譚仔三哥米線 (灣仔道)

昨日下午喺湾仔肚饿到唔得，见到附近有谭仔三哥就顺便入去医肚。位置够方便，由铜锣湾站行过去都几近，店面唔大，午市又系高峰期，所以门口排咗一条小队。不过翻枱算快，我直接用 App 落单，避咗部份人流，叫咗番茄汤底鸡肉米线（中辣），另外加尖椒皮蛋、单骨鸡翼同冻柠蜜，价格大概六十几蚊，仲送咗青瓜小食。入座前等咗一阵，楼面得两个员工喺度忙前忙后，执枱、带位、收银全部佢哋搞，睇得出好吃力，但态度仍算友善。米线上枱后热辣辣，番茄汤底系全场亮点，酸甜刚好，唔会太浓太杰，中辣刺激但唔抢味。鸡肉嫩滑，米线弹牙吸汁，几舒服。尖椒皮蛋都好食，皮蛋软身，尖椒微辣，加落米线度味道丰富咗不少。单骨鸡翼就正常发挥，炸得香口，食起嚟几方便。总结：食物质素唔差，番茄汤底同尖椒皮蛋值得回点；环境偏逼；服务方面因为人手不足明显扣分；价钱有 App 优惠就合理。适合赶时间或者一个人快啲食完就走，想坐得舒服就未必系最好选择。…查看更多

每日lunch唔知食咩好 我嘅first choice都会系谭仔三哥😋十次有九次我都会嗌番茄汤底 仲有唔同嘅辣度以供选择 汤底浓郁 酸酸甜甜嘅番茄口味 食落好开胃 米线好爽口😍尖椒皮蛋my favourite 每次必点 唔会太辣 对于我嚟讲啱啱好…查看更多

寻日开一开个谭仔三哥app就见到呢个新登场嘅‘独门三酸捞薯粉’🤪配香辣单骨鸡翼同弹滑燕饺😯本身唔想食辣,不过最后都order咗黎试吓🤣单骨鸡翼几好,易食又几入味,味道几好,有4只单骨,燕饺都系有4粒,都嫩嘅,外卖酱汁已倒入薯粉中,返去自己又捞吓捞吓,同薯粉系几夹嘅,食食下都其实几辣,佢有埋啲脆片喺度中和吓都ok,佢default系十小辣咋🤪但系几惹味嘅,用app仲有青瓜小食同野饮送,都几抵食嘅😆最后饮返热柠蜜解吓辣😜…查看更多

相关食物：香辣回锅肉虾仁炆线米线最近见谭仔三哥有新款回锅肉虾仁炆线米线，宣传poster张相似系比较浓味几吸引，啱晒一向都钟意上海回锅肉嘅我，点知中伏！实物同图片差天共地，无味，无汁，啲米线因为无汁痴住晒，好似平时外卖分汤好耐而未加汤前嘅款，我要拎屋企人另一碗酸辣米线嘅汤先食到！😵‍💫回锅肉&虾仁👎🏻完全唔系平时我喺其他餐厅食到嘅回锅肉味！只系平时谭仔用开嘅腩肉加少少辣酱汁，颜色唔够，唔吸引，虾仁更加唔得，无味，雪藏虾又唔落调味料（或者落太少），份量亦唔多，整体𩠌少又唔好味。✨建议：1. 唔使试 2. 要试就去试第二间，呢间𠮶碗唔得 3. 试咗堂食先，堂食估计比外卖较好…查看更多

本身以为谭仔三哥服务系数一数二嘅好，点知呢间三哥真系令我大跌眼镜，因为我地今日去到现场嘅时候只系见到一个楼面喺度做野，而呢位员工要喺人满为患嘅午餐时间同时兼顾收银、落单、执枱、安排客人入座嘅工作，本来应该要3个人嘅工作量，而家全部落哂喺佢身上，邓佢惨之余，亦觉得呢间餐厅嘅服务水平十分一般，最后我地等左大约15分钟先入到座，入座之后仲要再等佢得手埋嚟落单，又等左10分钟。最离谱嘅系，我见到有一位员工B匿喺厨房入面un un 脚咁，外面咁忙乱嘅情况之下佢仲咁得闲，居然唔出嚟楼面帮手(我肯定佢系侍应，唔系厨房员工，所以可以排除佢唔会做楼面工作呢个部分)，到另一个侍应员工C走出嚟嘅时候，态度同动作都系懒洋洋咁，完全系hea住做，做又36，唔做又36咁嘅款，有啲咁嘅同事，真系邓果位一脚踢同事感到深深不忿！奉劝咁多位想食谭仔三哥嘅朋友，千祈唔好嚟湾仔道呢一间，因为你预左嚟到之后要等大概30分钟或以上先可以食到野。…查看更多