譚仔雲南米線 (何文田廣場)

繁忙時間等左40分鐘。先係等了15分鐘，催左一次單，職員話繁忙時間要等20分鐘。到了20分鐘，仍未上菜。到了30分鐘，再催一次，職員幫忙去廚房催。大約5分鐘後，職員拎左碗錯湯底既黎。職員拎返去換，再過多5分鐘，終於有得食。。。。為左趕返工，用15分鐘ko碗熱辣辣既三餸😮‍💨下次都係外賣算，只係唔想又浪費多個外賣盒，而且外賣好似細碗d。…查看更多

我今日試了他們的雞肉重慶酸辣湯底米線，選擇了中辣的口味。湯底的酸辣味道非常強烈，酸香撲鼻，讓人一試成主顧。米線本身煮得剛剛好，口感滑嫩，吸收了湯底的精華。雞肉切片鮮嫩多汁，與湯底的味道相得益彰。另外，專登多點了一碗新鮮的芫荽山，增添了香氣，讓整碗米線顯得更加誘人。此外，店內的服務態度友善，點餐後不久就能品嚐到熱騰騰的米線，讓人感到十分滿意。整體而言，譚仔雲南米線的雞肉重慶酸辣湯底米線絕對值得一試，無論是想吃辣的朋友，還是想體驗不同風味的食客，都能在這裡找到滿足。下次一定會再來光顧！…查看更多

譚仔-新出咖喱牛腩/雞肉/紅腸$51（任揀3揀2樣）港式咖喱汁 x 譚仔配方咖喱湯帶有少許辣牛腩偏腍身又入味又唔差🤓紅腸釀魚肉咬落反而一般🙈🙈雞肉豬膶蒟蒻麵+低糖綠茶$47健康人之選雙份雞肉+豬潤份量OK食落都唔錯😎😎…查看更多

何廣呢間譚仔係採用開放式設計，所以當有人喺外面輪候，坐喺個位度係一定會感到壓力而食快啲，不過我心血來潮大約11:30左右就去咗食，所以可以直接入座。雖然冇輪候時間，但係上菜都等咗差唔多20分鐘🥲雞肉重慶酸辣小辣（$37）勝在呢間嘅單餸米線，餸嘅份量都幾多非正式計算，雞肉大約有12嚿，個人認為食譚仔食單餸通常份量都多啲。其他都正常啦～芒果布甸🍮（$8）第一次留意到有賣芒果布甸，就想睇吓有冇驚喜，結果係。。。冇驚喜😂 超級普通，同惠康賣嗰啲差唔多😂😂…查看更多

✨雞肉鮮淮山黑蒜清雞湯米線（2小辣）養生配料好豐富，以黑蒜、淮山、雞湯為主要口味，補氣益胃。每一種食材都新鮮可口而唔膩，米線麵質適中，湯頭用各種天然食材慢火熬煮，味道清甜而辣。.✨海帶牛蒡白切肉呢個正🤤🤤凍凍地 辣辣地 好開胃❤️ …查看更多

8:00pm 已經坐低即刻落單，搞到8:30都仲未有得食，同個職員講，佢就話嚟緊㗎喇出緊㗎喇，每個客都係咁樣催佢哋，我唔明煮米線或者菜點解可以咁慢囉😅😅如果你好多時間浪費嘅話，可以食呢間分店嘅。否則嘅話就真係完全唔建議啦其實上網都見到有好多人講呢個問題㗎啦，不過以為會有改善啦，點知原來都係咁鬼慢。仲有啲職員同我講煮米線呢其實唔係咁快嘅，咁係你地慢姐講真，我就真係唔知道呢啲用湯煮嘅嘢要幾耐啊，理論上就唔係好困難嘅啫…查看更多

譚仔食物質素都係一貫方程式，不過唯獨呢間譚仔既人手嚴重不足，一到晚餐時段就長期要等職員，就算埋單、買外賣都要等好耐先得。希望能正視問題吧！我一早打電話落定外賣order, 但要比錢拎外賣時等左五分鐘先有譚仔姐姐有空間入黎收銀….唉呀…查看更多

基本上食物質素沒大問題，保持到正常水準，沒甚麼意見。不過正如其他評語所說：何文田分店人手長期極其短缺，晚餐時間只有一至兩個樓面職員，要同時處理埋單、落單、傳菜，人手不足絕對是極大弊病。先不說客人要落單起碼要等十至十五分鐘，職員連落單撳機都會出情況，不懂得如何下單，要客人教返轉頭，簡直匪夷所思。請正視劣評如潮的人手安排，管理層責無旁貸！如在何文田區食飯，無必要在此譚仔分店浪費時間，食到一肚氣，留返啖氣暖肚好過…查看更多

（長文）何文田間譚仔雲南米線，啲嘢係就係好食，不過佢哋啲人手工作安排真係差到呢…首先講安排入座，我覺得專人搞會清楚啲知道等候人嘅情況，易於安排及公平入座囉。但係佢哋啲店員就係邊個得閒就走出嚟㩒下，叫號入座，唔係專門一個人搞。而佢地叫人入座嘅方法係點呢，首選一定叫4個人嘅籌，好喇叫咗兩張籌都冇人應，繼續叫，再叫多2個籌都冇人應，當時我已經等咗25分鐘，我忍唔住問：「點解唔叫1個人嘅籌號？」個女侍應A大大聲講：「跟時間叫架嘛！」講完，唔理我，繼續叫4個人嘅籌…叫多4個號碼…跟時間叫？佢咁樣連續前後都叫咗8個號碼，咁樣叫跟時間叫？難道當時連續有8組都係4人嘅攞咗籌？搵鬼信呀？！佢叫完8個籌都冇人應，於是，佢走開咗，去做其他嘢…冇錯，佢冇繼續叫其他人數嘅號碼，仲有3人，2人，1人籌…外面仲有成村人等緊，特別係1人嘅籌，當時叫到23號，我見又有1人嘅攞籌，已經係排到36號。隔咗大約3分鐘後，又有另外一個女侍應B出嚟叫籌號，又係叫4個人籌，叫咗兩個冇人應，於是叫3個人籌，有人應了，入座，然後女侍應B繼續叫3人籌，叫多兩個號，但冇人應，我又忍唔住問：「點解唔叫1個人嘅籌？」佢話：「你1個攞籌先」我話已經攞咗，佢話：「你等等先」於是佢叫多一個3人籌之後，就開始叫1人籌，24號，入座，25號，入座…於是停住咗唔再叫，佢又走開咗去做其他嘢…但見裡面仲有一兩張2人枱架喎！然後大約8分鐘後，嗰個女侍應B返嚟，又叫4人籌入座，又係冇人應，叫3人籌又冇人應，當時我已經等了35分鐘有多，見佢哋咁樣安排入座，已經成肚火，我又走去同佢講：「我已經等咗35分鐘有多喇！點解唔叫1人籌？！」佢剛好㩒咗叫了1人籌，問我：「你幾多號呀？！」部機叫緊：「A26」我遞比佢睇，就係A26，佢掘咗我一眼，話：「一個入嚟啦！」我心諗，我已經等咗成40分鐘了！我問佢：「點解你哋唔叫1人籌架？淨係叫4人！3人！」佢話：「阿大（店長）話叫暫停架！截數呀！唔比人入！唔關我事！」嘩！呢啲態度真係一流！佢究竟知唔知自己講緊乜？阿大話截數唔比人入？！但係就係咁叫4人入！3人入？！仲要我講嘅問題係，點解唔係平均啲，叫兩張4人後，就叫兩張3人，然後最後先叫兩張1人！？而係一味淨識叫人數最多嘅入去先？！咁1人嗰啲未等到天荒地老？！仲要等到你啱啱嚟嘅4人籌又即刻有得入！但1人籌嘅就已經等咗半個鐘都冇叫過1個籌號入去！！！你驚晒咗張4人枱！可以叫4個一人籌啊！1+1+1+1 咁咪又4個人囉！又或者3+1又得，2+1+1又得！點解一定要淨係4人先得？！你哋啲咁嘅舖頭仔，唔係諗住會比1個人坐4人枱下嘛？呢啲咁嘅午飯時間，搭枱就梗架啦！1個人食慣嗰啲會唔知咩？！點解佢哋可以蠢得咁緊要？真係把鬼火！一定係4人枱就只可以叫4人或3人入去？！咁樣對1人籌嗰啲公平咩？！4個人就係人！1個人就唔係人？！！！做唔切就自己私下截數（相信佢哋公司冇咁嘅制度），寧願等住啲位冇人坐，都要啲客響外面已經企住等咗35分鐘都仲要繼續企外面等，都唔安排你入坐等！呢啲待客之道，係質素低嘅人先會咁做！好啦！終於等足40分鐘先入到去坐，然後諗住叫嘢食啦，啲侍應見到你舉手架喎，同你四目交投架喎！但係都唔理你，然後走去執枱，係執另一張冇人坐緊嘅枱，執完，唔係安排有人即刻入座架喎！而係走去做其他嘢…例如捧餐…抹乾啲筷子…我真係已經火山爆發咁滯！午飯時間邊個打工仔唔係趕住得嗰一個鐘食飯呀？！佢哋竟然唔係第一時間去幫客人落單！而係去執一張冇人坐嘅枱囉！！！？佢哋冇嘢嘛？！事急輕重邊樣嘢要做先做後都唔識分！？好喇落完單，送啲嘢嚟又錯鬼晒，不過唔係我，而係我見到有兩張枱嘅人都話錯啫！所以，由安排入座，落單，到送餐。佢哋都係一樣做得好很差！大家去唔去幫襯，自己諗啦！…查看更多

我是旁邊公開大學的學生，因為離得近所以來這家店吃的次數很多。 今年4、5月份來的時候味道和份量都是可以的，我一般會點麻辣小辣，上米線的速度不會說很慢，能接受。 時間往後推移，慢慢的這家店做的米線吃起來味道會有些不一樣，小辣的辣度沒有以前那麼辣，而且上米線的速度是越來越慢。 這次我是11點05左右進的譚仔，11點20落的單，現在11點51還沒有見到米線。 頭疼，我只能說對這家店很失望，人員安排的效率太低，對顧客的態度又很惡劣，唯一有些安慰的或許是米線還是譚仔米線。 希望這家店以後能有些改善吧，也不枉我們顧客對譚仔米線的認可。…查看更多

一向有幫襯不同的譚仔和三哥米線，但何文田廣場那一間由開始至現在外賣速度非常非常的慢。同一分店銅鑼灣分舖，客人比佢多，但一般10-15分鐘一定可以。相反何文田分店店內人唔多，又講到自己有幾忙有幾多外賣但係一睇號碼就知，一定唔夠人哋旺區的繁忙但外賣時間就double。同一區嘅三哥譚仔一樣都係10到15分鐘內幾本可以完成，所以應該唔係設施問題而係人嘅質素同訓練問題。打電話去問阿姐可唔可以快啲永遠都係聽到廢話。全店應該換人。…查看更多

譚仔雲南米線 (何文田)何文田佛光街80號何文田邨何文田廣場1樓102A 及102B號舖腩肉清湯米線湖南土匪雞翼何文田廣場呢間開咗唔係好耐。原來全部米線都可以加$3有芫荽山🤣咁又真係唔錯喎，本身諗住淨係食過清湯腩肉，加$3嘅芫荽其實都算係多咗一樣餸，份量都真係唔少，夠鋪滿整碗米線嘅份量😎而且清湯嘅味道夠清淡，食落更加突顯到芫荽嘅味道🙏另外散叫咗一份土匪雞翼，三隻都要廿四蚊，個人感覺好似貴咗少少🤏不過整體來講味道都算唔錯，而且上菜速度夠快，譚仔姐姐亦介紹得幾好…查看更多

次次叫外賣都要等成半個鍾！！！！！！！！！！不論舖頭繁唔繁忙，多人又好少人都好，都要等咁耐！工作效率極低，做嘢又手腳慢！！！！！！！真係唔明點解可以間舖頭冇人都可以得成半個鍾先拎得個外賣，所以之後想食譚仔我會打電話叫定外賣，等4個字先出門口。上次打電話叫外賣一直都唔通，起碼打咗15分鐘都唔通，咁算啦，我認為多人叫外賣所以打唔通，點知我落到現場，見到佢地員工將個電話拎起，專登唔聽電話！！！！！！！！！！今日咁嘅服務態度絕對唔得！！！！！！！！！！！！！！！！！…查看更多

一向食開酸辣湯底米線，其他分店水準好穩定，今次經外賣apps auto揀左何文田分店，賴野！因為外賣關係，我已經唔care啲食物飲品有幾凍有幾熱，多湯少湯都唔緊要，但係...1）湯底好淡，唔夠酸，唔夠辣2）米線好鞋衰過我自己煮😑…查看更多

難怪譚仔米線在香港多年屹立不倒。終於明白當中原因。今天點了番茄雞肉墨魚卷魚片頭米線。番茄湯底帶點小辣實在非常惹味。米線有咬勁感覺很好，鷄肉墨魚卷和魚片頭的份量很多。49元實在非常划算。唯一是米線拿出來的時候厨房忘記放雞肉擺了一個烏龍，但最後雞肉都有補上。…查看更多