉絲米可以中和番頭先雞肉既濃味🤗🤗

話說呢間係我中學回憶嘅午餐地方超好味熱辣辣無懈可擊價錢又平食物又好味即係其實呢啲鋪頭真係買少見少仲有佢啲份量好大超級推介嘅食物係豬手雞球米線首先要講吓個炸雞球佢哋係即叫即炸 上碟好熱辣辣基本上你都要嘆一嘆先食到因為實在太熱大約會有六至七舊 而我最推介呢就係佢個醬料 呢一個配搭真係勁好味 我另外都食過佢個炸排骨比較之下我最愛嘅都係炸雞球另外佢都有啲罐裝嘅嘢飲，都係七至$8左右食到勁飽只不過係40 零蚊 去開土瓜灣嘅人真係要去見識吓呢啲地道美食店大件夾抵食我唔係買廣告但係真係好推介

黎到土瓜灣一定要試下譽麵坊每次黎呢度食野都總係好多人，原因為除左係好味之外，仲好抵食，呢度嘅南乳雞球米線，我黎親都一定會食，炸雞香趣可口得黎，又唔會覺得一口都係粉，而且呢度嘅南乳醬同辣椒油，相信喺出面係食唔到。呢度除左南乳雞球麵，其實仲有好多野都好好味，而且仲有台式飲品，今次就叫左杯香芋珍珠，好好飲😋每次有朋友黎探我，我都會帶朋友黎食😚呢度環境比較窄，但都尚算舒服，黎開土瓜灣嘅朋友一定要黎試下😋😋

呢間都係朋友推介必食嘅土瓜灣餐廳，而我就係第一次過嚟試吓😆😆土瓜灣呢條街有好多好嘢食，而今次就試住一間先！入到鋪頭好似個個都係叫呢個招牌南乳雞球撈麵🤤而我哋就另外叫多咗款南乳雞球米線🤗啲雞球大大件同埋係新鮮炸起，仲熱辣辣同埋好Juicy！！果然係名不虛傳，好多人都應該係慕名而來。而佢配個南乳醬就好滋味，有少少咸，但係落少少就好出味！所以呢度嘅主角就係嗰件炸起大大件嘅雞球同埋個南乳醬🤤🤤🤤出邊好少食到！美少女驚肥都一定要推介食！

同女朋友諗唔到食咩好，諗住搵一間麵店食吓米線。 就search到呢一間比較多好評，就是試一試。我哋分別帶咗南乳雞球米線同牛筋撈麵南乳雞球比較出色，分量相當多。雞球有肉汁加上新鮮炸起 十分香口米線個湯底有好大雪茶味 如果唔鍾意記住叫佢走雪菜牛筋炆得好淋 撈粗果汁比較鹹 所以不過不失價錢相宜 值得推介

{歡迎大家follow 食評ig: bigbellyhk} 遠征將軍澳工業邨後, 途經土瓜灣中途站開飯加小休。之前無緣既「譽麵坊」，今日午飯得嚐所願🕺對於呢啲地區小店, 總有情意結, 暗暗加分➕而譽麵亦無令我失望💓座落土瓜灣橫街, 公司遠離街市核心。招牌底色黃色已有少許燻黑, 門口都係落地玻璃, 無多餘修飾👀街坊店典型陳設係枱櫈迫少少, 成間舖應該坐到20零人。今日就坐番啲面壁位, 好處係私隱夠, 壞處係影相光唔夠📸 餐牌兩大陣營, 米線🍜同撈麵🍝 好彩立到下方行細字, 先知有雙併😯梗係要佢最出名既南乳雞球🐤 拼番個和風豬扒🐖 跟手要撈麵。中午黎既都係附近街坊同學生, 譽麵坊令我回憶番中學時係學校附近LUNCH既成班同學一齊LUNCH既情況🚸 先黎一碗撈麵用伴湯,然後等左5分鐘左右有得食⌚ 黎到見到大堆頭既炸物, 不停係度相機食先, 大大舊黃金色, 都分唔清係豬扒定雞球🤣後尾阿姐再拿多碟黎, 問我係咪叫左兩碟, 先知原來係比錯, 淨係雞球撈都已經咁多。補埋碟豬份比我先知啲份量大到咁😮雞球果然係皇牌👑 鮮炸起既溫度, 入面既肉汁係完美鎖緊, 外脆內嫩無欺場✔️豬扒就無雞

食完一次，只會迷下去既...撈麵昨天。同個朋友去左土瓜灣幫襯左呢間舖頭，一入門口便有店員安排我們座位環境光猛，座位舒適，衛生正常，筷子有用盒放好，冷氣足夠我們點了一個 南乳雞球撈(粗)麵，豉油王雞翼撈(粗)麵，一份炸墨魚餅。炸墨魚餅外脆內軟，上碟時油份不多，咬落香脆，有墨魚味，口感係軟棉棉，不是爽口這種，沙津醬超多，味道不錯好有驚喜。南乳雞球撈(粗)麵南乳醬汁夠香濃，甜甜的。雞球炸得十分出色，香口脆身，咬落雞肉有肉汁，皮脆得黎亦吾會介口。撈麵無鹼水味，豉油味夠，係葱花較少 ，相信叫多葱花，效果更佳。豉油王雞翼撈(粗)麵豉油王雞翼正正常常，不過不失，比起前者兩個真是比較平凡。我會推介炸墨魚餅和南乳雞球撈麵，以呢個價錢和質素，真係做得好出色特別係佢舖頭既炸物，可比得上台灣既炸物，外脆內暖，上碟少油而不會介損口。真係一間平民高質小店，只可讓人記憶沉醉下去，食完一次會係我腦海深深記得呢間舖頭。行開土瓜灣既朋友一定要黎呢間店試下啦